1 Timɔtée 5:2 - MAWUXÓWÉMA

² Nɔ xá nyɔ̌nu e ko nyí mɛxó lɛ́ɛ lě e a nǎ nɔ xá nɔ towe gbɔn é. Nɔ xá ɖyɔ̌vǐ lɛ́ɛ nɔví towe nyɔ̌nu ɖɔhun kpódó ayixa mímɛ́ kpó.

1 Timɔtée 5:2 Iomraidhean Croise

Matíe 12:50

ɖó mɛ ɖěbǔ bló Tɔ́ ce e ɖo sɛ́xwé ɔ́ sín jlǒ ɔ́, mɛ énɛ́ wɛ nyí nɔví ce súnnu, bó nyí nɔví ce nyɔ̌nu, bó nyí nɔ ce.”

Filípunu 4:8

Nɔví ce lɛ́ɛ mi, bó ná dó fó xó ce ɔ́, un ɖo byɔ̌byɔ́ mi wɛ ɖɔ ayixa mitɔn ní nɔ nǔ e nyɔ́, bɔ susu jɛ xá lɛ́ɛ jí: nǔ e nyí nǔgbó ɔ́ bǐ, nǔ e è nǎ ɖó sísí ná é, nǔ e sɔgbe é, nǔ e mɛ́ é, nǔ e nɔ nyɔ́ mɛ nukún mɛ é kpódó nǔ e wlí yɛ̌yi ɔ́ kpán; ayixa mitɔn ní nɔ nǔ énɛ́ lɛ́ɛ jí.

1 Tɛsalonikinu 5:22

Mi nɔ́ cɔ́ miɖée dó nǔ nyanya alɔkpa alɔkpa bǐ wú.

1 Timɔtée 4:12

Ma lɔn nú mɛɖé mɔ yɔkpɔ́vú towe, bó ɖó hwɛ nú we ó. Lo ɔ́, nyǐ kpɔ́ndéwú nú nǔɖitɔ́ lɛ́ɛ, bó nyí kpɔ́ndéwú ɖo xóɖiɖɔ mɛ, bó nyí kpɔ́ndéwú ɖo zǐnzán kpó wǎn yíyí kpó mɛ, bó nyí kpɔ́ndéwú ɖo nǔɖiɖi kpó gbɛ mímɛ́ e a nɔ zán ɔ́ kpó mɛ.

1 Timɔtée 5:1

Ma sɔ́ gbe syɛ́nsyɛ́n dó gbɛ́ nǔ nú súnnu e ko nyí mɛxó é ó; lo ɔ́, ɖɔ xó n'i lě e a ɖǒ ná ɖɔ xó nú tɔ́ towe gbɔn é. Nɔ xá dɔ̌nkpɛvú lɛ́ɛ lě e a ɖǒ ná nɔ́ xá nɔví towe gbɔn é.

1 Timɔtée 5:3

Kpé nukún dó asúkúsi e nyí asúkúsi nǔgbó nǔgbó lɛ́ɛ wú kpódó sísí kpó.

2 Timɔtée 2:22

Hɔn nú jlǒ nyanya e mɛwínnyáwínnyá lɛ́ɛ nɔ ɖó lɛ́ɛ, bónú hwi kpódó mɛ e nɔ xomlá Aklúnɔ kpódó ayi mímɛ́ kpó lɛ́ɛ ní ba nǔjlɔ́jlɔ́wiwa, nǔɖiɖi, wǎn yíyí kpódó fífá kpó.