1 Timɔtée 3:5 - MAWUXÓWÉMA

⁵ Đó mɛ e ma sixú kpé nukún dó xwé tɔn wú ǎ ɔ́, nɛ̌ é ka ná sixú kpé nukún dó agun Mawu tɔn wú gbɔn?

1 Timɔtée 3:5 Iomraidhean Croise

Mɛsɛ́dó 20:28

Mi hɛn ayi dó miɖée wú, bó hɛn ayi dó agun Mawu tɔn e nu Yɛsinsɛn sɔ́ mi ɖó é wú, bónú mi ná xlɛ́ ali agunví lɛ́ɛ; agunví énɛ́ lɛ́ɛ e Mawu xɔ gbɔn Vǐ é ɖésúnɔ tɔn sín kú gbla mɛ é.

1 Kɔlɛ́ntinu 10:32

Mi ma wa nǔ e ná nyí afɔklɛ́nnú nú Jwifu lɛ́ɛ, abǐ mɛ e ma nyí Jwifu ǎ lɛ́ɛ, abǐ agun Mawu tɔn ɔ́ ɖěbǔ ó.

Efɛ́zinu 1:22

Mawu sɔ́ nǔ lɛ́ɛ bǐ ɖó Klísu sín acɛ mɛ, bó sɔ́ ɛ ɖó agun ɔ́ nú, bɔ é wɛ nyí gǎn ɖaxó bǐ ɔ́.

Efɛ́zinu 5:24

Lě e agun ɔ́ nɔ hwíhwɛ́ éɖée ɖo Klísu glɔ́ gbɔn ɔ́ wɛ nyɔ̌nu lɛ́ɛ lɔ ɖo ná nɔ́ hwíhwɛ́ yěɖée ɖó asú yětɔn lɛ́ɛ glɔ́ gbɔn ɖo nǔ bǐ mɛ.

Efɛ́zinu 5:32

Nǔbúdo titewungbe ɖé wɛ è ɖe xlɛ́ ɖo fí élɔ́, bɔ nyɛ mɔ ɖɔ Klísu kpódó agun ɔ́ kpó xó ɖɔ wɛ é ɖe.

1 Timɔtée 3:15

È ka nɔ tunwun ǎ; ényí wǐwá ce wá ɖo lǐnlín wɛ ɔ́, wěma élɔ́ ná zɔ́n bɔ a nǎ tunwun lě e a nǎ wa nǔ gbɔn ɖo xwédo Mawu tɔn mɛ é; xwédo e nyí agun Mawu gbɛɖe ɔ́ tɔn, bó nyí dotín kpódó sósyɛ́n kpó nú nǔgbó ɔ́ é.

1 Samuwɛ́li 3:13

Un ɖɔ n'i ɖɔ un jló ná dɔn tó nú xwédo tɔn káká sɔ́yi, ɖó vǐ tɔn lɛ́ɛ ké ya nú mì ǎ; yě hu hwɛ dó mì bɔ é tunwun, bó ká gbɛ́ nú yě dó nǔjɔnǔ mɛ ǎ.