1 Timɔtée 4:12 - MAWUXÓWÉMA

¹² Ma lɔn nú mɛɖé mɔ yɔkpɔ́vú towe, bó ɖó hwɛ nú we ó. Lo ɔ́, nyǐ kpɔ́ndéwú nú nǔɖitɔ́ lɛ́ɛ, bó nyí kpɔ́ndéwú ɖo xóɖiɖɔ mɛ, bó nyí kpɔ́ndéwú ɖo zǐnzán kpó wǎn yíyí kpó mɛ, bó nyí kpɔ́ndéwú ɖo nǔɖiɖi kpó gbɛ mímɛ́ e a nɔ zán ɔ́ kpó mɛ.

1 Timɔtée 4:12 Iomraidhean Croise

Zakalíi 2:4

Bɔ un kanbyɔ́ ɖɔ: “Étɛ́ wa gbé yě wá?” Bɔ é yí gbe nú mì ɖɔ: “Yě wá bó ná dó xɛsi akɔta hlɔ̌nhlɔ́nnɔ e sí te dó Judáanu lɛ́ɛ jí, bó ná gba é. Yě gba Judáanu lɛ́ɛ dó káká bɔ mɛ ɖěbǔ sixú nɔ te nukɔn yětɔn ǎ.”

Matíe 18:10

“Mi ma lɔn bo gbɛ́ wǎn nú yɔkpɔ́vú élɔ́ lɛ́ɛ ɖokpó géé ó. Ɖó má ɖɔ nǔgbó nú mi: wɛnsagun yětɔn lɛ́ɛ ɖo sɛ́xwé bó ɖo Tɔ́ ce e ɖo sɛ́xwé ɔ́ nukɔn hwebǐnu. [

1 Kɔlɛ́ntinu 11:1

Mi wa nǔ nyɛ ɖɔhun, lě e nyi lɔ nɔ wa nǔ Klísu ɖɔhun gbɔn é.

Filípunu 4:8

Nɔví ce lɛ́ɛ mi, bó ná dó fó xó ce ɔ́, un ɖo byɔ̌byɔ́ mi wɛ ɖɔ ayixa mitɔn ní nɔ nǔ e nyɔ́, bɔ susu jɛ xá lɛ́ɛ jí: nǔ e nyí nǔgbó ɔ́ bǐ, nǔ e è nǎ ɖó sísí ná é, nǔ e sɔgbe é, nǔ e mɛ́ é, nǔ e nɔ nyɔ́ mɛ nukún mɛ é kpódó nǔ e wlí yɛ̌yi ɔ́ kpán; ayixa mitɔn ní nɔ nǔ énɛ́ lɛ́ɛ jí.

1 Tɛsalonikinu 1:6

Lě e mǐ wa nǔ gbɔn ɔ́ kpódó lě e Aklúnɔ wa nǔ gbɔn ɔ́ kpán wɛ mi xwedó, dó wa nǔ, ɖó mi mɔ wǔvɛ́ ɖésú, có mi ka yí Mawuxó ɔ́ kpódó xomɛhunhun e Yɛsinsɛn nɔ ná mɛ é kpó.

1 Tɛsalonikinu 2:10

Mi ná ɖe kúnnu ná, bɔ Mawu lɔmɔ̌ ná ɖe kúnnu ná ɖɔ gbɛ mímɛ́, gbɛ jlɔ́jlɔ́, gbɛ e mɛɖé ma ná mɔ nǔjɛdo ɖé ɖɔ d'é wú ǎ ɔ́ wɛ mǐ zán ɖo tɛ́ntin mitɔn.

1 Timɔtée 1:14

Aklúnɔ mǐtɔn ka kɔn fɛ́nú tɔn dó jǐ ce, bɔ é túnflá; é ná nǔɖiɖi kpódó wǎn yíyí e mǐ ɖǒ ɖo Klísu Jezu mɛ ɔ́ kpó mì.

2 Timɔtée 2:15

Dǒ gǎn bó sɔ́ hwiɖée jó nú Mawu, bó ná nyí mɛ e é jɛ xá ɖɔ Mawu ná sixú ɖe gbě ná é, bó ná nyí azɔ̌watɔ́ e winnyá ma ná hu dó azɔ̌ e é wa lɛ́ɛ wú ǎ é; azɔ̌watɔ́ e nɔ jlá nǔgbó wɛn ɔ́ ganjí é.

2 Timɔtée 2:22

Hɔn nú jlǒ nyanya e mɛwínnyáwínnyá lɛ́ɛ nɔ ɖó lɛ́ɛ, bónú hwi kpódó mɛ e nɔ xomlá Aklúnɔ kpódó ayi mímɛ́ kpó lɛ́ɛ ní ba nǔjlɔ́jlɔ́wiwa, nǔɖiɖi, wǎn yíyí kpódó fífá kpó.

2 Timɔtée 2:7

Lin tamɛ dó nǔ e ɖɔ wɛ un ɖe ɔ́ wú, ɖó Aklúnɔ ná nukúnnú-mɔjɛnǔmɛ we, bónú a nǎ sixú mɔ nukúnnú jɛ bǐ wú.

Titu 2:15

Nǔ e a nǎ zé acɛkpikpa towe bǐ dó kplɔ́n mɛ e ɖo tó ɖó we wɛ lɛ́ɛ ná ɔ́ nɛ́, bó ná nɔ́ sɔ́ dó ná akɔ́nkpinkpan yě, abǐ bó ná nɔ́ dó gbɛ́ nǔ nú yě. Ma ka lɔn nú mɛɖé hu tɛ́ nú we ó.

Titu 2:7

Hwi ɖésúnɔ ɔ́, a ɖǒ ná nɔ́ wa nǔ ɖagbe ɖo nǔ bǐ mɛ, bó ná nyí kpɔ́n d'é wú nú yě; a nǎ sɔ́ nǔ e kplɔ́n mɛ wɛ a ɖe lɛ́ɛ dó ɖó nǔjɔnǔ, lobo kpé nukún d'é wú.

Jaki 3:13

Mɛ ɖé ɖo mi mɛ, bó tunwun nǔ, bó lɛ́ ɖó nǔnywɛ́ a? Ní bó ɖe xlɛ́ gbɔn gbɛ ɖagbe e é nɔ zán ɔ́ gbla mɛ, bó ɖe xlɛ́ gbɔn nǔ e é nɔ wa ɖo mɛɖée sɔ́ hwe kpó nǔnywɛ́ kpó mɛ lɛ́ɛ gbla mɛ.

Jaki 3:17

Lo ɔ́, nǔnywɛ́ e gosín Mawu gɔ́n ɔ́, nǔ mímɛ́ wɛ é to nyí hwɛ̌; énɛ́ ɔ́ gúdo ɔ́, é nɔ ba tagba ǎ; é fá bó nɔ lɛ́ hun xomɛ dó wa nǔ nú mɛ; é nyɔ́ xomɛ ɖésú, bó nɔ wa nǔ ɖagbe lɛ́ɛ; é nɔ nɔ mɛɖé jí ǎ; é ka nɔ wa yɛmɛnú ǎ.

1 Piyɛ́ɛ 5:3

Mi ma nɔ ba ná kpa acɛ gannaganna nú mɛ e è sɔ́ dó así nú mi ɖɔ mi ní kpé nukún dó yě wú lɛ́ɛ ó; lo ɔ́, mi ní nyí kpɔ́ndéwú nú lɛ̌ngbɔ́ lɛ́ɛ.