1 Timɔtée 5:6 - MAWUXÓWÉMA

⁶ Lo ɔ́, asúkúsi e jó éɖée dó nú gbɛɖuɖu ɔ́ ɖo gbɛ cóbó ká kó kú.

1 Timɔtée 5:6 Iomraidhean Croise

Bǐbɛ́mɛ 2:17

Amɔ̌, atín e sín sínsɛ́n è nɔ ɖu bó nɔ tunwun nǔ ɖagbe kpódó nǔ nyanya kpó ɔ́ kɛ́ɖɛ́ jɛ́n a ma ná ɖu ǎ, ɖó gbe e gbe a nǎ ɖu ɔ́, a nǎ kú.”

Nǔnywɛ́xó 29:21

Mɛsɛntɔ́ e è hɛn vǐbóɖó tɔn sín vǔ ɔ́ sɔ́ nɔ́ sí mɛɖé ǎ.

Ezayíi 22:13

Lo ɔ́, mi bló gbɔn mɔ̌ ǎ; mi ɖo awǎ jɛ wɛ, bó ɖo gbɛ ɖu wɛ: è ɖo nyibú hu wɛ, bó ɖo gbɔ̌ hu wɛ, è ɖo lan ɖu wɛ, bó ɖo vɛ̌ɛn nu wɛ... Mi nɔ ɖɔ: “Mi nú mǐ nǎ ɖu nǔ bó nu ahan, ɖó sɔ ɔ́ mǐ nǎ kú.”

Ezayíi 47:1

Mawu ɖɔ: “Đyɔ̌vǐ Babilɔ́nu, jɛ te sín axɔ́súzinkpo jí; jǐnjɔ́n kɔ́gúdu mɛ. Toxo Babilɔ́nunu lɛ́ɛ tɔn e, jǐnjɔ́n kɔ́ mɛ, ma sɔ́ ba zinkpo ó. È sɔ́ ná nɔ́ ylɔ́ we ɖɔ nyɔ̌nu fífá, nyɔ̌nu ɖagbe ɖagbe ɖě ǎ.

Jelemíi 6:2

Un hánnyá Sinyɔ́ɔ nɛ́! Toxo ɖɛkpɛ ɖɛkpɛ, toxo ɖagbe ɖagbe ɔ́, un hánnyá ɛ lo!

Gbɛvíhan 4:5

Yě mɛ e nɔ ɖu nǔ ɖagbe ɖ'ayǐ lɛ́ɛ ɔ́, hlɔ̌nhlɔ́n vɔ ɖo yě wú, bɔ yě nɔ́ jɛ ayǐ gbɔn alixo alixo; yě mɛ e è hɛn ganjí bɔ nǔɖé má hwedó yě ǎ lɛ́ɛ ɔ́, yě wá ɖo zunkɔ́ kíjé wɛ kpó alɔ kpó.

Matíe 8:22

Jezu ka yí gbe n'i ɖɔ: “Xwedó mì, bo jó mɛkúkú lɛ́ɛ dó nú yě ní ɖi mɛkúkú yětɔn lɛ́ɛ.”

Luki 12:19

lobo ná ɖɔ nú nyɛɖée ɖɔ: nǔ e ná hɛn mì káká nú xwe mɔ̌kpán ɔ́ ɖo así ce; din ɔ́, un ná gbɔjɛ́, bó ná ɖu nǔ, bó nu ahan, bó ná ɖu gbɛ.’

Luki 15:13

Azǎn ɖé jɛ ǎ, bɔ yɔkpɔ́vú ɔ́ xo nǔ tɔn lɛ́ɛ bǐ kplé, bó yi to línlín ɖé mɛ, bó zán nǔ tɔn lɛ́ɛ dó akpa mɛ.

Luki 15:24

ɖó vǐ ce élɔ́ ɔ́, kú wɛ é ko kú; é ka lɛ́ wá gbɛ. É ko bú bɔ è ka lɛ́ wá mɔ ɛ;’ bɔ yě jɛ xwe ɖu jí.

Luki 15:32

lo ɔ́, xwe wɛ mǐ ló kó ɖu, bó j'awǎ, bɔ é nyɔ́; ɖó nɔví towe élɔ́ ɔ́, kú wɛ é ko kú; é ka lɛ́ wá gbɛ; é ko bú, un ka lɛ́ wá mɔ ɛ.’ ”

Luki 16:19

Nya dɔkunnɔ ɖé tíin, bó nɔ dó akwɛ́núvɔ vɔvɔ ɖagbe ɖagbe lɛ́ɛ, bó nɔ ɖo acɔ́ mɛ hwebǐnu, lobo nɔ ɖo agɔ̌ ɖu wɛ ayǐhɔ́ngbe ayǐhɔ́ngbe.

Luki 7:25

Étɛ́ mi ka tɔ́n bó yi kpɔ́n? Mɛ ɖé wɛ bó dó awu xɔ akwɛ́ a? Éɖíe mɛ e nɔ dó awu xɔ akwɛ́, bó nɔ́ ɖo gbɛ ɖu wɛ lɛ́ɛ ɔ́, hɔnmɛ wɛ yě nɔ́ nɔ e.

Efɛ́zinu 2:1

Đ'ayǐ xóxó ɔ́, mɛkúkú ɖɔhun wɛ mi cí, ɖó tónú e mi ma nɔ se nú Mawu é, kpódó hwɛ e mi nɔ hu lɛ́ɛ kpó wú.

Efɛ́zinu 2:5

bɔ hwenu e mǐ kpo ɖo mɛkúkú ɖɔhun cí wɛ ɖo nukɔn tɔn, ɖó hwɛ mǐtɔn lɛ́ɛ wú ɔ́, é bló bɔ mǐ lɛ́ wá gbɛ kpódó Klísu kpó. Fɛ́nú Mawu tɔn mɛ wɛ mi mɔ hwlɛngán ɖe.

Efɛ́zinu 5:14

Đó nǔ e è ɖe gba ɖo wěziza nu lɛ́ɛ bǐ wɛ nɔ́ húzú wěziza; énɛ́ wútu wɛ è ɖɔ: “Hwi mɛ e ɖo amlɔ dɔ́ wɛ ɔ́, fɔ́n sí te sín mɛkúkú lɛ́ɛ mɛ; énɛ́ ɔ́, Klísu sín wěziza ná hɔ́n dó jǐ towe.”

Sɛ́nflínmɛ 28:54

Súnnu e nyí mɛjɔmɛ, mɛfífá hú mɛ bǐ ɖo toxo mitɔn mɛ ɔ́ ná sɔ́ nukún nyanya dó kpɔ́n nɔví tɔn, bó sɔ́ nukún nyanya dó kpɔ́n asi tɔn e ɖo xɔ tɔn sá é, bó ná sɔ́ nukún nyanya dó kpɔ́n vǐ tɔn e kpo lɛ́ɛ.

Sɛ́nflínmɛ 28:56

Nyɔ̌nu e nyí mɛjɔmɛ, mɛfífá, bó má nɔ́ jló nú afɔ tɔn vɔ́vɔ́ ná tɛ kɔ́ mɛ ǎ é ɔ́, xomɛ na sin i káká bɔ é ná mɔ asú é ɖésúnɔ tɔn dó mɔ nǔ ɖuɖu, bó ná mɔ vǐ é ɖésúnɔ tɔn súnnu kpó nyɔ̌nu kpó dó mɔ nǔ ɖuɖu.

Kolósinu 2:13

Đ'ayǐ ɔ́, mɛkúkú wɛ mi nyí, ɖó hwɛ mitɔn lɛ́ɛ wútu; ɖó mi nyí Jwifu ǎ; mi tunwun Mawusɛ́n ɔ́ ǎ; amɔ̌ din ɔ́, Mawu bló, bɔ mi lɛ́ wá gbɛ kpódó Klísu kpó, bɔ é sɔ́ hwɛ e mǐ hu lɛ́ɛ bǐ kɛ mǐ.

2 Timɔtée 3:6

Mɛ ɖé lɛ́ɛ ɖo yě mɛ, bó nɔ lun byɔ́ xwé lɛ́ɛ gbe, lobo nɔ ɖɔ xó dó blɛ́ nyɔ̌nu e ma ɖó gǎn ɖě ǎ, bɔ hwɛgban ɖo kɔ ná lɛ́ɛ, káká bó nɔ́ xwe yě dó acɛ yětɔn mɛ.

Jaki 5:5

Acɔ́ mɛ wɛ mi nɔ, bó ɖu gbɛ ɖo ayǐkúngban ɔ́ jí; nǔ ɖagbe ɖagbe lɛ́ɛ wɛ mi ɖu, bó dó jǒ ɖ'ayǐ nú gbe e gbe è nǎ kplá mi yi lanhutɛn é.

Nǔɖexlɛ́mɛ 18:7

Lě e é nɔ sɔ́ éɖée su, bó nɔ ba acɔ́ sɔ ɔ́, mɔ̌ wɛ mi ná dó ya n'i sɔ, mɔ̌ wɛ mi ná dó e aluwɛ mɛ sɔ; ɖó é nɔ ɖɔ dó ayi mɛ ɖɔ: ‘Un ɖo ayǐjínjɔ́n fí, axɔ́sú nyɔ̌nu ɖɔhun; un nyí asúkúsi ǎ; un ka ná nɔ aluwɛ mɛ gbeɖé ǎ.’

Nǔɖexlɛ́mɛ 3:1

Wlǎn wěma sɛ́ dó agun Klísu tɔn e ɖo Saadu ɔ́ sín wɛnsagun, bó ɖɔ n'i ɖɔ: “Mɛ e sí yɛ Mawu tɔn tɛ́nwe lɛ́ɛ kpódó sunví tɛ́nwe lɛ́ɛ kpán ɖe ɔ́, xó e é ɖɔ ɔ́ ɖíe: Un tunwun nǔ e wa wɛ a ɖe ɔ́ bǐ; un tunwun ɖɔ è nɔ mɔ we dó mɔ mɛ gbɛɖe; lo ɔ́, a ko kú.

1 Samuwɛ́li 15:32

Énɛ́ ɔ́ gúdo ɔ́, Samuwɛ́li ɖɔ: “Mi kplá Agagi Amalɛ́ki xɔ́sú ɔ́ wá nú mì.” Bɔ Agagi ɖidó Samuwɛ́li gɔ́n kpó xomɛhunhun kpó, ɖó é ɖo ɖiɖɔ dó ayi mɛ wɛ ɖɔ: “Un ɖiɖɔ kú xó ɖé sɔ́ ɖ'é mɛ nú mì din ǎ.”

1 Samuwɛ́li 25:6

Mi ná ɖɔ n'i ɖɔ nyɛ mɛsɛntɔ́ tɔn Jɛsée ví ɔ́ wɛ sɛ́ mi dó, bó ɖɔ xwe ɔ́ ná nyí xwesi n'i, ɖɔ nǔ ná nyɔ́ n'i bɔ ká tɔn kpó go tɔn kpó bǐ nǎ nɔ ganjí.