1 Timɔtée 3:3 - MAWUXÓWÉMA

³ É ɖó ná nyí ahannumúnɔ ǎ; é ka ná nyí tagbanɔ ǎ, é nyɔ́ wa ɔ́, é ná nyɔ́ xomɛ, bó ná nyí mɛfífá, bɔ akwɛ́ ná nɔ gbo vɛ̌ ɛ ǎ.

1 Timɔtée 3:3 Iomraidhean Croise

Nǔnywɛ́xó 1:19

Nǔ e nɔ́ gbo mɛ e nɔ gba acɛ dó jɛ dɔkun lɛ́ɛ é nɛ́: acɛ gba dó jɛ dɔkun ɔ́, mɛ wɛ é nɔ́ hu.

Nǔnywɛ́xó 15:27

Mɛ e nɔ gba acɛ dó ɖó akwɛ́ ɔ́, xwé é ɖésúnɔ tɔn wɛ é nɔ́ dɔn dó ya mɛ. Mɛ e ka gbɛ́ wǎn nú nǔ ɖu ɖo nǔ mɛ é ná dɔ́ ji.

Nǔnywɛ́tɔ́xó 7:8

Hwenu e è fó nǔɖé dó ɔ́, é nyɔ́ hú hwenu e è bɛ̌ é. È xwesɔ ɔ́, é nyɔ́ hú è blǒ glagla.

Ezayíi 28:1

Heelú Samalíi! Ahannumúnɔ Eflayímu to ɔ́ tɔn lɛ́ɛ ɖo afɔ tɛ ayǐ wɛ ɖó toxo énɛ́ ɔ́ wú, toxo ɖuɖéjígbákún ɖɔhun ɔ́ wú. É ɖo só e ɖo tɔdo e nɔ hwán jinukún ɔ́ ta nu é jí, bó nyɔ́ kpɔ́n ganjí. Lo ɔ́, toxo ɔ́ ná cí folówa xúxú ɖɔhun ɖo mɛ énɛ́ lɛ́ɛ e vɛ̌ɛn lú bǐ lɛ́ɛ sín ta.

Ezayíi 28:7

Gbeyíɖɔ Mawu tɔn lɛ́ɛ kpó vɔ̌sánú-xwlémawutɔ́ lɛ́ɛ kpó lɔ nu vɛ̌ɛn mú, bó nɔ́ ɖo gblǒ ɖɔ wɛ. Yě nɔ́ nu ahan mú bó nɔ́ ɖo sa fún wɛ. Vɔ̌sánú-xwlémawutɔ́ lɛ́ɛ kpó gbeyíɖɔ Mawu tɔn lɛ́ɛ kpó nɔ́ nu ahan mú, bó nɔ́ ɖo gblǒ ɖɔ wɛ. Yě nɔ́ nu vɛ̌ɛn mú, bɔ ayi yětɔn sɔ́ ɖo te ǎ. Yě nɔ́ nu ahan mú bó nɔ́ ɖo sa fún wɛ. Mawu ɖe nǔ xlɛ́ yě bónú yě ja ɖiɖɔ gbé ɔ́, gblǒ wɛ yě nɔ́ ɖɔ. Yě ɖo hwɛ ɖɔ wɛ ɔ́, xó yětɔn nɔ xwe ali ǎ.

Jelemíi 6:13

Đó yě bǐ wɛ dɔkun gbo vɛ̌, bɛ́ sín yɔkpɔ́vú lɛ́ɛ jí, káká yi mɛxó lɛ́ɛ jí. Gbeyíɖɔ kpó vɔ̌sánú-xwlémawutɔ́ kpó bǐ wɛ nɔ xo awo.

Jelemíi 8:10

Mawu ɖɔ: “Yě bǐ wɛ dɔkun gbo vɛ̌, bɛ́ sín yɔkpɔ́vú jí káká yi mɛxó jí. Gbeyíɖɔ kpó vɔ̌sánú-xwlémawutɔ́ kpó bǐ wɛ nɔ xo awo. Énɛ́ ɔ́ wú wɛ un ná sɔ́ asi yětɔn lɛ́ɛ jó nú mɛ ɖěvo lɛ́ɛ, bó sɔ́ gle yětɔn lɛ́ɛ jó nú mɛ e ná wá vɔ yě lɛ́ɛ.

Ezekiyɛ́li 44:21

Yě ɖě ná nɔ́ nu vɛ̌ɛn cóbó ná nɔ́ yi kɔ́xota e ɖo xwé ɔ́ ta é ǎ.

Levíi ví 10:9

“Hwi kpó vǐ towe súnnu lɛ́ɛ kpó ɔ́, nú mi ná yi Mawu Mavɔmavɔ xwé gbe hǔn, mi ma nu vɛ̌ɛn ó, mi ma nu ahan syɛ́nsyɛ́n ɖěbǔ ó. É má nyí mɔ̌ ǎ ɔ́, mi táá kú. Sɛ́n tɛgbɛ tɔn ɖé wɛ é ná nyí nú kúnkan mitɔn lɛ́ɛ,

Micée 2:11

Ényí mɛɖé wá xwetɔ́n, bó ɖo xó ɖɔ dó jɔhɔn mɛ wɛ, bó ɖó adingban nú mi ɖɔ vɛ̌ɛn kpó ahan syɛ́nsyɛ́n kpó ná sa ɖo to élɔ́ mɛ ɔ́, xówlíɖɔtɔ́ mɔ̌hunkɔtɔn wɛ jɛ xá togun élɔ́.

Micée 3:11

Hwɛɖɔtɔ́ lɛ́ɛ ɔ́, mɛ e dó nǔ nu nú yě ɔ́ sín hwɛ wɛ nɔ jɔ. Vɔ̌sánú-xwlémawutɔ́ lɛ́ɛ nɔ yí akwɛ́ ɖo mɛ sí, cóbó nɔ kplɔ́n Mawusɛ́n lɛ́ɛ mɛ. Gbeyíɖɔ Mawu tɔn lɛ́ɛ nɔ yí akwɛ́ ɖo mɛ sí cóbó nɔ dó Mawu sín wɛn mɛ. Nǔ ɖo mɔ̌ bɔ yě bǐ ká nɔ glá bó nɔ ɖɔ Mawu Mavɔmavɔ tɔn wɛ émí nyí, ɖɔ Mawu Mavɔmavɔ ɖo kpɔ́ xá émí, ɖɔ nǔ nyanya ɖěbǔ kún ná wa émí ó.

Micée 3:5

Gbeyíɖɔ Mawu tɔn e nɔ flú togun Mawu tɔn lɛ́ɛ ɔ́, nǔ e ɖɔ nú yě wɛ Mawu Mavɔmavɔ ɖe ɔ́ ɖíe: Ényí mɛɖé ná yě akwɛ́ ganjí ɔ́, yě nɔ́ ɖɔ nú mɛ ɔ́ ɖɔ nǔ tɔn bǐ nyɔ̌; lo ɔ́, yě nɔ́ tɔ́n ahwan mɛ e ma nɔ dó nǔɖé nu nú yě ǎ lɛ́ɛ.

Malacíi 1:10

Ényí mi ɖokpó gbɔ bó yi sú sinsɛnxɔ ɔ́ sín hɔn lɛ́ɛ ɔ́, é ná nyɔ́ hú. Énɛ́ ɔ́, mi sɔ́ ná nɔ́ yi flɔ́ myɔ dó wǔvɔ́, ɖo vɔ̌sákpe ce jí ǎ. Nú un ná ɖɔ xó nǔgbó nú mi ɔ́, mi nɔ nyɔ́ mɔ nú mì ǎ, vɔ̌sánú e mi nɔ xwlé mì lɛ́ɛ nɔ́ nyɔ́ nukún ce mɛ ǎ. Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Matíe 21:13

É ɖɔ nú yě ɖɔ: “È ko wlán dó Mawuxówéma ɔ́ mɛ ɖɔ: ‘Xwé ce ɔ́, ɖɛxwé wɛ è nǎ nɔ́ ylɔ́ ɖɔ.’ Lo ɔ́, midɛɛ lɛ́ɛ sɔ́ dó húzú ajotɔ́ lɛ́ɛ sín avatɛn.”

Mɛsɛ́dó 20:33

Nukún ce ɖo mɛɖé sín akwɛ́ wú ǎ; é ka ɖo mɛɖé sín siká wú ǎ; é ka lɛ́ ɖo mɛɖé sín avɔ wú ǎ.

Hlɔ̌manu 16:18

Đó gbɛtɔ́ mɔ̌hunkɔtɔn lɛ́ɛ ɖo azɔ̌ wa nú Klísu Aklúnɔ mǐtɔn ɔ́ wɛ ǎ; lo ɔ́, adɔgo yě ɖésúnɔ tɔn wa azɔ̌ ná wɛ yě ɖe. Yě nɔ ɖɔ xó víví, bó nɔ ɖɔ mɛblɛ́ɖuxó dó flú xomɛvɔ́nɔ lɛ́ɛ sín ayixa.

Efɛ́zinu 5:18

Mi ma nu ahan mú ó; ahan nu díngan wɛ nɔ zɔ́n bɔ gbɛ mɛtɔn nɔ gblé; lo ɔ́, Yɛsinsɛn ní gɔ́ ayi mitɔn mɛ.

1 Tɛsalonikinu 5:14

Nɔví lɛ́ɛ mi, mǐ lɛ́ ɖo byɔ̌byɔ́ mi wɛ ɖɔ mi nɔ gbɛ́ nǔ nú fɔnlínnɔ lɛ́ɛ; mi nɔ ná akɔ́nkpinkpan mɛ e ma nɔ gba wǔ dó mɛ mɛ ǎ lɛ́ɛ; mi ní nɔ gɔ́ alɔ nú mɛ e ma ɖó gǎn ǎ lɛ́ɛ; mi nɔ ɖó suúlu dó mɛ bǐ wú.

1 Timɔtée 3:8

Mɛ e nɔ kpé nukún dó agunví lɛ́ɛ wú ɔ́ lɔmɔ̌ ɖó ná nyí gbɛtɔ́ ɖagbe, nǔgbóɖɔtɔ́; yě ɖó ná nɔ nu ahan dín ǎ; yě ka ɖó ná nɔ zé ayi hízíhízí dó ba akwɛ́ ná ǎ.

2 Timɔtée 3:2

Hwe énɛ́ nu ɔ́, gbɛtɔ́ lɛ́ɛ ná nɔ ba ɖɔ émítɔn jɛ́n ná nyɔ́; yě ná nɔ yí wǎn nú akwɛ́; yě ná nɔ mɔ yěɖée; yě ná nɔ́ yí go; yě ná nɔ́ nylá nu dó Mawu wú; yě ná nɔ́ vɛ́ tóli nú mɛjitɔ́ yětɔn lɛ́ɛ; yě ná nɔ dó alɔgúdokpɛ́ nú mɛ; yě ná nɔ ɖó sísí nú nǔ e nyí Mawu tɔn lɛ́ɛ ɖě ǎ.

Titu 1:11

È ɖǒ ná xwe nu yětɔn dó xɔ, ɖó yě ɖo hunnyahunnya dó hɛ̌nnu lɛ́ɛ bǐ sésé mɛ wɛ, bɔ nǔ e è ma ɖó ná kplɔ́n mɛ ǎ ɔ́, yě nɔ kplɔ́n mɛ lɛ́ɛ, bó ná dó mɔ akwɛ́.

Titu 1:7

Nǔgbó ɔ́, azɔ̌ e nyí agunnukɔntɔ́ tɔn ɔ́ wɛ nyí ɖɔ é ná nɔ kpé nukún dó nǔ e nyí Mawu tɔn lɛ́ɛ wú; énɛ́ ɔ́ wú ɔ́, è ɖǒ ná mɔ nǔjɛdo ɖěbǔ ɖɔ dó wǔ tɔn ǎ, é ɖó ná nyí gangannagansú ǎ; é ɖó ná nyí xomɛsinnɔ ǎ, é ɖó ná nyí ahannumúnɔ ǎ, é ɖó ná nɔ́ sí hun te ǎ, é ɖó ná nyí mɛxoɖutɔ́ ǎ.

Titu 2:3

Mɔ̌ ɖokpó ɔ́, ɖɔ nú nyɔ̌nu e sín xwe ko sɛ yi lɛ́ɛ ɖɔ yě ní zán gbɛ yětɔn mɛ e nɔ zán gbɛ mímɛ́ lɛ́ɛ ɖɔhun. Yě ná nɔ́ ɖɔ mɛ nu ǎ; yě ná nyí ahannumúnɔ ǎ; yě ɖó ná nɔ́ kplɔ́n nǔ ɖagbe mɛ,

Titu 3:2

Yě ní ma nɔ ɖɔ xó nyanya dó mɛɖé wú ó; yě ní nyí mɛfífá, bó nyɔ́ xomɛ, bónú yě ní nɔ ɖe xomɛfífá xlɛ́ mɛ lɛ́ɛ bǐ hwebǐnu.

Eblée 13:5

Mi ma jó miɖée dó nú wǎn yíyí nú akwɛ́ ɖu ɖo mi jí ó; nǔ e ɖo mi sí ɔ́ ní kpé mi, ɖó Mawu ɖɔ: “Un ná jó we dó gbeɖé ǎ; un ná ɖe alɔ sín kan towe mɛ gbeɖé ǎ.

Jaki 4:1

Fítɛ́ ahwan e ɖo tɛ́ntin mitɔn lɛ́ɛ kpódó jlɛ e ɖo tɛ́ntin mitɔn lɛ́ɛ kpó ka nɔ gosín? Nǔjlómɛ díngan mitɔn e ɖo ahwan fun wɛ hwebǐnu ɖo agbaza mitɔn mɛ lɛ́ɛ mɛ wɛ yě nɔ gosín.

1 Piyɛ́ɛ 5:2

mi kpé nukún dó mɛ e Mawu sɔ́ dó así nú mi lɛ́ɛ wú, lě e lɛ̌ngbɔ́nyitɔ́ lɛ́ɛ nɔ kpé nukún dó lɛ̌ngbɔ́ e è sɔ́ dó así nú yě lɛ́ɛ wú gbɔn é; mi sɔ́ jlǒ ɖagbe dó kpé nukún dó yě wú lě e Mawu jló gbɔn é; ní ma nyí gǎn wɛ é hú mi bɔ mi bló ó. Mi wa azɔ̌ mitɔn kpódó bǐbí ɖó dó nǔ wǔ kpán; ní ma nyí akwɛ́ wɛ mi xwedó ó.

2 Piyɛ́ɛ 2:3

Nǔkplɔ́nmɛtɔ́-nyíjɛtɔ́ énɛ́ lɛ́ɛ ná nɔ ɖo akwɛ́ gbé mɛ, bó ná nɔ kpa xó ɖɔ nú mi, bó dó xo mi ɖu. Amɔ̌, mɛ e ná ɖó hwɛ nú yě ɔ́ ko ɖo te kpɔ́n yě sín tɛgbɛ, bó ná ɖó hwɛ nú yě, bɔ vivɔ yětɔn sixú gblá gbeɖé ǎ.

Judi 1:11

Heelú yě, ɖó ali e Kanyɛ́ɛ gbɔn ɔ́ wɛ yě mlɛ́. Yě jó yěɖée dó nú nǔ wa nyi do, bó ná dó mɔ akwɛ́ Baláamu ɖɔhun. Yě dɔn, ɖó yě fɔ́n gǔ Kolée ɖɔhun.

Nǔɖexlɛ́mɛ 1:9

Un nɔ nyí Jǎan; nɔví mitɔn wɛ un nyí; ɖo bǔ e mǐ ɖe xá Jezu é mɛ ɔ́, un ɖo ya ji xá mi wɛ, bó ɖo axɔ́súɖuɖu ɔ́ mɛ xá mi; un ɖo te kpódó suúlu kpó xá mi. Un ɖo tɔtɛ́ntin-yíkúngban e è nɔ ylɔ́ ɖɔ Patimɔ́si ɔ́ jí, ɖó un jlá Mawuxó ɔ́ bó ɖe kúnnu nú Jezu wútu.

1 Samuwɛ́li 8:3

Samuwɛ́li ví lɛ́ɛ ɔ́, yě nɔ́ wa nǔ é ɖɔhun ǎ. Yě nɔ́ dó nukúnkɛn, bó nɔ ɖu nǔ ɖo nǔ mɛ, bó nɔ dó hwɛ agɔ.