1 Timɔtée 5:10 - MAWUXÓWÉMA

¹⁰ È ka ɖó ná tunwun i ɖó nǔ ɖagbe e é nɔ wa ɔ́ wú; é ná nyí mɛɖé, bó ko kplɔ́n vǐ kpɔ́n, é ná nyí mɛɖé, bó nɔ yí mɛ ganjí; é ná nyí mɛɖé, bó nɔ klɔ́ afɔ nú klísusɛntɔ́ lɛ́ɛ ; é ná nyí mɛɖé, bó nɔ gɔ́ alɔ nú gbɛ̌dónánɔ lɛ́ɛ, bó ná nɔ wa ɖagbe hwebǐnu.

1 Timɔtée 5:10 Iomraidhean Croise

Bǐbɛ́mɛ 18:4

È nǎ hɛn sin kpɛɖé wá, bó ná dó klɔ́ afɔ ná nú mi, bɔ mi ná gbɔjɛ́ ɖo atín élɔ́ sá.

Bǐbɛ́mɛ 19:2

Énɛ́ ɔ́ gúdo ɔ́, é ɖɔ: “Mɛɖaxó ce lɛ́ɛ e mi, mi kɛnklɛ́n, mi wá mǐ yi nyɛ mɛsɛntɔ́ mitɔn ɔ́ sín xwé gbe. Mi ná klɔ́ afɔ bó dɔ́ ayǐ. Énɛ́ ɔ́, mi ná fɔ́n zǎn sɔ bó ná lɛ́ wlí ali mitɔn ɖidó.” Yě ká gbɛ́ bó ɖɔ: “Éeǒ, mǐ ná dɔ́ xwé towe gbe ǎ, alixo fí wɛ mǐ ná dɔ́.”

Bǐbɛ́mɛ 24:32

Énɛ́ ɔ́, nya ɔ́ xwedó Labáan yi xwé gbe, bɔ Labáan ɖe agban tɔn lɛ́ɛ sín lǎkúnmí lɛ́ɛ jí, bó ná yě gběhan kpó ama kpó. É wún sin bó klɔ́ afɔ nú nya ɔ́ kpódó mɛ e xwedó e lɛ́ɛ kpó.

Bǐbɛ́mɛ 43:24

bó kplá yě mɛ bǐ byɔ́ Jozɛ́fu sín xwé gbe. É wún sin nú yě bɔ yě dó klɔ́ afɔ ná. É ná nǔɖuɖu tócí yětɔn lɛ́ɛ lɔmɔ̌.

Ɖɛhan 119:4

Mawu, hwɛ ɔ́, a nǎ sɛ́n towe lɛ́ɛ, bónú è nǎ kpé nukún yě wú bó nyi ganjí tɔn.

Ezayíi 1:17

Mi kplɔ́n nǔ ɖagbe wiwa, mi nɔ xwedó hwɛjijɔ; mi gbɛ́ nǔ nú mɛ e ɖo mɛ táfú wɛ ɔ́, mi wa nǔ ɖó sɛ́nxwi jí xá tɔ́cyɔvǐ, mi jɛ ahwan asúkúsi jí.”

Levíi ví 25:35

“Nú nɔví towe ɖo akpá towe bó jɛ ya mɛ, bɔ nǔɖé má sɔ́ ɖo así tɔn ǎ ɔ́, a nǎ hɛn sɔ ɛ. É ná bó nyí jǒnɔ abǐ mɛ e ná nɔ akpá towe káká jɛ hwe ɖé nu ɔ́ wɛ ɔ́, a nǎ hɛn sɔ ɛ bɔ é ná nɔ akpá towe.

Matíe 25:17

Mɔ̌ ɖokpó ɔ́, mɛ e yí sikágankwɛ́ ɖaxó we ɔ́ lɔmɔ̌ ɖu we ɖěvo sín le d'é jí.

Matíe 5:16

Wěziza mitɔn ní bo hɔ́n ɖo gbɛtɔ́ lɛ́ɛ nukɔn, bónú yě ní mɔ nǔ ɖagbe wiwa mǐtɔn lɛ́ɛ, bo na dó kpa susu nú Tɔ́ mitɔn e ɖo sɛ́xwé é.

Luki 7:38

É wá cí Jezu gúdo, ɖo afɔ tɔn lɛ́ɛ kpá, bó ɖo avǐ ya wɛ. Đasin é ɖésúnɔ tɔn nɔ ja kɔn nyi Jezu sin afɔ lɛ́ɛ jí, bɔ é nɔ́ dɔn ɖa tɔn dó súnsún afɔ tɔn lɛ́ɛ ná, bó nɔ́ kí si ná, bó nɔ́ kɔn célu ɔ́ dó afɔ tɔn lɛ́ɛ wú.

Luki 7:44

Jezu ka lílɛ́ kpan nukɔn nyɔ̌nu ɔ́, bó ɖɔ nú Sinmɔ́ɔ ɖɔ: “A ma mɔ nyɔ̌nu élɔ́ a? Ée un byɔ́ xwé towe gbe ɔ́, a nǎ sin mì nú má dó klɔ́ afɔ ná ǎ, lo ɔ́, éyɛ́ kɔn ɖasin tɔn dó afɔ ce lɛ́ɛ jí, lobo dɔn ɖa tɔn dó súnsún ná.

Mɛsɛ́dó 10:22

Yě ka yí gbe n'i ɖɔ: “Sɔ́ja kanwekogán Kɔnɛ́yi wɛ sɛ́ mǐ dó; nya énɛ́ ɔ́, gbɛtɔ́ ɖagbe ɖé wɛ; é nɔ́ sí Mawu, bɔ Jwifu lɛ́ɛ bǐ nɔ́ ɖe kúnnu ɖagbe n'i. Wɛnsagun Mawu tɔn ɖé tɔ́n dó jǐ tɔn, bó ɖɔ n'i ɖɔ ní ylɔ́ we wá xwé tɔn gbe, bó ɖótó xó e a nǎ ɖɔ n'i é.”

Mɛsɛ́dó 22:12

“Nya ɖé ka ɖo Damási fínɛ́, bɔ è nɔ ylɔ́ ɛ ɖɔ Ananíyasi; nya ɖé wɛ é nyí, lobo nɔ xwedó Mawusɛ́n, bó ɖó sísí nú Mawu, bɔ Jwifu e ɖo to ɔ́ mɛ lɛ́ɛ bǐ nɔ ɖɔ xó tɔn ɖagbe.

Mɛsɛ́dó 6:3

Énɛ́ ɔ́ wú ɔ́, nɔví ce lɛ́ɛ mi, mi gbɔ bo kpɔ́n miɖée mɛ, bó cyán súnnu tɛ́nwe e ɖó jijɔ ɖagbe, bɔ Yɛsinsɛn kpó nǔnywɛ́ kpó gɔ́ ayi mɛ ná lɛ́ɛ é, bónú mǐ ná sɔ́ yě ɖó azɔ̌ énɛ́ ɔ́ nu.

Mɛsɛ́dó 9:36

Nyɔ̌nu ɖé ka ɖo ahwanvú Jezu tɔn lɛ́ɛ mɛ ɖo Jopée, bɔ è nɔ ylɔ́ ɛ ɖɔ Tabita; (nyǐkɔ énɛ́ sín tínmɛ wɛ nyí “Dɔ̌kási” ɖo Glɛ̌sigbe mɛ, bó nyí “Tɛ́” ɖo Fɔngbe mɛ.) Nyɔ̌nu ɖagbewatɔ́ ɖé wɛ, bó nɔ́ dó alɔ wamamɔnɔ lɛ́ɛ ɖésú.

Mɛsɛ́dó 9:39

Ée Piyɛ́ɛ se wɛn énɛ́ tlóló ɔ́, é sí te bó xwedó yě azɔn ɖokpó. Ée yě wá Jopée ɔ́, yě kplá ɛ yi xɔ ɔ́ mɛ, ɖo síngbó jí. Ée Piyɛ́ɛ byɔ́ xɔ ɔ́ mɛ ɔ́, asúkúsi lɛ́ɛ bǐ sɛkpɔ́ ɛ ɖasin ɖo nukún mɛ, bó xlɛ́ ɛ awu kpó avɔ kpán e Dɔ̌kási nɔ bló hwenu e é ɖo gbɛ é.

Hlɔ̌manu 12:13

Mi nɔ dó alɔ nɔví mitɔn ɖo Klísu mɛ lɛ́ɛ ɖo nǔ e hudó yě lɛ́ɛ mɛ. Mi nɔ yí mɛ e nɔ wá gɔ̌n mitɔn lɛ́ɛ ganjí.

Efɛ́zinu 2:10

Đó nǔwiwa tɔn wɛ mǐ nyí; ɖo bǔ e mǐ ɖe xá Klísu Jezu é mɛ ɔ́, é bló mǐ, bónú mǐ ná zán gbɛ e gɔ́ nú nǔ ɖagbe wiwa é. Nǔ ɖagbe wiwa énɛ́ lɛ́ɛ wɛ é ɖésúnɔ kó sɔ́ ɖ'ayǐ nú mǐ, bónú mǐ ná bló.

Kolósinu 1:10

Énɛ́ ɔ́, mi ná sixú nɔ zán gbɛ mitɔn lě e Aklúnɔ jló gbɔn é, bó ná nɔ wa nǔ e nɔ́ nyɔ́ nukún tɔn mɛ ɔ́ hwebǐnu. Mi ná nɔ́ wa nǔ ɖagbe tɛnmɛ tɛnmɛ lɛ́ɛ, bó ná nɔ́ ɖo Mawu tunwun d'é jí wɛ.

1 Timɔtée 2:10

lo ɔ́, nǔ e yě ná nɔ dó ba acɔ́ ná ɔ́ wɛ nyí nǔ ɖagbe wiwa, lě e é jɛ xá ɖɔ nyɔ̌nu e nɔ sí Mawu lɛ́ɛ ní nɔ bló gbɔn é.

1 Timɔtée 3:2

Agunjíkpɔ́ntɔ́ ka ɖó ná nyí mɛɖé, bɔ è nǎ mɔ nǔɖé ɖɔ dó wú tɔn ǎ. Asi ɖokpó wɛ é ɖó ná ɖó; é ná nɔ wa nǔ ɖó jlɛ̌ jí; é ɖó ná nɔ ɖu ɖo éɖée jí; é ɖó ná ɖó walɔ ɖagbe; é ɖó ná nɔ yí mɛ ganjí; é ná nyí mɛɖé bó ná sixú kplɔ́n nǔ mɛ.

1 Timɔtée 3:7

É ɖó ná nyí mɛɖé bɔ mɛ e ma ɖo agun Klísu tɔn mɛ ǎ lɛ́ɛ lɔmɔ̌ ná nɔ ɖe kúnnu ɖagbe n'i, bónú é ma wá ɖu hɛ̌n ó, bónú é ma wá jɛ mɔ e awǒvi nɔ ɖó nú mɛ lɛ́ɛ mɛ ó.

1 Timɔtée 5:16

Amɔ̌ ényí agunví nyɔ̌nu ɖé ɖó asúkúsi ɖo hɛ̌n tɔn nu hǔn, ní kpé nukún dó wú tɔn; ní ma jó é dó nyi kɔ jí nú agun ɔ́ ó; bónú agun ɔ́ na sixú kpé nukún dó asúkúsi nǔgbó nǔgbó lɛ́ɛ wú.

1 Timɔtée 5:25

Mɔ̌ ɖokpó ɔ́, nǔ ɖagbe e mɛɖé lɛ́ɛ nɔ wa lɛ́ɛ ɔ́, è nɔ mɔ yě gannaganna; ée è ma tlɛ ko ɖo mimɔ wɛ tlóló ǎ lɛ́ɛ ɔ́, nɔ sixú nɔ hwlǎhwlá sɔ́yi ǎ.

1 Timɔtée 6:18

Kplɔ́n nǔ yě ɖɔ yě ní nɔ wa ɖagbe, bó kplɔ́n yě ɖɔ yě ní nɔ wa nǔ ɖagbe gěgé. Yě ní nɔ hun alɔ bó ná nǔ mɛ, bó nɔ gbesisɔ mɛ, bó ná má nǔ e yě ɖó ɔ́ xá mɛ ɖě lɛ́ɛ.

2 Timɔtée 1:5

Nǔɖiɖi titewungbe e a ɖǒ ɔ́ ɖo ayi ce mɛ, bɔ un ɖo flínflín wɛ. Nǔɖiɖi énɛ́ ɔ́ wɛ nɔ towe sín nɔ Lɔyisi kpódó nɔ towe Enisi kpó ko ɖó jɛ nukɔn nú we. Un ka ɖeji ɖɔ hwi lɔ ɖó nǔɖiɖi énɛ́.

2 Timɔtée 2:21

Ényí mɛɖé sixú ɖe nǔ nyanya e xó un ɖɔ ɔ́ sín gbɛzán tɔn mɛ ɔ́, nǔjɔnǔ wɛ è nǎ nɔ sɔ́ ɛ dó bló ná ɖó é ɖo gǎn tɔn sín acɛ mɛ bǐ sésé, bó jɛ alɔ n'i, bó ɖo gbesisɔ mɛ, bɔ é ná sɔ́ ɛ dó wa nǔ ɖagbe bǐ ná.

2 Timɔtée 3:15

Sín hwenu e a ɖo vǔ ɔ́ wɛ a ko tunwun nǔwlánwlán mímɛ́ lɛ́ɛ; yě hɛn ɔ́, yě nǎ ná nǔnywɛ́ e nɔ kplá mɛ, bɔ è nɔ mɔ hwlɛngán gbɔn nǔ ɖi nú Klísu Jezu gbla mɛ ɔ́ we.

2 Timɔtée 3:17

bónú mɛ e nyí Mawu tɔn ɔ́ ná ɖo gbesisɔ mɛ titewungbe, bɔ nǔ e é ná dó wa nǔ ɖagbe bǐ na ɔ́ bǐ ná ɖo así tɔn.

Titu 2:14

É sɔ́ éɖée jó dó ta mǐtɔn mɛ, bó ná xɔ mǐ ɖo nǔ nyanya bǐ mɛ, bó ná sɔ́ mǐ dó bló togun mímɛ́ e nyí é ɖokpónɔ géé tɔn ɔ́ ná, bɔ mǐ ná nɔ́ ɖó kan dó nǔ ɖagbe wiwa wú.

Titu 2:7

Hwi ɖésúnɔ ɔ́, a ɖǒ ná nɔ́ wa nǔ ɖagbe ɖo nǔ bǐ mɛ, bó ná nyí kpɔ́n d'é wú nú yě; a nǎ sɔ́ nǔ e kplɔ́n mɛ wɛ a ɖe lɛ́ɛ dó ɖó nǔjɔnǔ, lobo kpé nukún d'é wú.

Titu 3:1

A nǎ nɔ́ flín mɛ lɛ́ɛ bǐ ɖɔ yě ɖó ná nɔ́ hwíhwɛ́ yěɖée dó gǎn lɛ́ɛ kpódó acɛkpikpa lɛ́ɛ kpán glɔ́; a nǎ flín yě ɖɔ yě ɖó ná nɔ sí yě, bó ná ɖo gbesisɔ mɛ nú nǔ ɖagbe wiwa bǐ.

Titu 3:14

Mɛ mǐtɔn lɛ́ɛ lɔmɔ̌ ní kplɔ́n nǔ ɖagbe wiwa, bó nɔ wa hwebǐnu, bó ná nɔ́ sixú mɔ nǔ e ɖo tají lɛ́ɛ, bó ma zán gbɛ yětɔn dó wǔvɔ́ ó.

Titu 3:8

Xó nǔgbó ɖokpó nɛ́. Un jló ɖɔ a nǐ tɛ ɖɛ̌ nǔ énɛ́ lɛ́ɛ jí ganjí, bónú mɛ e ɖi nǔ nú Mawu lɛ́ɛ ná tɛ́ dó ɖagbewiwa wú. Nǔ e nyí nǔ ɖagbe bó nyɔ́ nú gbɛtɔ́ lɛ́ɛ é nɛ́.

Eblée 10:24

Mi nú mǐ ná kpé nukún dó mǐɖée wú, bó ná flɔ́ wǎn yíyí sín zo dó lanmɛ nú mǐɖée, bó ná ɖó wǎn yíyí, bó ná nɔ flɔ́ ɖagbewiwa sín zo dó lanmɛ nú mǐɖée, bó ná wa ɖagbe.

Eblée 13:2

Mi flín ɖɔ mi ɖó ná nɔ yí yě mɛ e nɔ wá ba jǒnɔ mi lɛ́ɛ é ganjí, ɖó mɛɖé lɛ́ɛ tíin bó ɖo nǔ wa gbɔn mɔ̌ wɛ, bó yí wɛnsagun Mawu tɔn lɛ́ɛ dó xwé gbe cóbó dán ɛ.

Eblée 13:21

ní bló bónú mi ná kpé nǔ ɖagbe bǐ wú bó wa, bó dó wa jlǒ tɔn; ní bló nǔ e nyɔ́ nukún tɔn mɛ lɛ́ɛ ɖo mǐ mɛ gbɔn Jezu Klísu jí. Susu nú Jezu Klísu káká sɔ́yi mavɔ mavɔ. Amǐ!

1 Piyɛ́ɛ 2:12

Mi zán gbɛ ɖagbe ɖo mɛ e ma ɖi nǔ nú Mawu ǎ lɛ́ɛ tɛ́ntin; énɛ́ ɔ́, nú yě na bo ɖo hwɛ dó mi wɛ ɖɔ mi nyí nǔnyanyawatɔ́ ɔ́, yě ná wá mɔ nǔ jɛ azɔ̌ ɖagbe e mi nɔ wa lɛ́ɛ wú dandan, bó ná kpa susu nú Mawu ɖo azǎn e gbe é ná ba yě kpɔ́n é.

1 Piyɛ́ɛ 4:9

Nú mi ba jǒnɔ miɖée hǔn, mi ma húnhún nǔ ɖɔ cóbó yí miɖée ó.

3 Jǎan 1:12

Mɛ bǐ wɛ nɔ ɖɔ Demɛtliwúsi xó ɖagbe; nǔgbó ɔ́ ɖésúnɔ ɖe kúnnu n'i; mǐ lɔ ɔ́, mǐ nɔ́ ɖe kúnnu ɖagbe n'i; a ka tunwun ɖɔ xó nǔgbó wɛ mǐ nɔ́ ɖɔ.