1 Timɔtée 6:11 - MAWUXÓWÉMA

¹¹ Amɔ̌ hwɛ mawuzɔ́watɔ́ ɔ́, ɖǒ wǔ zɔ nú nǔ énɛ́ lɛ́ɛ bǐ, bó xwedó hwɛjijɔ, bó nɔ sí Mawu, bó ɖó nǔɖiɖi, bó ɖó wǎn yíyí, bó ɖó hǔnkúkú kpódó xomɛfífá kpó.

1 Timɔtée 6:11 Iomraidhean Croise

1 Axɔ́sú 13:1

Mawu Mavɔmavɔ sɛ́ gbeyíɖɔ tɔn dó, bɔ é gosín Judáa bó wá Betɛ́li hwenu e Jelobowámu ɖo vɔ̌sákpe ɔ́ kɔn, bó ɖo vɔ̌ sá wɛ é.

1 Axɔ́sú 13:26

Ée gbeyíɖɔ Mawu tɔn e lɛ́ kɔ n'i wá xwé gbe ɔ́ se mɔ̌ ɔ́, é ɖɔ: “Gbeyíɖɔ Mawu tɔn Judáanu e gbɛ́ gbe nú Mawu Mavɔmavɔ ɔ́ wɛ, bɔ Mawu Mavɔmavɔ jó e nú kinnikínní, bɔ kinnikínní wlí i bó hu i, lě e Mawu Mavɔmavɔ ko ɖɔ gbɔn n'i é.”

1 Axɔ́sú 17:18

Ée vǐ ɔ́ sín gbɔjɛ xwɛ mɔ̌ ɔ́, nyɔ̌nu ɔ́ ɖɔ nú Elíi ɖɔ: “Étɛ́wú wɛ a wa mɔ̌ xá mì gbeyíɖɔ Mawu tɔn? A nǎ flín hwɛ e un hu lɛ́ɛ Mawu, bó ná hu vǐ ce wú wɛ a wǎ a?”

1 Axɔ́sú 17:24

Ée nyɔ̌nu ɔ́ mɔ mɔ̌ ɔ́, é ɖɔ nú Elíi ɖɔ: “Un mɔ din ɖɔ gbeyíɖɔ Mawu tɔn wɛ a nyǐ nǔgbó, bɔ xó Mawu Mavɔmavɔ tɔn e nɔ tɔ́n sín nu towe mɛ ɔ́ nyí nǔgbó.”

1 Axɔ́sú 20:28

Đɛ̌mɛnu Mawu tɔn ɔ́ lɛ́ wá mɔ axɔ́sú Izlayɛ́li tɔn ɔ́, bó ɖɔ n'i ɖɔ: “Mawu Mavɔmavɔ ɖɔ: ‘Silíinu lɛ́ɛ ɖɔ nyɛ Mawu Mavɔmavɔ ɔ́, vodún sókan mɛ tɔn wɛ un nyí, un kún nyí ayǐkúngban wɛnjɛ tɔn ó. Énɛ́ ɔ́ wú ɔ́, un ná jó ahwan wɔ̌buwɔ́bú énɛ́ ɔ́ bǐ nú we; énɛ́ ɔ́, mi ná tunwun ɖɔ nyɛ wɛ nyí Mawu Mavɔmavɔ e ɖó acɛ dó nǔ bǐ jí é.’ ”

2 Axɔ́sú 1:13

Akaziasi lɛ́ sɛ́ ahwangán ɖěvo kpódó sɔ́ja kanɖé wǒ (50) kpó dó Elíi gɔ́n azɔn atɔngɔ́ ɔ́. Yě xá só e jí Elíi ɖe ɔ́ jí. Ée yě mɔ Elíi ɔ́, ahwangán ɔ́ jɛ kpo, bó sa vo n'i ɖɔ: “Đɛ̌mɛnu Mawu tɔn, kɛnklɛ́n bó ma hu nyɛ kpódó sɔ́ja ce lɛ́ɛ kpó ó.

2 Axɔ́sú 1:9

Axɔ́sú Akaziasi sɛ́ ahwangán ɖokpó kpódó sɔ́ja kanɖé wǒ (50) kpó dó Elíi gbé mɛ, bónú yě ná wlí i. Yě yi mɔ Elíi ɖo só ɖé ta aga, bɔ é ɖo ayǐjínjɔ́n, bɔ yě ɖɔ n'i ɖɔ: “Đɛ̌mɛnu Mawu tɔn, axɔ́sú ɔ́ ɖɔ hwi ní wá.”

2 Axɔ́sú 23:17

Joziyási kanbyɔ́ yě ɖɔ: “Kpe tɛ́ ká nyí ée è mɛ ɖó te dɔ̌n é?” Bɔ to ɔ́ mɛ nu lɛ́ɛ ɖɔ n'i ɖɔ: “Gbeyíɖɔ Mawu tɔn e gosín Judáa ɔ́ sín yɔdo wɛ. É wɛ ko ɖɔ nǔ e wa xá vɔ̌sákpe élɔ́ wɛ a ɖe din é sín xó ɖo fí.”

2 Axɔ́sú 5:20

bɔ Gehazíi, mɛsɛntɔ́ Elizée tɔn ɖɔ dó ayi mɛ ɖɔ: “Gǎn ce ɖíe gbɔ azɔn nú Naamáni Silíinu énɛ́ ɔ́, bó ká gbɛ́ nǔ e é hɛn wá n'i ɔ́ bǐ e. Un xwlé Mawu ɖɔ Mawu Mavɔmavɔ ɖo gbɛ, un ná kán wezun xwedó e, bó ná yí nǔ lɛ́ɛ ɖě.”

1 Tan 23:14

Mɔyízi ɔ́, ɖɛ̌mɛnu Mawu tɔn wɛ, có vǐ tɔn lɛ́ɛ ɔ́, gbɛtɔ́ kpaa ɖɔhun wɛ yě cí ɖo akɔta Levíi tɔn ɔ́ mɛ.

2 Tan 8:14

Salomɔ́ɔ má azɔ̌ dó así nú mɛ e nɔ wa azɔ̌ ɖo Mawu xwé gbe lɛ́ɛ, lě e tɔ́ tɔn Davídi to gbɔn é: é má azɔ̌ dó así nú vɔ̌sánú-xwlémawutɔ́ gbɛ́ta lɛ́ɛ, bó má dó así nú Levíi ví lɛ́ɛ sín gbɛ̌ta lɛ́ɛ: yě ná nɔ́ ji han dó kpa Mawu ayǐhɔ́ngbe ayǐhɔ́ngbe, abǐ yě ná nɔ gɔ́ alɔ nú vɔ̌sánú-xwlémawutɔ́ lɛ́ɛ; é lɛ́ má azɔ̌ dó así nú hɔnjínɔtɔ́ gbɛ́ta lɛ́ɛ. Hɔnjínɔtɔ́ lɛ́ɛ sín gbɛ̌ta ɖokpó ɖokpó ɖó hɔn yětɔn yětɔn jí bó nɔ́ nɔ. Nǔ e Davídi ɖɛ̌mɛnu Mawu tɔn ɔ́ ɖɔ è nǐ bló é nɛ́.

Nɛɛmíi 12:24

Levíi ví lɛ́ɛ sín gǎn Hacaviya, Celeviya kpó Yecúwa Kadimiyɛ́li ví ɔ́ kpó, kpó nɔví yětɔn lɛ́ɛ kpó ɔ́, yě wɛ nú azɔ̌ jɛ yě jǐ ɔ́, yě nɔ́ kpan nukɔn nɔví yětɔn lɛ́ɛ, bó nɔ́ ji susu kpa nú Mawu sín han; yě nɔ́ bló lě e Davídi ɖɔ gbɔn é.

Nɛɛmíi 12:36

Zekaliya kpó nɔví tɔn Cemaya, Azalɛ́li, Milalayi, Gilaláyi, Maayi, Nɛtanɛli, Yexuda kpó Hanáni kpó hɛn nǔxonú e Davídi ɖɛ̌mɛnu Mawu tɔn ɔ́ zɔ́n bɔ è blǒ lɛ́ɛ. Ɛsidlási sɛ́nkplɔ́nmɛtɔ́ ɔ́ ɖo nukɔn yětɔn.

Ɖɛhan 34:14

hɛn nu towe, ma nɔ ɖɔ xó nyanya ó, ma nɔ ɖó adingban ó,

Ɖɛhan 38:20

Gbɛ ɖo kɛntɔ́ ce lɛ́ɛ wú ganjí; hlɔ̌nhlɔ́n ɖo yě wú ganjí. Mɛ e nɔ yǎyá bó gbɛ́ wǎn nú mì lɛ́ɛ sukpɔ́.

Nǔnywɛ́xó 15:9

Mawu Mavɔmavɔ nɔ gbɛ́ wǎn nú mɛdídá sín walɔ; lo ɔ́, é nɔ yí wǎn nú mɛ e nɔ xwedó hwɛjijɔ dó wa nǔ é.

Ezayíi 51:1

Mawu Mavɔmavɔ ɖɔ: “Mi mɛ e ɖo hwlɛngán ba wɛ nukún myámyá lɛ́ɛ, mi mɛ e ɖo biba ná tunwun mì wɛ lɛ́ɛ mi, mi ɖótó mì. Mi kpɔ́n só e mɛ è kun mi sín é, mi kpɔ́n awǐnnyakan e mɛ è dɔn mi sín é:

Jelemíi 35:4

Un kplá yě wá Mawu Mavɔmavɔ xwé, bó kplá yě dó Hanáni ví lɛ́ɛ sín xɔ mɛ, ɖo gǎn hɔn-yitɔ́ lɛ́ɛ sín xɔ kpá, ɖo Calúmu ví Maaseyahu e nyí gǎnhɔnjí ɔ́ sín xɔ ta nu. Hanáni ɔ́, Yigidaliyahu ví wɛ, bó ká nyí mɛɖé bó ɖo gbejí nú Mawu.

Hlɔ̌manu 14:19

Hǔn, mǐ ní bó ba nǔ e nɔ dɔn fífá wá, bó ná zɔ́n bɔ mǐ ná dó wǔsyɛ́n lanmɛ nú miɖée ɖo nǔɖiɖi mɛ é.

1 Kɔlɛ́ntinu 10:14

Énɛ́ ɔ́ wú ɔ́, mɛvívɛ́ná ce lɛ́ɛ mi, mi ma sɛn vodún ó.

1 Kɔlɛ́ntinu 14:1

Hǔn wǎn yíyí wɛ mi ná nɔ ba jɛ nukɔn nú nǔ bǐ; mi nɔ ba nǔníná Yɛsinsɛn tɔn lɛ́ɛ lɔmɔ̌; ɖo tají ɔ́, mi nɔ ba ná yí wɛn ɖo Mawu sí bó dó.

1 Kɔlɛ́ntinu 6:18

Mi hɔn nú agalilɛ. Hwɛ ɖěvo ɖěbǔ e gbɛtɔ́ ná hu ɔ́, hwɛ énɛ́ ɔ́ ɖo zɔ nú agbaza tɔn; amɔ̌, mɛ e lɛ aga ɔ́ hu hwɛ dó agbaza é ɖésúnɔ tɔn.

Sɛ́nflínmɛ 16:20

Nǔ ɖokpó e ɖo tají ɔ́ wɛ nyí è nǐ ɖɔ hwɛ jlɔ́jlɔ́. Énɛ́ ɔ́, mi ná nɔ gbɛ, bó ná yí to e Mawu Mavɔmavɔ, Mawu mitɔn ná ná mi bɔ é ná nyí mitɔn ɔ́ mɛ.

Sɛ́nflínmɛ 33:1

Đɛ e Mɔyízi ɖɛ̌mɛnu Mawu tɔn ɔ́ xo dó Izlayɛ́li ví lɛ́ɛ jí cóbó kú é ɖíe:

1 Timɔtée 1:14

Aklúnɔ mǐtɔn ka kɔn fɛ́nú tɔn dó jǐ ce, bɔ é túnflá; é ná nǔɖiɖi kpódó wǎn yíyí e mǐ ɖǒ ɖo Klísu Jezu mɛ ɔ́ kpó mì.

1 Timɔtée 4:12

Ma lɔn nú mɛɖé mɔ yɔkpɔ́vú towe, bó ɖó hwɛ nú we ó. Lo ɔ́, nyǐ kpɔ́ndéwú nú nǔɖitɔ́ lɛ́ɛ, bó nyí kpɔ́ndéwú ɖo xóɖiɖɔ mɛ, bó nyí kpɔ́ndéwú ɖo zǐnzán kpó wǎn yíyí kpó mɛ, bó nyí kpɔ́ndéwú ɖo nǔɖiɖi kpó gbɛ mímɛ́ e a nɔ zán ɔ́ kpó mɛ.

1 Timɔtée 5:10

È ka ɖó ná tunwun i ɖó nǔ ɖagbe e é nɔ wa ɔ́ wú; é ná nyí mɛɖé, bó ko kplɔ́n vǐ kpɔ́n, é ná nyí mɛɖé, bó nɔ yí mɛ ganjí; é ná nyí mɛɖé, bó nɔ klɔ́ afɔ nú klísusɛntɔ́ lɛ́ɛ ; é ná nyí mɛɖé, bó nɔ gɔ́ alɔ nú gbɛ̌dónánɔ lɛ́ɛ, bó ná nɔ wa ɖagbe hwebǐnu.

1 Timɔtée 6:20

Timɔtée, hɛn nǔ e è sɔ́ dó así nú we ɔ́ syɛ́nsyɛ́n. Nɔ hɔn nú xógbló, xó e ma sɔgbe xá nǔɖiɖi ɔ́ ǎ lɛ́ɛ, bó hɔn nú nǔnywɛ́ ma nyí nǔnywɛ́ e mɛ lɛ́ɛ nɔ ylɔ́ ɖɔ nǔnywɛ́, bó nɔ ɖo nǔ dɔn ɖ'é kɔn wɛ é.

2 Timɔtée 2:21

Ényí mɛɖé sixú ɖe nǔ nyanya e xó un ɖɔ ɔ́ sín gbɛzán tɔn mɛ ɔ́, nǔjɔnǔ wɛ è nǎ nɔ sɔ́ ɛ dó bló ná ɖó é ɖo gǎn tɔn sín acɛ mɛ bǐ sésé, bó jɛ alɔ n'i, bó ɖo gbesisɔ mɛ, bɔ é ná sɔ́ ɛ dó wa nǔ ɖagbe bǐ ná.

2 Timɔtée 2:22

Hɔn nú jlǒ nyanya e mɛwínnyáwínnyá lɛ́ɛ nɔ ɖó lɛ́ɛ, bónú hwi kpódó mɛ e nɔ xomlá Aklúnɔ kpódó ayi mímɛ́ kpó lɛ́ɛ ní ba nǔjlɔ́jlɔ́wiwa, nǔɖiɖi, wǎn yíyí kpódó fífá kpó.

2 Timɔtée 3:10

Amɔ̌ hwɛ ɔ́, a ka tunwun nǔ e un kplɔ́n mɛ ɔ́ bǐ; a tunwun lě e un zán gbɛ ce gbɔn ɔ́ bǐ, bó tunwun linlin ce lɛ́ɛ, bó tunwun nǔɖiɖi e un ɖó ɔ́, bó tunwun suúlu e un ɖó ɔ́ kpódó wǎn yíyí e un ɖó ɔ́ kpán. A tunwun lě e un nɔ syɛ́nlǐn gbɔn é.

2 Timɔtée 3:17

bónú mɛ e nyí Mawu tɔn ɔ́ ná ɖo gbesisɔ mɛ titewungbe, bɔ nǔ e é ná dó wa nǔ ɖagbe bǐ na ɔ́ bǐ ná ɖo así tɔn.

Eblée 12:14

Mi dó gǎn, bó nɔ fífá mɛ xá mɛ bǐ, bó zán gbɛ mímɛ́; ɖó, nú mɛɖé ma wa nǔ gbɔn mɔ̌ ǎ ɔ́, é ná sixú mɔ Aklúnɔ ǎ.

1 Piyɛ́ɛ 3:11

É ɖó ná lɛ́ kɔ sín nǔ nyanya wiwa gúdo, bó ná nɔ wa nǔ ɖagbe; é ná nɔ́ jɛ hun dó fífá jí bó nɔ ba;

1 Samuwɛ́li 2:27

Đɛ̌mɛnu Mawu tɔn ɖokpó wá Eli gɔ́n, bo ɖɔ n'i ɖɔ: “Xó e Mawu Mavɔmavɔ ɖɔ ɔ́ ɖíe: Hwenu e tɔ́gbó towe lɛ́ɛ nyí Ejípu xɔ́sú ɔ́ sín kannumɔ ɖo Ejípu ɔ́, un ɖe nyiɖée xlɛ́ yě ǎ cé?

1 Samuwɛ́li 9:6

Mɛsɛntɔ́ ɔ́ ká yí gbe n'i ɖɔ: “Đɛ̌mɛnu Mawu tɔn ɖokpó ɖo toxo élɔ́ mɛ fí; nya ɖé wɛ bɔ mɛ bǐ nɔ sí i. É ɖɔ nǔɖé ɔ́, é nɔ jɛ. Wǎ mǐ ní yi gɔ̌n tɔn, afɔ nyɔ́ ɔ́, é ná ɖɔ ali e mǐ ná gbɔn bó ná mɔ tócí lɛ́ɛ nú mǐ.”