1 Timɔtée 4:2 - MAWUXÓWÉMA

² Yě ná ɖótó nǔ énɛ́ lɛ́ɛ ɖo yɛmɛnúwatɔ́ lɛ́ɛ kpó adingbannɔ lɛ́ɛ kpó sín nu, bó ná jó yěɖée dó bɔ yɛmɛnúwatɔ́ énɛ́ lɛ́ɛ e nǔmasɔgbewiwa ɖó wuntun ayixa yětɔn lɛ́ɛ gan zozo wɛ è dǒ ɖó wuntun ɖɔhun lɛ́ɛ ná dɔn yě bǐ bǔ.

1 Timɔtée 4:2 Iomraidhean Croise

1 Axɔ́sú 13:18

Bɔ gbeyíɖɔ Mawu tɔn degénɔ ɔ́ ɖɔ n'i ɖɔ: “Nyɛ lɔ ɔ́, gbeyíɖɔ Mawu tɔn wɛ un nyí hwi ɖɔhun, bɔ Mawu Mavɔmavɔ wá ɖɔ xó nú mì gbɔn wɛnsagun ɖokpó jí ɖɔ: ‘Kplá ɛ wá xwé towe gbe, bónú é ní ɖu nǔ bó nu sin.’ ” Adingban ɖó wɛ é ká ɖe.

1 Axɔ́sú 22:22

Bɔ é yí gbe nú Mawu Mavɔmavɔ ɖɔ: ‘Un ná yi, bó ná zé adingban dó nu nú gbeyíɖɔ tɔn lɛ́ɛ bǐ.’ Ée é ɖɔ mɔ̌ ɔ́, Mawu Mavɔmavɔ ɖɔ n'i ɖɔ: ‘Wlɛnwín ɖagbe nɛ́! A nǎ kpé wú bó blɛ́ ɛ nǔgbó. Bo yi bo bló gbɔn mɔ̌.’

Ezayíi 9:15

Togán togun élɔ́ tɔn lɛ́ɛ dɔn togun ɔ́ bú, bɔ mɛ e xlɛ́ ali wɛ yě ɖe lɛ́ɛ wlí ali nyanya ɔ́.

Jelemíi 23:14

Gbeyíɖɔ Jeluzalɛ́mu tɔn lɛ́ɛ ɔ́, nǔ e un ka nɔ mɔ ɖo yě sí ɔ́, nǔ baɖabaɖa wɛ, é vɛ́ jlɛ́. Afɔ wɛ yě nɔ́ dó gbě; yě nɔ́ nɔ adingban gbɛ mɛ. Adǎkaxotɔ́ lɛ́ɛ wɛ yě nɔ́ sɔ́ alɔ ná, bónú yě má jó adǎkaxixo dó ó. Nukún ce mɛ ɔ́, mɛ bǐ wɛ cí Sodɔ́mu nu lɛ́ɛ ɖɔhun; Jeluzalɛ́mu nu lɛ́ɛ lɔ cí Gomɔ́ɔ nu lɛ́ɛ ɖɔhun.

Jelemíi 23:26

hwe étɛ́ nu wɛ yě ná jó adingbanɖíɖó dó? Gbeyíɖɔ énɛ́ lɛ́ɛ nɔ ɖo adingban ɖó nú mɛ lɛ́ɛ wɛ kpowun, yě nɔ́ ɖo xó kpa ɖɔ dó blɛ́ mɛ wɛ. Ani ka ɖo ayi yětɔn mɛ tawun?

Jelemíi 23:32

Yě mɛ gbeyíɖɔ énɛ́ lɛ́ɛ e nɔ ɖó adingban, bó nɔ́ ɖɔ émí kú dlɔ̌, bó nɔ́ wlí ɖɔ nú togun ce, bó ná dó dɔn ɛ bú ali lɛ́ɛ ɔ́, un ɖo yě ba wɛ vɛ́návɛ́ná. Adingban yětɔn lɛ́ɛ kpó xógbló yětɔn lɛ́ɛ kpó wɛ yě nɔ́ dó dɔn togun ce bú ali; un ka sɛ́ yě dó fí ɖé ǎ, un ka zɔ́n nǔɖé yě ǎ, yě ká ɖo nǔ ɖagbe ɖěbǔ wa nú togun élɔ́ wɛ ǎ. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 5:21

Mi ɖɔ nú yě ɖɔ xlonɔ e mi! Mi ɖótó xó élɔ́! Ayivɔ vún mi. Mi ɖó nukún, mi ká nɔ mɔ nǔ ǎ; mi ɖó tó, mi ka nɔ se nǔ ǎ.

Matíe 24:24

ɖó mɛ e nɔ sɔ́ yěɖée dó ɖó Klísu ná lɛ́ɛ kpódó mɛ e nɔ sɔ́ yěɖée dó ɖó gbeyíɖɔ Mawu tɔn ná lɛ́ɛ kpó ná wá xwetɔ́n. Yě ná nɔ́ jlɛ́ nǔ tɛnmɛ tɛnmɛ lɛ́ɛ, bó ná nɔ́ dó nǔdábaɖa ɖaxó ɖaxó lɛ́ɛ sin, bɔ nú yě sixú kpé wú wɛ ɔ́, yě ná flú mɛ e Mawu cyán lɛ́ɛ lɔmɔ̌.

Matíe 7:15

“Mi cɔ́ miɖée dó mɛ e nɔ sɔ́ yěɖée dó ɖó gbeyíɖɔ Mawu tɔn lɛ́ɛ wú. Ninɔmɛ lɛ̌ngbɔ́ tɔn wɛ yě nɔ zé, bó nɔ́ wá mi gɔ́n; lo ɔ́, ɖo ayi yětɔn mɛ ɔ́, adǎnkanlin ɖi hla ɖɔhun wɛ nú yě.

Mɛsɛ́dó 20:30

Đo mi ɖésúnɔ mɛ ɔ́, mɛɖé lɛ́ɛ na wá sí te, bó jɛ nǔ e ma sɔgbe xá Wɛn Ɖagbe ɔ́ ǎ lɛ́ɛ kplɔ́n mɛ jí, bɔ mɛ gěgé ná xwedó yě ɖo mɛ e ɖi nǔ nú Jezu lɛ́ɛ mɛ.

Hlɔ̌manu 1:28

Ée yě gbɛ̌ ɖɔ émí kún ná tunwun Mawu ó é ɔ́, Mawu jǒ yě dó bɔ yě nɔ wa nǔ e linlin masɔgbe yětɔn jló lɛ́ɛ é, bó nɔ́ ɖo nǔ e yě má ɖó ná wa ǎ é wa wɛ.

Hlɔ̌manu 16:18

Đó gbɛtɔ́ mɔ̌hunkɔtɔn lɛ́ɛ ɖo azɔ̌ wa nú Klísu Aklúnɔ mǐtɔn ɔ́ wɛ ǎ; lo ɔ́, adɔgo yě ɖésúnɔ tɔn wa azɔ̌ ná wɛ yě ɖe. Yě nɔ ɖɔ xó víví, bó nɔ ɖɔ mɛblɛ́ɖuxó dó flú xomɛvɔ́nɔ lɛ́ɛ sín ayixa.

Efɛ́zinu 4:14

Énɛ́ ɔ́, mǐ sɔ́ ná cí yɔkpɔ́vú lɛ́ɛ ɖɔhun, bɔ mɛblɛ́ɖutɔ́ lɛ́ɛ ná sɔ́ nǔkplɔ́nmɛ yětɔn lɛ́ɛ dó gba ayi dó nú mǐ, bɔ mǐ ná nɔ xo yi aɖisí, bó ná nɔ́ xo yi amyɔ, lě e aslɔkɛ́ kpó jɔhɔn kpó nɔ́ dó ya nú tɔjíhún gbɔn ɖo tɔjí é ɖɔhun ǎ. Đó mɛblɛ́ɖutɔ́ lɛ́ɛ ɔ́, nǔ e yě sɔ́ sísɛ́ yětɔn dó wa é wɛ yě nɔ́ zé dó dɔn mɛ dó nǔ nyanya mɛ.

Efɛ́zinu 4:19

Nǔ ɖěbǔ sɔ́ nɔ́ nyí winnyá nú yě ǎ; yě jó yěɖée dó nú nǔ nyanya wiwa; nǔ ɖěbǔ nɔ́ hɛn yě ɖó te ɖo nǔ nyanya wiwa lixo ǎ.

2 Timɔtée 3:5

Yě ná nyí mawusɛntɔ́ ɖo nukúnta, bó ka ná gbɛ́ nǔ e nyí hlɔ̌nhlɔ́n titewungbe nú sinsɛn ɔ́ é; lɛ̌ kɔ sín gbɛtɔ́ mɔ̌hun lɛ́ɛ gúdo.

Nǔɖexlɛ́mɛ 16:14

Awǒvi e ɖo nǔ jlɛ̌ wɛ lɛ́ɛ sín yɛ lɛ́ɛ wɛ. Yɛ atɔn énɛ́ lɛ́ɛ ɖidó axɔ́sú e ɖo ayǐkúngban ɔ́ bǐ jí lɛ́ɛ gɔ́n, bó ná kplé yě nú ahwan e è ná fun ɖo Mawu Nǔbǐwúkpétɔ́ ɔ́ sín azǎn ɖaxó ɔ́ gbe é.