1 Timɔtée 5:25 - MAWUXÓWÉMA

²⁵ Mɔ̌ ɖokpó ɔ́, nǔ ɖagbe e mɛɖé lɛ́ɛ nɔ wa lɛ́ɛ ɔ́, è nɔ mɔ yě gannaganna; ée è ma tlɛ ko ɖo mimɔ wɛ tlóló ǎ lɛ́ɛ ɔ́, nɔ sixú nɔ hwlǎhwlá sɔ́yi ǎ.

1 Timɔtée 5:25 Iomraidhean Croise

Nǔnywɛ́xó 10:9

Mɛ e nɔ sɔ́ ayi ɖó wɛn dó wa nǔ ɔ́ nɔ́ nɔ vivo mɛ. Lo ɔ́, mɛ e nɔ sɔ́ ayi hízíhízí dó wa nǔ ɔ́, è nǎ wá mɔ nǔ jɛ wǔ tɔn.

Matíe 5:16

Wěziza mitɔn ní bo hɔ́n ɖo gbɛtɔ́ lɛ́ɛ nukɔn, bónú yě ní mɔ nǔ ɖagbe wiwa mǐtɔn lɛ́ɛ, bo na dó kpa susu nú Tɔ́ mitɔn e ɖo sɛ́xwé é.

Luki 11:33

“Mɛ ɖé nɔ́ tá zogbɛ́n bó nɔ́ sɔ́ hwlá ǎ; è ka nɔ xwe nǔ dó ǎ. Lo ɔ́, nǔ ta aga wɛ è nɔ sɔ́ ɖó, nú mɛ e ná byɔ́ xwé gbe lɛ́ɛ ná dó mɔ wěziza.

Mɛsɛ́dó 10:22

Yě ka yí gbe n'i ɖɔ: “Sɔ́ja kanwekogán Kɔnɛ́yi wɛ sɛ́ mǐ dó; nya énɛ́ ɔ́, gbɛtɔ́ ɖagbe ɖé wɛ; é nɔ́ sí Mawu, bɔ Jwifu lɛ́ɛ bǐ nɔ́ ɖe kúnnu ɖagbe n'i. Wɛnsagun Mawu tɔn ɖé tɔ́n dó jǐ tɔn, bó ɖɔ n'i ɖɔ ní ylɔ́ we wá xwé tɔn gbe, bó ɖótó xó e a nǎ ɖɔ n'i é.”

Mɛsɛ́dó 22:12

“Nya ɖé ka ɖo Damási fínɛ́, bɔ è nɔ ylɔ́ ɛ ɖɔ Ananíyasi; nya ɖé wɛ é nyí, lobo nɔ xwedó Mawusɛ́n, bó ɖó sísí nú Mawu, bɔ Jwifu e ɖo to ɔ́ mɛ lɛ́ɛ bǐ nɔ ɖɔ xó tɔn ɖagbe.

Mɛsɛ́dó 9:36

Nyɔ̌nu ɖé ka ɖo ahwanvú Jezu tɔn lɛ́ɛ mɛ ɖo Jopée, bɔ è nɔ ylɔ́ ɛ ɖɔ Tabita; (nyǐkɔ énɛ́ sín tínmɛ wɛ nyí “Dɔ̌kási” ɖo Glɛ̌sigbe mɛ, bó nyí “Tɛ́” ɖo Fɔngbe mɛ.) Nyɔ̌nu ɖagbewatɔ́ ɖé wɛ, bó nɔ́ dó alɔ wamamɔnɔ lɛ́ɛ ɖésú.

Filípunu 1:11

Jezu Klísu ná ná hlɔ̌nhlɔ́n mi, bɔ mi ná nɔ wa nǔ jlɔ́jlɔ́, bɔ mɛ lɛ́ɛ ná nɔ kpa susu nú Mawu, bó ná nɔ mlá ɛ.

1 Timɔtée 3:7

É ɖó ná nyí mɛɖé bɔ mɛ e ma ɖo agun Klísu tɔn mɛ ǎ lɛ́ɛ lɔmɔ̌ ná nɔ ɖe kúnnu ɖagbe n'i, bónú é ma wá ɖu hɛ̌n ó, bónú é ma wá jɛ mɔ e awǒvi nɔ ɖó nú mɛ lɛ́ɛ mɛ ó.

Nǔɖexlɛ́mɛ 14:13

Un se gbe ɖé bɔ gbe ɔ́ ɖɔ nú mì sín jǐxwé ɖɔ: “Wlǎn nǔ élɔ́: ‘Mɛ e ɖo kúkú wɛ ɖo Aklúnɔ mɛ bɛ́ sín din lɛ́ɛ ɔ́, nǔ nyɔ́ nú yě!’ ” Yɛ ɔ́ ɖɔ: “Ɛɛn nǔgbó wɛ, yě hɛn ɔ́, yě ná gbɔjɛ́ ɖo azɔ̌ syɛ́nsyɛ́n e yě wa lɛ́ɛ mɛ, ɖó ɖagbe e yě wa lɛ́ɛ kpó yě kpo ɖo yiyi wɛ.”