1 Timɔtée 6:18 - MAWUXÓWÉMA

¹⁸ Kplɔ́n nǔ yě ɖɔ yě ní nɔ wa ɖagbe, bó kplɔ́n yě ɖɔ yě ní nɔ wa nǔ ɖagbe gěgé. Yě ní nɔ hun alɔ bó ná nǔ mɛ, bó nɔ gbesisɔ mɛ, bó ná má nǔ e yě ɖó ɔ́ xá mɛ ɖě lɛ́ɛ.

1 Timɔtée 6:18 Iomraidhean Croise

2 Tan 24:16

È yi ɖi i dó yɔdo e mɛ è nɔ ɖi axɔ́sú lɛ́ɛ dó ɔ́ mɛ, ɖo Davídi Toxo mɛ, ɖó é wa ɖagbe nú Izlayɛ́li togun ɔ́; é sɔ́ Mawu kpódó Mawu xwé ɔ́ kpó su.

Ɖɛhan 112:9

É nɔ́ hun alɔ dó ná nǔ mɛ, é nɔ́ ná nǔ wamamɔnɔ lɛ́ɛ, é nɔ́ nyí hwɛjijɔnɔ ɖo Mawu nukɔn tɛgbɛ, hlɔ̌nhlɔ́n tɔn nɔ ɖo jijɛ jí wɛ kpó susu kpó.

Ɖɛhan 37:3

Đe ji dó Mawu Mavɔmavɔ wú, bó nɔ wa ɖagbe; nɔ to ɔ́ mɛ, bó ná mɔ fífá.

Nǔnywɛ́tɔ́xó 11:6

Énɛ́ ɔ́ wú ɔ́, jɛ nǔ dǒ jí sín zǎnzǎn káká yi gbada; ma gɔn azɔ̌ wa ó, ɖó a tunwun azɔ̌ e ɖo nǎ nyɔ́ wɛ é ǎ; ɖě má nyɔ́ ǎ ɔ́, ɖě ná nyɔ́. We lɛ́ɛ bǐ sixú nyɔ́.

Nǔnywɛ́tɔ́xó 3:12

Énɛ́ ɔ́, un wá mɔ ɖɔ nǔ ɖokpó e nyí nǔ bó nyɔ́ hú nǔ bǐ nú gbɛtɔ́ ɔ́, é wɛ nyí é ná ɖu gbɛ, bó mɔ gbɛ víví hwenu e é ɖo gbɛ é.

Ezayíi 32:8

Mɛ e ɖó ayi ɖagbe ɔ́, linlin ɖagbe kɛ́ɖɛ́ jɛ́n é nɔ́ ɖó; é sí te ɔ́, nǔ e nyí nǔ ɖagbe é kɛ́ɖɛ́ jɛ́n é nɔ́ wa.

Ezayíi 58:7

Nǎ nǔɖuɖu towe ɖě mɛ e ɖo xovɛ́ é, wamamɔnɔ e má ɖó xɔ ǎ ɔ́, yǐ i dó xwé gbe; nǎ avɔ mɛ e ɖo mɛ̌ é. Ma gɔn alɔ gɔ́ nú nɔzo towe ó.

Matíe 5:42

Ényí mɛɖé byɔ́ nǔ we hǔn, nǎ ɛ; mɛɖé ja nǔ hwé gbé ɖo así towe hǔn, ma ɖe kɔ dó e ó.

Luki 12:21

Jezu sú ta nú xó ɔ́, bó ɖɔ: “Mɛ e kplé dɔkun gbɛmɛ fí tɔn lɛ́ɛ nú éɖée, bó ma ka ɖó dɔkun ɖé ɖo Mawu gɔ̌n ǎ ɔ́, lě e é nɔ́ nyí gbɔn n'i é nɛ́.”

Luki 3:11

Bɔ é yí gbe nú yě ɖɔ: “Ényí mɛɖé ɖo mi mɛ, bó ɖó awu we hǔn, ní ná ɖokpó mɛ e ma ɖó ɖě ǎ é. Mɛ ɖé ká ɖo mi mɛ, bó ɖó nǔ e é ná ɖu é hǔn, ní má xá mɛ e ma ɖó ɖě ǎ é.”

Mɛsɛ́dó 10:38

Mi tunwun lě e Mawu gba Yɛsinsɛn sín hlɔ̌nhlɔ́n dó Jezu Nazalɛ́tinu ɔ́ jí gbɔn é; mi lɛ́ tunwun lě e Jezu gbɔn to ɔ́ mɛ, bó wa ɖagbe nú mɛ lɛ́ɛ, bó gbɔ azɔn nú mɛ e ɖo awǒvi sín acɛ mɛ lɛ́ɛ bǐ gbɔn é, ɖó Mawu ɖo kpɔ́ xá ɛ.

Mɛsɛ́dó 11:29

Énɛ́ ɔ́, ahwanvú lɛ́ɛ ɖe gbeta tɔ́n, ɖɔ émí ɖokpó ɖokpó ná ná nǔ e wú émí kpé ɔ́, bɔ è nǎ sɛ́ dó nɔví émítɔn ɖo Klísu mɛ e ɖo Judée lɛ́ɛ, bó dó dó alɔ yě ná.

Mɛsɛ́dó 9:36

Nyɔ̌nu ɖé ka ɖo ahwanvú Jezu tɔn lɛ́ɛ mɛ ɖo Jopée, bɔ è nɔ ylɔ́ ɛ ɖɔ Tabita; (nyǐkɔ énɛ́ sín tínmɛ wɛ nyí “Dɔ̌kási” ɖo Glɛ̌sigbe mɛ, bó nyí “Tɛ́” ɖo Fɔngbe mɛ.) Nyɔ̌nu ɖagbewatɔ́ ɖé wɛ, bó nɔ́ dó alɔ wamamɔnɔ lɛ́ɛ ɖésú.

Hlɔ̌manu 12:13

Mi nɔ dó alɔ nɔví mitɔn ɖo Klísu mɛ lɛ́ɛ ɖo nǔ e hudó yě lɛ́ɛ mɛ. Mi nɔ yí mɛ e nɔ wá gɔ̌n mitɔn lɛ́ɛ ganjí.

Hlɔ̌manu 12:8

Mɛ e ɖó nǔníná e nɔ́ ná akɔ́nkpinkpan mɛ ɔ́ ɖó ná ná akɔ́nkpinkpan mɛ. Mɛ e nɔ ná nǔ mɛ ɔ́ ní nɔ hun alɔ bo nɔ ná mɛ. Mɛ e nyí nukɔntɔ́ ɔ́ ní bí dó azɔ̌ wú. Mɛ e nɔ d'alɔ gbɛ̌dónánɔ lɛ́ɛ ní nɔ́ bló kpódó xomɛhunhun kpó.

1 Kɔlɛ́ntinu 16:2

Azǎn nukɔntɔn e ɖo aklúnɔzán gbla mɛ é tɛgbɛ ɔ́, mi mɛ ɖokpó ɖokpó ɖó ná ɖe akwɛ́ ɖó vo lě e mi mɔ akwɛ́ gbɔn é, bó ná sɔ́ ɖ'ayǐ ɖo xwé mitɔn lɛ́ɛ gbe, bónú é ma wá nyí hwenu e un ná wá ɔ́ wɛ è nǎ wá jɔ akwɛ́ ó.

2 Kɔlɛ́ntinu 8:12

Đó, nú è sɔ́ jlǒ ɖagbe dó ná nǔ mɛ ɔ́, nǔ e ɖo mɛ sí ɔ́ wɛ Mawu nɔ́ kpɔ́n, bó nɔ yí nǔníná énɛ́; é nyí nǔ e ma ɖo mɛ sí ǎ ɔ́ wɛ é nɔ kpɔ́n ǎ.

2 Kɔlɛ́ntinu 8:9

Đó mi tunwun wǔ e Aklúnɔ mǐtɔn Jezu Klísu jɔ mi é: éyɛ́ mɛ e nyí dɔkunnɔ ɔ́, é sɔ́ éɖée dó bló wamamɔnɔ dó ta mitɔn mɛ, bó ná dó dó dɔkun nú mi gbɔn wamamɔnɔ nyínyí tɔn gbla mɛ.

Galatinu 6:10

Ényí mɔ̌ hǔn nɔví lɛ́ɛ mi, ényí mǐ mɔ ɖagbewiwa sín ali hweɖěbǔnu hǔn, mǐ ní nɔ wa nú mɛ bǐ, ɖo tají ɔ́, nú nɔví ɖo nǔɖiɖi mɛ lɛ́ɛ.

Efɛ́zinu 4:28

Mɛ e nɔ jɛ ajo ɖ'ayǐ ɔ́, ní jó ajo dó bó wa azɔ̌, bó nyí é ɖésúnɔ kpódó ayijlɔ́jlɔ́ kpó; énɛ́ ɔ́, é ná ɖó nǔ e é ná dó dó alɔ mɛ e nǔɖé hudó lɛ́ɛ é.

1 Timɔtée 5:10

È ka ɖó ná tunwun i ɖó nǔ ɖagbe e é nɔ wa ɔ́ wú; é ná nyí mɛɖé, bó ko kplɔ́n vǐ kpɔ́n, é ná nyí mɛɖé, bó nɔ yí mɛ ganjí; é ná nyí mɛɖé, bó nɔ klɔ́ afɔ nú klísusɛntɔ́ lɛ́ɛ ; é ná nyí mɛɖé, bó nɔ gɔ́ alɔ nú gbɛ̌dónánɔ lɛ́ɛ, bó ná nɔ wa ɖagbe hwebǐnu.

Titu 2:14

É sɔ́ éɖée jó dó ta mǐtɔn mɛ, bó ná xɔ mǐ ɖo nǔ nyanya bǐ mɛ, bó ná sɔ́ mǐ dó bló togun mímɛ́ e nyí é ɖokpónɔ géé tɔn ɔ́ ná, bɔ mǐ ná nɔ́ ɖó kan dó nǔ ɖagbe wiwa wú.

Titu 3:8

Xó nǔgbó ɖokpó nɛ́. Un jló ɖɔ a nǐ tɛ ɖɛ̌ nǔ énɛ́ lɛ́ɛ jí ganjí, bónú mɛ e ɖi nǔ nú Mawu lɛ́ɛ ná tɛ́ dó ɖagbewiwa wú. Nǔ e nyí nǔ ɖagbe bó nyɔ́ nú gbɛtɔ́ lɛ́ɛ é nɛ́.

Eblée 13:16

Mi ma wɔn bó gɔn ɖagbe wa ó; mi ma wɔn bó gɔn nǔ e ɖo mi sí lɛ́ɛ má xá miɖée ó, ɖó vɔ̌sísá mɔ̌hunkɔtɔn lɛ́ɛ wɛ nɔ́ nyɔ́ Mawu nukún mɛ.

Jaki 2:5

Nɔví ce vívɛ́ná lɛ́ɛ mi, mi ɖótó: Mawu cyán wamamɔnɔ gbɛ élɔ́ mɛ tɔn lɛ́ɛ, bónú yě ná nyí dɔkunnɔ ɖo nǔɖiɖi mɛ, bó ná nyí axɔ́súɖuto e sín akpá e é dó nú mɛ e yí wǎn n'i lɛ́ɛ ɔ́ sín vǐ.

1 Piyɛ́ɛ 3:11

É ɖó ná lɛ́ kɔ sín nǔ nyanya wiwa gúdo, bó ná nɔ wa nǔ ɖagbe; é ná nɔ́ jɛ hun dó fífá jí bó nɔ ba;

1 Jǎan 3:17

Ényí mɛɖé jɛ dɔkun, bó mɔ ɖɔ nǔɖé hudó nɔví émítɔn, bó ka ɖo nukún syɛ́n dó e wɛ ɔ́, nɛ̌ wǎn yíyí Mawu tɔn ka sixú nɔ mɛ énɛ́ sín ayi mɛ gbɔn?

3 Jǎan 1:11

Mɛvívɛ́ná ce, ma nɔ wa nǔ mɛ e nɔ wa nǔ nyanya é ɖɔhun ó; lo ɔ́, nɔ wa nǔ mɛ e nɔ wa nǔ ɖagbe é ɖɔhun. Mɛ e nɔ wa nǔ ɖagbe ɔ́, Mawu tɔn wɛ é nyí, bɔ mɛ e ka nɔ wa nǔ nyanya ɔ́ mɔ Mawu ǎ.