1 Timɔtée 6:13 - MAWUXÓWÉMA

¹³ Un ɖo zinzɔn we wɛ ɖo Mawu e ná gbɛ nǔ bǐ ɔ́ nukɔn, bó ɖo zinzɔn we wɛ ɖo Klísu Jezu e ɖe kúnnu ɖagbe ɖo Pɔ́nsu Pilátu sá mɛ ɔ́ nukɔn ɖɔ

1 Timɔtée 6:13 Iomraidhean Croise

Matíe 27:11

Ée Jezu wá tokpɔngán Pilátu nukɔn ɔ́, tokpɔngán ɔ́ kanbyɔ́ ɛ ɖɔ: “Hwi wɛ nyí Jwifu lɛ́ɛ sín axɔ́sú ɔ́ a?” Jezu ka yí gbe n'i ɖɔ: “Hwi wɛ ɖɔ.”

Matíe 27:2

Yě blá Jezu, bó kplá ɛ yi jó nú tokpɔngán Pilátu.

Jǎan 14:6

Jezu ka yí gbe n'i ɖɔ: “Nyɛ wɛ nyí ali ɔ́, bó nyí nǔgbó ɔ́, bó ka lɛ́ nyí gbɛ ɔ́. Mɛɖěbǔ sixú yi Tɔ́ ɔ́ gɔ́n nyɛ mɛ vo ǎ.

Jǎan 19:11

Jezu ka yí gbe n'i ɖɔ: “Ényí Mawu ma ná gbe tɔn we ǎ ɔ́, a sixú ɖó acɛ ɖěbǔ ɖo jǐ ce ǎ; énɛ́ ɔ́ wú wɛ mɛ e jó mì ɔ́ hu hwɛ hú we.”

Jǎan 5:21

Đó lě e Tɔ́ ɔ́ nɔ fɔ́n mɛkúkú lɛ́ɛ, bó nɔ ná yě gbɛ gbɔn ɔ́, mɔ̌ ɖokpó ɔ́ wɛ Vǐ ɔ́ lɔmɔ̌ nɔ ná gbɛ mɛ e jló e lɛ́ɛ gbɔn.

Jǎan 5:26

Đó lě e Tɔ́ ɔ́ ɖó acɛ, bó nɔ ná gbɛ mɛ gbɔn ɔ́, mɔ̌ ɖokpó ɔ́ wɛ é ná ɛ acɛ, bɔ élɔ́ ná ná gbɛ mɛ.

Mɛsɛ́dó 17:25

É ka ba nú gbɛtɔ́ ní bló nǔ alɔkpa ɖěbǔ dó sɛn ɛ ná nǔɖé wɛ hudó e ɖɔhun ǎ; é wɛ nɔ́ ná gbɛ, bó nɔ́ ná funfún kpódó nǔ bǐ kpó gbɛtɔ́ lɛ́ɛ.

2 Kɔlɛ́ntinu 9:13

Azɔ̌ énɛ́ ná ɖe nǔ e mǐ nyí ɔ́ xlɛ́, bɔ mɛ gěgé ná kpa susu nú Mawu ɖó tónú e mi se nú Mawu, bó nɔ ɖe nǔɖiɖi e mi ɖó nú Wɛn Ɖagbe Klísu tɔn ɔ́ xlɛ́ é wú; yě ná lɛ́ kpa susu nú Mawu, ɖó lě e mi nyɔ́ xomɛ, bó nɔ má dɔkun mitɔn lɛ́ɛ xá yě, kpó mɛ ɖě lɛ́ɛ kpó gbɔn é wú.

Galatinu 3:26

ɖó mi bǐ nyí Mawu ví, ɖo Klísu Jezu mɛ, gbɔn nǔɖiɖi gbla mɛ.

Sɛ́nflínmɛ 32:39

Mi mɔ din ɖɔ nyɛ ɖokpó géé wɛ nyí Mawu. Mi mɔ din ɖɔ nǔ e è ɖǒ ná sɛn ɔ́ ɖě kún tíin zɛ nyɛ wú ó. Un nɔ hɛn mɛ ɖó gbɛ, un nɔ hu mɛ. Un nɔ gblé wǔ mɛ, un nɔ hu akpa nú mɛ. Mɛɖé nɔ yí mɛ sín alɔ ce mɛ ǎ.

1 Timɔtée 1:12

Un dó kú nú Aklúnɔ mǐtɔn Klísu Jezu e ná hlɔ̌nhlɔ́n mì, nú ma dó wa azɔ̌ ce ná é. Un dó kú n'i, ɖó é mɔ ɖɔ un nyí mɛ bɔ è nǎ ɖeji dó wǔ ce, un dó kú n'i, ɖó é sɔ́ mì bónú ma wa azɔ̌ n'i.

1 Timɔtée 1:15

Xó nǔgbó ɖokpó ɖíe, bɔ é jɛ xá ɖɔ mɛ bǐ ní yí; é wɛ nyí ɖɔ Klísu Jezu wá gbɛ ɔ́ mɛ, bó ná hwlɛ́n hwɛhutɔ́ lɛ́ɛ gán; nyɛ wɛ ka nyí hwɛhutɔ́ hú hwɛhutɔ́ lɛ́ɛ bǐ.

1 Timɔtée 2:5

Đó Mawu ɖokpó géé wɛ tíin; ɖɛ̌mɛnu ɖokpó géé wɛ tíin ɖo Mawu kpódó gbɛtɔ́ lɛ́ɛ kpán tɛ́ntin. Đɛ̌mɛnu ɔ́ wɛ nyí Klísu Jezu e nyí gbɛtɔ́ é.

1 Timɔtée 5:21

Un ɖo byɔ̌byɔ́ we wɛ syɛ́nsyɛ́n ɖo Mawu nukɔn, ɖo Klísu Jezu nukɔn, ɖo wɛnsagun mímɛ́ Mawu tɔn lɛ́ɛ nukɔn ɖɔ hwi ní se tónú nú sɛ́n énɛ́ lɛ́ɛ. Ma nɔ mɛɖé jí ó; ma ka lɔn nú mɛɖé sín nǔ nyɔ́ nukún towe mɛ hú mɛɖé ɖo nǔwiwa towe lɛ́ɛ mɛ ó.

1 Timɔtée 6:12

Fun nǔɖiɖi hwan ɖagbe ɔ́. Hɛn gbɛ mavɔ mavɔ ɔ́ wú syɛ́nsyɛ́n, gbɛ mavɔ mavɔ e Mawu ylɔ́ we ná é. Gbɛ mavɔ mavɔ énɛ́ wɛ a ɖe kúnnu ɖagbe ná ɖo gbɛtɔ́ gěgé nukɔn.

Nǔɖexlɛ́mɛ 21:6

É lɛ́ ɖɔ: “É sɔgbe lo! Un nyí Alufa, bó nyí Omɛga; un nyí bǐbɛ́, bó nyí vivɔ. Un ná ná sin mɛ e sinnugblá sin é, bɔ é ná nu vɔ̌nu ɖo fí e sin e nɔ ná gbɛ mɛ ɔ́ nɔ tɔ́n sín é.

Nǔɖexlɛ́mɛ 22:1

Wɛnsagun ɔ́ lɛ́ xlɛ́ mì sin e nɔ ná gbɛ mɛ ɔ́ sín tɔsisa, bɔ é ɖo tíntɔ́n sín Mawu kpó Lɛ̌ngbɔ́ví ɔ́ kpó sín axɔ́súzinkpo mɛ wɛ, lobo za wě wěkpɛ́n e mɛ è nɔ mɔ nǔ gbɔn céɖécéɖé ɔ́ ɖɔhun.

Nǔɖexlɛ́mɛ 3:14

“Wlǎn wěma sɛ́ dó agun Klísu tɔn e ɖo Lawodisée ɔ́ sín wɛnsagun, bó ɖɔ n'i ɖɔ: “Mɛ e nɔ nyí Amǐ , bó nyí Kúnnuɖetɔ́ gbejínɔtɔ́ titewungbe, bó nyí mɛ e jí Mawu blǒ nǔ bǐ sésé gbɔn ɔ́, xó e é ɖɔ ɔ́ ɖíe:

1 Samuwɛ́li 2:6

Mawu Mavɔmavɔ wɛ ɖó acɛ bó ná hu mɛ, é wɛ ká lɛ́ ɖó acɛ bó ná hɛn mɛ ɖó gbɛ. É wɛ ɖó acɛ bo ná sɔ́ mɛ dó do gɔngɔn mɛ ɖo kúxwé; é wɛ lɛ́ ɖó acɛ bo ná fɔ́n mɛ sín kú.