Biblia Todo Logo
Bìoball air-loidhne

- Sanasan -




1 Timɔtée 6:17 - MAWUXÓWÉMA

17 Kplɔ́n nǔ mɛ e jɛ dɔkun ɖo gbɛmɛ fí lɛ́ɛ ɖɔ yě ma nɔ yí go ó; ɖɔ nú yě ɖɔ yě ma sɔ́ nukúnɖíɖó yětɔn ɖó dɔkun énɛ́ lɛ́ɛ jí ó; ɖó è sixú gán jɛ dɔkun énɛ́ lɛ́ɛ wú ǎ. Lo ɔ́, yě ní sɔ́ nukúnɖíɖó yětɔn ɖó Mawu jí; é wɛ nɔ ná nǔ bǐ mǐ, bɔ é nɔ túnflá, bónú mǐ ná ɖu gbɛ yětɔn.

Faic an caibideil Dèan lethbhreac




1 Timɔtée 6:17
62 Iomraidhean Croise  

Ablámu jɛ dɔkun ɖésú; é ɖó kanlin kpó kpatágan kpó, kpódó siká kpó kpɔ́ gégé.


Lo ɔ́, ée acɛkpikpa tɔn jínjɔ́n ayǐ mɔ̌ ɔ́, é jɛ go yí jí, bó sɔ́ éɖée nyi gbě. É sɔ́ nɔ́ nɔ gbejí nú Mawu Mavɔmavɔ, Mawu tɔn ǎ. É wá jɛ gbe ɖokpó, bɔ é hun káká yi Mawu Mavɔmavɔ xwé gbe, bó jló ná dó zǎlínkpɔ́n zo ɖo vɔ̌sákpe jí.


a nɔ ná nǔɖuɖu yě bɔ yě nɔ́ yí, a nɔ hun alɔ bó nɔ ná nǔɖuɖu yě, bɔ yě nɔ́ ɖu nǔ gɔ́ xo.


Énɛ́ ɔ́ wú ɔ́, Mawu ná hɛn gbɛ towe gblé bɔ é ná nɔ mɔ̌ káká sɔ́yi. É ná zin we dɛ́, é ná ɖe we sín xwé towe gbe, é ná ɖe we sín ayǐkúngban ɔ́ jí. Agbɔ̌n


Nǔgbó wɛ, gbɛtɔ́ lɛ́ɛ ɔ́, nǔ yǎyá wɛ yě nyí. Gbɛtɔ́ lɛ́ɛ ɖésú ɔ́, adingbannɔ kpowun wɛ yě nyí. Gbɛtɔ́ lɛ́ɛ ɔ́, nú è bɛ̌ yě bǐ ɖó gan jí ɔ́, yě fúɖá hú jɔhɔn.


Mawu jí wɛ hwlɛngán ce kpódó susu ce kpó jínjɔ́n. É wɛ nyí só e nɔ nya xɛ ɖo jǐ ce é. É wɛ nyí bibɛtɛn ce.


Mɛ e nɔ gán jɛ dɔkun tɔn lɛ́ɛ wú ɔ́, ayǐ wɛ é nɔ́ jɛ; mɛ e nɔ wa nǔ ɖó sɛ́nxwi jí lɛ́ɛ ɔ́, nǔ wɛ nɔ́ ɖo nyǐnyɔ́ nú yě wɛ atín e ɖo zǐnzɔ́n wɛ é ɖɔhun.


Dɔkun jijɛ wú wɛ nukún towe ɖe a? Ma sɔ́ ɖó nukún ó; awa wɛ é wú, bó kó zɔn yi jǐxwé gangan ɖɔhun.


ɖó dɔkun nɔ nɔ ayǐ káká sɔ́yi ǎ; mɔ̌ ɖokpó ɔ́, axɔ́súgbákún nɔ́ nɔ ayǐ káká sɔ́yi ǎ.


Ényí un ɖó nǔ dín ɔ́, un táá wá hu tɛ́ nú we bó ɖɔ: ‘Mawu Mavɔmavɔ tɛ́! Mɛ̌ wɛ nyí mɔ̌?’ Un ka ɖo ya mɛ ɔ́, un táá ja ajo, bó ná dó hɛ̌n hwi Mawu ce.


Nǔɖé sɔ́ nyɔ́ nú gbɛtɔ́ ɖo gbɛmɛ zɛ é ná ɖu nǔ, bó nu ahan, bó ɖu azɔ̌ e é wa ɔ́ sín gbɛ wú ǎ. Nǔ énɛ́ lɛ́ɛ lɔ ɔ́, un mɔ ɖɔ Mawu wɛ nɔ hun alɔ bo nɔ ná mɛ.


Dinví e mi, mi ɖótó xó e ɖɔ wɛ Mawu Mavɔmavɔ ɖe ɔ́ ganjí. Gbětótló wɛ un nyí nú Izlayɛ́li to ɔ́ a? To e dó ablu ɔ́ wɛ un nyí n'i a? Étɛ́wú togun ce ka nɔ ɖɔ: ‘Mǐ ɖo jlokoko, mǐ jló ná lɛ́ kɔ wá gɔ̌n towe ǎ?’


Hlaba, étɛ́wú a ɖo tɔdo towe zé dó yí go na wɛ? Đyɔ̌vǐ tótlítɔ́, a gán jɛ dɔkun e ɖo tɔdo towe ɖagbe ɖagbe ɔ́ mɛ lɛ́ɛ wú, bó ɖɔ: “Mɛ̌ ka sixú kpé wǔ ce?”


Hwenu e a ɖo afɔ tɛ ayǐ wɛ ɔ́, a nɔ hu tɛ́ nú nɔví towe nyɔ̌nu Sodɔ́mu;


Tɛn tɔn mɛ fínɛ́ jɛ́n nǔ e é se ɔ́ jɛ ɖe. Nǔ gbó ɔ́, è nya Nabukodonɔzɔ́ɔ sín gbɛtɔ́ lɛ́ɛ mɛ, bɔ é jɛ ama ɖu jí nyibú ɖɔhun; ahǔn nɔ́ ja dó jǐ tɔn. Đa tɔn ɖi ga káká bó cí gangan sín awafún ɖɔhun. Fɛn tɔn lɛ́ɛ ɖi káká bó cí xɛfɛn ɖɔhun.


Mi yi ama ɖu gbé lě tlóló ɔ́, mi nɔ gɔ́ xo. Adɔgo mitɔn gɔ́ lě kpowun ɔ́, mi nɔ jɛ go yí jí. Nǔ e wútu mi wɔn mì ɔ́ nɛ́.


Mɛɖěbǔ nylá nu dó nyɛ Gbɛtɔ́ví ɔ́ wú ɔ́, Mawu na sɔ́ kɛ ɛ; lo ɔ́, mɛ e ná nylá nu dó Yɛsinsɛn wú ɔ́, è nǎ sɔ́ kɛ ɛ ɖo hwe élɔ́ nu din ǎ; è ka na lɛ́ sɔ́ kɛ ɛ ɖo hwenu e jǎwe ɔ́ ǎ.’ ”


Jezu ka ɖɔ nú ahwanvú tɔn lɛ́ɛ ɖɔ: “Má ɖɔ nǔgbó nú mi; axɔ́súɖuto sɛ́xwé tɔn mɛ byɔ́byɔ́ ná vɛ́ wǔ nú dɔkunnɔ lɛ́ɛ tlala.


Ée nya ɔ́ ɖidó tlóló ɔ́, mɛ nukɔntɔn e yí sikágankwɛ́ ɖaxó atɔ́ɔ́n ɔ́ sɔ́ akwɛ́ ɔ́ dó jɛ ajɔ wa ná jí. Ée é wa ajɔ ɔ́ káká ɔ́, é mɔ sikágankwɛ́ ɖaxó atɔ́ɔ́n ɖěvo d'é jí.


Cóbónú hwe ná yi xɔ ɔ́, nya akwɛ́nɔ ɖé wá; nya énɛ́ ɔ́, Alimatéenu wɛ, bɔ è nɔ ylɔ́ ɛ ɖɔ Jozɛ́fu; ahwanvú Jezu tɔn wɛ nú é lɔmɔ̌.


Ɖó mɛ e ma ɖi nǔ nú Mawu ǎ lɛ́ɛ wɛ nɔ́ ɖo wezun dó wɛ, ɖo nǔ énɛ́ lɛ́ɛ gúdo. Tɔ́ mǐtɔn e ɖo sɛ́xwé ɔ́ tunwun ɖɔ nǔ énɛ́ lɛ́ɛ hu dó mi.


Xó énɛ́ kpácá ahwanvú lɛ́ɛ; Jezu ka lɛ́ yí xó, bó ɖɔ nú yě ɖɔ: “Vǐ ce lɛ́ɛ mi, axɔ́súɖuto Mawu tɔn mɛ ná yi vɛ́ wǔ ɖésú.


Nya ɖé ka ɖo fínɛ́, bɔ è nɔ ylɔ́ ɛ ɖɔ Zacée: tokwɛ́yítɔ́ lɛ́ɛ sín gǎn wɛ n'i, bɔ é jɛ dɔkun.


Bɔ é yí gbe nú yě ɖɔ: “Ényí mɛɖé ɖo mi mɛ, bó ɖó awu we hǔn, ní ná ɖokpó mɛ e ma ɖó ɖě ǎ é. Mɛ ɖé ká ɖo mi mɛ, bó ɖó nǔ e é ná ɖu é hǔn, ní má xá mɛ e ma ɖó ɖě ǎ é.”


Lo ɔ́, é gɔn kúnnu ɖe nú éɖée gbɔn ɖagbe e é nɔ wa lɛ́ɛ gbla mɛ ǎ. É nɔ sɛ́ jǐ dó mi, bó nɔ́ ná jinukún mi dó hwe tɔn nu. É nɔ ná nǔɖuɖu mi túnflá; é nɔ ná xomɛhunhun mi.”


Ée yě wá Antyɔ́ci ɔ́, yě kplé agun Klísu tɔn e ɖo fínɛ́ lɛ́ɛ, bó ɖɔ nǔ e Mawu wa gbɔn yě jí ɔ́ bǐ nú yě, bó ka lɛ́ ɖɔ lě e Mawu hun ali nú mɛ e ma nyí Jwifu ǎ lɛ́ɛ gbɔn, bónú yě lɔ na sixú ɖi nǔ nú Jezu é nú yě.


É ka ba nú gbɛtɔ́ ní bló nǔ alɔkpa ɖěbǔ dó sɛn ɛ ná nǔɖé wɛ hudó e ɖɔhun ǎ; é wɛ nɔ́ ná gbɛ, bó nɔ́ ná funfún kpódó nǔ bǐ kpó gbɛtɔ́ lɛ́ɛ.


Nǔgbó wɛ é nyí. È gbo yě síin ɖó nǔmaɖi yětɔn wútu, bɔ a ɖo tɛn énɛ́ mɛ, ɖó nǔ e a ɖi ɔ́ wú. Hǔn ma yí go ó, lo ɔ́, ɖi xɛsi.


Mi tunwun ganjí ɖɔ agalɛtɔ́, nǔblíblíwatɔ́ abǐ gwěnɔ ɖé kún xwe axɔ́súɖuɖu Klísu tɔn kpódó Mawu tɔn kpó mɛ gbeɖé ó; ɖó gwě ɔ́, vodúnsinsɛn ɖɔhun wɛ é ɖe.


Só lɛ́ɛ húzú gbeɖé ǎ; lě e yě ɖe ɔ́ jɛ́n yě kpo ɖe. Nǔ nɔ nyɔ́ ɖo só lɛ́ɛ jí kpɔ́ gěgé gbɔn fí bǐ.


Hwenu e nǔ ná nyɔ́ nú mi ɖo to ɔ́ mɛ ɔ́, mi ma lin gbeɖé ɖɔ émí ɖésú wɛ dó gǎn, bó wa nǔ bɔ nǔ nyɔ́ nú émí ó.


Klísu sín xó ɔ́ kpódó dɔkun e ɖ'é mɛ ɔ́ bǐ kpán ní nɔ ayi mitɔn mɛ. Mi nɔ sɔ́ nǔnywɛ́ kpíkpé dó kplɔ́n nǔ miɖée, bó nɔ dó gbɛ́ nǔ nú miɖée. Mi ná nɔ zé kúdónúmɛ sín ayixa dó ji han tɛnmɛ tɛnmɛ lɛ́ɛ nú Mawu.


Mɛ lɛ́ɛ bǐ wɛ nɔ́ ɖɔ lě e mi yí mǐ gbɔn hwenu e mǐ wá mi gɔ́n é; mɛ lɛ́ɛ bǐ wɛ nɔ́ ɖɔ lě e mi jó nǔmɛsɛn lɛ́ɛ dó gbɔn, bó húzú jɛ Mawu gbɛɖe, Mawu nǔgbó ɔ́ li jí, bó ná wa azɔ̌ n'i,


Nɔ Efɛ́zi lě e un ko ɖɔ gbɔn nú we hwenu e un ɖidó Masedwani é; mɛɖé lɛ́ɛ ɖo fínɛ́, bó nɔ ɖo nǔ e ma sɔgbe xá nǔɖiɖi mǐtɔn ǎ lɛ́ɛ kplɔ́n mɛ lɛ́ɛ wɛ; a ɖǒ ná gbɛ́ nǔ nú yě.


È ka nɔ tunwun ǎ; ényí wǐwá ce wá ɖo lǐnlín wɛ ɔ́, wěma élɔ́ ná zɔ́n bɔ a nǎ tunwun lě e a nǎ wa nǔ gbɔn ɖo xwédo Mawu tɔn mɛ é; xwédo e nyí agun Mawu gbɛɖe ɔ́ tɔn, bó nyí dotín kpódó sósyɛ́n kpó nú nǔgbó ɔ́ é.


Nǔ énɛ́ wú wɛ mǐ ɖo azɔ̌ wa wɛ, bó ɖo gǎn dó wɛ, ɖó mǐ ɖo Mawu gbɛɖe e nyí Mɛhwlɛ́ngántɔ́ gbɛtɔ́ lɛ́ɛ bǐ tɔn ɔ́ ɖó nukún wɛ, ɖo tají ɔ́, Mawu gbɛɖe e nyí Mɛhwlɛ́ngántɔ́ gbɛtɔ́ e ɖi nǔ nú Klísu lɛ́ɛ tɔn ɔ́ ɖó nukún wɛ.


Un ɖo byɔ̌byɔ́ we wɛ syɛ́nsyɛ́n ɖo Mawu nukɔn, ɖo Klísu Jezu nukɔn, ɖo wɛnsagun mímɛ́ Mawu tɔn lɛ́ɛ nukɔn ɖɔ hwi ní se tónú nú sɛ́n énɛ́ lɛ́ɛ. Ma nɔ mɛɖé jí ó; ma ka lɔn nú mɛɖé sín nǔ nyɔ́ nukún towe mɛ hú mɛɖé ɖo nǔwiwa towe lɛ́ɛ mɛ ó.


Un ɖo zinzɔn we wɛ ɖo Mawu e ná gbɛ nǔ bǐ ɔ́ nukɔn, bó ɖo zinzɔn we wɛ ɖo Klísu Jezu e ɖe kúnnu ɖagbe ɖo Pɔ́nsu Pilátu sá mɛ ɔ́ nukɔn ɖɔ


Amɔ̌, mɛ e nɔ jló ná jɛ dɔkun lɛ́ɛ nɔ jɛ tɛ́nkpɔ́n mɛ, bó nɔ jɛ jlǒ ma ɖó ta ɖé lɛ́ɛ, kpódó jlǒ e nɔ zɔ́n bɔ è nɔ mɔ wǔvɛ́ lɛ́ɛ kpó sín mɔ mɛ; jlǒ énɛ́ lɛ́ɛ wɛ nɔ dɔn gbɛtɔ́ yi bú, bɔ yě nɔ dɔn.


Đó Demási jó mì dó, bó yi Tɛsaloniki, ɖó é yí wǎn nú gbɛ din tɔn ɔ́ dín. Klɛsáan yi Galati, bɔ Títu ka yi Dalumati.


Fɛ́nú énɛ́ ɔ́ kplɔ́n mǐ ɖɔ mǐ ní jó gbɛ nyanya zínzán kpó jlǒ gbɛmɛ fí tɔn lɛ́ɛ kpó dó, bó ná nɔ́ wa nǔ e sɔgbe é, bó ná nɔ́ zán gbɛ jlɔ́jlɔ́, lobo ná nɔ́ gbejí nú Mawu.


Mawu gbɔn Mɛhwlɛ́ngántɔ́ mǐtɔn Jezu Klísu jí, bó kɔn Yɛsinsɛn tɔn dó mǐ jí bɔ é túnflá,


Lě e Mawu ná ná acɛ ɖaxó mi, bɔ mi ná dó byɔ́ Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn ɔ́ sín axɔ́súɖuɖu mavɔ mavɔ ɔ́ mɛ gbɔn é nɛ́.


Lean sinn:

Sanasan


Sanasan