1 Timɔtée 5:4 - MAWUXÓWÉMA

⁴ Ényí asúkúsi ɖé ka ɖó vǐ abǐ vǐvú ɔ́, vǐ énɛ́ lɛ́ɛ ɖó ná kplɔ́n lě e yě nǎ zé nǔɖiɖi yětɔn dó wa azɔ̌ ná gbɔn ɖo hɛ̌nnu yě ɖésúnɔ tɔn mɛ ɔ́ hwɛ̌, énɛ́ ɔ́, yě ná sú nǔ e sín axɔ́ yě ɖu dó mɛjitɔ́ yětɔn lɛ́ɛ ɔ́ yě, ɖó nǔ e nyɔ́ Mawu nukún mɛ é nɛ́.

1 Timɔtée 5:4 Iomraidhean Croise

Bǐbɛ́mɛ 47:12

Jozɛ́fu ná nǔɖuɖu tɔ́ tɔn kpó nɔví tɔn lɛ́ɛ kpó, kpó mɛ yětɔn lɛ́ɛ bǐ kpó. Lě e yě sukpɔ́ gbɔn ɔ́ wɛ é kpɔ́n bó dó ná nǔɖuɖu ɔ́ yě.

Bǐbɛ́mɛ 47:28

Xwe afɔtɔn nukún we wɛ Jakɔ́bu nɔ Ejípu xɔ. Xwe nabí e é nɔ gbɛ xɔ ɔ́ bǐ bló xwe kantɔn koatɔ́n-nukún-we (147).

Jɔ̌bu 18:19

Vǐ e ná wá gba kún tɔn é ɖěbǔ ɖe ǎ; mɛ ɖěbǔ ná kpo ɖo gbɛ ɖo xwedó tɔn mɛ ǎ.

Nǔnywɛ́xó 31:28

Vǐ tɔn lɛ́ɛ nɔ́ kpa ɛ; asú tɔn nɔ́ mlá ɛ.

Ezayíi 14:22

Mawu Mavɔmavɔ Nǔbǐwúkpétɔ́ ɔ́ ɖɔ: “Un ná húzú kpan nukɔn Babilɔ́nunu lɛ́ɛ, bó ná gbídí Babilɔ́nu sín nyǐkɔ, bó gbídí toví tɔn lɛ́ɛ, bó gbídí vǐ e yě ná ji lɛ́ɛ sín nyǐkɔ.

Luki 2:51

É ka sí te, bó xwedó yě, bɔ yě wá yi Nazalɛ́ti; é nɔ́ se tónú nú yě. Nɔ tɔn ka hɛn nǔ e jɛ nɛ́ lɛ́ɛ bǐ ayi mɛ.

1 Timɔtée 2:3

Đó nǔ e nyí nǔ ɖagbe, bó nyɔ́ ɖo Mawu Mɛhwlɛ́ngántɔ́ mǐtɔn nukún mɛ ɔ́ nɛ́.

1 Timɔtée 5:16

Amɔ̌ ényí agunví nyɔ̌nu ɖé ɖó asúkúsi ɖo hɛ̌n tɔn nu hǔn, ní kpé nukún dó wú tɔn; ní ma jó é dó nyi kɔ jí nú agun ɔ́ ó; bónú agun ɔ́ na sixú kpé nukún dó asúkúsi nǔgbó nǔgbó lɛ́ɛ wú.

Titu 1:11

È ɖǒ ná xwe nu yětɔn dó xɔ, ɖó yě ɖo hunnyahunnya dó hɛ̌nnu lɛ́ɛ bǐ sésé mɛ wɛ, bɔ nǔ e è ma ɖó ná kplɔ́n mɛ ǎ ɔ́, yě nɔ kplɔ́n mɛ lɛ́ɛ, bó ná dó mɔ akwɛ́.

Hwɛɖɔtɔ́ 12:14

Vǐ súnnu kanɖé (40) wɛ Avidɔni ɖó, bó ɖó vǐvú súnnu gban (30), bɔ yě bǐ nɔ xá tócí ɖokpó ɖokpó jí. Avidɔni nɔ Izlayɛ́li togun ɔ́ nu xɔ xwe tántɔn.

Hwliti 2:18

É zé yi xwé bó zé xlɛ́ asú tɔn nɔ; é lɛ́ zé nǔ e é ɖu kpo ɔ́ jó n'i.

Hwliti 2:2

Hwliti Mɔwabunu ɔ́ byɔ́ gbe Nɔemíi gbe ɖokpó ɖɔ: “Nǎ gbe mì nú ma yi mɛ e ná nyɔ́ xomɛ dó wǔ ce ɔ́ sín gle mɛ, bó ná yi cyán nǔkún e nǔkún-yatɔ́ lɛ́ɛ ma mɔ bó ya ǎ lɛ́ɛ.” Nɔemíi ká yí gbe n'i ɖɔ: “Vǐ ce, bo yi.”