1 Timɔtée 4:7 - MAWUXÓWÉMA

⁷ Hɔn nú xlonɔ sín tan e kpi wɛ nyɔ̌ɖaxóví lɛ́ɛ nɔ ɖe, bɔ é ma sɔgbe xá nǔɖiɖi ɔ́ ǎ lɛ́ɛ é, bó kplɔ́n hwiɖée dó xɛsi ɖi nú Mawu lɔ jí.

1 Timɔtée 4:7 Iomraidhean Croise

Mɛsɛ́dó 24:16

Énɛ́ ɔ́ wú wɛ un nɔ dó gǎn, bónú ayi ce ma xo hun xá mì ɖo nǔ ɖěbǔ mɛ, ɖo Mawu kpódó gbɛtɔ́ lɛ́ɛ kpán nukɔn ó.

1 Timɔtée 1:4

Đɔ nú yě ɖɔ yě ní jó xɛxó kpódó kanfifɔ magbokɔ kpó dó, ɖó nǔ énɛ́ lɛ́ɛ ɔ́, adɔn wɛ yě nɔ dɔn nyi ayǐ, bó nɔ́ lɔn nú mɛ lɛ́ɛ ná nyí nǔjíkpɔ́ntɔ́ Mawu tɔn ɖagbe ɖo nǔɖiɖi mɛ ǎ.

1 Timɔtée 1:9

Đo tají ɔ́, è ka ná flín ɖɔ é kún nyí nǔjlɔ́jlɔ́watɔ́ lɛ́ɛ wú wɛ è dǒ sɛ́n ɔ́ ó; lo ɔ́, mɛ e wú è dǒ sɛ́n ɔ́ lɛ́ɛ wɛ nyí nǔnyanyawatɔ́ lɛ́ɛ, tónúmasetɔ́ lɛ́ɛ, mɛ e ma nɔ sí Mawu ǎ lɛ́ɛ, hwɛhutɔ́ lɛ́ɛ, mɛ e ma nyí mɛ mímɛ́ ǎ lɛ́ɛ, mɛ e ma ɖi nǔ nú Mawu ǎ lɛ́ɛ, mɛ e nɔ hu tɔ́ yětɔn abǐ nɔ yětɔn lɛ́ɛ é, mɛhutɔ́ lɛ́ɛ.

1 Timɔtée 2:10

lo ɔ́, nǔ e yě ná nɔ dó ba acɔ́ ná ɔ́ wɛ nyí nǔ ɖagbe wiwa, lě e é jɛ xá ɖɔ nyɔ̌nu e nɔ sí Mawu lɛ́ɛ ní nɔ bló gbɔn é.

1 Timɔtée 3:16

Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

1 Timɔtée 4:8

Agbaza mɛ gándídó ɔ́, nǔ ɖagbe wɛ; amɔ̌ nǔ kpɛɖé jɛ́n wɛ é nyɔ́ ná; ayi mɛ gándídó ɔ́ ka nyɔ́ nú nǔ lɛ́ɛ bǐ, ɖó é dó akpá nú mi ɖɔ mi ná mɔ gbɛ din tɔn, kpódó ée ja ɔ́ kpó.

1 Timɔtée 6:11

Amɔ̌ hwɛ mawuzɔ́watɔ́ ɔ́, ɖǒ wǔ zɔ nú nǔ énɛ́ lɛ́ɛ bǐ, bó xwedó hwɛjijɔ, bó nɔ sí Mawu, bó ɖó nǔɖiɖi, bó ɖó wǎn yíyí, bó ɖó hǔnkúkú kpódó xomɛfífá kpó.

1 Timɔtée 6:20

Timɔtée, hɛn nǔ e è sɔ́ dó así nú we ɔ́ syɛ́nsyɛ́n. Nɔ hɔn nú xógbló, xó e ma sɔgbe xá nǔɖiɖi ɔ́ ǎ lɛ́ɛ, bó hɔn nú nǔnywɛ́ ma nyí nǔnywɛ́ e mɛ lɛ́ɛ nɔ ylɔ́ ɖɔ nǔnywɛ́, bó nɔ ɖo nǔ dɔn ɖ'é kɔn wɛ é.

1 Timɔtée 6:3

Ényí mɛɖé kplɔ́n nǔ ɖěvo mɛ, bó ma yí gbe nú xó nǔgbó Aklúnɔ mǐtɔn Jezu Klísu tɔn lɛ́ɛ kpódó nǔkplɔ́nmɛ e sɔgbe xá sinsɛn mǐtɔn ɔ́ kpó ǎ hǔn,

1 Timɔtée 6:5

kpódó nǔdindɔn magbokɔ byɔ́ gbɛtɔ́ e sín tamɛ ma sɔgbe ǎ bɔ yě ma sɔ́ tunwun nǔgbó ɔ́ ǎ lɛ́ɛ kpó tɛ́ntin; yě nɔ vɛdó ɖɔ mawusinsɛn ɔ́, dɔkun jijɛ nú wɛ é nyí sín.

2 Timɔtée 2:16

Jǒ xógbló kpódó xó e ma sɔgbe xá Mawuxó ɔ́ ǎ lɛ́ɛ kpó dó; ɖó mɛ e nɔ ɖɔ xó énɛ́ lɛ́ɛ é fɔ́n tɛgbɛ ɔ́, yě ná nɔ ɖo zɔ sɛ yi nú Mawu wɛ;

2 Timɔtée 2:23

Nɔ zɔ nú nǔdindɔn e nyí taɖunɔ xó, bó nyí xlonɔ xó lɛ́ɛ; bo tunwun ɖɔ nǔdindɔn énɛ́ lɛ́ɛ ɔ́, jlɛ wɛ yě nɔ dɔn wá.

2 Timɔtée 3:12

Mɛ e jló ná zán gbɛ yětɔn nú Mawu kpó sísí kpó, ɖo bǔ e yě ɖe xá Klísu Jezu é mɛ ɔ́ bǐ wɛ è nǎ tlɛ dó ya ná lɔ.

2 Timɔtée 3:5

Yě ná nyí mawusɛntɔ́ ɖo nukúnta, bó ka ná gbɛ́ nǔ e nyí hlɔ̌nhlɔ́n titewungbe nú sinsɛn ɔ́ é; lɛ̌ kɔ sín gbɛtɔ́ mɔ̌hun lɛ́ɛ gúdo.

2 Timɔtée 4:4

Yě ná nɔ́ dó tókúse nǔgbó ɔ́ mɛ, bó ná nɔ́ ɖótó xɛxó lɛ́ɛ.

Titu 1:14

bónú yě ní ma sɔ́ nɔ gán jɛ Jwifu lɛ́ɛ sín xɛxó kpó mɛ e lɛ́ kɔ sín nǔgbó ɔ́ gúdo lɛ́ɛ kpó sín sɛ́n wú ó.

Titu 2:12

Fɛ́nú énɛ́ ɔ́ kplɔ́n mǐ ɖɔ mǐ ní jó gbɛ nyanya zínzán kpó jlǒ gbɛmɛ fí tɔn lɛ́ɛ kpó dó, bó ná nɔ́ wa nǔ e sɔgbe é, bó ná nɔ́ zán gbɛ jlɔ́jlɔ́, lobo ná nɔ́ gbejí nú Mawu.

Titu 3:9

Amɔ̌, hɔn nú nǔdindɔn e nɔ hwɛ́n xlonɔ xó lɛ́ɛ, bó hɔn nú kanfifɔ magbokɔ lɛ́ɛ, bó nɔ hɔn nú jlɛɖiɖɔ kpódó adɔndindɔn dó sɛ́n lɛ́ɛ jí kpán. Nǔ énɛ́ lɛ́ɛ ɔ́, yě nyí nǔɖéwanú ǎ; nǔ nyanya wɛ yě nyí.

Eblée 5:14

Lo ɔ́, nǔɖuɖu syɛ́nsyɛ́n ɔ́, mɛxó lɛ́ɛ tɔn wɛ; mɛxó énɛ́ lɛ́ɛ kó tunwun nǔ ɖagbe ɖo nǔ nyanya mɛ, gbɔn nǔwiwa yětɔn lɛ́ɛ gbla mɛ, bɔ é ko má yě.