1 Timɔtée 6:12 - MAWUXÓWÉMA

¹² Fun nǔɖiɖi hwan ɖagbe ɔ́. Hɛn gbɛ mavɔ mavɔ ɔ́ wú syɛ́nsyɛ́n, gbɛ mavɔ mavɔ e Mawu ylɔ́ we ná é. Gbɛ mavɔ mavɔ énɛ́ wɛ a ɖe kúnnu ɖagbe ná ɖo gbɛtɔ́ gěgé nukɔn.

1 Timɔtée 6:12 Iomraidhean Croise

Ɖɛhan 63:8

Đó hwi wɛ nyí alɔgɔ́númɛtɔ́ ce, bɔ un ɖo xó sú wɛ kpó awǎjijɛ kpó ɖo awa towe lɛ́ɛ glɔ́.

Nǔnywɛ́xó 3:18

Nǔnywɛ́ ɔ́, atín e nɔ́ ná gbɛ mɛ é wɛ é nyí nú mɛ e ɖó lɛ́ɛ; nǔ nɔ́ nyɔ́ nú mɛ e nɔ hɛn nǔnywɛ́ majómájó lɛ́ɛ.

Hanvíví 3:4

Un zɛ yě wǔ zaan bó mɔ wǎnyínámɔ ce. Un hɛn alɔ tɔn; un sɔ́ jó e dó ǎ, un kplá ɛ káká yi nɔ ce xɔ mɛ, xɔ e mɛ nɔ ce mɔ xo ce ɖe ɔ́ mɛ.

Ezayíi 44:5

Mɛ ɖě ná ɖo yě mɛ bó ná ɖɔ: ‘Mawu Mavɔmavɔ tɔn wɛ un nyí.’ Mɛ ɖěvo ná ɖɔ: ‘Jakɔ́bu ví wɛ un nyí.’ Mɛ ɖěvo ná wlán dó alɔ ɖɔ: ‘Mawu Mavɔmavɔ tɔn’, bó ná sɔ́ Izlayɛ́li nyíkɔ ɔ́ dó yí go ná.”

Zakalíi 10:5

Yě ná nyí ahwanfuntɔ́ syɛ́nsyɛ́n, bó ná nɔ́ gbídí mɛ e ɖo ahwan fun xá yě wɛ lɛ́ɛ ɖó afɔ wú babá e ɖo ali jí é ɖɔhun. Yě ná fun ahwan gbɔn mɔ̌ ɖó nyɛ Mawu Mavɔmavɔ ɔ́, un ɖo kpɔ́ xá yě. Énɛ́ ɔ́, winnyá ná hu kɛntɔ́ sɔ́xátɔ́ lɛ́ɛ.

2 Kɔlɛ́ntinu 6:7

Gbɔn nǔgbó e jlá wɛ mǐ ɖe ɔ́, kpódó hlɔ̌nhlɔ́n Mawu tɔn kpán gbla mɛ. Nǔ jlɔ́jlɔ́ wiwa wɛ nyí ahwanfunnú e mǐ nɔ́ zán dó fun ahwan ná é; é wɛ mǐ nɔ́ lɛ́ zán dó hwlɛ́n mǐɖée ná ɖo ahwan nukɔn.

2 Kɔlɛ́ntinu 9:13

Azɔ̌ énɛ́ ná ɖe nǔ e mǐ nyí ɔ́ xlɛ́, bɔ mɛ gěgé ná kpa susu nú Mawu ɖó tónú e mi se nú Mawu, bó nɔ ɖe nǔɖiɖi e mi ɖó nú Wɛn Ɖagbe Klísu tɔn ɔ́ xlɛ́ é wú; yě ná lɛ́ kpa susu nú Mawu, ɖó lě e mi nyɔ́ xomɛ, bó nɔ má dɔkun mitɔn lɛ́ɛ xá yě, kpó mɛ ɖě lɛ́ɛ kpó gbɔn é wú.

Sɛ́nflínmɛ 26:3

Mi jɛ dɔ̌n ɔ́, mi ná yi vɔ̌sánú-xwlémawutɔ́ e jí azɔ̌ ɖe gbe nɛ́ gbe ɔ́ gɔ́n, bɔ mɛ ɖokpó ɖokpó ná sɔ́ xasun tɔn jó, bó ná ɖɔ: “Un ɖo ɖiɖɔ nú Mawu Mavɔmavɔ, Mawu towe wɛ ɖɔ un wá to e sín akpá é dó nú tɔ́gbó mǐtɔn lɛ́ɛ bó xwlé nǔ d'é jí é mɛ égbé.”

Filípunu 1:30

Din ɔ́, nyɛ kpó mi kpó bǐ wɛ ɖo ahwan fun ɖó kpɔ́ wɛ, bɔ ahwan e fun wɛ mi ɖe ɔ́, mi mɔ bɔ un fun ɖ'ayǐ, bó ka lɛ́ kpo ɖo funfun wɛ din, lě e mi se gbɔn é.

Kolósinu 3:15

Fífá Klísu tɔn ní ɖu gǎn ɖo ayi mitɔn mɛ; nǔgbó ɔ́, fífá énɛ́ ɔ́ wú wɛ Mawu ylɔ́ mi ɖó kpɔ́, bɔ mi nyí wǔjɔnú agbaza ɖokpó géé tɔn. Énɛ́ ɔ́ wú ɔ́, mi tunwun nǔ e Mawu wa nú mi ɔ́ n'i.

1 Tɛsalonikinu 2:12

Mǐ nɔ ɖo nǔ kplɔ́n mi wɛ, bó nɔ ɖo gbɔ dó nú mi wɛ, bó nɔ byɔ́ mi syɛ́nsyɛ́n ɖɔ gbɛzínzán mitɔn ní nyɔ́ Mawu e ylɔ́ mi dó axɔ́súɖuɖu tɔn kpó susu tɔn kpó mɛ ɔ́ sín nukún mɛ.

2 Tɛsalonikinu 2:14

Nǔ énɛ́ wú wɛ Mawu ylɔ́ mi gbɔn Wɛn Ɖagbe e mǐ dó mi ɔ́ gbla mɛ; é ylɔ́ mi bónú mi ná ɖó susu Aklúnɔ mǐtɔn Jezu Klísu tɔn.

1 Timɔtée 1:18

Vǐ ce Timɔtée, un ɖo nǔ élɔ́ zɔ́n we wɛ, bɔ é sɔgbe xá nǔ e Mawu ɖɔ é ná jɛ dó jǐ towe lɛ́ɛ, bɔ è ko ɖɔ nú we ɖ'ayǐ é. Xwedó xó énɛ́ lɛ́ɛ, bó ná dó fun ahwan ɖagbe ɔ́,

1 Timɔtée 1:19

kpódó nǔɖiɖi kpó, kpódó linlin ɖagbe kpó. Mɛ ɖé lɛ́ɛ gbɛ́ ɖɔ émí kún ná ɖótó nǔ e ɖɔ nú émí wɛ linlin émítɔn ɖe ɔ́ ó, bɔ é sín énɛ́ wú, bɔ nǔɖiɖi yětɔn jɛ ayǐ.

1 Timɔtée 4:14

Ma dó vɛ̌ nú nǔníná e ɖo así we, bɔ Mawu ná we hwenu e gbeyíɖɔ Mawu tɔn lɛ́ɛ ɖɔ Mawuxó, bɔ agunmɛxó lɛ́ɛ ɖ'alɔ jí we ɔ́ ó.

1 Timɔtée 6:13

Un ɖo zinzɔn we wɛ ɖo Mawu e ná gbɛ nǔ bǐ ɔ́ nukɔn, bó ɖo zinzɔn we wɛ ɖo Klísu Jezu e ɖe kúnnu ɖagbe ɖo Pɔ́nsu Pilátu sá mɛ ɔ́ nukɔn ɖɔ

1 Timɔtée 6:19

Ényí yě ɖo mɔ̌ wa wɛ ɔ́, dɔkun ɖagbe, dɔkun e wú è hɛn ɔ́, è nǎ gán jɛ ɔ́ kplé ɖ'ayǐ nú yěɖée wɛ yě ɖe nú sɔ yí e ná wá hɔ́n é, bó ná dó mɔ gbɛ jɔ gbɛ ɔ́ yí.

2 Timɔtée 1:9

É wɛ hwlɛ́n mǐ gán, bó ylɔ́ mǐ nú mǐ ná nyí mɛɖeɖóvo tɔn; é ká nyí nǔ e mǐ nɔ wa lɛ́ɛ wútu wɛ é ylɔ́ mǐ ǎ; lo ɔ́, tito é ɖésúnɔ tɔn kpódó fɛ́nú tɔn kpó wú wɛ é ylɔ́ mǐ. É ko ná fɛ́nú énɛ́ mǐ ɖo bǔ e mǐ ɖe ɖo Klísu Jezu mɛ cóbɔ gbɛ ɔ́ wá tíin é mɛ.

2 Timɔtée 2:2

Nǔ e un ɖɔ, bɔ a se ɖo kúnnuɖetɔ́ gěgé nukɔn ɔ́, sɔ́ dó así nú mɛ e wú è ɖeji dó, bɔ yě lɔ ná sixú kplɔ́n mɛɖěvo lɛ́ɛ é.

2 Timɔtée 4:7

Un fun ahwan ɖagbe ɔ́; un dó wezun ɔ́ káká yi vivɔnu; un kpo ɖo nǔ ɖi nú Klísu Jezu wɛ.

Eblée 13:23

Un ka jló nú mi ní tunwun ɖɔ è ko jó nɔví mǐtɔn Timɔtée. Ényí é yá wǔ wá ɔ́, nú un ja mi gɔn ɔ́, un ná kplá ɛ wá.

Eblée 3:14

Nǔgbó ɔ́, ényí mǐ hɛn jiɖiɖe e mǐ ɖó sín bǐbɛ́mɛ ɔ́ syɛ́nsyɛ́n káká yi fó hǔn, mǐ nyí hǎgbɛ́ Klísu tɔn.

Eblée 6:18

Hǔn, nǔ we tíin: akpá e é dó ɔ́ kpó nǔ e é xwlé ɔ́ kpó; nǔ we énɛ́ lɛ́ɛ ɔ́, è sixú ɖyɔ́ yě ǎ, bɔ ɖo nǔ we énɛ́ lɛ́ɛ mɛ ɔ́, Mawu sixú ɖó adingban ǎ. Énɛ́ ɔ́ wú wɛ mǐ mɛ e mɔ bibɛtɛn ɖo Mawu glɔ́ lɛ́ɛ ɔ́, mǐ mɔ akɔ́nkpinkpan ɖaxó, bó ná hɛn nukúnɖíɖó e è sɔ́ ɖó te nú mǐ ɔ́ syɛ́nsyɛ́n.

1 Piyɛ́ɛ 3:9

Mi ma zé nyanya dó sú nyanya xɔ ná ó, abǐ mi ma zé zun dó sú zun xɔ ná ó; é nyɔ́ wa ɔ́, nyɔ̌ná wɛ mi ná nɔ byɔ́ ɖo Mawu gɔ́n dó sú axɔ́ ná; nǔ e Mawu ylɔ́ mi ná é nɛ́.

1 Piyɛ́ɛ 5:10

Lo ɔ́, ényí mi ji ya nú hwenu kpɛɖé gúdo ɔ́, Mawu fɛ́nú bǐ nɔ e ylɔ́ mi nú mi ná ɖó mǐmá ɖo susu tɔn mavɔ mavɔ ɔ́ mɛ, ɖo bǔ e mi ɖe xá Klísu ɔ́ mɛ ɔ́, é ɖésúnɔ ná wa azɔ̌ ɖo mi wú, bɔ mi ná nyɔ́ yí fó; é ná bló bɔ mi ná syɛ́nlǐn; é ná ná hlɔ̌nhlɔ́n mi; é ná dó mi do nyi dodó syɛ́nsyɛ́n lɛ́ɛ jí.

1 Jǎan 2:25

Nǔ e sín akpá Klísu ka dó nú mǐ ɔ́ wɛ nyí gbɛ mavɔ mavɔ.

Judi 1:3

Mɛvívɛ́ná ce lɛ́ɛ mi, un ko ɖo lě e un ná wa gbɔn, bó ná wlán wěma sɛ́ dó mi dó hwlɛngán ɖokpó ɔ́ e mǐ ɖó ɔ́ wú ɔ́ ba wɛ syɛ́nsyɛ́n; énɛ́ ɔ́ lin wɛ un ɖe bó wá mɔ ɖɔ é ɖo dandan mɛ nú mì ɖɔ ma wlán sɛ́ dó mi, bó ná dó ná akɔ́nkpinkpan mi, bónú mi ná fun ahwan nú nǔɖiɖi e Mawu ná mɛɖeɖóvo tɔn lɛ́ɛ bǐ azɔn ɖokpó géé bɔ xó fó é.

Nǔɖexlɛ́mɛ 3:3

Hǔn, bó flín kplɔ́n e a yǐ ɔ́, bó flín lě e a se gbɔn é; se tónú nú kplɔ́n énɛ́ ɔ́, bó lɛ́ kɔ sín hwɛ towe lɛ́ɛ gúdo. Ényí a ma fɔ́n ǎ ɔ́, un ná wá fyán we ajotɔ́ ɖɔhun, a nǎ tunwun gan e mɛ un ná wá dó é ǎ.

Hwɛɖɔtɔ́ 3:2

É jló ɖɔ Izlayɛ́linu e ji gbɔn gǔdo wɛ è ɖe bɔ yě má kó fun ahwan kpɔ́n ǎ lɛ́ɛ ní kplɔ́n ahwanfunfun.