1 Timɔtée 5:11 - MAWUXÓWÉMA

¹¹ Ma xa asúkúsi e ma ko nyí mɛxó ǎ lɛ́ɛ dó asúkúsi lɛ́ɛ mɛ ó; ɖó hwenu e asúdida nɔ jɛ yě jló jí ɔ́, yě nɔ lɛ́ kɔ sín Klísu gúdo.

1 Timɔtée 5:11 Iomraidhean Croise

Ezayíi 3:16

Mawu Mavɔmavɔ ɖɔ: “Nyɔ̌nu Jeluzalɛ́mu tɔn lɛ́ɛ nɔ mɔ yěɖée dódó; yě ɖo yiyi wɛ ɔ́, yě nɔ́ ɖo kɔ xo wɛ, bó nɔ́ ɖo nukún bló nú mɛ wɛ; bó nɔ́ ɖo afɔ kpɔ́n ɖe wɛ dɛ̌dɛ̌ dɛ̌dɛ̌, bó nɔ́ ɖo gan e yě dó afɔ lɛ́ɛ xúxú wɛ.”

Ozée 13:6

Mi yi ama ɖu gbé lě tlóló ɔ́, mi nɔ gɔ́ xo. Adɔgo mitɔn gɔ́ lě kpowun ɔ́, mi nɔ jɛ go yí jí. Nǔ e wútu mi wɔn mì ɔ́ nɛ́.

Sɛ́nflínmɛ 32:15

Ée Yeculunu ɖu nǔ gɔ́ xo bó kló, bó nyɔ́ wǔ ɔ́, é fɔ́n gǔ; é jó Mawu e ɖó e ɔ́ dó; é dó winnyá só tɔn, hwlɛngán tɔn ɔ́.

1 Timɔtée 4:3

Mɛ énɛ́ lɛ́ɛ nɔ dó sɛ́n ɖɔ è ma da asú ó, è ma ka da asi ó. Yě nɔ dó nǔɖuɖu ɖé lɛ́ɛ sín sɛ́n nú mɛ; lo ɔ́, Mawu bló nǔɖuɖu énɛ́ lɛ́ɛ, bónú nǔɖitɔ́ e mɔ nukúnnú jɛ nǔgbó ɔ́ wú lɛ́ɛ ná nɔ ɖu kpó kúdídó kpó.

1 Timɔtée 5:12

Énɛ́ ɔ́, yě sɔ́ nɔ nɔ gbejí nú akpá nukɔn tɔn e yě dó nú Klísu ɔ́ ǎ, bɔ è nɔ ɖó hwɛ nú yě.

1 Timɔtée 5:14

Énɛ́ ɔ́ wú wɛ un jló ɖɔ asúkúsi e ma ko nyí mɛxó ǎ lɛ́ɛ ní lɛ́ vɔ́ asú da, bó ji vǐ; yě ní kpé nukún dó xwé yětɔn wú, bó ma ná ali ɖěbǔ kɛntɔ́ mǐtɔn lɛ́ɛ, bónú yě mɔ nǔ nyanya ɖé ɖɔ dó mǐ wú ó.

1 Timɔtée 5:9

Asúkúsi ɖé ma ɖó xwe kanɖé ko (60) jɛjí ǎ hǔn, ma lɛ́n ɛ dó asúkúsi lɛ́ɛ mɛ ó. É ka ná nyí mɛɖé, bɔ súnnu ɖokpó géé jɛ́n é ná da kpɔ́n.

Jaki 5:5

Acɔ́ mɛ wɛ mi nɔ, bó ɖu gbɛ ɖo ayǐkúngban ɔ́ jí; nǔ ɖagbe ɖagbe lɛ́ɛ wɛ mi ɖu, bó dó jǒ ɖ'ayǐ nú gbe e gbe è nǎ kplá mi yi lanhutɛn é.

2 Piyɛ́ɛ 2:18

Yě nɔ ɖo goyítɔ́ xó ɖɔ wɛ, bó nɔ ɖo xlonɔ xó ɖɔ wɛ; yě nɔ wlí mɛ e ma ko hɔn sín yě mɛ e ɖo ali bú wɛ lɛ́ɛ tɛ́ntin zinzin ǎ lɛ́ɛ dó mɔ mɛ; nǔblíblí wiwa sín jlǒ e yě ɖó ɖo gbɛtɔ́ nyínyí mɛ lɛ́ɛ wɛ yě nɔ́ dó wlí yě dó mɔ mɛ.

Nǔɖexlɛ́mɛ 18:3

Đó é ná aga e é lɛ ɔ́ sín vɛ̌ɛn baɖabaɖa ɔ́ to lɛ́ɛ bǐ, bɔ yě nu. Axɔ́sú ayǐkúngban jí tɔn lɛ́ɛ lɛ aga xá ɛ, bɔ ajɔ̌tɔ́ ayǐkúngban jí tɔn lɛ́ɛ jɛ dɔkun gbɔn gbɛɖunú e é ɖó zɛ jlɛ̌ wú lɛ́ɛ gbla mɛ.”

Nǔɖexlɛ́mɛ 18:7

Lě e é nɔ sɔ́ éɖée su, bó nɔ ba acɔ́ sɔ ɔ́, mɔ̌ wɛ mi ná dó ya n'i sɔ, mɔ̌ wɛ mi ná dó e aluwɛ mɛ sɔ; ɖó é nɔ ɖɔ dó ayi mɛ ɖɔ: ‘Un ɖo ayǐjínjɔ́n fí, axɔ́sú nyɔ̌nu ɖɔhun; un nyí asúkúsi ǎ; un ka ná nɔ aluwɛ mɛ gbeɖé ǎ.’

Nǔɖexlɛ́mɛ 18:9

Hwenu e axɔ́sú ayǐkúngban jí tɔn e lɛ aga xá ɛ, bó ɖu gbɛ xá ɛ lɛ́ɛ ná mɔ myɔ e ɖo fyɔ́fyɔ́ ɛ wɛ ɔ́ sín azizɔ ɔ́, yě ná ya avǐ, bó ná ná alě ɖó toxo ɖaxó ɔ́ wú.