1 Timɔtée 5:17 - MAWUXÓWÉMA

¹⁷ Agunmɛxó e nɔ xlɛ́ ali agun ɔ́ ganjí lɛ́ɛ ɔ́, è ɖó ná mɔ yě dó mɔ mɛ e jɛ xá bɔ è nǎ sú axɔ́ we ɖo bǔ é; ɖo tají ɔ́, mɛ e nɔ ɖó kan dó Mawuxó ɖiɖɔ kpódó Mawuxó kplɔ́n mɛ kpó wú lɛ́ɛ.

1 Timɔtée 5:17 Iomraidhean Croise

2 Axɔ́sú 2:9

Ée yě dín ɔ́, Elíi ɖɔ nú Elizée ɖɔ: “Byɔ̌ nǔ e jló we ɔ́ mì nú má ná we, có nú Mawu ná sɔ́ mì sín gɔ̌n towe.” Elizée ɖɔ n'i ɖɔ: “Kɛnklɛ́n ná yɛ e a nǎ vǐ ɖě lɛ́ɛ ɔ́ donu we mì .”

Ezayíi 40:2

Mi ná akɔ́nkpinkpan Jeluzalɛ́mu. Mi sú xó bó ɖɔ n'i ɖɔ é kún sɔ́ ná yi mɛɖe ɖě ó; mi ɖɔ n'i ɖɔ é kó sú hwɛ xɔ́ fó, ɖó hwɛ e é hu lɛ́ɛ ɔ́, Mawu Mavɔmavɔ dɔn bǐ sín tó n'i.”

Jelemíi 16:18

Hwɛ e hu wɛ yě ɖe lɛ́ɛ kpó nǔ e wa nyi do wɛ yě ɖe lɛ́ɛ kpó ɔ́, un ná dɔn bǐ sín tó nú yě hwɛ̌ ɖó azɔn we jí. Đó yě ɖu su nú to ce; to e nyí ce ɔ́, nǔmɛsɛn yětɔn lɛ́ɛ wɛ yě bɛ̌ d'é mɛ bɔ é gɔ́; nǔmɛsɛn yětɔn énɛ́ lɛ́ɛ ɔ́, cyɔ wɛ nú yě, nǔvɛ́mɔ yětɔn lɛ́ɛ wɛ yě bɛ́ gɔ́ to ce.”

Jelemíi 17:18

Mɛ e ɖo ya dó nú mì wɛ lɛ́ɛ ní ɖu winnyá, nyɛ ní ma ka ɖu ɖě ó. Xɛsi ní jɛ yě jí, nyɛ ní ma ká ɖi xɛsi ɖě ó. Sɛ́ awěxomɛ zán ɔ́ dó yě, alɔ towe ní jɛ yě wǔ, bónú nǔ ní xá yě gbɔn zǔndohlando.

Zakalíi 9:12

Gantɔ́ e ɖo nukúnɖíɖó mɛ lɛ́ɛ é mi, mi lɛ́ kɔ yi toxo mitɔn ɖaxó e è ko vɔ́ ahohó tɔn lɛ́ɛ mɛ ɔ́ mɛ. Un ɖo ɖiɖɔ nú mi wɛ égbé ɖɔ ya e mi ji ɔ́, un ná wa ɖagbe nú mi ɖ'é nu, bɔ é ná túnflá.

Kɛ́nsísɔ́ 18:31

Mi kpó xwédo mitɔn kpó ná ɖu ɖo fí e jló mi é, ɖó axɔ́ e è sú mi ɖó azɔ̌ e mi wa ɖo Goxɔ ɔ́ mɛ ɔ́ nu ɔ́ nɛ́.

Matíe 24:25

Énɛ́ un ko ɖɔ ɖ'ayǐ nú mi nɛ́.

Luki 12:42

Aklúnɔ ka yí gbe ɖɔ: “Mɛ̌ ká nyí mɛsɛntɔ́ gbejínɔtɔ́ nǔnywɛ́tɔ́? Mɛsɛntɔ́ gbejínɔtɔ́ nǔnywɛ́tɔ́ ɔ́ wɛ nyí mɛ e gǎn tɔn ɖo hwɛ ná zɛ wɛ, bó sɔ́ ɛ ɖó xwé tɔn nu, bɔ é ná nɔ́ ná nǔɖuɖu mɛsɛntɔ́ hǎtɔ́ tɔn ɖě lɛ́ɛ dó hwenu é wɛ.

Jǎan 4:38

Un sɛ́ mi dó nukún ya gbé ɖo gle e mɛ mi ma wa azɔ̌ ɖe ǎ é. Mɛ ɖěvo lɛ́ɛ wɛ ko wa azɔ̌ ɖo gle ɔ́ mɛ, bɔ mi wá ɖo le tɔn ɖu wɛ.”

Mɛsɛ́dó 11:30

Yě sɛ́ nǔ e yě jɔ lɛ́ɛ dó agunnukɔntɔ́ lɛ́ɛ ɖo Judée, gbɔn Baanabási kpódó Sólu kpó jí.

Mɛsɛ́dó 20:35

Un xlɛ́ mi gbɔn alɔkpa bǐ mɛ ɖɔ mɔ̌ wɛ è ɖǒ ná nɔ́ wa azɔ̌ gbɔn, bó ná sixú dó alɔ wamamɔnɔ lɛ́ɛ, bó ná dó flín xó e Aklúnɔ Jezu ɖésú ɖɔ lɛ́ɛ ná; é ɖɔ: ‘Nǔnámɛ nɔ dó xomɛhunhun nú mɛ hú nǔyíɖomɛsí.’ ”

Mɛsɛ́dó 28:10

Énɛ́ ɔ́ wú wɛ yě wlí yɛ̌yi bǐ nú mǐ, bɔ ée mǐ ɖo hǔn mɛ byɔ́ wɛ ɔ́, yě ná nǔ e ná hudó mǐ lɛ́ɛ bǐ mǐ.

Hlɔ̌manu 12:8

Mɛ e ɖó nǔníná e nɔ́ ná akɔ́nkpinkpan mɛ ɔ́ ɖó ná ná akɔ́nkpinkpan mɛ. Mɛ e nɔ ná nǔ mɛ ɔ́ ní nɔ hun alɔ bo nɔ ná mɛ. Mɛ e nyí nukɔntɔ́ ɔ́ ní bí dó azɔ̌ wú. Mɛ e nɔ d'alɔ gbɛ̌dónánɔ lɛ́ɛ ní nɔ́ bló kpódó xomɛhunhun kpó.

Hlɔ̌manu 15:27

Yě ɖésúnɔ wɛ bló kpó xomɛhunhun kpó; lo ɔ́, è nǎ ɖɔ nǔgbó ɔ́, axɔ́ wɛ é nyí bɔ yě ɖu dó wamamɔnɔ énɛ́ lɛ́ɛ. Đó Jwifu e nyí klísusɛntɔ́ lɛ́ɛ má nyɔ̌ná Yɛsinsɛn tɔn e nyí yě ɖésúnɔ tɔn lɛ́ɛ xá mɛ e ma nyí Jwifu ǎ lɛ́ɛ. Hǔn mɛ e ma nyí Jwifu ǎ lɛ́ɛ lɔmɔ̌ ɖó ná sɔ́ nyɔ̌ná gbɛmɛ fí tɔn lɛ́ɛ dó dó alɔ yě ná.

Hlɔ̌manu 16:12

Mi dó gbe Tlifɛ́nu kpó Tlifɔ́su kpó e ɖo azɔ̌ wa nú Aklúnɔ wɛ lɛ́ɛ nú mì. Mi dó gbe mɛvívɛ́ná ce Pɛsízi e wa azɔ̌ ɖésú nú Aklúnɔ ɔ́ nú mì.

1 Kɔlɛ́ntinu 15:10

Amɔ̌, gbɔn nyɔ̌ná Mawu tɔn gbla mɛ ɔ́, un húzú mɛ e un nyí din é, bɔ nyɔ̌ná e è kɔn dó jǐ ce ɔ́ nyí nǔ yǎyá ǎ: é nyɔ́ wa ɔ́, un wa azɔ̌ hú mɛsɛ́dó ɖě lɛ́ɛ bǐ. È nǎ ɖɔ nǔgbó ɔ́, é nyí nyɛ wɛ ɖo azɔ̌ wa wɛ ǎ; lo ɔ́, nyɔ̌ná Mawu tɔn e ɖo kpɔ́ xá mì ɔ́ wɛ.

1 Kɔlɛ́ntinu 16:16

mi hwíhwɛ́ miɖée dó mɛ mɔ̌hunkɔtɔn lɛ́ɛ, kpódó mɛ e kpó yě kpó ɖo azɔ̌ wa wɛ syɛ́nsyɛ́n lɛ́ɛ bǐ kpán glɔ́.

1 Kɔlɛ́ntinu 3:9

Đó azɔ̌ wa ɖó kpɔ́ wɛ mǐ ɖe nú Mawu, bɔ midɛɛ lɛ́ɛ ka nyí gle Mawu tɔn, bó lɛ́ nyí xɔ Mawu tɔn.

2 Kɔlɛ́ntinu 6:1

Énɛ́ ɔ́, mǐ mɛ e ɖo azɔ̌ wa xá Mawu wɛ lɛ́ɛ ɔ́, mǐ ɖo byɔ̌byɔ́ mi wɛ ɖɔ mi ma jó fɛ́nú e mi yí ɖo Mawu sí ɔ́ dó, bónú é bú ó.

Galatinu 6:6

Mɛ e kplɔ́n Mawuxó ɔ́ wɛ è ɖe ɔ́ ɖó ná má nǔ ɖagbe e ɖo así tɔn lɛ́ɛ bǐ xá mɛ e ɖo Mawuxó ɔ́ kplɔ́n ɛ wɛ é.

Sɛ́nflínmɛ 18:8

Kanta e Levíi ví ɖě lɛ́ɛ nɔ́ yí é wɛ é lɔmɔ̌ ná yí gɔ́ nú tɔ́ tɔn gú e é sa lɛ́ɛ.

Filípunu 2:16

bó ná nɔ ɖɔ xó e nɔ ná gbɛ mɛ ɔ́ nú yě. Ényí mi wa nǔ gbɔn mɔ̌ ɔ́, xomɛ ná hun mì dó mi wú hwenu e Klísu ná lɛ́ kɔ wá dó é; nǔgbó ɔ́, é ná ɖe xlɛ́ ɖɔ azɔ̌ e un wa lɛ́ɛ, kpódó tagba e un jɛ lɛ́ɛ kpán ɖě kún nyí nǔ yǎyá ó.

Filípunu 2:29

Nú é wá hǔn, mi bo yí i kpódó xomɛhunhun ɖaxó kpán, nɔví ɖo Aklúnɔ mɛ ɖɔhun. Mi ɖó ná ɖó sísí nú gbɛtɔ́ étɔn ɖɔhun lɛ́ɛ.

Filípunu 4:3

Hwi mɛ e nyí azɔ̌gbɛ́ ce gbejínɔtɔ́ ɔ́, un ɖo byɔ̌byɔ́ hwi lɔmɔ̌ wɛ ɖɔ hwi ní dó alɔ nyɔ̌nu énɛ́ lɛ́ɛ; nǔgbó ɔ́, nyɛ kpódó yě kpó fun ahwan ɖó kpɔ́, bónú Wɛn Ɖagbe ɔ́ ná gba kpé: mǐ kpó Klemáa kpó, kpódó azɔ̌gbɛ́ ce lɛ́ɛ bǐ kpán wɛ fun ahwan énɛ́ ɔ́; mɛ énɛ́ lɛ́ɛ bǐ sín nyǐkɔ wɛ Mawu wlán dó gbɛwéma ɔ́ mɛ .

1 Timɔtée 3:5

Đó mɛ e ma sixú kpé nukún dó xwé tɔn wú ǎ ɔ́, nɛ̌ é ka ná sixú kpé nukún dó agun Mawu tɔn wú gbɔn?

1 Timɔtée 4:10

Nǔ énɛ́ wú wɛ mǐ ɖo azɔ̌ wa wɛ, bó ɖo gǎn dó wɛ, ɖó mǐ ɖo Mawu gbɛɖe e nyí Mɛhwlɛ́ngántɔ́ gbɛtɔ́ lɛ́ɛ bǐ tɔn ɔ́ ɖó nukún wɛ, ɖo tají ɔ́, Mawu gbɛɖe e nyí Mɛhwlɛ́ngántɔ́ gbɛtɔ́ e ɖi nǔ nú Klísu lɛ́ɛ tɔn ɔ́ ɖó nukún wɛ.

1 Timɔtée 4:14

Ma dó vɛ̌ nú nǔníná e ɖo así we, bɔ Mawu ná we hwenu e gbeyíɖɔ Mawu tɔn lɛ́ɛ ɖɔ Mawuxó, bɔ agunmɛxó lɛ́ɛ ɖ'alɔ jí we ɔ́ ó.

1 Timɔtée 4:16

Hɛn ayixa dó hwiɖée wú, bó hɛn ayixa dó nǔ e kplɔ́n mɛ wɛ a ɖe ɔ́ wú. Đǒ kan dó nǔ énɛ́ lɛ́ɛ bǐ wú; ɖó nú a ɖo nǔ wa gbɔn mɔ̌ wɛ ɔ́, a nǎ hwlɛ́n hwiɖée gán, bó ná hwlɛ́n mɛ e ɖo tó ɖó we wɛ lɛ́ɛ bǐ gán.

1 Timɔtée 4:6

A kplɔ́n nǔ énɛ́ lɛ́ɛ nɔví lɛ́ɛ ɔ́, a nǎ nyí Klísu Jezu sín mɛsɛntɔ́ ɖagbe, bó ná ɖe xlɛ́ ɖɔ nǔɖiɖixó kpódó nǔkplɔ́nmɛ titewungbe e a xwedó lɛ́ɛ kpán wɛ nyí Yɛsinsɛn sín nǔɖuɖu nú we.

1 Timɔtée 5:19

È wǎ jɛ agunmɛxó ɖé sín hwɛ nú we hǔn, ma yí gbe ná ó, afi nú mɛ we abǐ mɛ atɔn ɖe kúnnu ná.

1 Timɔtée 5:3

Kpé nukún dó asúkúsi e nyí asúkúsi nǔgbó nǔgbó lɛ́ɛ wú kpódó sísí kpó.

2 Timɔtée 2:6

Glesi e wa azɔ̌, bó jɛ dɛ̌n ɔ́ wɛ ɖó ná nyí mɛ nukɔntɔn e ná yí nukún e nyí étɔn é.

2 Timɔtée 4:2

Jlǎ Mawuxó; nɔ tɛ ɖɛ̌ jí, bó nɔ ɖɔ hwebǐnu; hwe ɔ́ nu nyɔ́ kpó é ma nyɔ́ kpó ɔ́, a nǎ nɔ́ jlá; a nǎ nɔ́ sɔ́ xomɛfífá dó kɛ nu dó nǔ wú nú mɛ, dó gbɛ́ nǔ nú mɛ, bó dó ná akɔ́nkpinkpan mɛ ɖo nǔkplɔ́nmɛ towe lɛ́ɛ mɛ.

Eblée 13:17

Mi se tónú nú agunnukɔntɔ́ mitɔn lɛ́ɛ, bó hwíhwɛ́ miɖée ɖo glɔ́ yětɔn; yě nɔ ɖo nukún kpé dó mi wú wɛ hwebǐnu, ɖó yě ɖó ná ɖó azɔ̌ e yě wa ɔ́ sín gbe nú Mawu. Ényí mi se tónú nú yě ɔ́, yě ná wa azɔ̌ yětɔn kpódó xomɛhunhun kpó; ényí mi ma ka se tónú nú yě ǎ ɔ́, yě ná wa azɔ̌ yětɔn wǔɖéwúɖé; énɛ́ ɔ́, mi ka sɔ́ ná mɔ le ɖěbǔ ɖ'é mɛ ǎ.

Eblée 13:24

Mi dó gbe agunnukɔntɔ́ mitɔn lɛ́ɛ bǐ, bó dó gbe mɛɖeɖóvo Mawu tɔn lɛ́ɛ bǐ. Nɔví e ɖo Italíi lɛ́ɛ dó gbe sɛ́ dó mi.

Eblée 13:7

Mi flín agunnukɔntɔ́ mitɔn xóxó e ɖɔ Mawuxó nú mi lɛ́ɛ é. Mi lin tamɛ dó lě e yě zán gbɛ yětɔn gbɔn ɔ́ kpó lě e yě kú gbɔn ɔ́ kpó wú, bó ɖó nǔɖiɖi yě ɖɔhun.