1 Timɔtée 4:3 - MAWUXÓWÉMA

³ Mɛ énɛ́ lɛ́ɛ nɔ dó sɛ́n ɖɔ è ma da asú ó, è ma ka da asi ó. Yě nɔ dó nǔɖuɖu ɖé lɛ́ɛ sín sɛ́n nú mɛ; lo ɔ́, Mawu bló nǔɖuɖu énɛ́ lɛ́ɛ, bónú nǔɖitɔ́ e mɔ nukúnnú jɛ nǔgbó ɔ́ wú lɛ́ɛ ná nɔ ɖu kpó kúdídó kpó.

1 Timɔtée 4:3 Iomraidhean Croise

Bǐbɛ́mɛ 9:3

Nǔ e kó sixú nɔ́ dán wǔ ɖo ayǐkúngban ɔ́ jí, bó ɖo gbɛ lɛ́ɛ bǐ wɛ ná nyí nǔɖuɖu nú mi. Un ná nǔ énɛ́ lɛ́ɛ bǐ mi lě e un ko ná gběhan mi gbɔn é.

Nǔnywɛ́tɔ́xó 5:18

Nǔgbó ɔ́, Mawu sixú dó dɔkun nú mɛ ɖé, bɔ é jɛ dɔkun bó mɔ ɖu. Mɛ énɛ́ ɔ́ hɛn ɔ́, é ná ɖu éé nyí étɔn é, é ná ɖu azɔ̌ e é wá ɔ́ sín gbɛ. É cí mɔ̌ nú mɛ ɖé hǔn, Mawu wɛ ná ɛ.

Daniyɛ́li 11:37

Axɔ́sú ɔ́ ná ɖó sísí ɖěbǔ nú vodún e tɔ́gbó tɔn lɛ́ɛ ko sɛn lɛ́ɛ é ǎ; é ka ná ɖó sísí nú vodún e nyɔ̌nu lɛ́ɛ nɔ́ wlíbo ná é ǎ. É ná mɔ éɖée dó mɔ mɛ e hú gǎn nǔmɛsɛn lɛ́ɛ bǐ é, bó ná nɔ́ sí ɖě ǎ.

Matíe 14:19

Bɔ é ɖe gbe nú mɛ lɛ́ɛ, bɔ yě jínjɔ́n gběhan jí. É fɔ wɔ̌xúxú atɔ́ɔ́n lɛ́ɛ, kpódó hweví we lɛ́ɛ kpán, bó kpɔ́n jǐ, bó dó kú nú Tɔ́ ɔ́. Énɛ́ ɔ́ gúdo ɔ́, é kán wɔ̌xúxú lɛ́ɛ, lobo bɛ́ nú ahwanvú tɔn lɛ́ɛ, bɔ yě má nú mɛ lɛ́ɛ.

Matíe 15:11

nǔ e nɔ byɔ́ gbɛtɔ́ nu mɛ ɔ́ wɛ nɔ hɛn gbɛtɔ́ blí ǎ; lo ɔ́, nǔ e nɔ tɔ́n sín gbɛtɔ́ nu mɛ ɔ́ wɛ nɔ hɛn gbɛtɔ́ blí.”

Matíe 15:36

É sɔ́ wɔ̌xúxú tɛ́nwe lɛ́ɛ kpódó hweví lɛ́ɛ kpó, bó dó kú nú Mawu. Énɛ́ gúdo ɔ́, é kán, bó bɛ́ jó nú ahwanvú tɔn lɛ́ɛ, bɔ yě má nú mɛ lɛ́ɛ.

Luki 24:30

Hwenu e é ka wá jɛ nǔ ɖu xá yě jí ɔ́, é sɔ́ wɔ̌xúxú, bó dó kú nú Mawu, bó kán, bó ná yě.

Jǎan 6:23

Lo ɔ́, Tibɛliadi sín tɔjíhún ɖé lɛ́ɛ glín ɖo fí e Aklúnɔ zé wɔ̌xúxú bó dó kú nú Mawu bɔ yě ɖu ɖe é.

Mɛsɛ́dó 27:35

Ée Pɔ́lu ɖɔ mɔ̌ ɔ́, é zé wɔ̌xúxú, bó dó kú nú Mawu ɖo mɛ bǐ nukún mɛ, bó kán, lobo jɛ ɖuɖu jí.

Hlɔ̌manu 14:17

Đó axɔ́súɖuɖu Mawu tɔn nyí nǔɖuɖu kpó ahan kpó sín xó ɖé ǎ; hwɛjijɔ kpódó fífá kpó, kpódó awǎjijɛ e Yɛsinsɛn nɔ ná mɛ ɔ́ kpó sín xó wɛ.

Hlɔ̌manu 14:3

Mɛ e nɔ ɖu nǔ bǐ ɔ́ ɖó ná gbɛ́ wǎn nú mɛ e nǔɖé lɛ́ɛ tíin, bɔ é ma nɔ ɖu ǎ é ǎ; mɛ e nǔɖé lɛ́ɛ tíin bɔ éyɛ́ ma nɔ ɖu ǎ é lɔ ɖó ná dó hwɛ mɛ e nɔ ɖu nǔ bǐ é ǎ; ɖó Mawu yí é lɔmɔ̌.

Hlɔ̌manu 14:6

Mɛ e nɔ sɔ́ azǎn ɖé lɛ́ɛ dó mɔ azǎn tají ná lɛ́ɛ nɔ́ bló mɔ̌, bó nɔ dó sɔ́ Aklúnɔ su; mɛ e nɔ ɖu nǔ bǐ ɔ́, nɔ bló mɔ̌, bó nɔ dó sɔ́ Aklúnɔ su; ɖó é nɔ dó kú nú Aklúnɔ dó nǔɖuɖu énɛ́ tamɛ. Mɛ e ma nɔ ɖu nǔ bǐ ǎ lɔ nɔ bló mɔ̌, bó nɔ dó sɔ́ Aklúnɔ su, bó nɔ dó kú nú Mawu.

1 Kɔlɛ́ntinu 6:13

Mi nɔ lɛ́ ɖɔ: “Nǔɖuɖu nyí adɔgo tɔn, bɔ adɔgo nyí nǔɖuɖu tɔn.” Nǔgbó wɛ! É ka ɖo mɔ̌ có Mawu ná gblé gbɛ dó nú yě mɛ we lɛ́ɛ bǐ. Amɔ̌ agbaza gbɛtɔ́ tɔn ɔ́, éyɛ́ ɖe nú agalilɛ ǎ: Aklúnɔ tɔn wɛ é nyí, bɔ Aklúnɔ nyí étɔn.

1 Kɔlɛ́ntinu 7:28

É ɖo mɔ̌ có, nú a da asi ɔ́, a hu hwɛ ǎ; nú ɖyɔ̌vǐ ɖé ka da asú ɔ́, é hu hwɛ ǎ. Amɔ̌, mɛ e da asi abǐ mɛ e da asú lɛ́ɛ ɔ́, yě nɔ mɔ wǔvɛ́ ɖo gbɛ e yě nɔ zán ayǐhɔ́ngbe ayǐhɔ́ngbe ɔ́ mɛ; un ka jló ɖɔ mi ní mɔ wǔvɛ́ ǎ.

1 Kɔlɛ́ntinu 8:8

Có é ma ka nyí nǔɖuɖu wɛ nɔ zɔ́n bɔ mǐ nɔ́ sɛkpɔ́ Mawu nɛ́; ényí mǐ ma ɖu ǎ ɔ́, nǔɖé gú mǐ ǎ; ényí mǐ ka ɖu ɔ́, le ɖé ɖ'é mɛ nú mǐ ǎ.

Kolósinu 2:16

Ényí mɔ̌ hǔn, mi ma lɔn nú mɛɖé ní ɖɔ nú mi ɖɔ nǔ lě wɛ nyɔ́ bɔ mi ná ɖu, abǐ nǔ lě wɛ nyɔ́ bɔ mi ná nu, abǐ xwezán lě wɛ mi ná nyi, sun wá jǐ sín azǎn lě wɛ mi ná nyi, abǐ gbɔjɛzán Jwifu lɛ́ɛ tɔn lě wɛ mi ná nyi ó.

Kolósinu 3:17

Mi nɔ wa nǔ e wa wɛ mi ɖe lɛ́ɛ bǐ ɖo Aklúnɔ Jezu sín nyǐkɔ mɛ; mi nɔ ɖɔ xó e ɖɔ wɛ mi lɛ́ɛ bǐ ɖo Aklúnɔ Jezu sín nyǐkɔ mɛ, bó nɔ dó kú nú Mawu Tɔ́ ɔ́ gbɔn jǐ tɔn.

1 Timɔtée 2:4

É wɛ jló ɖɔ gbɛtɔ́ lɛ́ɛ bǐ ní mɔ hwlɛngán, bó ná tunwun nǔgbó ɔ́ bǐ dégbédégbé.

1 Timɔtée 4:4

Đó nǔ e Mawu bló lɛ́ɛ bǐ wɛ nyɔ́, bɔ è sixú dó ɖě sín sɛ́n nú mɛ ǎ; bǐ wɛ è ɖǒ ná yí kpódó kúdídó kpó.

1 Timɔtée 5:14

Énɛ́ ɔ́ wú wɛ un jló ɖɔ asúkúsi e ma ko nyí mɛxó ǎ lɛ́ɛ ní lɛ́ vɔ́ asú da, bó ji vǐ; yě ní kpé nukún dó xwé yětɔn wú, bó ma ná ali ɖěbǔ kɛntɔ́ mǐtɔn lɛ́ɛ, bónú yě mɔ nǔ nyanya ɖé ɖɔ dó mǐ wú ó.

Eblée 13:4

Asi dida abǐ asú dida ní nyí nǔsísí; asú kpó asi kpó ní nɔ gbejí nú yěɖée. Mawu ná ɖó hwɛ nú mɛ e nɔ ɖo nǔblíblí wa wɛ lɛ́ɛ kpódó mɛ e nɔ ɖo aga lɛ wɛ lɛ́ɛ kpó.

Eblée 13:9

Mi ma jó miɖée dó bónú kplɔ́n baɖabaɖa tɛnmɛ tɛnmɛ lɛ́ɛ dɔn mi bú ó; é nyɔ́ nú fɛ́nú Mawu tɔn ní bló nú ayixa mǐtɔn ní lí dǒ. Ní ma nyí sɛ́n e è dǒ dó nǔɖuɖu tɛnmɛ tɛnmɛ lɛ́ɛ wú ɔ́ wɛ ná zɔ́n bɔ ayixa mǐtɔn ná lí dǒ ó; mɛ e nɔ nyi sɛ́n énɛ́ lɛ́ɛ nɔ mɔ le ɖé ɖ'é mɛ gbeɖé ǎ.

1 Samuwɛ́li 9:13

Ényí mi yá wǔ yi toxo ɔ́ mɛ ɔ́, mi ná mɔ ɛ cóbɔ é ná ɖidó nǔ ɖu gbé ɖo só jí; é má nyí mɔ̌ ǎ ɔ́, togun ɔ́ ná ɖu nǔ ǎ, ɖó é wɛ ná xo ɖɛ dó nǔɖuɖu ɔ́ jí hwɛ̌, có yě ná ɖu nǔ. Mi yi din ɔ́, mi ná mɔ ɛ.”