1 Timɔtée 4:14 - MAWUXÓWÉMA

¹⁴ Ma dó vɛ̌ nú nǔníná e ɖo así we, bɔ Mawu ná we hwenu e gbeyíɖɔ Mawu tɔn lɛ́ɛ ɖɔ Mawuxó, bɔ agunmɛxó lɛ́ɛ ɖ'alɔ jí we ɔ́ ó.

1 Timɔtée 4:14 Iomraidhean Croise

Mɛsɛ́dó 11:30

Yě sɛ́ nǔ e yě jɔ lɛ́ɛ dó agunnukɔntɔ́ lɛ́ɛ ɖo Judée, gbɔn Baanabási kpódó Sólu kpó jí.

Mɛsɛ́dó 13:3

Ée yě blá nu bó xo ɖɛ gúdo ɔ́, yě ɖǒ alɔ Baanabási kpódó Sólu kpán jí, bó nyi yě.

Mɛsɛ́dó 19:6

Pɔ́lu ka ɖó alɔ yě jí, bɔ Yɛsinsɛn wá yě jǐ, bɔ yě jɛ gbe ɖěvo dó jí, bó jɛ xó e Mawu ɖɔ nú yě ɔ́ ɖɔ jí.

Mɛsɛ́dó 22:5

Vɔ̌sánú-xwlémawutɔ́ ɖaxó ɔ́ kpódó kplékplé agunnukɔntɔ́ lɛ́ɛ tɔn kpán hɛn ɔ́, yě nǎ ɖe kúnnu nú mì ɖɔ nǔgbó wɛ un ɖɔ; un tlɛ yí wěma ɖo yě sí nú nɔví ce Jwifu e ɖo Damási lɛ́ɛ; fínɛ́ wɛ un xwe, bó ná wlí nǔɖitɔ́ e ɖo dɔ̌n lɛ́ɛ, lobo ná kplá yě wá Jeluzalɛ́mu, bónú è nǎ dɔn tó nú yě.”

Mɛsɛ́dó 6:6

Yě wá kplá yě mɛ tɛ́nwe lɛ́ɛ yi mɛsɛ́dó lɛ́ɛ gɔ́n, bɔ mɛsɛ́dó lɛ́ɛ xo ɖɛ, bó ɖó alɔ yě jí.

Mɛsɛ́dó 8:17

Ée Piyɛ́ɛ kpódó Jǎan kpán xo ɖɛ gúdo ɔ́, yě ɖó alɔ yě jí, bɔ Mawu ná Yɛsinsɛn yě.

1 Tɛsalonikinu 5:19

Mi ma glɔ́n ali nú Yɛsinsɛn sín azɔ̌ ó.

1 Timɔtée 1:18

Vǐ ce Timɔtée, un ɖo nǔ élɔ́ zɔ́n we wɛ, bɔ é sɔgbe xá nǔ e Mawu ɖɔ é ná jɛ dó jǐ towe lɛ́ɛ, bɔ è ko ɖɔ nú we ɖ'ayǐ é. Xwedó xó énɛ́ lɛ́ɛ, bó ná dó fun ahwan ɖagbe ɔ́,

1 Timɔtée 4:15

Kpé nukún dó nǔ énɛ́ lɛ́ɛ wú, lobo sɔ́ hwiɖée bǐ jó nú nǔ énɛ́ lɛ́ɛ, bónú mɛ bǐ ná mɔ nǔ jɛ nukɔn yiyi towe wú.

1 Timɔtée 5:17

Agunmɛxó e nɔ xlɛ́ ali agun ɔ́ ganjí lɛ́ɛ ɔ́, è ɖó ná mɔ yě dó mɔ mɛ e jɛ xá bɔ è nǎ sú axɔ́ we ɖo bǔ é; ɖo tají ɔ́, mɛ e nɔ ɖó kan dó Mawuxó ɖiɖɔ kpódó Mawuxó kplɔ́n mɛ kpó wú lɛ́ɛ.

1 Timɔtée 5:19

È wǎ jɛ agunmɛxó ɖé sín hwɛ nú we hǔn, ma yí gbe ná ó, afi nú mɛ we abǐ mɛ atɔn ɖe kúnnu ná.

1 Timɔtée 5:22

Ma hwlɛ́n dó, bó ɖ'alɔ mɛɖé jí ó; mɛɖé hu hwɛ hǔn, ma ɖó alɔ ɖ'é mɛ ó, bó hɛn hwiɖée dó mímɛ́ jí.

1 Timɔtée 6:12

Fun nǔɖiɖi hwan ɖagbe ɔ́. Hɛn gbɛ mavɔ mavɔ ɔ́ wú syɛ́nsyɛ́n, gbɛ mavɔ mavɔ e Mawu ylɔ́ we ná é. Gbɛ mavɔ mavɔ énɛ́ wɛ a ɖe kúnnu ɖagbe ná ɖo gbɛtɔ́ gěgé nukɔn.

2 Timɔtée 1:6

Énɛ́ ɔ́ wú wɛ un ɖo flínflín we wɛ ɖɔ hwi ní hɛn nǔníná e Mawu ná we hwenu e un ɖó alɔ jǐ towe ɔ́ ɖó gbɛ.