1 Timɔtée 4:10 - MAWUXÓWÉMA

¹⁰ Nǔ énɛ́ wú wɛ mǐ ɖo azɔ̌ wa wɛ, bó ɖo gǎn dó wɛ, ɖó mǐ ɖo Mawu gbɛɖe e nyí Mɛhwlɛ́ngántɔ́ gbɛtɔ́ lɛ́ɛ bǐ tɔn ɔ́ ɖó nukún wɛ, ɖo tají ɔ́, Mawu gbɛɖe e nyí Mɛhwlɛ́ngántɔ́ gbɛtɔ́ e ɖi nǔ nú Klísu lɛ́ɛ tɔn ɔ́ ɖó nukún wɛ.

1 Timɔtée 4:10 Iomraidhean Croise

Ɖɛhan 107:2

Xó e mɛ e Mawu Mavɔmavɔ xɔ gbɛ ná lɛ́ɛ bǐ ná vɔ́ ɖɔ ɔ́ nɛ́, mɛ e é hwlɛ́n gán ɖo kɛntɔ́ sí lɛ́ɛ bǐ ná vɔ́ ɖɔ é nɛ́;

Ɖɛhan 118:8

È hɔn yi su Mawu Mavɔmavɔ ɔ́, é nyɔ́ hú è gǎn jɛ gbɛtɔ́ wú.

Ɖɛhan 36:6

Mawu Mavɔmavɔ, xomɛnyínyɔ́ towe d'agba káká yi jǐxwé, gbejíninɔ towe yi káká akpɔ́kpɔ́ lɛ́ɛ mɛ.

Ɖɛhan 37:40

Mawu Mavɔmavɔ nɔ gɔ́ alɔ nú yě, bó nɔ́ hwlɛ́n yě; é nɔ́ yí yě sín mɛdídá lɛ́ɛ sí, bó nɔ́ hwlɛ́n yě gán, ɖó é wɛ yě nɔ́ hɔn yi su.

Ɖɛhan 52:8

Mɛ e ɖo gbejí nú Mawu lɛ́ɛ ná mɔ nǔ e jɛ dó jǐ towe ɔ́, bó ná ɖó sísí nú Mawu, bó ká ná cá hwɛ ko ɖɔ:

Ɖɛhan 84:12

Nǔgbó ɔ́, Mawu Mavɔmavɔ ɔ́, hwe wɛ, gǎglónú wɛ. Mawu Mavɔmavɔ nɔ nyɔ́ xomɛ dó mɛ wú; é nɔ sɔ́ mɛ su. É nɔ́ tɛ nyɔ̌ná mɛ e nɔ wa nǔ jlɔ́jlɔ́ lɛ́ɛ é ǎ.

Ezayíi 12:2

Mawu Mɛhwlɛ́ngántɔ́ ce ɔ́ ɖíe, un ɖeji dó wǔ tɔn, xɛsi sɔ́ ɖi mì ǎ, ɖó Mawu Mavɔmavɔ wɛ nyí hlɔ̌nhlɔ́n ce, bó nyí han ɖo nu ce; é wɛ nyí hwlɛngán ce.”

Ezayíi 50:10

Ényí mɛɖé ɖo mi mɛ, bó nɔ́ ɖó sísí nú Mawu Mavɔmavɔ hǔn, mɛ ɔ́ ní nɔ́ ɖótó mɛsɛntɔ́ tɔn. Ényí mɛ ɖé ɖo zɔnlin ɖi wɛ ɖo ablu mɛ, bó má mɔ nukúnnú ɖěbǔ ǎ hǔn, mɛ ɔ́ ní sɔ́ éɖée jó nú Mawu Mavɔmavɔ, é ní gán jɛ Mawu tɔn wú.

Jelemíi 17:7

Nǔ nyɔ́ nú mɛ e ɖeji dó nyɛ Mawu Mavɔmavɔ wú é, mɛ e gán jɛ nyɛ Mawu Mavɔmavɔ wú ɔ́, nǔ tɔn nyɔ́.

Daniyɛ́li 3:28

Bɔ axɔ́sú ɔ́ sú xó bó ɖɔ: “Susu nú Mawu Cadlaki kpó Mɛcáki kpó Abɛ́di-Nɛgó kpó tɔn. Mawu yětɔn sɛ́ wɛnsagun tɔn dó, bɔ é wá hwlɛ́n mɛsɛntɔ́ tɔn lɛ́ɛ gán, ɖó é wú wɛ yě gán jɛ, bó má se tónú nú gbeta e un ɖe tɔ́n é ǎ. Yě yí gbe nú wǔvɛ́mimɔ hú yě ní sɛn vodún, bó ɖe kɔ́ ná, lobo ná jó Mawu yětɔn dó.

Naxúmu 1:7

Mawu Mavɔmavɔ nyɔ́, bibɛtɛn wɛ é nyí ɖo adǎngbomɛ hwenu. É tunwun mɛ e nɔ sɔ́ yěɖée dó así n'i lɛ́ɛ.

Matíe 16:16

Sinmɔ́ɔ Piyɛ́ɛ ka yí gbe n'i ɖɔ: “Hwi wɛ nyí Klísu Mawu gbɛɖe ɔ́ sín Vǐ.”

Matíe 27:43

É ɖeji dó Mawu wú; nú Mawu ɔ́ yí wǎn n'i nǔgbó hǔn, ní bó hwlɛ́n ɛ gán nú mǐ ná kpɔ́n; ɖó é ɖɔ: ‘Un nyí Mawu ví.’ ”

Jǎan 1:29

Ayǐhɔ́ngbe tɔn ɔ́, Jǎan mɔ Jezu jǎwe bó ɖɔ: “Mi kpɔ́n! Lɛ̌ngbɔ́ví Mawu tɔn e nɔ sɔ́ hwɛ kɛ gbɛtɔ́ lɛ́ɛ ɔ́ ɖíe.

Jǎan 4:42

Yě ɖɔ nú nyɔ̌nu ɔ́ ɖɔ: “É sɔ́ nyí xó e a ɖɔ nú mǐ ɔ́ wú wɛ mǐ ɖi nǔ ǎ, lo ɔ́, é ɖɔ xó bɔ mǐ ɖésúnɔ se, bó tunwun ɖɔ é wɛ nyí Mɛhwlɛ́ngántɔ́ gbɛ ɔ́ tɔn nǔgbó.”

Jǎan 5:24

“Má ɖɔ nǔgbó nú mi: mɛ e ɖótó xó ce, bó ɖi nǔ nú mɛ e sɛ́ mì dó ɔ́ kó mɔ gbɛ mavɔ mavɔ, bɔ è sɔ́ ná ɖó hwɛ n'i ǎ, ɖó é kó xo kú zlɛ́ wá gbɛ.

1 Kɔlɛ́ntinu 15:10

Amɔ̌, gbɔn nyɔ̌ná Mawu tɔn gbla mɛ ɔ́, un húzú mɛ e un nyí din é, bɔ nyɔ̌ná e è kɔn dó jǐ ce ɔ́ nyí nǔ yǎyá ǎ: é nyɔ́ wa ɔ́, un wa azɔ̌ hú mɛsɛ́dó ɖě lɛ́ɛ bǐ. È nǎ ɖɔ nǔgbó ɔ́, é nyí nyɛ wɛ ɖo azɔ̌ wa wɛ ǎ; lo ɔ́, nyɔ̌ná Mawu tɔn e ɖo kpɔ́ xá mì ɔ́ wɛ.

2 Kɔlɛ́ntinu 1:10

É wɛ hwlɛ́n mǐ sín afɔkú baɖabaɖa énɛ́ e hɛn ɔ́, é ná dɔn mɛ yi kú ɔ́ mɛ, bó ka ná lɛ́ hwlɛ́n mǐ sín mɛ. Nǔgbó wɛ! Mǐ ɖo nukún ɖó e wɛ ɖɔ é ná lɛ́ hwlɛ́n mǐ sín mɛ;

1 Timɔtée 2:3

Đó nǔ e nyí nǔ ɖagbe, bó nyɔ́ ɖo Mawu Mɛhwlɛ́ngántɔ́ mǐtɔn nukún mɛ ɔ́ nɛ́.

1 Timɔtée 2:4

É wɛ jló ɖɔ gbɛtɔ́ lɛ́ɛ bǐ ní mɔ hwlɛngán, bó ná tunwun nǔgbó ɔ́ bǐ dégbédégbé.

1 Timɔtée 2:6

Klísu Jezu énɛ́ ɔ́ wɛ sɔ́ éɖée jó, bó dó xɔ gbɛ nú mɛ bǐ. Ée hwenu e Mawu ɖó ɔ́ wá su ɔ́, lě e é ɖe xlɛ́ ɖɔ Mawu jló ɖɔ gbɛtɔ́ lɛ́ɛ bǐ ní mɔ hwlɛngán gbɔn é nɛ́.

1 Timɔtée 3:15

È ka nɔ tunwun ǎ; ényí wǐwá ce wá ɖo lǐnlín wɛ ɔ́, wěma élɔ́ ná zɔ́n bɔ a nǎ tunwun lě e a nǎ wa nǔ gbɔn ɖo xwédo Mawu tɔn mɛ é; xwédo e nyí agun Mawu gbɛɖe ɔ́ tɔn, bó nyí dotín kpódó sósyɛ́n kpó nú nǔgbó ɔ́ é.

1 Timɔtée 6:17

Kplɔ́n nǔ mɛ e jɛ dɔkun ɖo gbɛmɛ fí lɛ́ɛ ɖɔ yě ma nɔ yí go ó; ɖɔ nú yě ɖɔ yě ma sɔ́ nukúnɖíɖó yětɔn ɖó dɔkun énɛ́ lɛ́ɛ jí ó; ɖó è sixú gán jɛ dɔkun énɛ́ lɛ́ɛ wú ǎ. Lo ɔ́, yě ní sɔ́ nukúnɖíɖó yětɔn ɖó Mawu jí; é wɛ nɔ ná nǔ bǐ mǐ, bɔ é nɔ túnflá, bónú mǐ ná ɖu gbɛ yětɔn.

Eblée 11:26

É tunwun ɖɔ nú mɛ lɛ́ɛ gbɛ́ wǎn nú émí lě e yě gbɛ́ wǎn nú Klísu gbɔn ɔ́, é kpé akwɛ́ nú émí hú dɔkun Ejípu tɔn lɛ́ɛ; ɖó nukún tɔn ɖo ajɔ e jǎwe sɔ gúdo ɔ́ wú.

Eblée 13:13

Hǔn, mi nú mǐ ná yi toxo ɔ́ gúdo, bó ná ɖu winnyá ɖokpó ɔ́ xá ɛ.

1 Piyɛ́ɛ 1:21

É jí wɛ mi gbɔn bó ɖi nǔ nú Mawu e fɔ́n ɛ sín kú, bó sɔ́ ɛ su é; énɛ́ ɔ́, nǔɖiɖi mitɔn kpó nukúnɖíɖó mitɔn kpó ɖo Mawu jǐ.

1 Jǎan 2:2

É wɛ sɔ́ éɖée dó sá vɔ̌ ná, bónú Mawu ná sɔ́ hwɛ mǐtɔn lɛ́ɛ kɛ mǐ. É ká nyí hwɛ mǐdɛɛ lɛ́ɛ tɔn kɛ́ɖɛ́ wɛ Mawu ná sɔ́ kɛ mǐ ǎ; é ná lɛ́ sɔ́ gbɛtɔ́ bǐ sín hwɛ kɛ yě.

1 Jǎan 4:14

Mǐdɛɛ lɛ́ɛ ɔ́, mǐ mɔ bó ɖe kúnnu ná ɖɔ Tɔ́ ɔ́ sɛ́ Vǐ tɔn dó, bɔ é nyí Mɛhwlɛ́ngántɔ́ gbɛ ɔ́ tɔn.