1 Timɔtée 3:8 - MAWUXÓWÉMA

⁸ Mɛ e nɔ kpé nukún dó agunví lɛ́ɛ wú ɔ́ lɔmɔ̌ ɖó ná nyí gbɛtɔ́ ɖagbe, nǔgbóɖɔtɔ́; yě ɖó ná nɔ nu ahan dín ǎ; yě ka ɖó ná nɔ zé ayi hízíhízí dó ba akwɛ́ ná ǎ.

1 Timɔtée 3:8 Iomraidhean Croise

Ɖɛhan 12:2

Mawu Mavɔmavɔ, hwlɛ̌n mǐ, ɖó mɛ e nɔ wa nǔ ɖó sɛ́nxwi jí lɛ́ɛ ɖo vivɔ wɛ, mɛ e ɖo gbejí nú we lɛ́ɛ bǐ ɖo vivɔ wɛ ɖo gbɛtɔ́ lɛ́ɛ tɛ́ntin.

Ɖɛhan 5:9

Mawu Mavɔmavɔ e, kɛntɔ́ ce lɛ́ɛ tɔ wu nú mì; kplá mì gbɔn ali towe, hwɛjijɔli ɔ́ jí. Gbǐgbá ali towe ɖo nukɔn ce.

Ɖɛhan 50:19

Xó nyanya kɛ́ɖɛ́ wɛ nɔ tɔ́n sín nu towe mɛ. A kɛ nu ɔ́, mɛ jɛ́n a nɔ blɛ́.

Ɖɛhan 52:2

Hwenu e Dowɛgi Edɔ́munu ɔ́ yi ɖɔ nú Sawúlu ɖɔ Davídi yi cí Aximɛlɛ́ki xwé é wɛ Davídi ji.

Ezekiyɛ́li 44:21

Yě ɖě ná nɔ́ nu vɛ̌ɛn cóbó ná nɔ́ yi kɔ́xota e ɖo xwé ɔ́ ta é ǎ.

Levíi ví 10:9

“Hwi kpó vǐ towe súnnu lɛ́ɛ kpó ɔ́, nú mi ná yi Mawu Mavɔmavɔ xwé gbe hǔn, mi ma nu vɛ̌ɛn ó, mi ma nu ahan syɛ́nsyɛ́n ɖěbǔ ó. É má nyí mɔ̌ ǎ ɔ́, mi táá kú. Sɛ́n tɛgbɛ tɔn ɖé wɛ é ná nyí nú kúnkan mitɔn lɛ́ɛ,

Hlɔ̌manu 3:13

Nu yětɔn cí yɔdo e ɖo nuvo é ɖɔhun; yě nɔ sɔ́ ɖɛ̌ yětɔn dó blɛ́ mɛ ná. É cí dan sín aɖǐvɛ́ wɛ nɔ tɔ́n sín nu yětɔn mɛ ɖɔhun.

Filípunu 1:1

Mǐ mɛsɛntɔ́ Klísu Jezu tɔn Pɔ́lu kpódó Timɔtée kpán wɛ sɛ́ wěma élɔ́ dó mɛɖeɖóvo Mawu tɔn e ɖi nǔ nú Klísu Jezu bó ɖo Filípu lɛ́ɛ; mǐ sɛ́ dó yě kpó agunnukɔntɔ́ lɛ́ɛ kpó , kpódó yě mɛ e nɔ kpé nukún dó agunví lɛ́ɛ wú é kpán.

1 Timɔtée 3:12

Agunvíwú-kpénukúndótɔ́ ɔ́, así ɖokpó géé wɛ é ɖó ná ɖó; é ɖó ná hɛn vǐ tɔn lɛ́ɛ kpódó xwé tɔn kpó ganjí.

1 Timɔtée 3:2

Agunjíkpɔ́ntɔ́ ka ɖó ná nyí mɛɖé, bɔ è nǎ mɔ nǔɖé ɖɔ dó wú tɔn ǎ. Asi ɖokpó wɛ é ɖó ná ɖó; é ná nɔ wa nǔ ɖó jlɛ̌ jí; é ɖó ná nɔ ɖu ɖo éɖée jí; é ɖó ná ɖó walɔ ɖagbe; é ɖó ná nɔ yí mɛ ganjí; é ná nyí mɛɖé bó ná sixú kplɔ́n nǔ mɛ.

1 Timɔtée 3:3

É ɖó ná nyí ahannumúnɔ ǎ; é ka ná nyí tagbanɔ ǎ, é nyɔ́ wa ɔ́, é ná nyɔ́ xomɛ, bó ná nyí mɛfífá, bɔ akwɛ́ ná nɔ gbo vɛ̌ ɛ ǎ.

1 Timɔtée 5:23

Đó xomɛzɔn e a nɔ jɛ hwɛhwɛ ɔ́ wú ɔ́, ma sɔ́ nɔ nu sin kɛ́ɖɛ́ ó; nɔ nu vɛ̌ɛn kpɛɖé kpɛɖé, ɖó xomɛzɔn towe wú, ɖó a nɔ jɛ azɔn hwɛhwɛ.

Titu 1:7

Nǔgbó ɔ́, azɔ̌ e nyí agunnukɔntɔ́ tɔn ɔ́ wɛ nyí ɖɔ é ná nɔ kpé nukún dó nǔ e nyí Mawu tɔn lɛ́ɛ wú; énɛ́ ɔ́ wú ɔ́, è ɖǒ ná mɔ nǔjɛdo ɖěbǔ ɖɔ dó wǔ tɔn ǎ, é ɖó ná nyí gangannagansú ǎ; é ɖó ná nyí xomɛsinnɔ ǎ, é ɖó ná nyí ahannumúnɔ ǎ, é ɖó ná nɔ́ sí hun te ǎ, é ɖó ná nyí mɛxoɖutɔ́ ǎ.

Titu 2:3

Mɔ̌ ɖokpó ɔ́, ɖɔ nú nyɔ̌nu e sín xwe ko sɛ yi lɛ́ɛ ɖɔ yě ní zán gbɛ yětɔn mɛ e nɔ zán gbɛ mímɛ́ lɛ́ɛ ɖɔhun. Yě ná nɔ́ ɖɔ mɛ nu ǎ; yě ná nyí ahannumúnɔ ǎ; yě ɖó ná nɔ́ kplɔ́n nǔ ɖagbe mɛ,

Jaki 3:10

Kúdónúmɛ sín xó kpó nudómɛ sín xó kpó nɔ tɔ́n sín nu ɖokpó ɔ́ mɛ. Nɔví ce lɛ́ɛ mi, é ɖó ná nyí mɔ̌ ǎ.

1 Piyɛ́ɛ 5:2

mi kpé nukún dó mɛ e Mawu sɔ́ dó así nú mi lɛ́ɛ wú, lě e lɛ̌ngbɔ́nyitɔ́ lɛ́ɛ nɔ kpé nukún dó lɛ̌ngbɔ́ e è sɔ́ dó así nú yě lɛ́ɛ wú gbɔn é; mi sɔ́ jlǒ ɖagbe dó kpé nukún dó yě wú lě e Mawu jló gbɔn é; ní ma nyí gǎn wɛ é hú mi bɔ mi bló ó. Mi wa azɔ̌ mitɔn kpódó bǐbí ɖó dó nǔ wǔ kpán; ní ma nyí akwɛ́ wɛ mi xwedó ó.