1 Timɔtée 3:16 - MAWUXÓWÉMA

¹⁶ Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

1 Timɔtée 3:16 Iomraidhean Croise

Ezayíi 7:14

Din ɔ́, Aklúnɔ ɖésú ɖo xlɛ̌ ɖokpó ná mi wɛ: Éɖíe, ɖyɔ̌vǐ ɔ́ ná mɔ xo, bó ná ji vǐ súnnu ɖokpó. É ná sun nyǐ vǐ ɔ́ ɖɔ Emanuwɛ́li, ‘Mawu ɖo kpɔ́ xá mǐ.’

Ezayíi 9:6

É ná gbló ada nú acɛkpikpa tɔn, bó ná bló bɔ fífá e má ná vɔ gbeɖé ǎ ɔ́ ná tíin. É ná jínjɔ́n axɔ́súzinkpo Davídi tɔn jí, bó ná kpa acɛ dó axɔ́súɖuto tɔn nu. É ná ɖó nǔ wa ɖó sɛ́nxwi jí ayǐ, bó ɖó hwɛjijɔ ayǐ dó sɔ́ axɔ́súɖuɖu tɔn jínjɔ́n ayǐ ganjí sín din káká sɔ́yi. Nǔ e Mawu Mavɔmavɔ Nǔbǐwúkpétɔ́ ɔ́ ná bló kpó wǎn yíyí tɔn ɖaxó ɔ́ kpó é nɛ́.

Micée 5:2

Énɛ́ ɔ́ wú wɛ Mawu Mavɔmavɔ ná jó togun tɔn dó nú kɛntɔ́ lɛ́ɛ káká jɛ hwenu e nyɔ̌nu e ɖo ajidonu ɔ́ ná ji vǐ dó é. Yě mɛ e ná kpo ɖo gbɛ ɖo kannumɔgbénu lɛ́ɛ ná lɛ́ kɔ wá gɔ́ nú Izlayɛ́li ví e kpo ɖo xwé lɛ́ɛ.

Matíe 1:23

“É ɖíe, nyɔ̌nu ɖo alɔjí ná mɔ xo, bó ná ji vǐ súnnu ɖokpó, bɔ è nǎ sun nyǐ i ɖɔ Emanuwɛ́li.” (Nyǐkɔ énɛ́ ɔ́ sín tínmɛ wɛ nyí: “Mawu ɖo kpɔ́ xá mǐ.”)

Matíe 13:11

Jezu yí gbe nú yě ɖɔ: “Axɔ́súɖuɖu sɛ́xwé tɔn sín nǔbúdo lɛ́ɛ ɔ́, midɛɛ lɛ́ɛ wɛ è hun xlɛ́; è ka xlɛ́ yědɛɛ lɛ́ɛ ǎ.

Matíe 28:2

Tlóló ɔ́, ayǐkúngban dán wǔ kpódó hlɔ̌nhlɔ́n kpó; bɔ wɛnsagun Aklúnɔ tɔn ɖokpó jɛ te sín jǐxwé, bó wá blí awǐnnya e è dǒ sú yɔdo ɔ́ ná ɔ́ síin, bó jínjɔ́n jí.

Matíe 3:16

Ée é lɛ yɛhwesin n'i fó ɔ́, Jezu tɔ́n sín tɔ ɔ́ mɛ; tlóló ɔ́, jǐnukúnsin kɛ wun, bɔ Yɛ Mawu tɔn cí ahwannɛ́ ɖɔhun, bó wá jɛ te dó jǐ tɔn.

Matíe 4:11

Awǒvi ka jó e dó bo yi; bɔ wɛnsagun Mawu tɔn lɛ́ɛ wá Jezu gɔ́n, bo wá gɔ́ alɔ n'i.

Maki 1:13

É nɔ fínɛ́ xɔ azǎn kanɖé (40), bɔ Satáan tɛ́n ɛ kpɔ́n. Gběkanlin lɛ́ɛ tɛ́ntin wɛ é nɔ́ nɔ, bɔ Mawu sín wɛnsagun lɛ́ɛ nɔ́ wá gɔ́ alɔ n'i.

Maki 16:19

Ée Aklúnɔ ɖɔ xó énɛ́ lɛ́ɛ nú yě gúdo ɔ́, è sɔ́ ɛ yi jǐnukúnsin, bɔ é jínjɔ́n ɖisíxwé nú Mawu.

Maki 16:5

Yě byɔ́ yɔdo ɔ́ mɛ, bó mɔ dɔ̌nkpɛvú ɖé ɖo ayǐjínjɔ́n ɖo ɖisíxwé, bɔ é dó awu wěwé, bɔ xɛsi ɖaxó ɖé jɛ yě jǐ.

Luki 2:32

é wɛ nyí wěziza e ná ɖe we xlɛ́ akɔta lɛ́ɛ bǐ, bó ká ná nyí susu nú togun towe Izlayɛ́li é.”

Luki 20:44

Davídi nɛ́ ylɔ́ ɛ ɖɔ Aklúnɔ nɛ́; nɛ̌ é ka sixú lɛ́ nyí vǐ tɔn gbɔn?”

Luki 22:43

Hwenɛ́nu ɔ́, wɛnsagun Mawu tɔn ɖokpó gosín jǐxwé wá tɔ́n dó jǐ tɔn, bó ná ɛ akɔ́nkpinkpan.

Luki 24:4

Yě sɔ́ tunwun nǔ e yě ná wa é ǎ, bó ɖo nukún dó gbɛmɛ kpɔ́n dó nǔ énɛ́ wú wɛ, bɔ nya we ɖé lɛ́ɛ wá tɔ́n ɖo akpá yětɔn, bɔ awu yětɔn nɔ́ kɔ́n.

Luki 24:51

Hwenu e é ɖo ɖɛ xo dó yě jí wɛ ɔ́, é jó yě dó, bɔ Mawu sɔ́ ɛ yi jǐxwé.

Jǎan 1:14

Xó ɔ́ húzú gbɛtɔ́, bó wá nɔ mǐ mɛ; é ɖe fɛ́nú kpódó nǔgbó kpó xlɛ́ mǐ, bɔ mǐ mɔ susu tɔn, susu e Tɔ́ nɔ ná Vǐɖokpónɔ tɔn é.

Jǎan 13:3

Ée Jezu ka tunwun ɖɔ Mawu ko sɔ́ nǔ bǐ dó alɔ mɛ nú émí, bɔ gɔ̌n tɔn wɛ e mi gosín, bó ka lɛ́ lɛ́ kɔ xwe gɔ̌n tɔn ɔ́,

Jǎan 15:26

“Gbɔdónúmɛtɔ́ ɔ́ ná wá. Yɛ e nyí nǔgbó, bó gosín Tɔ́ ɔ́ gɔ́n ɔ́ wɛ. Un ná sɛ́ ɛ dó mi sín Tɔ́ ɔ́ gɔ́n. Hwenu e é ná wá ɔ́, é ná ɖe kúnnu nú mì;

Jǎan 16:28

Un gosín Tɔ́ ɔ́ gɔ́n, bó wá gbɛ mɛ fí; din ɔ́, un ɖo gbɛ ɔ́ mɛ gosín wɛ, bó xwe Tɔ́ ɔ́ gɔ́n.”

Jǎan 17:5

Daá! Din ɔ́, bo ná mì susu ce e un ko ɖó ɖo gɔ̌n towe, cóbɔ a ɖǒ gbɛ ɔ́ é.

Jǎan 20:12

É mɔ wɛnsagun Mawu tɔn we ɖo fí e è sɔ́ Jezu sín cyɔ ɖó ɔ́, bɔ yě dǒ nǔ wěwé; mɛ ɖokpó jínjɔ́n afɔligbé, bɔ mɛ ɖokpó jínjɔ́n taligbé;

Jǎan 6:62

Ényí mi ka wá mɔ Gbɛtɔ́ví ɔ́ xwe jǐxwé fí e é ko ɖe ɖ'ayǐ ɔ́, nɛ̌ ka ná cí gbɔn nú mi lo?

Mɛsɛ́dó 1:19

Nǔ énɛ́ ɔ́, Jeluzalɛ́munu lɛ́ɛ bǐ wɛ se, káká bó nɔ́ ylɔ́ ayǐkúngban ɔ́ dó gbe yětɔn mɛ ɖɔ “Hakeludama” tínmɛ tɔn wɛ nyí “kanjɔyíkúngban.”

Mɛsɛ́dó 10:34

Piyɛ́ɛ yí xó, bó ɖɔ: “Un mɔ din nǔgbó ɖɔ Mawu kún nɔ́ ɖe mɛɖé ɖó vo ɖo mɛɖé mɛ ó.

Mɛsɛ́dó 14:27

Ée yě wá Antyɔ́ci ɔ́, yě kplé agun Klísu tɔn e ɖo fínɛ́ lɛ́ɛ, bó ɖɔ nǔ e Mawu wa gbɔn yě jí ɔ́ bǐ nú yě, bó ka lɛ́ ɖɔ lě e Mawu hun ali nú mɛ e ma nyí Jwifu ǎ lɛ́ɛ gbɔn, bónú yě lɔ na sixú ɖi nǔ nú Jezu é nú yě.

Mɛsɛ́dó 20:28

Mi hɛn ayi dó miɖée wú, bó hɛn ayi dó agun Mawu tɔn e nu Yɛsinsɛn sɔ́ mi ɖó é wú, bónú mi ná xlɛ́ ali agunví lɛ́ɛ; agunví énɛ́ lɛ́ɛ e Mawu xɔ gbɔn Vǐ é ɖésúnɔ tɔn sín kú gbla mɛ é.

Hlɔ̌manu 10:12

Đó vogbingbɔn ɖé ɖo mɛ e nyí Jwifu é kpódó mɛ e ma nyí Jwifu ǎ é kpo tɛ́ntin ǎ; yě bǐ wɛ ɖó Aklúnɔ ɖokpó ɔ́; Aklúnɔ e nɔ dó nú mɛ e nɔ xomlá ɛ lɛ́ɛ bǐ, bɔ é nɔ túnflá é.

Hlɔ̌manu 10:18

Lo ɔ́, un nɔ kanbyɔ́ ɖɔ: “Yě ka se Mawuxó ɔ́ ǎ wɛ a?” Ɛɛn, yě se ganjí. Đó Mawuxówéma ɔ́ ɖɔ: “Yě ɖɔ xó bɔ è se gbɔn ayǐkúngban ɔ́ bǐ jǐ, bɔ xó e yě ɖɔ ɔ́ yi káká fí e gbɛ ɔ́ kponu ɖó é.”

Hlɔ̌manu 16:25

Mi nú mǐ ná kpa Mawu! É ɖó acɛ bó ná bló bɔ mǐ ná ɖó hlɔ̌nhlɔ́n ɖo nǔɖiɖi mɛ, lě e Wɛn Ɖagbe e jlá wɛ un ɖe ɔ́ ɖɔ gbɔn é, ɖi lě e wɛn e kunkplá Jezu Klísu bɔ un ɖo dǐdó wɛ ɔ́, kpo nǔtunwuntunwun e mǐ mɔ yí ɖo nǔbúdo Mawu tɔn mɛ ɔ́ kpán ɖɔ gbɔn é. Nǔbúdo énɛ́ ko ɖo hwlǎhwlá sín xóxó hwenu ɖokpóó.

Hlɔ̌manu 16:26

Amɔ̌, din ɔ́, wěma e gbeyíɖɔ Mawu tɔn lɛ́ɛ wlán lɛ́ɛ ɖe nǔbúdo énɛ́ nyi wěxo. Đi lě e Mawu Mavɔmavɔ ɔ́ ná gbe tɔn gbɔn ɔ́, è ɖe nǔbúdo énɛ́ ɔ́ xlɛ́ akɔta lɛ́ɛ bǐ, bónú yě ná ɖi nǔ, bó ná se tónú.

Hlɔ̌manu 3:4

Gbeɖé kpɔ́n! Mi ɖó ná tunwun ɖɔ ényí gbɛtɔ́ lɛ́ɛ bǐ ná bo ɖo adingban ɖó wɛ ɔ́, Mawu ɔ́, nǔgbó wɛ é nyí, lě e Mawuxówéma ɔ́ ɖɔ gbɔn é; Mawuxówéma ɔ́ ɖɔ: “Xó ɖiɖɔ towe lɛ́ɛ mɛ ɔ́, è ɖǒ ná nɔ́ mɔ ɖɔ xó towe sɔgbe, bɔ è ɖɔ hwɛ xá we ɔ́, a ɖǒ ná nɔ́ ɖu ɖ'é jí.”

Hlɔ̌manu 8:3

Nǔ e Mɔyízisɛ́n ɔ́ ma kpé wú bó bló ǎ ɖó hwɛhuhu sín ninɔmɛ e gbɛtɔ́ ɖó ɔ́ zɔ́n bɔ é vɔ́da wútu ɔ́, Mawu bló: é sɛ́ Vǐ é ɖésúnɔ tɔn dó, ɖó hwɛhuhu ɔ́ wútu, bɔ é zɔn agbaza mɛ wá; agbaza e mɛ é zɔn wá ɔ́ cí hwɛhuhu sín agbaza e gbɛtɔ́ ɖó é ɖɔhun. Mawu bló mɔ̌, bó dó ɖó hwɛ nú hwɛhuhu ɖo gbɛtɔ́ sín agbaza mɛ.

Hlɔ̌manu 9:5

Tɔ́gbó mitɔn lɛ́ɛ sín vǐ wɛ yě nyí , bɔ Klísu ɔ́, ɖo gbɛtɔ́ nyínyí tɔn sín alixo ɔ́, akɔta yětɔn mɛ wɛ é jɔ ɖe. Susu nú Mawu e ɖo axɔ́sú ɖu ɖo mǐ bǐ nu wɛ káká sɔ́yi é. Amǐ!

1 Kɔlɛ́ntinu 15:47

Gbɛtɔ́ nukɔntɔn ɔ́, kɔ́gúdu ayǐkúngban jí tɔn wɛ è dǒ bló e ná; gbɛtɔ́ wegɔ́ ɔ́ ka gosín sɛ́xwé.

1 Kɔlɛ́ntinu 2:7

Éeǒ! Nǔnywɛ́ énɛ́ jlá wɛ un ɖe ǎ. Nǔnywɛ́ Mawu tɔn e nyí nǔbúdo bɔ Mawu zé hwlá dó gbɛtɔ́ lɛ́ɛ é jlá wɛ un ɖe; nǔnywɛ́ énɛ́ wɛ Mawu ko sɔ́ ɖ'ayǐ xóxó nú susu mǐtɔn, cóbɔ gbɛ ɔ́ wá tíin.

2 Kɔlɛ́ntinu 1:19

Đó Klísu Jezu, Mawu ví e xó nyɛ kpó Silási kpó, kpódó Timɔtée kpó, ɖɔ nú mi ɔ́ wá, bó ná nyí “ɛɛn”, bó ná lɛ́ nyí “éeǒ” ǎ. É nyɔ́ wa ɔ́, “ɛɛn” Mawu tɔn wɛ é nyí.

Galatinu 2:8

Đó Mawu e sɔ́ Sefási dó ɖó mɛsɛ́dó nú mɛ e nyí Jwifu lɛ́ɛ ɔ́ wɛ sɔ́ nyɛ lɔmɔ̌ dó ɖó mɛsɛ́dó nú mɛ e ma nyí Jwifu ǎ lɛ́ɛ é.

Galatinu 4:4

Lo ɔ́, ée hwe tɔn nu wá su ɔ́, é sɛ́ vǐ tɔn dó gbɔn nyɔ̌nu ɖé jí, bɔ vǐ énɛ́ lɔ nɔ sɛ́n ɔ́ glɔ́,

Efɛ́zinu 1:9

Mawu ɖe nǔbúdo e é ko to, bó ɖɔ kpó jlǒ tɔn kpó ɖɔ émí ná bló gbɔn Klísu jí ɔ́ xlɛ́ mǐ.

Efɛ́zinu 6:19

Mi nɔ xo ɖɛ nú nyɛ lɔmɔ̌, bónú un ja xó ɖɔ gbé hǔn, Mawu ní ná mì xó e sɔgbe é, bónú ma ɖɔ xó kpódó jiɖiɖe kpó, bó ná dó tín nǔbúdo Wɛn Ɖagbe ɔ́ tɔn mɛ.

Kolósinu 1:23

É ɖo mɔ̌ có, mi ka ɖó ná nɔ nǔɖiɖi mɛ, bó ná syɛ́nlǐn ɖo dodó syɛ́nsyɛ́n jí; mi ma jó miɖée dó bónú mɛɖé ní sɛ tɛn nú mi sín nǔ e ɖó nukún wɛ mi ɖe sín hwenu e mi ko se Wɛn Ɖagbe ɔ́ dó ɔ́ kɔn ó. Wɛn Ɖagbe énɛ́ wɛ è dǒ nǔ e Mawu bló ɖo gbɛ ɔ́ mɛ lɛ́ɛ é; é wɛ nyí ɖěe nyɛ Pɔ́lu, un húzú mɛsɛntɔ́ ná é.

Kolósinu 1:27

Đó Mawu jló ná ɖe tito tɔn e ɖo wi mɛ ɔ́ xlɛ́ yě; tito énɛ́ e nyí é ɖésúnɔ tɔn, bɔ dɔkun ɖ'é mɛ sɔ mɔ̌, bó nyí tito ɖagbe ɖagbe ɔ́, é sɔ́ ɖ'ayǐ nú nyɔ̌ná togun lɛ́ɛ bǐ tɔn. Nǔbúdo ɔ́ ɖíe: Klísu ɖo mi mɛ, bó nɔ́ ná gǎnjɛwú mi ɖɔ mi ná ɖó mǐmá ɖo susu Mawu tɔn mɛ.

Kolósinu 1:6

Wɛn Ɖagbe ɔ́ ɖo gbigba kpé wɛ, bó ɖo azɔ̌ wa ɖo klísusɛntɔ́ lɛ́ɛ sín gbɛzán mɛ wɛ gbɔn gbɛ ɔ́ bǐ mɛ, lě e é bló gbɔn ɖo tɛ́ntin mitɔn sín gbe e gbe mi se fɛ́nú Mawu tɔn ɔ́ sín xó azɔn nukɔn tɔn, lobo kplɔ́n nǔ e é nyí tawun ɔ́, bó tunwun é.

Kolósinu 2:2

Un ɖo ahwan fun wɛ, bónú yě ní ɖó akɔ́nkpinkpan nǔjɔnǔ tɔn, bónú yě ní nyí ɖokpó ɖo wǎn yíyí mɛ, bónú gǎnjɛwú e nǔnywɛ́ titewungbe ɔ́ nɔ ná mɛ ɔ́ ní gɔ́ ayi mɛ nú yě ganjí; énɛ́ ɔ́, yě ná sixú tunwun nǔbúdo Mawu tɔn; Klísu ɖésú wɛ nyí nǔbúdo énɛ́.

2 Tɛsalonikinu 1:10

É ná wá gbe énɛ́ gbe, bónú mɛ e nyí étɔn lɛ́ɛ ná kpa susu n'i, bɔ nǔ tɔn ná nyɔ́ mɛ e ɖi nǔ n'i lɛ́ɛ bǐ sín nukún mɛ; mi lɔmɔ̌ mi ná nɔ mɛ énɛ́ lɛ́ɛ mɛ, ɖó mi ɖi nǔ nú xó tɔn e mǐ wá ɖɔ nú mi é.

2 Tɛsalonikinu 2:7

Dǎnúwiwa sín hlɔ̌nhlɔ́n e ɖo wi mɛ ɔ́ ko ɖo azɔ̌ wa wɛ. Cóbónú nǔ énɛ́ lɛ́ɛ ka ná jɛ ɔ́, mɛ e hɛn Mɛdídá ɔ́ ɖó te ɔ́ jɛ́n ná gosín i hwɛ̌.

1 Timɔtée 3:9

Yě ɖó ná tɛ́ dó nǔgbó e ɖo nǔɖiɖi ɔ́ mɛ é wú syɛ́nsyɛ́n, kpódó ayixa mímɛ́ kpó.

Eblée 1:3

É wɛ nyí susu Mawu tɔn sín wěziza sín xlɛ́, bó nyí Mawu sín xlɛ́ titewungbe tɔn. É sɔ́ xó tɔn hlɔ̌nhlɔ́nnɔ ɔ́ dó hɛn gbɛ ɔ́ ɖó te. Ée é lɛ gbɛtɔ́ lɛ́ɛ wé sín hwɛ yětɔn lɛ́ɛ mɛ gúdo ɔ́, é jínjɔ́n Mawu e nyí hlɔ̌nhlɔ́n bǐ nɔ ɔ́ sín ɖisíxwé ɖo sɛ́xwé.

Eblée 12:2

Mǐ ní sɔ́ nukún mǐtɔn ɖó Jezu jí; é wɛ jɛ nǔɖiɖi mǐtɔn jí; é wɛ ná lɛ́ fó. É yí gbe bɔ è hu i ɖó aklúzu jí; é kpɔ́n winnyá e è nɔ mɔ ɖo kú mɔ̌hunkɔtɔn mɛ ɔ́ ǎ, ɖó é ɖo awǎjijɛ e è sɔ́ ɖó te n'i ɔ́ flín wɛ, bɔ égbé din ɔ́, é ɖo ayǐjínjɔ́n ɖo axɔ́súzinkpo Mawu tɔn kpá ɖo ɖisíxwé.

Eblée 7:7

Mɛ bǐ tunwun din ɖɔ mɛ e dó acɛ mɛ jí ɔ́ hú gǎn mɛ e jí è dǒ acɛ é; é sɔ́ ɖó xokpɔ́n ǎ.

Eblée 8:1

Nǔ e ɖo tají hú ɖě lɛ́ɛ bǐ ɖo nǔ e ɖɔ wɛ mǐ ɖe ɔ́ mɛ ɔ́ ɖíe: Vɔ̌sánú-xwlémawutɔ́ ɖaxó mɔ̌hun wɛ mǐ ɖó, bɔ é jínjɔ́n ɖisíxwé nú axɔ́súzinkpo Mawu susu bǐ nɔ ɔ́ tɔn ɖo sɛ́xwé.

1 Piyɛ́ɛ 1:12

Mawu ɖe xlɛ́ gbeyíɖɔ lɛ́ɛ ɖɔ wɛn énɛ́ e è ɖɔ yě ní dó ɔ́ kún nyí yě ɖésúnɔ tɔn ó; lo ɔ́, mi tɔn wɛ. Wɛn Ɖagbejlátɔ́ lɛ́ɛ dó wɛn énɛ́ ɔ́ mi din; yě ɖɔ xó tɔn nú mi kpó hlɔ̌nhlɔ́n e Yɛsinsɛn e è sɛ́ dó sín sɛ́xwé ɔ́ ná yě ɔ́ kpó; wɛnsagun lɛ́ɛ ɖésú lɔ ka jló ná mɔ nǔ jɛ wɛn énɛ́ mɛ.

1 Piyɛ́ɛ 1:20

Mawu ko sɔ́ ɛ cóbó wá ɖó gbɛ ɔ́, bó ɖe e xlɛ́ ɖo azǎn e nyí azǎn gǔdo tɔn élɔ́ lɛ́ɛ é mɛ, ɖó ɖagbe mitɔn wú.

1 Piyɛ́ɛ 1:21

É jí wɛ mi gbɔn bó ɖi nǔ nú Mawu e fɔ́n ɛ sín kú, bó sɔ́ ɛ su é; énɛ́ ɔ́, nǔɖiɖi mitɔn kpó nukúnɖíɖó mitɔn kpó ɖo Mawu jǐ.

1 Piyɛ́ɛ 3:18

Nǔgbó ɔ́, Klísu ɔ́ ɖésú kú; é kú azɔn ɖokpó géé bɔ xó fó dó hwɛ e gbɛtɔ́ lɛ́ɛ hu lɛ́ɛ tamɛ; éyɛ́ mɛ e nɔ wa nǔ jlɔ́jlɔ́ ɔ́ kú dó mɛ e ma nɔ wa nǔ jlɔ́jlɔ́ ǎ lɛ́ɛ tamɛ, bó ná dó kplá mi wá Mawu gɔ̌n; ɖo agbaza sín alixo ɔ́, è hu i; lo ɔ́, ɖo Yɛ ɔ́ sín alixo ɔ́, è fɔ́n ɛ wá gbɛ.

1 Piyɛ́ɛ 3:22

Jezu Klísu ɔ́ wɛ yi sɛ́xwé bó jínjɔ́n ɖisíxwé nú Mawu; fínɛ́ wɛ é ɖu axɔ́sú nú wɛnsagun lɛ́ɛ bǐ kpó acɛkpikpa lɛ́ɛ bǐ kpó, kpódó hlɔ̌nhlɔ́n lɛ́ɛ bǐ kpán ɖe.

1 Jǎan 1:2

Hwenu e gbɛ énɛ́ wá ɔ́, mǐ mɔ ɛ. Énɛ́ ɔ́ wútu wɛ mǐ ɖo xó tɔn ɖɔ nú mi wɛ, bó ɖo gbɛ mavɔ mavɔ e ko ɖo Tɔ́ ɔ́ gɔ́n, bɔ è ɖe xlɛ́ mǐ ɔ́ sín kúnnu ɖe nú mi wɛ, bó ɖo xó tɔn ɖɔ nú mi wɛ.

1 Jǎan 3:5

Mi ka tunwun ɖɔ Klísu wá, bó ná ɖe hwɛ lɛ́ɛ síin; hwɛ ɖě ka ɖo ayi tɔn mɛ ǎ.

1 Jǎan 3:8

Mɛ e nɔ ɖo hwɛ hu wɛ ɔ́, awǒvi tɔn wɛ é nyí, ɖó awǒvi ɔ́ ko ɖo hwɛ hu wɛ sín do, bɔ Mawu ví ɔ́ ka wá, bó ná sú awǒvi sín nǔwiwa lɛ́ɛ sín kún dó.

Nǔɖexlɛ́mɛ 17:5

È wlǎn nyǐkɔ ɖé dó nukɔn tɔn; nyǐkɔ ɔ́ búdo. È wlǎn ɖɔ: “Babilɔ́nu ɖaxó ɔ́, agalɛtɔ́ lɛ́ɛ kpó suɖunú gbɛ ɔ́ tɔn lɛ́ɛ kpó sín nɔ.”

Nǔɖexlɛ́mɛ 17:7

Énɛ́ ɔ́, wɛnsagun ɔ́ ɖɔ nú mì ɖɔ: “Nɛ̌ ka gbɔn bɔ é kpácá we? Nǔ e nyɔ̌nu ɔ́ kpó kanlin e jí é jínjɔ́n, bɔ é ɖó ta tɛ́nwe, zo wǒ ɔ́ kpó nyí ɔ́, un ná tín nǔbúdo e ɖ'é mɛ ɔ́ mɛ nú we.

Nǔɖexlɛ́mɛ 7:9

Énɛ́ ɔ́ gúdo ɔ́, un lɛ́ kpɔ́n bó mɔ mɛ wɔ̌buwɔ́bú ɖé: mɛ ɖěbǔ sixú xa mɛ e ɖo ahwan ɔ́ mɛ lɛ́ɛ bǐ ǎ. Yě gosín to lɛ́ɛ bǐ mɛ, bó gosín akɔta lɛ́ɛ bǐ mɛ, bó gosín togun lɛ́ɛ bǐ mɛ, bó gosín gbe e è nɔ dó lɛ́ɛ bǐ mɛ; yě ɖo te ɖo axɔ́súzinkpo ɔ́ kpó Lɛ̌ngbɔ́ví ɔ́ kpán nukɔn; yě dó awu gaga wěwé, bó hɛn děma alɔ mɛ.