1 Timɔtée 5:18 - MAWUXÓWÉMA

¹⁸ Đó Mawuxówéma ɔ́ ko ɖɔ: “Ma dó aja nu nú nyibúsú e ɖo nǔkún só ɖó afɔ wú wɛ ɔ́ ó.” Mawuxówéma ɔ́ ka lɛ́ ɖɔ: “É jɛ xá ɖɔ azɔ̌watɔ́ ní yí azɔ̌kwɛ́ tɔn.”

1 Timɔtée 5:18 Iomraidhean Croise

Levíi ví 19:13

“Mi ma táfú nɔzo mitɔn ó; mi ma ka fin mɛɖé nú ó; mi ma gɔn axɔ́ sú mɛ e wa azɔ̌ nú mi é, bónú ayǐ hɔ́n dó ó.

Matíe 10:10

mi ma hɛn glo ó, mi ma hɛn awu we ó; mi ma hɛn afɔkpa ó, mi ma hɛn kpo ó; ɖó azɔ̌watɔ́ ɖó ná yí azɔ̌ e é wa ɔ́ sín akwɛ́.

Hlɔ̌manu 10:11

Nǔgbó ɔ́, Mawuxówéma ɔ́ ɖɔ: “Mɛɖěbǔ ɖi nǔ n'i ɔ́, é ná ɖu winnyá ǎ.”

Hlɔ̌manu 11:2

Mawu gbɛ̌ togun tɔn e é ko tunwun sín do é ǎ; nǔ e Mawuxówéma ɔ́ ɖɔ ɖo akpá e xwé Elíi jɛ Izlayɛ́li ví lɛ́ɛ sín hwɛ ɖo Mawu nukɔn ɖe ɔ́, mi ma tunwun a?

Hlɔ̌manu 4:3

Đó Mawuxówéma ɔ́ ɖɔ: “Ablaxámu ɖi nǔ nú Mawu, bɔ Mawu kpɔ́n dó nǔ e é ɖi n'i ɔ́ wú, bó mɔ ɛ dó mɔ hwɛjijɔnɔ.”

Hlɔ̌manu 9:17

Mawu ɖɔ nú axɔ́sú Ejípu tɔn ɖo Mawuxówéma ɔ́ mɛ ɖɔ: “Nǔ e wú un sɔ́ we axɔ́sú tawun lɛ́ɛ wɛ nyí ɖɔ un ná ɖe hlɔ̌nhlɔ́n ce xlɛ́ gbɔn jǐ towe; un sɔ́ we axɔ́sú, bónú nyǐkɔ ce ná gba kpé ayǐkúngban ɔ́ bǐ jǐ.”

1 Kɔlɛ́ntinu 9:14

Mɔ̌ ɖokpó ɔ́, Aklúnɔ ná gbe ɖɔ mɛ e ɖo Wɛn Ɖagbe ɔ́ jlá wɛ lɛ́ɛ ɔ́, azɔ̌ énɛ́ ní ná nǔɖuɖu yě.

Galatinu 3:8

Mawuxó ɔ́ ko ɖɔ sín do ɖɔ: mɛ e ma nyí Jwifu ǎ lɛ́ɛ ná ɖi nǔ nú Mawu, bɔ Mawu ná sɔ́ yě dó húzú hwɛjijɔnɔ; énɛ́ ɔ́ wú wɛ Mawu dó akpá ɖagbe élɔ́ nú Ablaxámu ɖo Mawuxówéma ɔ́ mɛ ɖɔ: “Un ná xo ɖɛ dó akɔta e ɖo gbɛ ɔ́ mɛ lɛ́ɛ bǐ jǐ gbɔn jǐ towe.”

Sɛ́nflínmɛ 25:4

Mi ma dó aja nu nú nyibú e ɖo nǔkún só ɖó afɔ wú wɛ é ó.

Jaki 4:5

Mi ma vɛdó ɖɔ yǎyá wɛ è wlǎn xó élɔ́ dó Mawuxówéma ɔ́ mɛ sín ó: è wlǎn ɖɔ: “Mawu nɔ zé wǔhwinhwan dó byɔ́ yɛ e é sɔ́ dó mǐ mɛ ɔ́ ná.”