1 Timɔtée 6:1 - MAWUXÓWÉMA

¹ Mɛ e nyí kannumɔ lɛ́ɛ bǐ ɖó ná mɔ gǎn yětɔn lɛ́ɛ dó mɔ mɛ e è ɖó ná ɖó sísí bǐ ná é, bónú mɛɖé ma ɖɔ xó nyanya dó Mawu sín nyǐkɔ kpódó nǔ e kplɔ́n mɛ wɛ mǐ ɖe ɔ́ kpán wú ó.

1 Timɔtée 6:1 Iomraidhean Croise

Bǐbɛ́mɛ 16:9

Bɔ wɛnsagun Mawu Mavɔmavɔ tɔn ɔ́ ɖɔ n'i ɖɔ: “Lɛ̌ kɔ yi gǎn towe gɔ́n bó hwíhwɛ́ hwiɖée ɖó glɔ̌ tɔn.

Bǐbɛ́mɛ 24:12

Mɛsɛntɔ́ ɔ́ xo ɖɛ ɖɔ: “Mawu Mavɔmavɔ, Mawu gǎn ce Ablaxámu tɔn, kɛnklɛ́n bló bónú má mɔ mɛ e gbé un tɔ́n ɔ́ égbé; ɖe xomɛnyínyɔ́ towe xlɛ́ gǎn ce Ablaxámu.

Bǐbɛ́mɛ 24:2

Ablaxámu ɖɔ nú mɛsɛntɔ́ tɔn e nyí gǎn nú mɛsɛntɔ́ tɔn ɖě lɛ́ɛ bǐ, bó nɔ́ kpɔ́n nǔ tɔn lɛ́ɛ bǐ jí ɔ́ ɖɔ: “Sɔ́ alɔ towe dó asá ce glɔ́ .

Bǐbɛ́mɛ 24:27

bó ɖɔ: “Un dó kú nú Mawu Mavɔmavɔ, Mawu gǎn ce Ablaxámu tɔn. É nɔ́ gɔn xomɛnyínyɔ́ tɔn kpódó gbejíninɔ tɔn kpó ɖe xlɛ́ gǎn ce ǎ. Mawu Mavɔmavɔ xlɛ́ ali mì, bó kplá mì káká wá gǎn ce nɔví lɛ́ɛ xwé.”

2 Samuwɛ́li 12:14

Nǔ énɛ́ e a wa ɔ́, do ɖaxó ɖé wɛ a jɛ dó Mawu Mavɔmavɔ bɔ Mawu Mavɔmavɔ sín kɛntɔ́ lɛ́ɛ mɔ ali bó ɖo ɖɔɖɔ ɖɔ nyɔ̌nu énɛ́ ɔ́ wú wɛ. Énɛ́ wú ɔ́, vǐ e è ji nú we din ɔ́ ná kú dandan.”

2 Axɔ́sú 5:13

Lo ɔ́, mɛsɛntɔ́ tɔn lɛ́ɛ sɛkpɔ́ ɛ, bo ɖɔ n'i ɖɔ: “Gǎn, ényí ɖɔ nǔvɛ́wǔ ɖé wɛ gbeyíɖɔ Mawu tɔn ɔ́ zɔ́n we ɖɔ hwi bló ɔ́, a nǎ bló ǎ cé? Étɛ́wú a ma ka ná bló nǔ e é ɖɔ ɔ́ ǎ? Nylɔ̌ hwiɖée dó tɔ mɛ bo húzú mɛ mímɛ́ bó!”

Nɛɛmíi 9:5

Énɛ́ ɔ́ gúdo ɔ́, Levíi ví Yecúwa, Kadimiyɛ́li, Bani, Hacavunɛ́ya, Celeviya, Hodya, Cevaniya kpó Petaxiya kpó sú xó bó ɖɔ: “Mi sí te, mi dó kpɛ́ nú Mawu Mavɔmavɔ, Mawu mǐtɔn; mi dó kú n'i káká sɔ́yi.” “Mawu Mavɔmavɔ, mɛ ɖokpó ɖokpó ní kpa nyǐkɔ towe; nyǐkɔ towe ɔ́, susu tɔn hú gǎn nǔ e è ko sixú ɖɔ kpó nu kpó é bǐ.

Ezayíi 47:6

Xomɛ sin mì dó togun ce wú; énɛ́ ɔ́, un jó mɛ e nyí ce lɛ́ɛ nú we dó dó winnyá yě. Nǔ yětɔn ká blá wǔ nú we ǎ; a zǎn acɛ e a ɖǒ ɔ́ dó dó tagba nú degénɔ lɛ́ɛ zɛ jlɛ̌ wú.

Ezayíi 52:5

Nǔ e ká ɖo jijɛ wɛ din ɔ́, étɛ́ un ka mɔ ɖ'é mɛ? È kplá togun ce yi kannumɔgbénu ma ná nǔ ɖěbǔ mì. Mɛ e ɖo acɛ gannaganna kpa n'i wɛ lɛ́ɛ mɔ ɖɔ émí ɖu ɖ'é jí, bó nɔ́ sɔ́ nyǐkɔ ce dó nɔ acakpo jí hwebǐnu.

Ezayíi 58:6

Nubláblá e un nɔ yí wǎn ná é ɖíe: tún kan nú mɛ e è dǒ wlɔ dó acɛ jí é, zlɔ̌n agban e ɖo kpinkpɛn yě wɛ lɛ́ɛ yě, jǒ mɛ e táfú wɛ è ɖe lɛ́ɛ dó nú yě ní vo. Đo kléwún mɛ kpowun ɔ́, è nǐ sú nǔ e zɔ́n bɔ yě nyí kannumɔ lɛ́ɛ bǐ dó.

Ezekiyɛ́li 36:20

To e mɛ yě gbɔn lɛ́ɛ bǐ ɔ́, hwɛ e yě nɔ́ hu lɛ́ɛ hɛn nyɛ mɛ e nyí Mawu mímɛ́ ɔ́ sín nyǐkɔ blí. Ɖó è nɔ ɖɔ dó yě wú ɖɔ: ‘Mawu Mavɔmavɔ sín togun wɛ yě nyí; è ka ɖe yě sín Mawu Mavɔmavɔ sín to ɔ́ mɛ gǎnnugǎnnu.’

Ezekiyɛ́li 36:23

Mi wú wɛ akɔta ɖě lɛ́ɛ hu tɛ́ nú nyǐkɔ ce. Din ɔ́, un ná ɖe xlɛ́ yě ɖɔ nyɛ wɛ nyí Mawu aditi, Mawu mímɛ́ ɔ́. Mi wɛ un ka ná sɔ́ dó ɖe nǔ énɛ́ xlɛ́ yě. Énɛ́ ɔ́, akɔta lɛ́ɛ ná tunwun ɖɔ nyɛ wɛ nyí Mawu Mavɔmavɔ. Xó e nyɛ Aklúnɔ Mavɔmavɔ ɖɔ ɔ́ nɛ́.

Malacíi 1:6

Mawu Mavɔmavɔ Nǔbǐwúkpétɔ́ ɔ́ ɖɔ nú vɔ̌sánú-xwlémawutɔ́ lɛ́ɛ ɖɔ: “Vǐ súnnu nɔ gbo gbě nú tɔ́ tɔn, bɔ mɛsɛntɔ́ nɔ gbo gbě nú gǎn tɔn. Nyɛ ɔ́, é ma ka nyí tɔ́ wɛ un nyí nú mi bo lɛ́ nyí gǎn nú mi ǎ cé? Bɔ étɛ́wú mi ma ka nɔ gbo gbě nú mì ǎ? Étɛ́wú wɛ mi ma ka nɔ sí mì ǎ? Mi nɔ ké ya nú mì ǎ, bó ká nɔ́ kanbyɔ́ mì ɖɔ: ‘Étɛ́ mɛ wɛ mǐ dó vɛ̌ nú we ɖe?’

Matíe 11:30

Ɖó nǔkplɔ́nmɛ ce lɛ́ɛ vɛ́ wǔ ǎ, su ce lɛ́ɛ ka vɛ́ nyi ǎ.

Matíe 11:9

Étɛ́ kpɔ́n gbé wɛ mi ka yi? Gbeyíɖɔ Mawu tɔn ɖé wɛ a? Ɛɛn wɛ un ɖɔ nú mi; é ka lɛ́ hú gbeyíɖɔ Mawu tɔn.

Luki 17:1

Jezu ɖɔ nú ahwanvú tɔn lɛ́ɛ ɖɔ: “Mɛ dɔn dó nǔ nyanya mɛ sixú hán ǎ; amɔ̌, heelú mɛ e ná dɔn mɛ dó nǔ nyanya mɛ é;

Mɛsɛ́dó 10:22

Yě ka yí gbe n'i ɖɔ: “Sɔ́ja kanwekogán Kɔnɛ́yi wɛ sɛ́ mǐ dó; nya énɛ́ ɔ́, gbɛtɔ́ ɖagbe ɖé wɛ; é nɔ́ sí Mawu, bɔ Jwifu lɛ́ɛ bǐ nɔ́ ɖe kúnnu ɖagbe n'i. Wɛnsagun Mawu tɔn ɖé tɔ́n dó jǐ tɔn, bó ɖɔ n'i ɖɔ ní ylɔ́ we wá xwé tɔn gbe, bó ɖótó xó e a nǎ ɖɔ n'i é.”

Mɛsɛ́dó 10:7

Ée wɛnsagun e ɖɔ xó n'i ɔ́ yi tlóló ɔ́, Kɔnɛ́yi ylɔ́ mɛsɛntɔ́ tɔn we, kpó sɔ́ja e nɔ wa azɔ̌ n'i lɛ́ɛ ɖokpó kpó; sɔ́ja énɛ́ nɔ́ xwedó Mawusɛ́n ɔ́;

Mɛsɛ́dó 15:10

Hǔn din ɔ́, aniwú mi ka nɔ ɖíɖá agban e tɔ́gbó mitɔn lɛ́ɛ kpódó mi ɖésúnɔ kpó ma kpé wú bó hɛn ǎ ɔ́ ahwanvú lɛ́ɛ, bó dó ɖo do ba nú Mawu wɛ?

Hlɔ̌manu 2:24

Đó Mawuxówéma ɔ́ ɖɔ: “Mi mɛ Jwifu lɛ́ɛ wútu wɛ akɔta ɖě lɛ́ɛ nɔ́ ɖɔ xó nyanya dó Mawu wú.”

1 Kɔlɛ́ntinu 10:32

Mi ma wa nǔ e ná nyí afɔklɛ́nnú nú Jwifu lɛ́ɛ, abǐ mɛ e ma nyí Jwifu ǎ lɛ́ɛ, abǐ agun Mawu tɔn ɔ́ ɖěbǔ ó.

Galatinu 5:1

Klísu ɖe mǐ sín sɛ́n ɔ́ kannu, bónú mǐ ná jɛ mǐ ɖésúnɔ sí. Mi bo syɛ́nlǐn, bó má lɛ́ wá húzú kannumɔ ó.

Sɛ́nflínmɛ 28:48

mi ná nɔ xovɛ́, bó nɔ nugblá, bó nɔ mɛ̌, bó nɔ nǔɖé má ɖó, bó sɛn kɛntɔ́ e Mawu Mavɔmavɔ ná sɛ́ dó mi lɛ́ɛ. Azɔ̌ syɛ́nsyɛ́n wɛ Mawu Mavɔmavɔ ná ɖó kɔ jí nú mi káká bó ná sú kún mitɔn dó.

1 Timɔtée 5:14

Énɛ́ ɔ́ wú wɛ un jló ɖɔ asúkúsi e ma ko nyí mɛxó ǎ lɛ́ɛ ní lɛ́ vɔ́ asú da, bó ji vǐ; yě ní kpé nukún dó xwé yětɔn wú, bó ma ná ali ɖěbǔ kɛntɔ́ mǐtɔn lɛ́ɛ, bónú yě mɔ nǔ nyanya ɖé ɖɔ dó mǐ wú ó.

Titu 2:5

Yě ná nɔ kplɔ́n yě ɖɔ yě ní nɔ wa nǔ e sɔgbe é, lobo nyí mɛ mímɛ́; yě ní nɔ́ kpé nukún dó xwégbezɔ́ yětɔn lɛ́ɛ wú, bó ná nyí nyɔ̌nu ɖagbe e nɔ se tónú nú asú yětɔn lɛ́ɛ é; yě ní wa nǔ gbɔn mɔ̌, bónú mɛɖé ma ɖɔ xó nyanya ɖé dó Mawuxó ɔ́ wú ó.

1 Piyɛ́ɛ 2:12

Mi zán gbɛ ɖagbe ɖo mɛ e ma ɖi nǔ nú Mawu ǎ lɛ́ɛ tɛ́ntin; énɛ́ ɔ́, nú yě na bo ɖo hwɛ dó mi wɛ ɖɔ mi nyí nǔnyanyawatɔ́ ɔ́, yě ná wá mɔ nǔ jɛ azɔ̌ ɖagbe e mi nɔ wa lɛ́ɛ wú dandan, bó ná kpa susu nú Mawu ɖo azǎn e gbe é ná ba yě kpɔ́n é.

1 Piyɛ́ɛ 3:16

Gbe fífá kpó mɛsísí kpó wɛ mi ka ná dó ná xósin yě. Mi ɖó ayixa mímɛ́, bónú jijɔ ɖagbe e Klísu sɔ́ dó ayi mɛ nú mi, bɔ mi ɖo zǐnzán wɛ ɔ́, hwenu e yě mɛ e nɔ ɖo xó nyanya ɖɔ d'é wú wɛ lɛ́ɛ ná dó hwɛ mi ɔ́, xó e yě nɔ ɖɔ lɛ́ɛ ní hu winnyá nú yě.