1 Timɔtée 3:4 - MAWUXÓWÉMA

⁴ É ɖó ná kpé nukún dó xwé tɔn wú ganjí, bó ɖó gbe ɖo vǐ tɔn lɛ́ɛ jí, bɔ yě ná nɔ́ se tónú kpó sísí ɖaxó kpó.

1 Timɔtée 3:4 Iomraidhean Croise

Bǐbɛ́mɛ 18:19

Un sɔ́ ɛ, bónú é ná ɖɔ nú vǐ súnnu tɔn lɛ́ɛ kpó vǐvú vivu tɔn e ná jɔ sɔ lɛ́ɛ kpó ɖɔ yě ní nyi sɛ́n ce lɛ́ɛ: yě ní zán gbɛ ɖagbe, bó zán gbɛ jlɔ́jlɔ́. Énɛ́ ɔ́, nyɛ Mawu Mavɔmavɔ ɔ́ ná ɖe akpá e un dó nú Ablaxámu lɛ́ɛ.”

Mɛsɛ́dó 10:2

Nya énɛ́ ɔ́ nɔ́ xwedó Mawusɛ́n, bɔ é kpódó mɛ e ɖo hɛ̌n tɔn nu lɛ́ɛ bǐ kpán nɔ́ ɖó sísí nú Mawu. É nɔ́ ná nǔ gěgé Jwifu wamamɔnɔ lɛ́ɛ, bó nɔ́ xo ɖɛ hwebǐnu.

Efɛ́zinu 5:24

Lě e agun ɔ́ nɔ hwíhwɛ́ éɖée ɖo Klísu glɔ́ gbɔn ɔ́ wɛ nyɔ̌nu lɛ́ɛ lɔ ɖo ná nɔ́ hwíhwɛ́ yěɖée ɖó asú yětɔn lɛ́ɛ glɔ́ gbɔn ɖo nǔ bǐ mɛ.

Filípunu 4:8

Nɔví ce lɛ́ɛ mi, bó ná dó fó xó ce ɔ́, un ɖo byɔ̌byɔ́ mi wɛ ɖɔ ayixa mitɔn ní nɔ nǔ e nyɔ́, bɔ susu jɛ xá lɛ́ɛ jí: nǔ e nyí nǔgbó ɔ́ bǐ, nǔ e è nǎ ɖó sísí ná é, nǔ e sɔgbe é, nǔ e mɛ́ é, nǔ e nɔ nyɔ́ mɛ nukún mɛ é kpódó nǔ e wlí yɛ̌yi ɔ́ kpán; ayixa mitɔn ní nɔ nǔ énɛ́ lɛ́ɛ jí.

1 Timɔtée 3:12

Agunvíwú-kpénukúndótɔ́ ɔ́, así ɖokpó géé wɛ é ɖó ná ɖó; é ɖó ná hɛn vǐ tɔn lɛ́ɛ kpódó xwé tɔn kpó ganjí.

Titu 1:6

Agunmɛxó ɖó ná nyí mɛɖé, bɔ è nǎ mɔ nǔjɛdo ɖě ɖɔ dó wú tɔn ǎ; asi ɖokpó géé wɛ é ɖó ná ɖó; vǐ tɔn lɛ́ɛ ɖó ná ɖi nǔ nú Klísu; yě ɖó ná nyí mɛ, bɔ è nǎ tunwun yě dó tunwun gbɛnyanyazántɔ́ ǎ, yě ká ɖó ná tlí tó ǎ.

Titu 2:2

ɖɔ nú súnnu e ko kpo lɛ́ɛ ɖɔ yě ní nɔ wa nǔ ɖó jlɛ̌ jí; yě ní nyí mɛsísí; yě ní nɔ wa nǔ e sɔgbe é; yě ní lí dǒ ɖo nǔɖiɖi mɛ, bó lí dǒ ɖo wǎn yíyí kpó suúluɖíɖó kpó mɛ.

Titu 2:7

Hwi ɖésúnɔ ɔ́, a ɖǒ ná nɔ́ wa nǔ ɖagbe ɖo nǔ bǐ mɛ, bó ná nyí kpɔ́n d'é wú nú yě; a nǎ sɔ́ nǔ e kplɔ́n mɛ wɛ a ɖe lɛ́ɛ dó ɖó nǔjɔnǔ, lobo kpé nukún d'é wú.

Jozuwée 24:15

Nú mi ma ka jló ná sɛn Mawu Mavɔmavɔ ǎ hǔn, mi bo ɖɔ nǔ e mi ná sɛn ɔ́ bɛ́ sín égbé. É sixú nyí vodún e tɔ́gbó mitɔn lɛ́ɛ sɛn ɖ'ayǐ ɖo Efláti tɔ ɔ́ gúdo lɛ́ɛ; é ká sixú nyí vodún e Amɔliti e mɛ mi ɖe lɛ́ɛ nɔ sɛn lɛ́ɛ é. Amɔ̌, nyɛ kpó xwédo ce kpó ɔ́, Mawu Mavɔmavɔ wɛ mǐ ná sɛn.”