1 Timɔtée 5:5 - MAWUXÓWÉMA

⁵ Asúkúsi nǔgbó nǔgbó e ma ɖó mɛɖé bɔ é ná kpé nukún dó wútu tɔn ǎ ɔ́ nɔ sɔ́ nukúnɖíɖó tɔn bǐ ɖó Mawu jí. É nɔ gɔn ɖɛ xo ǎ, é nɔ gɔn vo sa nú Mawu ǎ.

1 Timɔtée 5:5 Iomraidhean Croise

Ɖɛhan 91:4

É ná cyɔ́n awa jǐ towe kokló vǐnɔ ɖɔhun, bɔ a nǎ mɔ tɛnmɛ ɖo awa tɔn lɛ́ɛ glɔ́. Gbejíninɔ tɔn ɔ́, ganwu wɛ, gǎglónú wɛ.

Ezayíi 12:2

Mawu Mɛhwlɛ́ngántɔ́ ce ɔ́ ɖíe, un ɖeji dó wǔ tɔn, xɛsi sɔ́ ɖi mì ǎ, ɖó Mawu Mavɔmavɔ wɛ nyí hlɔ̌nhlɔ́n ce, bó nyí han ɖo nu ce; é wɛ nyí hwlɛngán ce.”

Ezayíi 3:26

Énɛ́ ɔ́, mɛ e ɖo toxo ɔ́ mɛ lɛ́ɛ bǐ ná sa vo, bó ná ya gbɛvíhan. Toxo ɔ́ ná cí nyɔ̌nu e nǔ tɔn bǐ dɔn, bɔ é jínjɔ́n kɔ́ mɛ é ɖɔhun.

Ezayíi 49:21

Énɛ́ ɔ́, a nǎ nɔ́ kanbyɔ́ hwiɖée ɖɔ: ‘Mɛ̌ ká ná vǐ élɔ́ lɛ́ɛ bǐ mì? Un ma ka sɔ́ ɖó vǐ ɖě nɛ́? Un sɔ́ ɖó nukún ɖɔ un ná mɔ vǐ ɖě gbeɖé ǎ. È ko ɖe mì sín tomɛ fí, bó sɔ́ mì ɖó vo; bɔ vǐ énɛ́ lɛ́ɛ ɔ́, mɛ̌ ká hɛn yě? Nyi ɖokpónɔ géé wɛ ká kpo ɖ'ayǐ hǔn! Mɛ énɛ́ lɛ́ɛ ɔ́, fítɛ́ yě ká ɖe ɖ'ayǐ?’

Ezayíi 50:10

Ényí mɛɖé ɖo mi mɛ, bó nɔ́ ɖó sísí nú Mawu Mavɔmavɔ hǔn, mɛ ɔ́ ní nɔ́ ɖótó mɛsɛntɔ́ tɔn. Ényí mɛ ɖé ɖo zɔnlin ɖi wɛ ɖo ablu mɛ, bó má mɔ nukúnnú ɖěbǔ ǎ hǔn, mɛ ɔ́ ní sɔ́ éɖée jó nú Mawu Mavɔmavɔ, é ní gán jɛ Mawu tɔn wú.

Ezayíi 54:1

Jeluzalɛ́mu, hwi mɛ e nyí wɛnsinɔ ɔ́, hwi mɛ e ma ji vǐ kpɔ́n ǎ ɔ́, hwi mɛ e ma mɔ wǔvɛ́ ɖo ajidonu kpɔ́n ǎ ɔ́, sú xó bó j'awǎ. Đó Mawu Mavɔmavɔ ɖo ɖiɖɔ nú we wɛ ɖɔ: “Hwi mɛ e asú towe gbɛ́ we ɔ́, a nǎ ɖó vǐ hú nyɔ̌nu e ɖo asúxwé é.”

Gbɛvíhan 1:13

É sɛ́ myɔ ɖé dó lan ce mɛ sín jǐxwé; myɔ ɔ́ byɔ́ lan ce mɛ káká bó yi mɔ xú ce. É ɖó mɔ dó afɔ ce lɛ́ɛ glɔ́, bó zin mì dɛ́, bɔ un jɛ wɛn. É ɖe mì sín mɛ mɛ bǐ gbídígbídí, bɔ un ɖo azɔn tɔn jɛ wɛ tɛgbɛ.

Luki 18:1

Énɛ́ ɔ́ gúdo ɔ́, Jezu lɛ́ dó lǒ ɖokpó nú ahwanvú tɔn lɛ́ɛ, bó dó ɖe xlɛ́ yě ɖɔ yě ɖó ná ɖó kan dó ɖɛxixo wú tɛgbɛ; awakanmɛ ní má kú yě gbeɖé ó;

Luki 18:7

Ényí nǔ ɖo mɔ̌ ɔ́, nɛ̌ wɛ Mawu má ká ná yá wǔ gbo hwɛ nú yě mɛ e nyí étɔn, bó nɔ́ ɖo xó sú ylɔ́ ɛ wɛ zǎn kéze lɛ́ɛ ǎ gbɔn? É ná lín cóbó ná dó alɔ yě wɛ a?

Luki 2:37

É ka sɔ́ da asú ɖě ǎ, káká bó ɖó xwe kanwe-nukún-ɛnɛ (84); é nɔ́ cí sinsɛnxɔ mɛ, bɔ zǎn kpódó kéze kpó ɔ́, é nɔ́ ɖo Mawu sɛn wɛ, ɖo nubláblá kpó ɖɛxixo kpó mɛ.

Mɛsɛ́dó 26:7

Akɔta mǐtɔn wěwe lɛ́ɛ lɔ ɖo nukún ɖó akpá énɛ́ sín ɖiɖe wɛ, bó nɔ́ ván kan bó nɔ́ sɛn Mawu kpódó lǐnsyɛ́nsyɛ́n kpán zǎn kéze. Axɔ́sú e! Nukúnɖíɖó énɛ́ wɛ zɔ́n bɔ Jwifu lɛ́ɛ ɖo hwɛ dó mì wɛ.

Mɛsɛ́dó 6:1

Hwenɛ́nu ɔ́, ahwanvú lɛ́ɛ wá ɖo kpɔ́ sú d'é jí wɛ, bɔ Jwifu e nɔ xwedó walɔ Glɛ̌sinu lɛ́ɛ tɔn lɛ́ɛ wá jɛ nǔ hlún ɖɔ dó Jwifu e nɔ xwedó walɔ Eblée lɛ́ɛ tɔn lɛ́ɛ wú jí. Yě nɔ́ ɖɔ è nɔ dó vɛ̌ nú asúkúsi émítɔn lɛ́ɛ ɖo nǔmímá hwenu ayǐhɔ́ngbe ayǐhɔ́ngbe.

Mɛsɛ́dó 9:39

Ée Piyɛ́ɛ se wɛn énɛ́ tlóló ɔ́, é sí te bó xwedó yě azɔn ɖokpó. Ée yě wá Jopée ɔ́, yě kplá ɛ yi xɔ ɔ́ mɛ, ɖo síngbó jí. Ée Piyɛ́ɛ byɔ́ xɔ ɔ́ mɛ ɔ́, asúkúsi lɛ́ɛ bǐ sɛkpɔ́ ɛ ɖasin ɖo nukún mɛ, bó xlɛ́ ɛ awu kpó avɔ kpán e Dɔ̌kási nɔ bló hwenu e é ɖo gbɛ é.

Mɛsɛ́dó 9:41

Piyɛ́ɛ ka hɛn alɔ tɔn, bó sɔ́ ɛ sí te, bó ylɔ́ nǔɖitɔ́ lɛ́ɛ, kpódó asúkúsi lɛ́ɛ kpán, bó sɔ́ ɛ xlɛ́ yě gbɛɖe.

Hlɔ̌manu 1:12

Nǔ e ɖɔ wɛ un ɖe ɔ́ wɛ nyí ɖɔ é jló mì ɖɔ nyɛ kpó mi kpó ná nɔ kpɔ́, bó ná dó ná akɔ́nkpinkpan mǐɖée. Nyɛ ná ná akɔ́nkpinkpan mi gbɔn nǔɖiɖi ce gbla mɛ, bɔ mi lɔ ná ná akɔ́nkpinkpan mì gbɔn nǔɖiɖi mitɔn gbla mɛ.

Hlɔ̌manu 1:5

Mawu jɔwǔ mì gbɔn Klísu jí, bó sɔ́ mì mɛsɛ́dó, bónú ma sɔ́ Klísu nyǐkɔ su, bó ná sixú dɔn gbɛtɔ́ ɖo to lɛ́ɛ bǐ mɛ, bónú yě ná ɖi nǔ n'i, bó se tónú n'i.

1 Kɔlɛ́ntinu 7:32

É jló mì ɖɔ nǔlinlin ɖěbǔ ní ma nɔ ayixa mɛ nú mi ó. Mɛ e ma da asi ǎ ɔ́, Aklúnɔ sín nǔ lɛ́ɛ wú wɛ é nɔ kpé nukún dó; é nɔ ba ná nyɔ́ ɖo Aklúnɔ sí.

1 Kɔlɛ́ntinu 7:34

Énɛ́ ɔ́, nǔ we wú kpé nukún dó wɛ é ɖe nɛ́. Mɔ̌ ɖokpó ɔ́, nyɔ̌nu e ma da asú ǎ, abǐ ɖyɔ̌vǐ ɔ́, Aklúnɔ sín nǔ lɛ́ɛ wú wɛ é nɔ kpé nukún dó; ɖó é nɔ jló ná nyí Aklúnɔ tɔn ɖo agbaza kpó yɛ kpó mɛ; lo ɔ́, nyɔ̌nu e ka ɖó asú ɔ́, gbɛmɛ fí sín nǔ lɛ́ɛ wú wɛ é nɔ kpé nukún dó; é nɔ ba ná nyɔ́ ɖo asú tɔn sí.

Efɛ́zinu 6:18

Mi ná nɔ xo ɖɛ tɛnmɛ tɛnmɛ, bó ná nɔ sa vo nú Mawu gbɔn Yɛsinsɛn jí hwebǐnu. Mi nɔ́ nɔ acéjí, bó nɔ́ ɖó kan d'é wú titewungbe, lobo nɔ xo ɖɛ nú mɛɖeɖóvo Mawu tɔn lɛ́ɛ bǐ.

Filípunu 4:6

Ado ma hu mi dó nǔ ɖěbǔ wú ó; lo ɔ́, mi ɖo ninɔmɛ ɖěbǔ mɛ hǔn, mi ní nɔ sɔ́ kúdónúmɛ sín ayixa dó xo ɖɛ, bó byɔ́ nǔ e hudó mi lɛ́ɛ Mawu.

1 Timɔtée 2:1

Nǔ nukɔntɔn e zɔ́n mi wɛ un ɖe ɔ́ wɛ nyí ɖɔ mi ní nɔ sa vo nú Mawu; mi nɔ xo ɖɛ; mi nɔ byɔ́ nǔ Mawu; mi nɔ dó kú n'i; mi ná nɔ bló nǔ énɛ́ lɛ́ɛ, ɖó gbɛtɔ́ lɛ́ɛ bǐ tamɛ.

1 Timɔtée 5:16

Amɔ̌ ényí agunví nyɔ̌nu ɖé ɖó asúkúsi ɖo hɛ̌n tɔn nu hǔn, ní kpé nukún dó wú tɔn; ní ma jó é dó nyi kɔ jí nú agun ɔ́ ó; bónú agun ɔ́ na sixú kpé nukún dó asúkúsi nǔgbó nǔgbó lɛ́ɛ wú.

1 Timɔtée 5:3

Kpé nukún dó asúkúsi e nyí asúkúsi nǔgbó nǔgbó lɛ́ɛ wú kpódó sísí kpó.

2 Timɔtée 1:3

Un nɔ dó kú nú Mawu e tɔ́gbó ce lɛ́ɛ sɛn, bɔ nyɛ ɖésú ɖo sinsɛn wɛ kpódó ayixa mímɛ́ kpó é. Un dó kú n'i ɖó é bló bɔ zǎn kpó kéze kpó ɔ́, un nɔ flín we hwebǐnu, ɖo ɖɛ ce lɛ́ɛ mɛ.

1 Piyɛ́ɛ 3:5

Nyɔ̌nu xóxó hwenu tɔn e nɔ sí Mawu, bó nɔ́ ɖo nukún ɖó e wɛ lɛ́ɛ ɔ́, lě e yě nɔ́ bló yěɖée ɖó gbɔn ɔ́ ɖíe: yě nɔ hwíhwɛ́ yěɖée dó asú yětɔn lɛ́ɛ glɔ́.

Hwliti 2:12

Mawu Mavɔmavɔ, Mawu Izlayɛ́li tɔn e sín awa glɔ́ a wǎ hɔn hwlá cí ɔ́, ní sú nǔ e a wa ɔ́ sín axɔ́ we, é ní ná ajɔ tɔn we, nú é ní túnflá.”