1 Timɔtée 4:6 - MAWUXÓWÉMA

⁶ A kplɔ́n nǔ énɛ́ lɛ́ɛ nɔví lɛ́ɛ ɔ́, a nǎ nyí Klísu Jezu sín mɛsɛntɔ́ ɖagbe, bó ná ɖe xlɛ́ ɖɔ nǔɖiɖixó kpódó nǔkplɔ́nmɛ titewungbe e a xwedó lɛ́ɛ kpán wɛ nyí Yɛsinsɛn sín nǔɖuɖu nú we.

1 Timɔtée 4:6 Iomraidhean Croise

Ɖɛhan 19:7

Hwe nɔ tɔ́n sín akpá ɖě xwé ɖo jǐnukúnsin, bó nɔ́ yi xɔ dó akpá ɖěvo xwé. Yǒzo tɔn nɔ́ hwedó nǔ ɖěbǔ ǎ.

Nǔnywɛ́xó 4:2

ɖó nǔ ɖagbe kplɔ́n mi wɛ un ɖe. Mi ma hɔn xó ce lɛ́ɛ nyi gbě ó.

Jelemíi 15:16

Nú xó ɖé tɔ́n sín nu towe mɛ bó jɛ tó ce mɛ lě ɔ́, tlóló jɛ́n un nɔ wɔ ɖu; xó towe nɔ́ dó xomɛhunhun nú mì, bó nɔ ná awǎjijɛ mì. Mawu Mavɔmavɔ, Mawu Nǔbǐwúkpétɔ́, nyǐkɔ towe wɛ ɖo wǔ ce.

Matíe 13:52

Jezu ka ɖɔ nú yě ɖɔ: “Sɛ́nkplɔ́nmɛtɔ́ e wá húzú axɔ́súɖuto sɛ́xwé tɔn sín ahwanvú ɔ́ cí xwétɔ́ e cyán nǔ yɔ̌yɔ́ kpódó nǔ xóxó kpó sín dɔkun tɔn lɛ́ɛ mɛ ɔ́ ɖɔhun.”

Luki 1:3

Énɛ́ wú wɛ un yi ba do nú nǔ énɛ́ lɛ́ɛ bǐ céɖécéɖé sín bǐbɛ́mɛ yětɔn, bó nywɛ́ ɖɔ má wlán nǔ e jɛ nɛ́ lɛ́ɛ ɖě jɛ ɖě gúdo sɛ́ dó we,

Mɛsɛ́dó 1:15

Gbe ɖokpó wá su, bɔ yě nǔɖitɔ́ kantɔn mɔ̌ (120) kplé, bɔ Piyɛ́ɛ sí te ɖo tɛ́ntin yětɔn, bó ɖɔ:

Mɛsɛ́dó 20:31

Hǔn, mi bo nɔ acéjí, bó ka flín ɖɔ zǎn kpódó kéze kpo ɔ́, un kún gɔn nǔ kplɔ́n ɖokpó ɖokpó mitɔn lɛ́ɛ kpódó avǐ kpán káká nú xwe atɔn ó.

Mɛsɛ́dó 20:35

Un xlɛ́ mi gbɔn alɔkpa bǐ mɛ ɖɔ mɔ̌ wɛ è ɖǒ ná nɔ́ wa azɔ̌ gbɔn, bó ná sixú dó alɔ wamamɔnɔ lɛ́ɛ, bó ná dó flín xó e Aklúnɔ Jezu ɖésú ɖɔ lɛ́ɛ ná; é ɖɔ: ‘Nǔnámɛ nɔ dó xomɛhunhun nú mɛ hú nǔyíɖomɛsí.’ ”

Hlɔ̌manu 15:15

É ɖo mɔ̌ có, un syɛ́n ta, bó ɖɔ xó ɖé lɛ́ɛ sɛ́ dó mi, ɖo akpá gěgé xwé ɖo wěma élɔ́ mɛ, bó ná dó flín nǔ e mi ko tunwun ɖ'ayǐ lɛ́ɛ mi. Un wlán wěma ɔ́ gbɔn mɔ̌, ɖó fɛ́nú e Mawu ná mì,

1 Kɔlɛ́ntinu 4:17

Énɛ́ ɔ́ wú ɔ́, un sɛ́ vǐ vívɛ́ ce Timɔtée dó mi; é ɖo gbejí nú Aklúnɔ. É ná flín lě e un nɔ zán gbɛ ce gbɔn ɖo Klísu mɛ ɔ́ mi; lě e un nɔ zán gbɛ gbɔn ɔ́ wɛ un nɔ kplɔ́n mɛ gbɔn fí bǐ, ɖo agun Klísu tɔn lɛ́ɛ bǐ mɛ.

2 Kɔlɛ́ntinu 11:23

É ma nyí azɔ̌watɔ́ Klísu tɔn wɛ yě nyí a? Din ɔ́, un ná ɖɔ xó ta ce mɛ ma sɔgbe ɖěbǔ ɖɔhun: un nyí Klísu sín azɔ̌watɔ́ hú yě; un wa azɔ̌ hú yě; è nɔ wlí mì dó gankpá mɛ hú yě; è xo mì dín hú yě; kúdán gbo mì hú yě.

2 Kɔlɛ́ntinu 3:6

Đó é wɛ húzú mǐ, bɔ mǐ kpé wú, bó nyí akɔjijɛ yɔ̌yɔ́ ɔ́ sín azɔ̌watɔ́. Akɔjijɛ yɔ̌yɔ́ énɛ́ jínjɔ́n sɛ́n e è wlán lɛ́ɛ jí ǎ; lo ɔ́, Yɛsinsɛn sín nǔwiwa wɛ. Sɛ́n e è wlán ɔ́, mɛ wɛ é nɔ hu; lo ɔ́ Yɛsinsɛn ɔ́, gbɛ wɛ é nɔ ná mɛ.

2 Kɔlɛ́ntinu 6:4

É nyɔ́ wa ɔ́, mǐ nɔ́ ɖe xlɛ́ ɖo nǔ bǐ mɛ ɖɔ mǐ nyí azɔ̌watɔ́ Mawu tɔn: mǐ nɔ́ ɖó suúlu ɖaxó, bó nɔ́ dɛ ɖo wǔvɛ́ lɛ́ɛ nu, bó nɔ́ dɛ ɖo nǔgbomɛ lɛ́ɛ, kpódó nǔ e nɔ́ hu ado lɛ́ɛ kpán nu.

Efɛ́zinu 6:21

Nɔví wǎnyínámɔ mǐtɔn Ticíku e ɖo gbejí ɖo alɔdómɛ tɔn lɛ́ɛ mɛ, ɖo Aklúnɔ sín azɔ̌ lɛ́ɛ mɛ ɔ́ ná ɖɔ xó ce lɛ́ɛ bǐ nú mi, bónú mi ná tunwun lě e un ɖe gbɔn é.

Filípunu 2:20

Nǔ e ɖo hǔn mɛ nú mì lɛ́ɛ ɔ́, é ɖokpónɔ géé wɛ nɔ ɖɔ xá mì, bɔ lě e nǔ ná nɔ bó ná nyɔ́ nú mi ɔ́ ɖo ayixa mɛ n'i titewungbe.

Filípunu 2:22

Mi ɖésúnɔ ɔ́, mi tunwun ninɔmɛ Timɔtée tɔn; lě e nyɛ kpó e kpó wa azɔ̌ vǐ kpó tɔ́ kpó ɖɔhun gbɔn, bó jlá Wɛn Ɖagbe ɔ́, mi tunwun.

Filípunu 3:16

Nǔ ɖěbǔ ná bó ɖo jijɛ wɛ hǔn, mi nú mǐ nǎ wlí ali e jí mǐ kó ɖe káká jɛ din ɔ́ ɖidó fí e mǐ xwe é.

Kolósinu 2:19

Mɛ énɛ́ nɔ tɛ́ dó Klísu e nyí ta ɔ́ wú ǎ. Klísu ɔ́ wɛ ka zɔ́n bɔ agbaza ɔ́ bǐ ɖo nǔ ɖu wɛ, bɔ gǒflɛ́mɛ lɛ́ɛ kpódó kan lɛ́ɛ kpán nɔ hɛn ɛ ɖó bǔ ganjí, bɔ é nɔ su lě e Mawu jló gbɔn é.

Kolósinu 3:16

Klísu sín xó ɔ́ kpódó dɔkun e ɖ'é mɛ ɔ́ bǐ kpán ní nɔ ayi mitɔn mɛ. Mi nɔ sɔ́ nǔnywɛ́ kpíkpé dó kplɔ́n nǔ miɖée, bó nɔ dó gbɛ́ nǔ nú miɖée. Mi ná nɔ zé kúdónúmɛ sín ayixa dó ji han tɛnmɛ tɛnmɛ lɛ́ɛ nú Mawu.

Kolósinu 4:7

Nɔví wǎnyínámɔ mǐtɔn Ticíku e nyí azɔ̌watɔ́ gbejínɔtɔ́, bɔ nyɛ kpó é kpó ɖo Aklúnɔ sín azɔ̌ ɔ́ wa wɛ ɔ́, ná wá ɖɔ xó ce lɛ́ɛ bǐ nú mi.

1 Tɛsalonikinu 3:2

bó sɛ́ nɔví mǐtɔn Timɔtée e kpó mǐ kpó ɖo Wɛn Ɖagbe e ɖɔ xó dó Klísu wú ɔ́ jlá wɛ, bó dó ɖo azɔ̌ wa nú Mawu wɛ ɔ́ dó mi. Mǐ sɛ́ ɛ dó mi, bónú é ná wá ɖɔ xó dó ná lǐnsyɛ́nsyɛ́n kpó akɔ́nkpinkpan kpó mi, ɖo nǔɖiɖi mitɔn mɛ;

1 Timɔtée 1:10

Nǔblíblíwatɔ́ lɛ́ɛ, súnnu e nɔ ɖó xó xá súnnu gbɛ̌ yětɔn lɛ́ɛ é, nyɔ̌nu e nɔ ɖó xó xá nyɔ̌nu gbɛ̌ yětɔn lɛ́ɛ é, kannumɔjɔ́watɔ́ lɛ́ɛ, adingbannɔ lɛ́ɛ, mɛ e nɔ xwlé nǔ dó nǔvú jí lɛ́ɛ, kpódó mɛ e nɔ wa nǔ e ma sɔgbe xá nǔkplɔ́nmɛ titewungbe ɔ́ ǎ lɛ́ɛ bǐ kpó.

1 Timɔtée 4:16

Hɛn ayixa dó hwiɖée wú, bó hɛn ayixa dó nǔ e kplɔ́n mɛ wɛ a ɖe ɔ́ wú. Đǒ kan dó nǔ énɛ́ lɛ́ɛ bǐ wú; ɖó nú a ɖo nǔ wa gbɔn mɔ̌ wɛ ɔ́, a nǎ hwlɛ́n hwiɖée gán, bó ná hwlɛ́n mɛ e ɖo tó ɖó we wɛ lɛ́ɛ bǐ gán.

1 Timɔtée 6:3

Ényí mɛɖé kplɔ́n nǔ ɖěvo mɛ, bó ma yí gbe nú xó nǔgbó Aklúnɔ mǐtɔn Jezu Klísu tɔn lɛ́ɛ kpódó nǔkplɔ́nmɛ e sɔgbe xá sinsɛn mǐtɔn ɔ́ kpó ǎ hǔn,

2 Timɔtée 1:6

Énɛ́ ɔ́ wú wɛ un ɖo flínflín we wɛ ɖɔ hwi ní hɛn nǔníná e Mawu ná we hwenu e un ɖó alɔ jǐ towe ɔ́ ɖó gbɛ.

2 Timɔtée 3:10

Amɔ̌ hwɛ ɔ́, a ka tunwun nǔ e un kplɔ́n mɛ ɔ́ bǐ; a tunwun lě e un zán gbɛ ce gbɔn ɔ́ bǐ, bó tunwun linlin ce lɛ́ɛ, bó tunwun nǔɖiɖi e un ɖó ɔ́, bó tunwun suúlu e un ɖó ɔ́ kpódó wǎn yíyí e un ɖó ɔ́ kpán. A tunwun lě e un nɔ syɛ́nlǐn gbɔn é.

2 Timɔtée 4:3

Đó hweɖénu ná wá su, bɔ nǔkplɔ́nmɛ titewungbe ɔ́ sɔ́ ná nyɔ́ se nú gbɛtɔ́ lɛ́ɛ ǎ; lo ɔ́, yě ná xwedó jlǒ yě ɖésúnɔ tɔn, bó ná kplé nǔkplɔ́nmɛtɔ́ wɔ̌buwɔ́bú ɖé lɛ́ɛ nú yěɖée, bɔ yě ná nɔ́ ɖɔ nǔ e nyɔ́ se nú yě lɛ́ɛ nú yě.

Titu 2:1

Amɔ̌ hwɛ ɔ́, nǔ e sɔgbe xá nǔkplɔ́nmɛ ɖagbe ɔ́ wɛ a nǎ kplɔ́n mɛ lɛ́ɛ;

1 Piyɛ́ɛ 2:2

Mi cí vǐ yɛ̌yɛ́ lɛ́ɛ ɖɔhun: lě e vǐ yɛ̌yɛ́ lɛ́ɛ nɔ ba ná nu anɔ̌sin hwɛhwɛ gbɔn ɔ́, mi ba Mawuxó e ná zɔ́n bɔ mi ná su ɖo nǔɖiɖi mɛ, bó ná mɔ hwlɛngán yí din e mi ɖɔ́ xomɛnyínyɔ́ Aklúnɔ tɔn kpɔ́n é.

2 Jǎan 1:9

Mɛɖěbǔ ma nɔ te nǔkplɔ́nmɛ Klísu tɔn lɛ́ɛ kɛ́ɖɛ́ jí ǎ, bó lɛ́ ba ɖěvo d'é jí hǔn, mɛ énɛ́ ɖó Mawu ɔ́ ayi mɛ ǎ. Mɛ e ka nɔ te nǔkplɔ́nmɛ Klísu tɔn lɛ́ɛ jí ɔ́, mɛ ɔ́ ɖó Tɔ́ ɔ́ kpó Vǐ ɔ́ kpó ayi mɛ.

Judi 1:5

Nǔ élɔ́ lɛ́ɛ e ɖɔ nú mi gbé wɛ un ja din ɔ́, mi ko tunwun ganjí có un ka jló ná lɛ́ flín mi ɖɔ ée Aklúnɔ hwlɛ́n togun Izlayɛ́li tɔn ɔ́ gán, bó ɖe e sín Ejípu gúdo ɔ́, é wá hu mɛ e gbɛ́ ɖɔ émí kún ná ɖi nǔ n'i ó lɛ́ɛ bǐ.