1 Timɔtée 6:16 - MAWUXÓWÉMA

¹⁶ É ɖokpónɔ géé wɛ má nɔ kú ǎ, bó ɖo wěziza e mɛɖé ma sixú sɛkpɔ́ ǎ é mɛ; mɛɖé mɔ ɛ kpɔ́n gbeɖé ǎ; mɛɖé ka sixú mɔ ɛ lɔ bo gbɔ ǎ. Susu kpódó hlɔ̌nhlɔ́n mavɔ mavɔ kpó ní nyí étɔn; amǐ!

1 Timɔtée 6:16 Iomraidhean Croise

Jɔ̌bu 37:23

É wɛ nyí Nǔbǐwúkpétɔ́, mǐ sixú yi gɔ̌n tɔn ǎ. É nyí nǔ ɖaxó gbɔn hlɔ̌nhlɔ́n tɔn gbla mɛ, é nyí nǔ ɖaxó gbɔn hwɛjijɔ tɔn gbla mɛ. É nɔ́ nyínyɛ́ mɛ e ɖo gbejí bɔ nǔ bǐ vɔ̌ ɖ'é wú ɔ́ ǎ.

Ɖɛhan 104:2

A sɔ́ wěziza dó awu ɖaxó ɖé ɖɔhun, a vlɔ̌n jǐxwé avɔgoxɔ ɖɔhun.

Ɖɛhan 90:2

Cóbónú só lɛ́ɛ ná jɔ ɔ́, cóbónú a nǎ ɖó ayǐkúngban ɔ́, bó ná ɖó gbɛ ɔ́, a ko nyí Mawu, bó ná nyí Mawu káká sɔ́yi.

Tíntɔ́n 3:14

Énɛ́ ɔ́, Mawu ɖɔ nú Mɔyízi ɖɔ: “UN NYÍ MƐ E UN NYÍ É .” Hǔn nǔ e a nǎ ɖɔ nú Izlayɛ́li ví lɛ́ɛ ɔ́ ɖíe: mɛ e nyǐkɔ tɔn nyí “UN NYÍ” ɔ́ wɛ sɛ́ mì dó gɔ̌n mitɔn.

Tíntɔ́n 33:20

É lɛ́ ɖɔ nú Mɔyízi ɖɔ: “Nǔ ɖo mɔ̌ có a sixú mɔ nukún ce mɛ ǎ, ɖó mɛ ɖěbǔ nɔ́ mɔ nukún ce mɛ bó nɔ́ gán ǎ.

Ezayíi 57:15

Mawu mímɛ́ ɔ́, éyɛ́ mɛ e hú gǎn nǔ bǐ, bɔ nɔtɛn tɔn ɖo te káká sɔ́yi é ɔ́, xó e é ɖɔ ɔ́ ɖíe: “Nyɛ Mawu mímɛ́ ɔ́, jǐxwé aga wɛ un nɔ nɔ. Amɔ̌, un ɖo kpɔ́ xá mɛ e nǔ cikɔ ná lɛ́ɛ, mɛ e sɔ́ yěɖée hwe lɛ́ɛ; un ɖo kpɔ́ xá mɛ e sɔ́ yěɖée hwe lɛ́ɛ bó ná ná gbɛ yě; un ɖo kpɔ́ xá mɛ e nǔ cikɔ ná lɛ́ɛ bó ná ná gbɛ yě.

Xabakúku 3:4

É nɔ hɔ́n jǐkɛwun ɖɔhun, jǐ nɔ́ kɛwun sín alɔ tɔn mɛ. Alɔ tɔn mɛ wɛ hlɔ̌nhlɔ́n tɔn ɖe.

Jǎan 1:18

Mɛ ɖěbǔ mɔ Mawu kpɔ́n gbeɖé ǎ; lo ɔ́, Vǐɖokpónɔ e nyí Mawu bó ɖo akɔ́n tɔn mɛ ɔ́ wɛ wá ɖe e xlɛ́.

Jǎan 14:9

Jezu ka yí gbe n'i ɖɔ: “Filípu, sín tɛgbɛ wɛ un ko ɖo kpɔ́ xá mi, bɔ a ka ko tunwun mì káká jɛ din ǎ. Mɛ e mɔ mì ɔ́ ko mɔ Tɔ́ ɔ́; aniwútu a ka ɖɔ: ‘Xlɛ́ Tɔ́ ɔ́ mǐ?’

Jǎan 6:46

É ka nyí ɖɔ mɛɖé mɔ Tɔ́ ɔ́ kpɔ́n ɖɔ wɛ un ɖe ǎ; mɛ e gosín Mawu gɔ́n ɔ́ kɛ́ɖɛ́ jɛ́n mɔ ɛ.”

Jǎan 8:58

Jezu ka ɖɔ nú yě ɖɔ: “Ma ɖɔ nǔgbó nú mi: cóbónú Ablaxámu ná jɔ ɔ́, nyɛ ko tíin.”

Efɛ́zinu 3:21

Susu nú Mawu ɖo agun ɔ́ mɛ, ɖo Klísu Jezu mɛ, sín din káká sɔ́yi mavɔ mavɔ! Amǐ!

Sɛ́nflínmɛ 32:40

Un dlɛ́n alɔ dó jǐ, bó ɖe gbeta tɔ́n ɖɔ: Un ɖo gbɛ tɛgbɛ!

Filípunu 4:20

Susu nú Mawu Tɔ́ mǐtɔn káká yi mavɔ mavɔ. Amǐ.

Kolósinu 1:15

Klísu ɔ́, akpajlɛ́ Mawu e è ma nɔ mɔ ǎ ɔ́ tɔn wɛ é nyí. Nukɔngbéví wɛ é nyí, bó hú gǎn nǔ e Mawu bló lɛ́ɛ bǐ.

1 Timɔtée 1:17

Axɔ́sú mavɔ mavɔ e ma nɔ kú gbeɖé ǎ ɔ́, axɔ́sú e è ma nɔ mɔ ǎ é, axɔ́sú e nyí Mawu ɖokpó géé ée tíin é; è nǐ wlí yɛ̌yi n'i, bó kpa susu n'i káká sɔ́yi mavɔ mavɔ. Amǐ.

Eblée 13:8

Jezu Klísu ɔ́, nǔ e é nyí sɔ ɔ́ jɛ́n é lɛ́ nyí égbé, bó ná lɛ́ nyí káká sɔ́yi.

Jaki 1:17

Nǔníná ɖagbe ɖagbe bǐ, kpó nǔnámɛ e nǔ vɔ ɖ'é wú ɔ́ bǐ kpó ɔ́, sɛ́xwé wɛ yě nɔ gosín; yě nɔ jɛ te sín Mawu e bló nǔ e ɖo jǐxwé bó nɔ ná wěziza lɛ́ɛ é gɔ́n; Mawu nɔ húzú ǎ; é ɖo ɖěbǔ ɔ́, é nɔ dó zǐnflú ǎ.

1 Jǎan 1:5

Wɛn e mǐ se ɖo Jezu Klísu nu, bó ɖo dǐdó mi wɛ ɔ́ wɛ nyí ɖɔ Mawu nyí wěziza, bɔ zǐnflú ɖěbǔ ɖo wǔ tɔn ǎ.

1 Jǎan 1:7

Lo ɔ́, ényí mǐ ɖo gbɛ zán wɛ ɖo wěziza mɛ lě e Mawu ɖésúnɔ ɖo wěziza mɛ gbɔn ɔ́, hǔn mǐ ɖo kɔnɖókpɔ́ mɛ xá mǐɖée, bɔ vǐ tɔn Jezu sín hun nɔ lɛ mǐ wé sín hwɛ mǐtɔn lɛ́ɛ bǐ mɛ.

1 Jǎan 4:12

Mɛ ɖé mɔ Mawu kpɔ́n gbeɖé ǎ; ényí mǐ yí wǎn nú mǐɖée ɔ́, Mawu ɖo ayi mǐtɔn mɛ, bɔ wǎn yíyí tɔn sɔgbe ɖo mǐ mɛ bɔ nǔ bǐ vɔ ɖ'é wú.

Nǔɖexlɛ́mɛ 1:6

bó zé mǐ dó bló vɔ̌sánú-xwlémawutɔ́ lɛ́ɛ sín axɔ́súɖuto ná, bónú mǐ ná nɔ wa azɔ̌ nú Tɔ́ tɔn Mawu. Susu kpó hlɔ̌nhlɔ́n kpó ní nyí étɔn káká sɔ́yi mavɔ mavɔ! Amǐ.

Nǔɖexlɛ́mɛ 1:8

Aklúnɔ Mawu Nǔbǐwúkpétɔ́ e tíin din, bó ka kó tíin ɖ'ayǐ, bó ná wá ɔ́ ɖɔ: “Un nyí Alufa, bó nyí Omɛga; un nyí bǐbɛ́, bó nyí vivɔ.”

Nǔɖexlɛ́mɛ 21:3

Un se gbe ɖaxó ɖé gosín axɔ́súzinkpo ɔ́ kɔn, bó ɖo ɖiɖɔ wɛ ɖɔ: “Din ɔ́, nɔtɛn Mawu tɔn ɖo gbɛtɔ́ lɛ́ɛ tɛ́ntin! É ná nɔ xá yě, bɔ yě ná nyí togun tɔn. Mawu ɖésúnɔ ná nɔ kpɔ́ xá yě, bó ná nyí Mawu yětɔn.

Nǔɖexlɛ́mɛ 22:5

Zǎn sɔ́ ná nɔ kú ǎ; yě sɔ́ ná ba wěziza zogbɛ́n tɔn ǎ; yě ka sɔ́ ná ba wěziza hwe tɔn ǎ, ɖó Aklúnɔ Mawu ná gba wěziza tɔn kɔn nyi yě jí, bɔ yě ná ɖu axɔ́sú káká sɔ́yi.

Nǔɖexlɛ́mɛ 4:11

“Aklúnɔ mǐtɔn, Mawu mǐtɔn, susu, yɛ̌yi kpó hlɔ̌nhlɔ́n kpó jɛ xá we, ɖó a blǒ nǔ bǐ; hwi wɛ jló bɔ yě tíin; hwi wɛ jló bɔ yě ɖo gbɛ.”

Nǔɖexlɛ́mɛ 7:12

bó nɔ ɖɔ: “Amǐ! Kpikpa, susu, nǔnywɛ́, kúdídó, yɛ̌yi, acɛ, kpódó hlɔ̌nhlɔ́n kpán ní nyí Mawu mǐtɔn tɔn káká sɔ́yi! Amǐ!”