1 Timɔtée 5:3 - MAWUXÓWÉMA

³ Kpé nukún dó asúkúsi e nyí asúkúsi nǔgbó nǔgbó lɛ́ɛ wú kpódó sísí kpó.

1 Timɔtée 5:3 Iomraidhean Croise

Jɔ̌bu 29:13

Mɛ e ɖo nǎ kú wɛ lɛ́ɛ nɔ́ xo ɖɛ dó jǐ ce; un nɔ hun alɔ bó nɔ́ ná nǔ asúkúsi lɛ́ɛ bɔ xomɛ nɔ hun yě.

Jɔ̌bu 31:16

Un tɛ nǔ lelenɔ kpɔ́n gbeɖé a? Un flú asúkúsi e ɖo nǔ ɖó nukún wɛ ɖo gɔ̌n ce ɔ́ kpɔ́n gbeɖé a?

Ɖɛhan 146:9

Mawu Mavɔmavɔ nɔ hɛn jǒnɔ lɛ́ɛ. Mawu Mavɔmavɔ nɔ nya xɛ ɖo tɔ́cyɔvǐ lɛ́ɛ kpó asúkúsi lɛ́ɛ kpó jí. Lo ɔ́, é nɔ́ gba tito mɛdídá tɔn lɛ́ɛ.

Ɖɛhan 68:5

Mi ji han mlá Mawu, mi ɖɔ xó lómílómí dó mlá nyǐkɔ tɔn dó han mɛ. Mi ɖe ali nú Mawu e nɔ́ zɔn akpɔ́kpɔ́ jí sɔ́ jí ɖɔhun é. Mawu Mavɔmavɔ wɛ nyǐkɔ tɔn nyí. Mi j'awǎ ɖo nukɔn tɔn.

Ɖɛhan 94:6

Yě nɔ́ hu asúkúsi lɛ́ɛ kpó jǒnɔ e ɖo to yětɔn mɛ lɛ́ɛ kpó; yě nɔ́ hu tɔ́cyɔvǐ lɛ́ɛ,

Tíntɔ́n 20:12

Sí tɔ́ towe kpó nɔ towe kpó, énɛ́ ɔ́, a nǎ dɔ́ ji ɖo to e nyɛ Mawu Mavɔmavɔ, Mawu towe ná ná we ɔ́ mɛ.

Jelemíi 49:11

Nú mi wá kú ɔ́, mɛ ɖěbǔ sɔ́ ná kpo bó ná kpé nukún dó vǐ mitɔn lɛ́ɛ wú ǎ, mɛ ɖěbǔ ká sɔ́ ná kpo bó ná ɖɔ asi mitɔn lɛ́ɛ ní ɖeji dó émí wú ǎ.”

Matíe 15:6

mɛ énɛ́ ɔ́ sɔ́ ɖó nǔɖé bó ná wa nú tɔ́ tɔn abǐ nɔ tɔn dandan ǎ. Mɔ̌ wɛ mi nɔ gba Mawusɛ́n ɔ́, bó nɔ́ xwedó hwɛndo tɔ́gbó mitɔn lɛ́ɛ tɔn gbɔn.

Matíe 23:13

Jezu ka lɛ́ ɖɔ: “Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó, yɛmɛnúwatɔ́ e mi! Ɖó mi nɔ sú axɔ́súɖuto sɛ́xwé tɔn sín ali dó mɛ lɛ́ɛ, mi ɖésú ka nɔ byɔ́ ɛ mɛ ǎ; mi ka nɔ ná tɛn mɛ e jló ná byɔ́ ɛ mɛ lɛ́ɛ ǎ. [

Luki 2:37

É ka sɔ́ da asú ɖě ǎ, káká bó ɖó xwe kanwe-nukún-ɛnɛ (84); é nɔ́ cí sinsɛnxɔ mɛ, bɔ zǎn kpódó kéze kpó ɔ́, é nɔ́ ɖo Mawu sɛn wɛ, ɖo nubláblá kpó ɖɛxixo kpó mɛ.

Luki 7:12

Hwenu e é wá ja to ɔ́ hɔn nukɔn jɛ gbé ɔ́, é mɔ è xwe cyɔ ɖé ɖi gbé, bɔ é nyí vǐɖokpónɔ asúkúsi ɖé tɔn, bɔ to ɔ́ mɛ nu lɛ́ɛ gěgé nyi ahwan xwedó asúkúsi ɔ́.

Jǎan 1:47

Đěe Jezu mɔ Natanayɛ́li jǎwe ɔ́, é ɖɔ dó wútu tɔn ɖɔ: “Mi kpɔ́n! Izlayɛ́li ví titewungbe ɖokpó ɖíe; é nɔ hízí nǔ ǎ.”

Mɛsɛ́dó 6:1

Hwenɛ́nu ɔ́, ahwanvú lɛ́ɛ wá ɖo kpɔ́ sú d'é jí wɛ, bɔ Jwifu e nɔ xwedó walɔ Glɛ̌sinu lɛ́ɛ tɔn lɛ́ɛ wá jɛ nǔ hlún ɖɔ dó Jwifu e nɔ xwedó walɔ Eblée lɛ́ɛ tɔn lɛ́ɛ wú jí. Yě nɔ́ ɖɔ è nɔ dó vɛ̌ nú asúkúsi émítɔn lɛ́ɛ ɖo nǔmímá hwenu ayǐhɔ́ngbe ayǐhɔ́ngbe.

Mɛsɛ́dó 9:39

Ée Piyɛ́ɛ se wɛn énɛ́ tlóló ɔ́, é sí te bó xwedó yě azɔn ɖokpó. Ée yě wá Jopée ɔ́, yě kplá ɛ yi xɔ ɔ́ mɛ, ɖo síngbó jí. Ée Piyɛ́ɛ byɔ́ xɔ ɔ́ mɛ ɔ́, asúkúsi lɛ́ɛ bǐ sɛkpɔ́ ɛ ɖasin ɖo nukún mɛ, bó xlɛ́ ɛ awu kpó avɔ kpán e Dɔ̌kási nɔ bló hwenu e é ɖo gbɛ é.

Mɛsɛ́dó 9:41

Piyɛ́ɛ ka hɛn alɔ tɔn, bó sɔ́ ɛ sí te, bó ylɔ́ nǔɖitɔ́ lɛ́ɛ, kpódó asúkúsi lɛ́ɛ kpán, bó sɔ́ ɛ xlɛ́ yě gbɛɖe.

Sɛ́nflínmɛ 10:18

É nɔ́ jɛ ahwan tɔ́cyɔvǐ lɛ́ɛ kpó asúkúsi lɛ́ɛ kpó jí; é nɔ́ ná nǔɖuɖu kpó avɔ kpó to ɖěvo mɛ nu e ɖo mi gɔ́n lɛ́ɛ.

Sɛ́nflínmɛ 14:29

Énɛ́ ɔ́, Levíi ví lɛ́ɛ ná nɔ wá ba nǔ e yě ná ɖu lɛ́ɛ ɖo fínɛ́. Đó yědɛɛ lɛ́ɛ ɖó ayǐkúngban ɖě ɖo mi tɛ́ntin ǎ. Mɔ̌ ɖokpó ɔ́, jǒnɔ lɛ́ɛ kpó tɔ́cyɔvǐ lɛ́ɛ kpó asúkúsi lɛ́ɛ kpó lɔmɔ̌ ná mɔ nǔɖuɖu yě lɔmɔ̌ tɔn ɖo fínɛ́. Yě bǐ ná mɔ nǔ bó ɖu bó gɔ́ xo. Énɛ́ ɔ́, Mawu Mavɔmavɔ, Mawu mitɔn ná dó acɛ nǔ e mi ná wa lɛ́ɛ bǐ jí.

Sɛ́nflínmɛ 16:11

Mi ná j'awǎ ɖo Mawu Mavɔmavɔ nukɔn, ɖo tɛn e é ná sɔ́ bó ná ɖe susu tɔn xlɛ́ ɖe ɔ́ mɛ. Mi kpó vǐ mitɔn súnnu kpó nyɔ̌nu kpó, mɛsɛntɔ́ mitɔn súnnu kpó nyɔ̌nu kpó, Levíi ví e ɖo mi mɛ lɛ́ɛ kpó jǒnɔ e ɖo mi mɛ lɛ́ɛ kpó, tɔ́cyɔvǐ lɛ́ɛ kpódó asúkúsi e ɖo mi mɛ lɛ́ɛ bǐ kpó ná j'awǎ.

Sɛ́nflínmɛ 16:14

Mi kpó vǐ mitɔn súnnu kpó nyɔ̌nu kpó, mɛsɛntɔ́ mitɔn súnnu kpó nyɔ̌nu kpó, Levíi ví e ɖo mi mɛ lɛ́ɛ kpó jǒnɔ e ɖo mi mɛ lɛ́ɛ kpó, tɔ́cyɔvǐ lɛ́ɛ kpódó asúkúsi e ɖo mi mɛ lɛ́ɛ bǐ kpó ná ɖu xwe ɔ́ kpó awǎjijɛ kpó.

Sɛ́nflínmɛ 27:19

“Heelú mɛ e nɔ dó hwɛ agɔ nú jǒnɔ abǐ tɔ́cyɔvǐ, abǐ asúkúsi é!” Bɔ togun ɔ́ bǐ ná ɖɔ: “Amǐ.”

1 Tɛsalonikinu 2:6

Mǐ wa nǔɖé bó dó ɖɔ mɛɖé ní kpa mǐ ǎ; é ná bo nyí midɛɛ lɛ́ɛ oo, é ná bo nyí mɛɖěvo lɛ́ɛ oo, mǐ ba ǎ.

1 Timɔtée 5:2

Nɔ xá nyɔ̌nu e ko nyí mɛxó lɛ́ɛ lě e a nǎ nɔ xá nɔ towe gbɔn é. Nɔ xá ɖyɔ̌vǐ lɛ́ɛ nɔví towe nyɔ̌nu ɖɔhun kpódó ayixa mímɛ́ kpó.

Jaki 1:27

Sinsɛn e nyí sinsɛn mímɛ́, sinsɛn nǔgbó nǔgbó ɖo Mawu Tɔ́ ɔ́ nukɔn ɔ́ ɖíe: è nǐ kpé nukún dó tɔ́cyɔvǐ nɔcyɔvǐ lɛ́ɛ kpó asúkúsi lɛ́ɛ kpó wú ɖo wǔvɛ́ yětɔn lɛ́ɛ mɛ; è nǐ cɔ́ mɛɖée dó nǔ e wa wɛ mɛ e nyí gbɛ ɔ́ tɔn lɛ́ɛ ɖe lɛ́ɛ wú, bó ma hɛn mɛɖée blí ó.

1 Piyɛ́ɛ 2:17

Mi sí gbɛtɔ́ lɛ́ɛ bǐ; mi yí wǎn nú nɔví mitɔn ɖo nǔɖiɖi mɛ lɛ́ɛ; mi ɖi xɛsi nú Mawu; mi sí Dadá ɔ́.

1 Piyɛ́ɛ 3:7

Asisúnɔ lɛ́ɛ mi, mɔ̌ ɖokpó ɔ́, mi tunwun ɖɔ asi mitɔn lɛ́ɛ kún ɖó gǎn ɖé sɔ mi ó, bónú mi ná nɔ kpɔ́n dó énɛ́ ɔ́ wú, bó ná nɔ zán gbɛ ɖagbe xá yě; mi nɔ wlí yɛ̌yi nú yě, ɖó yě kpó mi kpó wɛ Mawu ná ná gbɛ jɔ gbɛ. Mi nɔ wa nǔ gbɔn mɔ̌, bónú nǔ ɖěbǔ ma ɖó ɖɛ e mi nɔ xo lɛ́ɛ te ó.