1 Timɔtée 3:6 - MAWUXÓWÉMA

⁶ É ɖó ná nyí mɛ e ɖi nǔ nú Klísu yɔ̌yɔ́ ɔ́ ǎ; é ma nyí mɔ̌ ǎ ɔ́, goyíyí táá wá byɔ́ lanmɛ n'i, bɔ Mawu ná ɖó hwɛ n'i lě e é ɖó hwɛ nú awǒvi gbɔn é.

1 Timɔtée 3:6 Iomraidhean Croise

2 Axɔ́sú 14:10

Ée a ɖu ɖo Edɔ́munu lɛ́ɛ jí é ɔ́, a jɛ afɔ tɛ ayǐ jí. Susu énɛ́ e a xɔ ɔ́ ní kpé we bónú a nɔ fí e a ɖe ɔ́. Étɛ́wú a jlǒ ná dó ta ahwan e mɛ hwi kpó Judáanu lɛ́ɛ kpó bǐ ná yi dɔn ɖe ɔ́ mɛ?”

2 Tan 26:16

Lo ɔ́, ée acɛkpikpa tɔn jínjɔ́n ayǐ mɔ̌ ɔ́, é jɛ go yí jí, bó sɔ́ éɖée nyi gbě. É sɔ́ nɔ́ nɔ gbejí nú Mawu Mavɔmavɔ, Mawu tɔn ǎ. É wá jɛ gbe ɖokpó, bɔ é hun káká yi Mawu Mavɔmavɔ xwé gbe, bó jló ná dó zǎlínkpɔ́n zo ɖo vɔ̌sákpe jí.

2 Tan 32:25

Lo ɔ́, ɖagbe e Mawu Mavɔmavɔ wa nú Ezekiyási ɔ́, é tunwun n'i ǎ. É nyɔ́ wa ɔ́, afɔ tɛ ayǐ jí wɛ é lɛ́ jɛ, bɔ Mawu Mavɔmavɔ sin xomɛ dó e, bó sin xomɛ dó Judáa to ɔ́ kpó Jeluzalɛ́mu toxo ɔ́ kpó.

Nǔnywɛ́xó 18:12

Gbɛtɔ́ bɛ́ goyíyí ɔ́, nǔ tɔn nɔ jɛ gblégblé jí; mɛ e ka sɔ́ éɖée hwe ɔ́, è nɔ sɔ́ ɛ su.

Nǔnywɛ́xó 29:23

Mɛ e nɔ yí go ɔ́, goyíyí tɔn ná sɔ́ ɛ kɔn nyi ayǐ; mɛ e ka nɔ sɔ́ éɖée hwe ɔ́, è nǎ sɔ́ ɛ su.

Ezayíi 2:12

Mawu Mavɔmavɔ Nǔbǐwúkpétɔ́ ɔ́ zé azǎn ɖokpó ɖó te, bó ná ɖó hwɛ nú mɛ e nɔ mɔ éɖée é, mɛ e nɔ yí go é, mɛ e nɔ zé éɖée su é bó ná sɔ́ ɛ hwe.

Daniyɛ́li 11:12

Axɔ́sú Tofɔligbé tɔn ɔ́ ná yí go ɖó é ná hu mɛ gěgé ɖo ahwan énɛ́ ɔ́ mɛ. Lo ɔ́, é ná bó hu sɔ́ja tobutóbú énɛ́ lɛ́ɛ ɔ́, é ná ɖu ɖ'é jí ǎ.

Luki 10:18

É ka ɖɔ nú yě ɖɔ: “Un mɔ Satáan, bɔ é jɛ ayǐ sín jǐxwé, jǐkɛwun ɖɔhun.

1 Kɔlɛ́ntinu 3:1

Nɔví lɛ́ɛ mi, nǔgbó ɔ́, un kpé wú bó ɖɔ xó nú mi lě e è nǎ ɖɔ xó nú mɛ e ɖó Yɛ Mawu tɔn gbɔn é ǎ: lě e è nǎ ɖɔ xó nú mɛ e nyí gbɛ élɔ́ tɔn lɛ́ɛ gbɔn ɔ́ wɛ un ɖɔ xó nú mi gbɔn. Lě e è nǎ ɖɔ xó nú mɛ e nyí vǐ yɛ̌yɛ́ ɖo bǔ e yě ɖe xá Klísu ɔ́ mɛ lɛ́ɛ gbɔn ɔ́ wɛ un ɖɔ xó nú mi gbɔn.

1 Kɔlɛ́ntinu 8:1

Din ɔ́, un ná ɖɔ xó dó nǔɖuɖu e è dǒ sá vɔ̌ nú vodún lɛ́ɛ wú. Mǐ tunwun ɖɔ mǐ mɛ bǐ wɛ tunwun nǔ. Lo ɔ́, nǔ e mǐ tunwun ɔ́ zɔ́n bɔ goyíyí gɔ́ gbɛtɔ́ sín ayixa mɛ; wǎn yíyí ka nɔ zɔ́n bɔ mǐ nɔ yi nukɔn.

2 Kɔlɛ́ntinu 12:7

É ka ɖo mɔ̌ có, bónú goyíyí ma gɔ́ gbɛzán ce mɛ, ɖó nǔ ɖaxó ɖaxó énɛ́ lɛ́ɛ e Mawu nɔ ɖe xlɛ́ mì lɛ́ɛ wútu ó ɔ́, è sɛ́ azɔn baɖabaɖa ɖé dó mì, bɔ é cí wɛnsagun Satáan tɔn ɖé ɖɔhun, bó xo mì, bó glɔ́n ali nú mì, bónú goyíyí ma gɔ́ gbɛzán ce mɛ ó.

Sɛ́nflínmɛ 17:20

Énɛ́ ná zɔ́n bɔ é sɔ́ ná mɔ ɖɔ émí wɛ nyí nǔ hú mɛ e ɖo togun ɔ́ mɛ é bǐ, bó ná gɔn xwi jí nɔ nú sɛ́n ɔ́ ǎ. Énɛ́ ɔ́, é ɖésú kpódó vǐ tɔn lɛ́ɛ kpó ná ɖu axɔ́sú ɖo Izlayɛ́li togun ɔ́ nu káká.

Sɛ́nflínmɛ 8:14

Ée nǔ ná cí mɔ̌ é ɔ́, mi ma ɖo afɔ tɛ ayǐ wɛ káká bó wɔn Mawu Mavɔmavɔ, Mawu mitɔn e ɖe mi tɔ́n sín kannumɔgbénu ɖo Ejípu é ó.

1 Timɔtée 3:7

É ɖó ná nyí mɛɖé bɔ mɛ e ma ɖo agun Klísu tɔn mɛ ǎ lɛ́ɛ lɔmɔ̌ ná nɔ ɖe kúnnu ɖagbe n'i, bónú é ma wá ɖu hɛ̌n ó, bónú é ma wá jɛ mɔ e awǒvi nɔ ɖó nú mɛ lɛ́ɛ mɛ ó.

1 Timɔtée 6:4

go wɛ é yí; é tunwun nǔɖé ǎ; nǔdindɔn kpódó jlɛɖiɖɔ dó xógbe ɖé lɛ́ɛ wú kpó sín azɔn jɛ wɛ é ɖe; nǔ énɛ́ lɛ́ɛ wɛ nɔ hɛn wǔhwinhwan, adɔndindɔn, mɛzunzun, nǔnyanyavɛdómɛ,

2 Timɔtée 3:4

Yě ná nɔ́ sa mɛ ɖu; yě ná nɔ́ lin tamɛ kpɔ́n cóbó ná nɔ́ wa nǔ ǎ; yě ná nɔ́ yí go zɛ xwé wú; yě ná nɔ́ yí wǎn nú gbɛɖuɖu hú yě ná yí wǎn nú Mawu.

1 Piyɛ́ɛ 2:2

Mi cí vǐ yɛ̌yɛ́ lɛ́ɛ ɖɔhun: lě e vǐ yɛ̌yɛ́ lɛ́ɛ nɔ ba ná nu anɔ̌sin hwɛhwɛ gbɔn ɔ́, mi ba Mawuxó e ná zɔ́n bɔ mi ná su ɖo nǔɖiɖi mɛ, bó ná mɔ hwlɛngán yí din e mi ɖɔ́ xomɛnyínyɔ́ Aklúnɔ tɔn kpɔ́n é.

1 Piyɛ́ɛ 5:5

Mɔ̌ ɖokpó ɔ́, mi mɛwínnyáwínnyá lɛ́ɛ mi, mi ɖó ná nɔ́ hwíhwɛ́ miɖée dó mɛ e nyí mɛxó nú mi lɛ́ɛ glɔ́; mi bǐ ní nɔ sɔ́ miɖée hwe, bó ná nɔ wa azɔ̌ nú miɖée, ɖó Mawuxówéma ɔ́ ɖɔ: “Mawu nɔ ɖe kɔ dó goyítɔ́ lɛ́ɛ; lo ɔ́, é nɔ nyɔ́ xomɛ dó mɛ e nɔ sɔ́ yěɖée hwe lɛ́ɛ wú.”

2 Piyɛ́ɛ 2:4

Đó Mawu gɔn hwɛ ɖó nú wɛnsagun e hu hwɛ lɛ́ɛ é ǎ; lo ɔ́, é bɛ́ yě kɔn nyi zo mɛ, bɔ è hɛn yě dó wlɔ mɛ ɖo zǐnflú mɛ fínɛ́ nú hwɛɖɔzán gbe.

Judi 1:6

Mi flín wɛnsagun e wa nǔ zɛ acɛ e Mawu ná yě ɔ́ wú lɛ́ɛ; yě jó nɔtɛn yě ɖésúnɔ tɔn dó, bɔ Mawu dó wlɔ yě káká sɔ́yi mavɔ mavɔ, bó sɔ́ yě dó zǐnflú mɛ, ɖo do gɔngɔn mɛ nú azǎn ɖaxó ɔ́; azǎn énɛ́ gbe wɛ Mawu ná ɖó hwɛ nú yě.