1 Timɔtée 6:15 - MAWUXÓWÉMA

¹⁵ Nú hwe ɔ́ nu wá su ɔ́, Mawu nyɔ̌nábǐnɔ ɔ́, Mawu ɖokpó géé e hú gǎn nǔ bǐ é, ée nyí Axɔ́sú axɔ́sú lɛ́ɛ tɔn, bó nyí Aklúnɔ aklúnɔ lɛ́ɛ tɔn ɔ́, ná ɖe hwenu e Jezu Klísu na lɛ́ kɔ wá ɔ́ xlɛ́.

1 Timɔtée 6:15 Iomraidhean Croise

Ɛsidlási 7:12

Nyɛ Dadá Aatazɛɛzɛsi wɛ ɖo wěma élɔ́ sɛ́ dó hwi vɔ̌sánú-xwlémawutɔ́ Ɛsidlási wɛ; hwi mɛ e tunwun Mawu sɛ́xwé tɔn ɔ́ sín sɛ́n xéɖéxéɖé tɔn é,

Ɖɛhan 136:3

Mi kpa susu nú Aklúnɔ aklúnɔ lɛ́ɛ tɔn, ɖó xomɛnyínyɔ́ tɔn ɖo te káká sɔ́yi.

Ɖɛhan 47:2

Togun lɛ́ɛ mi, mi bǐ mi xo kpɛ́ nú Mawu! Mi sú xó bó kpa Mawu kpó awǒbóbó kpó.

Ɖɛhan 83:18

Wi yětɔn ní kɔ́n, xɛsi ní ɖo yě jí káká sɔ́yi, yě ní ɖu hɛ̌n, yě ní kú.

Nǔnywɛ́xó 8:15

Nyi wɛ nyí tɔn axɔ́sú lɛ́ɛ nɔ ɖu axɔ́sú; nyi wɛ nyí tɔn nukɔntɔ́ lɛ́ɛ nɔ zɔ́n nǔ e sɔgbe é.

Jelemíi 10:10

Lo ɔ́, Mawu Mavɔmavɔ wɛ nyí Mawu ɖokpó e tíin é; é wɛ nyí Mawu, bó nyí axɔ́sú káká yi káká sá. È sin xomɛ ɔ́ ayǐkúngban nɔ dán wǔ, akɔta lɛ́ɛ nɔ́ sixú nɔ te xomɛsin tɔn nukɔn ǎ.

Jelemíi 46:18

Nyɛ mɛ e nyǐkɔ ce nɔ́ nyí Mawu Mavɔmavɔ Nǔbǐwúkpétɔ́ ɔ́, un xwlé gbɛ nyi ɖésúnɔ tɔn nú mi ɖɔ: lě e Tabɔ́ɔ só ɔ́ hú ga só lɛ́ɛ bǐ, lě e Kaamɛ́li só ɔ́ hú ga xu ɔ́, kɛntɔ́ e ná hú ga mi ɔ́ ja; nǔɖé ná húzú ǎ.

Daniyɛ́li 4:34

Énɛ́ wú wɛ nyɛ axɔ́sú Nabukodonɔzɔ́ɔ ɖo Mawu jǐxwé tɔn ɔ́ mlá wɛ din, bó ɖo sísɔ́ ɛ su wɛ, bó ɖo susu kpa n'i wɛ. Nǔ e é bló é bǐ wɛ sɔgbe, nǔ e é wa lɛ́ɛ bǐ wɛ nyɔ́. É lɛ́ ɖó acɛ e ná sɔ́ mɛ e ɖo afɔ tɛ ayǐ wɛ lɛ́ɛ hwe é lɔ.”

Matíe 6:13

Ma lɔn nú mǐ ní jɛ tɛ́nkpɔ́n mɛ ó, lo ɔ́, hwlɛ̌n mǐ gán ɖo awǒvi sí.’ [Ɖó towe wɛ nyí axɔ́súɖuɖu, hlɔ̌nhlɔ́n, kpódó susu kpó, káká sɔ́yi mavɔ mavɔ! Amǐ.]

Sɛ́nflínmɛ 10:17

È ka ná ɖɔ ɔ́, Mawu Mavɔmavɔ, Mawu mitɔn ɔ́, é ɖokpónɔ wɛ nyí Mawu; é wɛ nyí Aklúnɔ aklúnɔ lɛ́ɛ tɔn; Mawu ɖaxó wɛ, lobo dó xɛsi. É nɔ́ nɔ awo mɛ nú mɛ ɖěbǔ ǎ; é ká nɔ́ yí ajɔ ɖo mɛ ɖěbǔ sí ǎ.

1 Timɔtée 1:11

Wɛn Ɖagbe e è sɔ́ dó así nú mǐ, bɔ é ɖɔ xó dó Mawu nyɔ̌nábǐnɔ ɔ́ sín susu wú ɔ́ mɛ wɛ è nɔ mɔ nǔkplɔ́nmɛ énɛ́ ɖe.

1 Timɔtée 1:17

Axɔ́sú mavɔ mavɔ e ma nɔ kú gbeɖé ǎ ɔ́, axɔ́sú e è ma nɔ mɔ ǎ é, axɔ́sú e nyí Mawu ɖokpó géé ée tíin é; è nǐ wlí yɛ̌yi n'i, bó kpa susu n'i káká sɔ́yi mavɔ mavɔ. Amǐ.

1 Timɔtée 2:6

Klísu Jezu énɛ́ ɔ́ wɛ sɔ́ éɖée jó, bó dó xɔ gbɛ nú mɛ bǐ. Ée hwenu e Mawu ɖó ɔ́ wá su ɔ́, lě e é ɖe xlɛ́ ɖɔ Mawu jló ɖɔ gbɛtɔ́ lɛ́ɛ bǐ ní mɔ hwlɛngán gbɔn é nɛ́.

Nǔɖexlɛ́mɛ 17:14

Yě ná fun ahwan xá Lɛ̌ngbɔ́ví ɔ́. Lɛ̌ngbɔ́ví ɔ́ ka ná ɖu ɖo yě jǐ; ɖó é wɛ nyí Aklúnɔ aklúnɔ lɛ́ɛ tɔn; Axɔ́sú axɔ́sú lɛ́ɛ tɔn; é ná ɖu ɖo yě jǐ, é kpó mɛ e ɖo kpɔ́ xá ɛ lɛ́ɛ kpó; mɛ e è ylɔ̌ bó cyán bɔ yě nɔ gbejí n'i lɛ́ɛ.”

Nǔɖexlɛ́mɛ 19:16

È wlǎn nyǐkɔ ɖé dó awu tɔn kpó asá tɔn kpó wú; è wlǎn ɖɔ: “Axɔ́sú axɔ́sú lɛ́ɛ tɔn; Aklúnɔ aklúnɔ lɛ́ɛ tɔn.”