1 Timɔtée 5:14 - MAWUXÓWÉMA

¹⁴ Énɛ́ ɔ́ wú wɛ un jló ɖɔ asúkúsi e ma ko nyí mɛxó ǎ lɛ́ɛ ní lɛ́ vɔ́ asú da, bó ji vǐ; yě ní kpé nukún dó xwé yětɔn wú, bó ma ná ali ɖěbǔ kɛntɔ́ mǐtɔn lɛ́ɛ, bónú yě mɔ nǔ nyanya ɖé ɖɔ dó mǐ wú ó.

1 Timɔtée 5:14 Iomraidhean Croise

Bǐbɛ́mɛ 18:6

Énɛ́ ɔ́, Ablaxámu fyá yi goxɔ tɔn mɛ, bó ɖɔ nú Sala ɖɔ: “Yǎ wǔ jlɛ́ linfín gannú atɔn, bó nya, bó dó ɖa acɔnmɔ.”

Bǐbɛ́mɛ 18:9

Mɛ lɛ́ɛ ɖokpó kanbyɔ́ Ablaxámu ɖɔ: “Fítɛ́ asi towe Sala ɔ́ ɖe?” Bɔ é yí gbe n'i ɖɔ: “É ɖo goxɔ mɛ.”

2 Samuwɛ́li 12:14

Nǔ énɛ́ e a wa ɔ́, do ɖaxó ɖé wɛ a jɛ dó Mawu Mavɔmavɔ bɔ Mawu Mavɔmavɔ sín kɛntɔ́ lɛ́ɛ mɔ ali bó ɖo ɖɔɖɔ ɖɔ nyɔ̌nu énɛ́ ɔ́ wú wɛ. Énɛ́ wú ɔ́, vǐ e è ji nú we din ɔ́ ná kú dandan.”

Nǔnywɛ́xó 14:1

Nyɔ̌nu e ɖó nǔnywɛ́ ɔ́ nɔ́ hɛn xwé; nyɔ̌nu xlonɔ ka nɔ gba xwé.

Jelemíi 29:6

Mi da asú, mi da asi, mi ji vǐ súnnu, bó ji vǐ nyɔ̌nu. Mi da asi nú vǐ mitɔn súnnu lɛ́ɛ, mi sɔ́ vǐ mitɔn nyɔ̌nu lɛ́ɛ ná asú, bónú yě ji vǐ. Mi gba kún ɖo dɔ̌n; mi ma nú kún mitɔn yi gǔdo ó!

Daniyɛ́li 6:4

Daniyɛ́li ka ɖo nukɔn nú mɛ we ɖě lɛ́ɛ ɖo nǔnywɛ́ lixo, ɖó yɛ e ɖo jǐ tɔn ɔ́ syɛ́n ɖésú, bɔ axɔ́sú ɔ́ ɖo linlin wɛ ná sɔ́ ɛ ɖó axɔ́súɖuto ɔ́ bǐ nu.

Hlɔ̌manu 14:13

Hǔn, mǐ ní bó gɔn hwɛ dó mǐɖée. Gbeta e mǐ ná ɖe tɔ́n kpowun ɔ́ ɖíe: Mǐ ní ma wa nǔ e ná zɔ́n bɔ nɔví mǐtɔn ná klɛ́n afɔ, abǐ é ná jɛ hwɛ mɛ é ɖěbǔ ó.

2 Kɔlɛ́ntinu 11:12

Un ná ɖo nǔ wa wɛ lě e bló gbɔn wɛ un ɖe din é, bɔ yě mɛ e ɖo ali ba wɛ, bó ná jlá ajɔ̌ nú yěɖée, bó ná ɖɔ émí ɖo azɔ̌ ɖokpó ɔ́ wa wɛ mǐ ɖɔhun lɛ́ɛ ɔ́, nǔ e wú yě ná ɖó dó ɔ́, un ná sú ali tɔn dó yě.

1 Timɔtée 2:8

Un jló ɖɔ súnnu lɛ́ɛ ɖo fí ɖěbǔ hǔn, yě ní nɔ xo ɖɛ, yě ní nɔ zé alɔ dó jǐ, bó nɔ xo ɖɛ kpódó ayi mímɛ́ kpó; yě ní ma nɔ sin xomɛ ó, yě ma ka nɔ ɖɔ jlɛ ó.

1 Timɔtée 4:3

Mɛ énɛ́ lɛ́ɛ nɔ dó sɛ́n ɖɔ è ma da asú ó, è ma ka da asi ó. Yě nɔ dó nǔɖuɖu ɖé lɛ́ɛ sín sɛ́n nú mɛ; lo ɔ́, Mawu bló nǔɖuɖu énɛ́ lɛ́ɛ, bónú nǔɖitɔ́ e mɔ nukúnnú jɛ nǔgbó ɔ́ wú lɛ́ɛ ná nɔ ɖu kpó kúdídó kpó.

1 Timɔtée 5:11

Ma xa asúkúsi e ma ko nyí mɛxó ǎ lɛ́ɛ dó asúkúsi lɛ́ɛ mɛ ó; ɖó hwenu e asúdida nɔ jɛ yě jló jí ɔ́, yě nɔ lɛ́ kɔ sín Klísu gúdo.

1 Timɔtée 6:1

Mɛ e nyí kannumɔ lɛ́ɛ bǐ ɖó ná mɔ gǎn yětɔn lɛ́ɛ dó mɔ mɛ e è ɖó ná ɖó sísí bǐ ná é, bónú mɛɖé ma ɖɔ xó nyanya dó Mawu sín nyǐkɔ kpódó nǔ e kplɔ́n mɛ wɛ mǐ ɖe ɔ́ kpán wú ó.

Titu 2:5

Yě ná nɔ kplɔ́n yě ɖɔ yě ní nɔ wa nǔ e sɔgbe é, lobo nyí mɛ mímɛ́; yě ní nɔ́ kpé nukún dó xwégbezɔ́ yětɔn lɛ́ɛ wú, bó ná nyí nyɔ̌nu ɖagbe e nɔ se tónú nú asú yětɔn lɛ́ɛ é; yě ní wa nǔ gbɔn mɔ̌, bónú mɛɖé ma ɖɔ xó nyanya ɖé dó Mawuxó ɔ́ wú ó.

Titu 2:8

A nǎ nɔ zán xógbe e sɔgbe bɔ mɛɖé ma ná sixú mɔ xó ɖé ɖɔ d'é wú ǎ lɛ́ɛ, bónú kɛntɔ́ towe lɛ́ɛ ná ɖu winnyá, ɖó yě ná mɔ xó nyanya ɖé ɖɔ dó mǐ wú ǎ.

Eblée 13:4

Asi dida abǐ asú dida ní nyí nǔsísí; asú kpó asi kpó ní nɔ gbejí nú yěɖée. Mawu ná ɖó hwɛ nú mɛ e nɔ ɖo nǔblíblí wa wɛ lɛ́ɛ kpódó mɛ e nɔ ɖo aga lɛ wɛ lɛ́ɛ kpó.