1 Timɔtée 5:8 - MAWUXÓWÉMA

⁸ Ényí mɛɖé ma nɔ kpé nukún dó mɛ tɔn lɛ́ɛ wú ǎ ɔ́, ɖo tají ɔ́, mɛ e ɖo hɛ̌n tɔn nu lɛ́ɛ wú ǎ ɔ́, mɛ énɛ́ ɔ́ gbɛ́ nǔɖiɖi, lobo nylá hú nǔmaɖitɔ́.

1 Timɔtée 5:8 Iomraidhean Croise

Bǐbɛ́mɛ 30:30

Đó kpɛ e ɖo así towe có nyɛ wá ɔ́, wá ji d'é jí kpɔ́ gégé. Mawu Mavɔmavɔ xo ɖɛ dó jǐ towe sín gbe e gbe un tɛ afɔ xwé towe gbe é. Hwenu su, nú má yi bló nyɛ ɖésúnɔ tɔn ɖě dó hɛn mɛ ce lɛ́ɛ ná ǎ cé?”

Ezayíi 58:7

Nǎ nǔɖuɖu towe ɖě mɛ e ɖo xovɛ́ é, wamamɔnɔ e má ɖó xɔ ǎ ɔ́, yǐ i dó xwé gbe; nǎ avɔ mɛ e ɖo mɛ̌ é. Ma gɔn alɔ gɔ́ nú nɔzo towe ó.

Matíe 18:17

Nú é ma lɛ́ se xó yětɔn hwenɛ́nu ǎ ɔ́, ɖɔ nú agun ɔ́, bónú yě ní ɖɔ nǔ e é wa nyi do ɔ́ n'i; nú é ma lɛ́ se yě lɔmɔ̌ tɔn ǎ jɛ́n wɛ hǔn, bó sɔ́ ɛ dó mɔ mɛ e ma nyí Jwifu ǎ é ná, bó lɛ́ sɔ́ ɛ dó mɔ tokwɛ́yítɔ́ ná.

Matíe 7:11

Midɛɛ lɛ́ɛ ɔ́, lě e mi dá sɔ ɔ́ nɛ́, có mi ka tunwun nǔ ɖagbe bo nɔ ná vǐ mitɔn lɛ́ɛ. Nɛ̌ wɛ Tɔ́ mitɔn e ɖo sɛ́xwé ɔ́ ma ka ná ná nǔ ɖagbe mɛ e byɔ́ ɛ lɛ́ɛ ǎ gbɔn?

Jǎan 15:22

Ényí un ma ko wá, bó ɖɔ xó nú yě ǎ ɔ́, yě ná nyí hwɛhutɔ́ ǎ; din e un ka wá, bó ɖɔ xó nú yě ɔ́, yě sɔ́ sixú mɔ nǔ ɖěbǔ ɖɔ, bó dó hwlɛ́n yěɖée gán sín hwɛ yětɔn lɛ́ɛ mɛ ǎ.

1 Kɔlɛ́ntinu 6:6

Lo ɔ́, hwɛ jɛ́n nɔví ɖě ká ɖó ná ylɔ́ ɖě ɔ́ dandan a? Bɔ é ka ná lɛ́ nyí hwɛɖɔtɔ́ e ma nyí klísusɛntɔ́ ǎ lɛ́ɛ nukɔn a?

2 Kɔlɛ́ntinu 12:14

Nyɛ ɖíe ko lɛ́ ɖo gbesisɔ mɛ bó ja gɔ̌n mitɔn azɔn atɔngɔ́ e, un ka ná lɛ́ nyí agban bo kpɛn mi ǎ; mi ba wɛ un ɖe; akwɛ́ mitɔn ba wɛ un ɖe ǎ. Nǔgbó ɔ́, é nyí vǐ lɛ́ɛ wɛ ná sɔ́ nǔ e yě ɖǒ lɛ́ɛ dó tɔ́jú mɛjitɔ́ yětɔn lɛ́ɛ ná ǎ; lo ɔ́, mɛjitɔ́ lɛ́ɛ wɛ ná sɔ́ nǔ e yě ɖó lɛ́ɛ dó tɔ́jú vǐ yětɔn lɛ́ɛ ná.

2 Kɔlɛ́ntinu 6:15

Nɛ̌ Klísu ka sixú ɖó gbe kpɔ́ xá awǒvi gbɔn? Abǐ ani wɛ mɛ e ɖi nǔ nú Klísu ɔ́ sixú kpé xá mɛ e ma ɖi nǔ nú Klísu ǎ é?

Galatinu 6:10

Ényí mɔ̌ hǔn nɔví lɛ́ɛ mi, ényí mǐ mɔ ɖagbewiwa sín ali hweɖěbǔnu hǔn, mǐ ní nɔ wa nú mɛ bǐ, ɖo tají ɔ́, nú nɔví ɖo nǔɖiɖi mɛ lɛ́ɛ.

2 Timɔtée 2:12

Ényí mǐ syɛ́nlǐn ɔ́, mǐ ná ɖu axɔ́sú xá ɛ. Ényí mǐ gbɛ́ ɖɔ mǐ kún tunwun i ó ɔ́, élɔ́ ná gbɛ́ ɖɔ émí kún tunwun mǐ ó.

2 Timɔtée 3:5

Yě ná nyí mawusɛntɔ́ ɖo nukúnta, bó ka ná gbɛ́ nǔ e nyí hlɔ̌nhlɔ́n titewungbe nú sinsɛn ɔ́ é; lɛ̌ kɔ sín gbɛtɔ́ mɔ̌hun lɛ́ɛ gúdo.

Titu 1:16

Yě tunwun Mawu bó ɖɔ; lo ɔ́, nǔwiwa yětɔn ɖe xlɛ́ ɖɔ yě kún tunwun Mawu ó. Mɛ e è nǎ gbɛ́ wǎn ná wɛ nú yě; yě nyí gǔfɔ́ntɔ́, bó nyí mɛ e ma sixú kpé nǔ ɖagbe ɖěbǔ wú bó wa ǎ lɛ́ɛ é.

2 Piyɛ́ɛ 2:1

Đ'ayǐ xóxó ɔ́, gbeyíɖɔmawutɔn-nyíjɛtɔ́ ɖé lɛ́ɛ tɔ́n ɖo togun ɔ́ mɛ; mɔ̌ ɖokpó ɔ́, nǔkplɔ́nmɛtɔ́-nyíjɛtɔ́ ɖé lɛ́ɛ ná tɔ́n ɖo tɛ́ntin mitɔn; yě ná sɔ́ kplɔ́n nyanya, kplɔ́n e nɔ hɛn nǔ gblé ɔ́ byɔ́ mi mɛ, bó ná gbɛ́ gǎn e hwlɛ́n yě gán é; énɛ́ ɔ́, yě ná vɔ yěɖée bléwún.

Judi 1:4

Nǔgbó ɔ́, mɛdídá ɖé lɛ́ɛ lun byɔ́ mi mɛ, bó nɔ́ kpé ta do nú wɛn e ɖɔ xó dó nyɔ̌ná Mawu mǐtɔn tɔn wú é; yě bló mɔ̌, bó ná dó ɖe xlɛ́ ɖɔ gbɛ kwíji kwíji e zán wɛ émí ɖe ɔ́ sɔgbe, bó nɔ́ gbɛ́ Jezu Klísu e nyí Mɛ̌si mǐtɔn ɖokpó géé, bó nyí Aklúnɔ mǐtɔn é. É ko lín din bɔ Mawuxówéma ɔ́ ko ɖɔ hwɛ e è ɖǒ nú yě ɔ́.

Nǔɖexlɛ́mɛ 2:13

Un tunwun fí e a nɔ nɔ é: fí e Satáan ɖu axɔ́sú ɖe ɔ́ wɛ a nɔ nɔ. A nɔ gbejí nú mì; a jǒ nǔɖiɖi e a ɖǒ nú mì ɔ́ dó ǎ; hwenu e è hu kúnnuɖetɔ́ ce gbejínɔtɔ́ Antipasi ɖo mi gɔ́n ɖo fí e Satáan nɔ nɔ ɔ́, a jǒ mì dó ǎ.

Nǔɖexlɛ́mɛ 3:8

Un tunwun nǔ e wa wɛ a ɖe ɔ́ bǐ; un tunwun ɖɔ hlɔ̌nhlɔ́n kpɛɖé jɛ́n a ɖǒ; é ka ɖo mɔ̌ có, a blǒ ɖó xó ce jí; a nɔ gbejí nú mì; un hun hɔn ɖé ɖo nukɔn towe bɔ mɛ ɖěbǔ sixú sú ǎ.