1 Timɔtée 4:8 - MAWUXÓWÉMA

⁸ Agbaza mɛ gándídó ɔ́, nǔ ɖagbe wɛ; amɔ̌ nǔ kpɛɖé jɛ́n wɛ é nyɔ́ ná; ayi mɛ gándídó ɔ́ ka nyɔ́ nú nǔ lɛ́ɛ bǐ, ɖó é dó akpá nú mi ɖɔ mi ná mɔ gbɛ din tɔn, kpódó ée ja ɔ́ kpó.

1 Timɔtée 4:8 Iomraidhean Croise

Jɔ̌bu 22:2

Gbɛtɔ́ sixú jɛ alɔ nú Mawu a? Gbeɖé kpɔ́n! Gbɛtɔ́ e ɖó nǔnywɛ́ ɔ́, é ɖésúnɔ jɛ́n é sixú jɛ alɔ ná.

Jɔ̌bu 36:11

Ényí yě ɖǒtó Mawu bó hwíhwɛ́ yěɖée n'i ɔ́, yě ná zǎn gbɛ yětɔn yi vivɔnu ɖo nyɔ̌ná ɖaxó mɛ.

Ɖɛhan 145:19

Nǔɖé jló mɛ e ɖó sísí n'i lɛ́ɛ ɔ́, é nɔ́ bló nú yě. Yě sú xó ɔ́, é nɔ́ se, bó nɔ́ hwlɛ́n yě gán.

Ɖɛhan 37:11

To ɔ́ ká ná nyí mɛ e nɔ sɔ́ yěɖée hwe lɛ́ɛ tɔn, bɔ fífá ma ɖó dogbó e yě ná mɔ ɔ́ wɛ ná nyí nǔ e ná nɔ́ víví nú yě é.

Ɖɛhan 37:29

To ɔ́ ná nyí hwɛjijɔnɔ lɛ́ɛ tɔn, bɔ yě ná nɔ mɛ káká sɔ́yi.

Ɖɛhan 37:9

Đó è nǎ sú mɛdídá lɛ́ɛ kún dó sín to ɔ́ mɛ, bɔ to ɔ́ ná nyí mɛ e ɖeji dó Mawu Mavɔmavɔ wú lɛ́ɛ tɔn.

Ɖɛhan 84:11

Nǔgbó ɔ́, è nɔ kɔ́xo towe lɛ́ɛ ta xɔ azǎn ɖokpó ɔ́, é nyɔ́ hú è blǒ azǎn afatɔ́n ɖo fí ɖěvo. Mawu ce, un yí wǎn nú xwé towe lihɛ́nnu ninɔ hú adǎkaxotɔ́ lɛ́ɛ xwé ninɔ.

Nǔnywɛ́xó 19:23

Sísí ɖó nú Mawu Mavɔmavɔ mɛ wɛ è nɔ mɔ gbɛ ɖe; nǔɖé nɔ́ hwedó mɛ ǎ; zǎn mɛ ɔ́, è nɔ dɔ́ amlɔ ganjí, gbɛwé ɖé nɔ́ xo mɛ ǎ.

Nǔnywɛ́xó 22:4

Sɔ́ hwiɖée hwe, bó ɖó sísí nú Mawu Mavɔmavɔ; énɛ́ ɔ́, a nǎ jɛ dɔkun, a nǎ xɔ susu, a nǎ dɔ́ ji.

Nǔnywɛ́tɔ́xó 8:12

É ká ɖo mɔ̌ có, nú hwɛhutɔ́ ná bó ɖo dǎka xo wɛ magbokɔ bó ká nɔ́ lɛ́ dɔ́ ji ɔ́, nyɛ ɔ́, un tunwun ɖɔ mɛ e nɔ ɖó sísí nú Mawu lɛ́ɛ wɛ nǔ na nyɔ́ ná, ɖó sísí e yě nɔ́ ɖó nú Mawu ɔ́ wú.

Ezayíi 3:10

Mi hɛn ɔ́, mi ná ɖɔ: nǔ bǐ nɔ́ yi linsinlinsin nú nǔjlɔ́jlɔ́watɔ́ lɛ́ɛ. Nǔ e yě wa ɔ́, yě nɔ́ ɖu.

Ezayíi 33:16

Mɛ mɔ̌hun ná nɔ só jí aga ɖéé, só e jí mɛɖé má sixú wa nǔɖé nú mɛ ɖe ǎ é wɛ ná nyí nɔtɛn tɔn. È nǎ ná ɛ nǔɖuɖu, bɔ sin ná ɖo gɔ̌n tɔn tɛgbɛ.

Jelemíi 6:20

Zǎlínkpɔ́n e è hɛn sín Saba e ba wɛ un ɖe a? Fántín wǎnɖagbenɔ e è hɛn sín to linlin mɛ ɔ́ ba wɛ un ɖe a? Vɔ̌ e yě nɔ́ dó zo nú mì lɛ́ɛ ba wɛ un ɖe ǎ. Vɔ̌ e yě nɔ́ sá nú mì lɛ́ɛ nɔ nyɔ́ nukún ce mɛ ǎ.

Matíe 12:32

Mɛɖěbǔ nylá nu dó nyɛ Gbɛtɔ́ví ɔ́ wú ɔ́, Mawu na sɔ́ kɛ ɛ; lo ɔ́, mɛ e ná nylá nu dó Yɛsinsɛn wú ɔ́, è nǎ sɔ́ kɛ ɛ ɖo hwe élɔ́ nu din ǎ; è ka na lɛ́ sɔ́ kɛ ɛ ɖo hwenu e jǎwe ɔ́ ǎ.’ ”

Matíe 19:29

bɔ mɛ ɖěbǔ e ná jó xwé tɔn dó, bó ná jó nɔví tɔn súnnu lɛ́ɛ, abǐ nyɔ̌nu lɛ́ɛ dó, bó ná jó tɔ́ tɔn kpódó nɔ tɔn kpó dó, abǐ vǐ tɔn lɛ́ɛ dó, bó ná jó ayǐkúngban tɔn lɛ́ɛ dó, ɖó nyɛ wútu ɔ́, Mawu ná ná ɛ nǔ e hú mɔ̌ ɔ́ donu kanwe ko (100), bó ná lɛ́ ná ɛ gbɛ mavɔ mavɔ.

Matíe 6:33

Axɔ́súɖuɖu Mawu tɔn kpódó jlǒ tɔn wiwa kpó ní nɔ́ myá nukún nú mi jɛ nukɔn; énɛ́ ɔ́, é ná ná nǔ énɛ́ lɛ́ɛ bǐ mi.

Luki 5:38

Lo ɔ́, vɛ̌ɛn yɔ̌yɔ́ ɔ́, anyǔglo yɔ̌yɔ́ mɛ wɛ è nɔ kɔn dó.

Hlɔ̌manu 8:28

Mǐ tunwun ɖɔ mɛ e yí wǎn nú Mawu lɛ́ɛ ɔ́, mɛ e é ylɔ́ ɖo tito tɔn mɛ lɛ́ɛ ɔ́, nǔ e nɔ jɛ dó yě jǐ lɛ́ɛ bǐ ɔ́, ɖagbe wɛ é nɔ dó wá nú yě.

1 Kɔlɛ́ntinu 3:22

Pɔ́lu oo, Apolosu abǐ Sefási oo, wɛ̌kɛ́ oo, gbɛ oo, kú oo, din abǐ sɔ e jǎwe ɔ́ oo, nǔ bǐ wɛ nyí mitɔn.

1 Kɔlɛ́ntinu 8:8

Có é ma ka nyí nǔɖuɖu wɛ nɔ zɔ́n bɔ mǐ nɔ́ sɛkpɔ́ Mawu nɛ́; ényí mǐ ma ɖu ǎ ɔ́, nǔɖé gú mǐ ǎ; ényí mǐ ka ɖu ɔ́, le ɖé ɖ'é mɛ nú mǐ ǎ.

1 Timɔtée 4:7

Hɔn nú xlonɔ sín tan e kpi wɛ nyɔ̌ɖaxóví lɛ́ɛ nɔ ɖe, bɔ é ma sɔgbe xá nǔɖiɖi ɔ́ ǎ lɛ́ɛ é, bó kplɔ́n hwiɖée dó xɛsi ɖi nú Mawu lɔ jí.

1 Timɔtée 6:3

Ényí mɛɖé kplɔ́n nǔ ɖěvo mɛ, bó ma yí gbe nú xó nǔgbó Aklúnɔ mǐtɔn Jezu Klísu tɔn lɛ́ɛ kpódó nǔkplɔ́nmɛ e sɔgbe xá sinsɛn mǐtɔn ɔ́ kpó ǎ hǔn,

1 Timɔtée 6:5

kpódó nǔdindɔn magbokɔ byɔ́ gbɛtɔ́ e sín tamɛ ma sɔgbe ǎ bɔ yě ma sɔ́ tunwun nǔgbó ɔ́ ǎ lɛ́ɛ kpó tɛ́ntin; yě nɔ vɛdó ɖɔ mawusinsɛn ɔ́, dɔkun jijɛ nú wɛ é nyí sín.

1 Timɔtée 6:6

Nǔgbó ɔ́, mawusinsɛn ɔ́, dɔkun ɖaxó ɖokpó wɛ é nyí nú mɛ e nǔ e é ɖó ɔ́ nɔ kpé é.

2 Timɔtée 3:5

Yě ná nyí mawusɛntɔ́ ɖo nukúnta, bó ka ná gbɛ́ nǔ e nyí hlɔ̌nhlɔ́n titewungbe nú sinsɛn ɔ́ é; lɛ̌ kɔ sín gbɛtɔ́ mɔ̌hun lɛ́ɛ gúdo.

Titu 3:8

Xó nǔgbó ɖokpó nɛ́. Un jló ɖɔ a nǐ tɛ ɖɛ̌ nǔ énɛ́ lɛ́ɛ jí ganjí, bónú mɛ e ɖi nǔ nú Mawu lɛ́ɛ ná tɛ́ dó ɖagbewiwa wú. Nǔ e nyí nǔ ɖagbe bó nyɔ́ nú gbɛtɔ́ lɛ́ɛ é nɛ́.

Eblée 13:9

Mi ma jó miɖée dó bónú kplɔ́n baɖabaɖa tɛnmɛ tɛnmɛ lɛ́ɛ dɔn mi bú ó; é nyɔ́ nú fɛ́nú Mawu tɔn ní bló nú ayixa mǐtɔn ní lí dǒ. Ní ma nyí sɛ́n e è dǒ dó nǔɖuɖu tɛnmɛ tɛnmɛ lɛ́ɛ wú ɔ́ wɛ ná zɔ́n bɔ ayixa mǐtɔn ná lí dǒ ó; mɛ e nɔ nyi sɛ́n énɛ́ lɛ́ɛ nɔ mɔ le ɖé ɖ'é mɛ gbeɖé ǎ.

1 Jǎan 2:25

Nǔ e sín akpá Klísu ka dó nú mǐ ɔ́ wɛ nyí gbɛ mavɔ mavɔ.

Nǔɖexlɛ́mɛ 3:12

“Mɛ e ná ɖu ɖ'é jí ɔ́, un ná sɔ́ ɛ dó bló dotín ná ɖo sinsɛnxɔ Mawu ce tɔn mɛ, bɔ é sɔ́ ná tɔ́n ǎ. Un ná wlán Mawu ce sín nyǐkɔ kpódó Mawu ce sín toxo sín nyǐkɔ kpán dó wǔ tɔn; Mawu ce sín toxo ɔ́ wɛ nyí Jeluzalɛ́mu yɔ̌yɔ́ e Mawu ce ná sɛ́ dó, bɔ é ná jɛ te sín sɛ́xwé wá é. Un ná wlán nyǐkɔ ce yɔ̌yɔ́ ɔ́ lɔ dó wǔ tɔn.

Nǔɖexlɛ́mɛ 3:21

“Mɛ e ná ɖu ɖ'é jí ɔ́, un ná ná ɛ gbe, bɔ é ná jínjɔ́n axɔ́súzinkpo ce jí, lě e un ɖu ɖ'é jí, bó jínjɔ́n Tɔ́ ce kpá ɖo axɔ́súzinkpo tɔn jí é ɖɔhun.

1 Samuwɛ́li 15:22

Samuwɛ́li lɛ́ ɖɔ: “Lě e Mawu Mavɔmavɔ yí wǎn nú tónú se nú xó tɔn gbɔn ɔ́ wɛ é yí wǎn nú vɔ̌ e è nɔ dó zo ɔ́, kpódó vɔ̌sísá ɖě lɛ́ɛ kpó gbɔn a? Gbeɖé! É yí wǎn nú tónú se n'i hú vɔ̌sísá. È blǒ nǔ e é ɖɔ ɔ́, é nɔ́ víví n'i hú jǒ.