1 Timɔtée 3:7 - MAWUXÓWÉMA

⁷ É ɖó ná nyí mɛɖé bɔ mɛ e ma ɖo agun Klísu tɔn mɛ ǎ lɛ́ɛ lɔmɔ̌ ná nɔ ɖe kúnnu ɖagbe n'i, bónú é ma wá ɖu hɛ̌n ó, bónú é ma wá jɛ mɔ e awǒvi nɔ ɖó nú mɛ lɛ́ɛ mɛ ó.

1 Timɔtée 3:7 Iomraidhean Croise

Maki 4:11

É ka ɖɔ nú yě ɖɔ: “Axɔ́súɖuɖu Mawu tɔn sín nǔbúdo lɛ́ɛ ɔ́, midɛɛ lɛ́ɛ wɛ Mawu hun xlɛ́, amɔ̌, mɛ ɖě lɛ́ɛ ɔ́, lǒ mɛ wɛ è nǎ ɖɔ bǐ dó nú yě.

Mɛsɛ́dó 10:22

Yě ka yí gbe n'i ɖɔ: “Sɔ́ja kanwekogán Kɔnɛ́yi wɛ sɛ́ mǐ dó; nya énɛ́ ɔ́, gbɛtɔ́ ɖagbe ɖé wɛ; é nɔ́ sí Mawu, bɔ Jwifu lɛ́ɛ bǐ nɔ́ ɖe kúnnu ɖagbe n'i. Wɛnsagun Mawu tɔn ɖé tɔ́n dó jǐ tɔn, bó ɖɔ n'i ɖɔ ní ylɔ́ we wá xwé tɔn gbe, bó ɖótó xó e a nǎ ɖɔ n'i é.”

Mɛsɛ́dó 22:12

“Nya ɖé ka ɖo Damási fínɛ́, bɔ è nɔ ylɔ́ ɛ ɖɔ Ananíyasi; nya ɖé wɛ é nyí, lobo nɔ xwedó Mawusɛ́n, bó ɖó sísí nú Mawu, bɔ Jwifu e ɖo to ɔ́ mɛ lɛ́ɛ bǐ nɔ ɖɔ xó tɔn ɖagbe.

Mɛsɛ́dó 6:3

Énɛ́ ɔ́ wú ɔ́, nɔví ce lɛ́ɛ mi, mi gbɔ bo kpɔ́n miɖée mɛ, bó cyán súnnu tɛ́nwe e ɖó jijɔ ɖagbe, bɔ Yɛsinsɛn kpó nǔnywɛ́ kpó gɔ́ ayi mɛ ná lɛ́ɛ é, bónú mǐ ná sɔ́ yě ɖó azɔ̌ énɛ́ ɔ́ nu.

1 Kɔlɛ́ntinu 10:32

Mi ma wa nǔ e ná nyí afɔklɛ́nnú nú Jwifu lɛ́ɛ, abǐ mɛ e ma nyí Jwifu ǎ lɛ́ɛ, abǐ agun Mawu tɔn ɔ́ ɖěbǔ ó.

1 Kɔlɛ́ntinu 5:12

Mɛ e ma nyí klísusɛntɔ́ ǎ lɛ́ɛ ɔ́, nyɛ wɛ ná ɖɔ hwɛ xá yě ǎ; Mawu wɛ ná ɖɔ hwɛ xá yě. Lo ɔ́, mi ɖó ná ɖɔ hwɛ xá mɛ e nyí agunví mitɔn lɛ́ɛ é ǎ cé? Lě e Mawuxówéma ɔ́ ɖɔ gbɔn ɔ́: “Mi ɖe mɛdídá ɔ́ sín tɛ́ntin mitɔn.”

2 Kɔlɛ́ntinu 6:3

Mǐ jló ɖɔ è ma kpé wú bó mɔ nǔ nyanya ɖé ɖɔ dó azɔ̌ mǐtɔn wú ó; énɛ́ wɛ zɔ́n bɔ mǐ ɖo biba wɛ ɖɔ mǐ ní ma nyí afɔklɛ́nnú nú mɛ ɖěbǔ ɖo nǔ ɖěbǔ mɛ ó.

2 Kɔlɛ́ntinu 8:21

Mǐ ba ná nɔ́ wa nǔ ɖagbe; é ka nyí nǔ e nɔ́ nyɔ́ Aklúnɔ nukún mɛ ɔ́ kɛ́ɖɛ́ wɛ mǐ ná nɔ́ bló ǎ; lo ɔ́, mǐ ná nɔ́ bló nǔ e nɔ́ nyɔ́ gbɛtɔ́ lɛ́ɛ lɔmɔ̌ nukún mɛ é.

Kolósinu 4:5

Mi zán gbɛ mitɔn kpó nǔnywɛ́ kpó xá mɛ e ma ɖo agun Klísu tɔn mɛ ǎ lɛ́ɛ; ali tɔn hun nú mi hweɖěbǔnu hǔn, mi hwlɛ́ndó.

1 Tɛsalonikinu 4:12

Énɛ́ ɔ́, mɛ e ma ɖo agun Klísu tɔn mɛ ǎ lɛ́ɛ ná nɔ ɖó sísí nú mi, bɔ mi ka ná nɔ kɔ jí nú mɛɖé ǎ.

1 Tɛsalonikinu 5:22

Mi nɔ́ cɔ́ miɖée dó nǔ nyanya alɔkpa alɔkpa bǐ wú.

1 Timɔtée 3:6

É ɖó ná nyí mɛ e ɖi nǔ nú Klísu yɔ̌yɔ́ ɔ́ ǎ; é ma nyí mɔ̌ ǎ ɔ́, goyíyí táá wá byɔ́ lanmɛ n'i, bɔ Mawu ná ɖó hwɛ n'i lě e é ɖó hwɛ nú awǒvi gbɔn é.

1 Timɔtée 5:14

Énɛ́ ɔ́ wú wɛ un jló ɖɔ asúkúsi e ma ko nyí mɛxó ǎ lɛ́ɛ ní lɛ́ vɔ́ asú da, bó ji vǐ; yě ní kpé nukún dó xwé yětɔn wú, bó ma ná ali ɖěbǔ kɛntɔ́ mǐtɔn lɛ́ɛ, bónú yě mɔ nǔ nyanya ɖé ɖɔ dó mǐ wú ó.

1 Timɔtée 6:9

Amɔ̌, mɛ e nɔ jló ná jɛ dɔkun lɛ́ɛ nɔ jɛ tɛ́nkpɔ́n mɛ, bó nɔ jɛ jlǒ ma ɖó ta ɖé lɛ́ɛ, kpódó jlǒ e nɔ zɔ́n bɔ è nɔ mɔ wǔvɛ́ lɛ́ɛ kpó sín mɔ mɛ; jlǒ énɛ́ lɛ́ɛ wɛ nɔ dɔn gbɛtɔ́ yi bú, bɔ yě nɔ dɔn.

2 Timɔtée 2:26

Énɛ́ ɔ́, yě ná wá mɔ yěɖée mɛ, bó ná ɖe yěɖée sín awǒvi e wlí yě, bó nɔ zɔ́n bɔ yě nɔ wa jlǒ tɔn ɔ́ sín mɔ mɛ.

Titu 2:5

Yě ná nɔ kplɔ́n yě ɖɔ yě ní nɔ wa nǔ e sɔgbe é, lobo nyí mɛ mímɛ́; yě ní nɔ́ kpé nukún dó xwégbezɔ́ yětɔn lɛ́ɛ wú, bó ná nyí nyɔ̌nu ɖagbe e nɔ se tónú nú asú yětɔn lɛ́ɛ é; yě ní wa nǔ gbɔn mɔ̌, bónú mɛɖé ma ɖɔ xó nyanya ɖé dó Mawuxó ɔ́ wú ó.

Titu 2:8

A nǎ nɔ zán xógbe e sɔgbe bɔ mɛɖé ma ná sixú mɔ xó ɖé ɖɔ d'é wú ǎ lɛ́ɛ, bónú kɛntɔ́ towe lɛ́ɛ ná ɖu winnyá, ɖó yě ná mɔ xó nyanya ɖé ɖɔ dó mǐ wú ǎ.

3 Jǎan 1:12

Mɛ bǐ wɛ nɔ ɖɔ Demɛtliwúsi xó ɖagbe; nǔgbó ɔ́ ɖésúnɔ ɖe kúnnu n'i; mǐ lɔ ɔ́, mǐ nɔ́ ɖe kúnnu ɖagbe n'i; a ka tunwun ɖɔ xó nǔgbó wɛ mǐ nɔ́ ɖɔ.

1 Samuwɛ́li 2:24

Vǐ ce lɛ́ɛ mi, mi gbɔ, xó e se dó mi wú wɛ un ɖe ɖo togun Mawu Mavɔmavɔ tɔn mɛ ɔ́ nyɔ́ se ǎ.