1 Timɔtée 3:15 - MAWUXÓWÉMA

¹⁵ È ka nɔ tunwun ǎ; ényí wǐwá ce wá ɖo lǐnlín wɛ ɔ́, wěma élɔ́ ná zɔ́n bɔ a nǎ tunwun lě e a nǎ wa nǔ gbɔn ɖo xwédo Mawu tɔn mɛ é; xwédo e nyí agun Mawu gbɛɖe ɔ́ tɔn, bó nyí dotín kpódó sósyɛ́n kpó nú nǔgbó ɔ́ é.

1 Timɔtée 3:15 Iomraidhean Croise

1 Axɔ́sú 2:2

“Un ɖo nǎ yi wɛ; ɖǒ akɔ́nkpinkpan, bó wa nǔ súnnu ɖɔhun.

1 Axɔ́sú 2:4

Énɛ́ ɔ́, Mawu Mavɔmavɔ ná ɖe akpá e é dó nú mì ɔ́. É dó akpá nú mì ɖɔ: ‘Ényí vǐ towe lɛ́ɛ hɛn yěɖée, bó nɔ gbejí nú mì kpódó ayixa yětɔn bǐ kpó, kpódó lǐndɔ̌n yětɔn bǐ kpó ɔ́, a nǎ ba mɛ e ná nɔ tɛn towe mɛ ɖo axɔ́súzinkpo Izlayɛ́li tɔn ɔ́ jí ɔ́ kpo gbeɖé ɖo yě mɛ ǎ.’

2 Axɔ́sú 19:4

Asilíi xɔ́sú ɔ́ sɛ́ ahwangán e nɔ kplá ɛ ɔ́ dó bɔ é wá zun Mawu gbɛɖe ɔ́. Kóóyi nya! Ényí Mawu Mavɔmavɔ, Mawu towe se zun énɛ́ lɛ́ɛ din bó dɔn tó n'i ɔ́, é ná nyɔ́ mɛ nya! Hwɛ ɔ́, bo xo ɖɛ nú mɛ e kpo ɖo togun ɔ́ mɛ lɛ́ɛ.”

1 Tan 22:13

Nú a nɔ xwedó Mawu Mavɔmavɔ sín sɛ́n lɛ́ɛ, kpó gbeta e é ɖe tɔ́n gbɔn Mɔyízi jí nú Izlayɛ́li ví lɛ́ɛ kpó ɔ́, nǔ ná nyɔ́ nú we. Syɛ́nlǐn, bo kpan akɔ́n; ma ɖi xɛsi ó, ado ma ka hu we ó.

Ɖɛhan 42:2

Mawu ce, lě e zungbɔ́ nɔ́ dlɔ́n dó tɔhwín gbɔn ɔ́, mɔ̌ ɖokpó ɔ́ wɛ nyɛ lɔ ɖo dlɔ̌ndlɔ́n dó we wɛ.

Ɖɛhan 84:2

Mawu Mavɔmavɔ Nǔbǐwúkpétɔ́, un yí wǎn nú nɔtɛn towe lɛ́ɛ mɛ nya!

Jelemíi 1:18

Éɖíe, égbé din ɔ́, un ná hlɔ̌nhlɔ́n we bɔ a nǎ syɛ́n toxo e è mɛ ahohó lɛ́ lɛ̌ dó é ɖɔhun; a nǎ syɛ́n ahohó ɖɔhun; a nǎ syɛ́n gandotín ɖɔhun; a nǎ syɛ́n ganvɔdó ɖɔhun. Mɔ̌ wɛ a nǎ nɔ ɖo to ɔ́ bǐ nukɔn: Judáa xɔ́sú lɛ́ɛ, gǎn hɔn-yitɔ́ lɛ́ɛ, vɔ̌sánú-xwlémawutɔ́ lɛ́ɛ kpó toví lɛ́ɛ bǐ kpó nukɔn.

Jelemíi 10:10

Lo ɔ́, Mawu Mavɔmavɔ wɛ nyí Mawu ɖokpó e tíin é; é wɛ nyí Mawu, bó nyí axɔ́sú káká yi káká sá. È sin xomɛ ɔ́ ayǐkúngban nɔ dán wǔ, akɔta lɛ́ɛ nɔ́ sixú nɔ te xomɛsin tɔn nukɔn ǎ.

Jelemíi 23:36

Mɛ ɖé sɔ́ ná ɖɔ: ‘Mawu Mavɔmavɔ sín xó wɛ nyí agban bo ɖo kpinkpɛn émí wɛ’ ǎ. É má nyí mɔ̌ ǎ ɔ́, xó e mɛ ɔ́ ɖɔ ɔ́ ná húzú agban bo kpɛn mɛ ɔ́, ɖó mi húzú ada nú xó nyɛ Mawu gbɛɖe ɔ́ tɔn. Mi flí nyɛ Mawu Nǔbǐwúkpétɔ́, Mawu mitɔn ɔ́ sín xó xwe.

Daniyɛ́li 6:26

Ée axɔ́sú Daliwúsi bló mɔ̌ ɔ́, é wlán sɛ́ dó togun lɛ́ɛ bǐ, akɔta lɛ́ɛ bǐ kpó mɛ e nɔ dó gbe alɔkpa alɔkpa ɖo gbɛ ɔ́ mɛ lɛ́ɛ kpó ɖɔ: “Fífá ní nɔ kpɔ́ xá mi bó túnflá!

Matíe 16:16

Sinmɔ́ɔ Piyɛ́ɛ ka yí gbe n'i ɖɔ: “Hwi wɛ nyí Klísu Mawu gbɛɖe ɔ́ sín Vǐ.”

Matíe 18:18

“Má ɖɔ nǔgbó nú mi; nǔ ɖěbǔ e mi ná gbɛ́ ɖo ayǐkúngban jí ɔ́, è nǎ gbɛ́ ɖo sɛ́xwé; nǔ ɖěbǔ e mi ka ná yí gbe ná ɖo ayǐkúngban jí ɔ́, è nǎ yí gbe ná ɖo sɛ́xwé.

Jǎan 1:17

Đó Mɔyízi jí wɛ Mawu gbɔn, bó ná sɛ́n lɛ́ɛ mǐ, bó gbɔn Jezu Klísu jí, bó ná fɛ́nú kpódó nǔgbó kpán mǐ.

Jǎan 14:6

Jezu ka yí gbe n'i ɖɔ: “Nyɛ wɛ nyí ali ɔ́, bó nyí nǔgbó ɔ́, bó ka lɛ́ nyí gbɛ ɔ́. Mɛɖěbǔ sixú yi Tɔ́ ɔ́ gɔ́n nyɛ mɛ vo ǎ.

Jǎan 18:37

Pilátu lɛ́ kanbyɔ́ ɛ ɖɔ: “Hǔn axɔ́sú wɛ a nyí nɛ́ hǔn?” Bɔ Jezu yí gbe n'i ɖɔ: “Hwi wɛ ɖɔ un nyí axɔ́sú. È ji mì, bɔ un wá gbɛ ɔ́ mɛ, bó ná ɖe kúnnu nú nǔgbó ɔ́. Mɛ e nɔ xwedó nǔgbó ɔ́ bǐ wɛ nɔ ɖótó xó ce.”

Jǎan 6:69

Mǐdɛɛ lɛ́ɛ ɔ́, mǐ ɖi nǔ, bó tunwun ɖɔ hwi wɛ nyí Klísu, mɛ mímɛ́ Mawu tɔn.”

Mɛsɛ́dó 1:2

káká yi jɛ gbe e gbe Mawu sɔ́ ɛ yi jǐxwé é. Cóbónú é ná yi jǐxwé ɔ́, é kplɔ́n nǔ mɛsɛ́dó e é cyán lɛ́ɛ gbɔn Yɛsinsɛn jí.

Mɛsɛ́dó 14:15

“Mɛ ce lɛ́ɛ mi, étɛ́wú mi ka ɖo mɔ̌ wa wɛ? Gbɛtɔ́ mi ɖɔhun jɛ́n mǐ lɔmɔ̌ nyí, bó hɛn Wɛn Ɖagbe ɔ́ wá nú mi, bó dó ɖo ɖiɖɔ nú mi wɛ ɖɔ mi ní lɛ́ kɔ sín nǔ ma ɖi nǔ lɛ́ɛ gúdo, bó jɛ Mawu gbɛɖe ɔ́ gúdo; é wɛ bló jǐnukúnsin kpódó ayǐkúngban kpán, bó bló xu, kpódó nǔ e ɖo yě mɛ lɛ́ɛ bǐ kpán.

Hlɔ̌manu 3:2

Le ɔ́ d'agba ɖo ali bǐ nu; ɖó le nukɔntɔn e Jwifu lɛ́ɛ ɖó ɔ́ wɛ nyí ɖɔ Mawu sɔ́ xó tɔn lɛ́ɛ dó así nú yě.

Hlɔ̌manu 9:26

Fí e è ko ɖɔ nú yě ɖɔ: ‘Mi nyí togun ce ǎ’ ɖe ɔ́, fí énɛ́ ɖokpó ɔ́ wɛ è nǎ lɛ́ ylɔ́ yě ɖɔ Mawu gbɛɖe ɔ́ sín vǐ ɖe.”

1 Kɔlɛ́ntinu 10:32

Mi ma wa nǔ e ná nyí afɔklɛ́nnú nú Jwifu lɛ́ɛ, abǐ mɛ e ma nyí Jwifu ǎ lɛ́ɛ, abǐ agun Mawu tɔn ɔ́ ɖěbǔ ó.

1 Kɔlɛ́ntinu 3:16

Mi tunwun ɖɔ sinsɛnxɔ Mawu tɔn wɛ émí nyí, bɔ Yɛ Mawu tɔn ɖo émí mɛ.

2 Kɔlɛ́ntinu 3:3

Nǔgbó wɛ! É ɖo wɛn ɖɔ wěma ɖé wɛ mi nyí, bɔ Klísu wlán, bɔ mǐdɛɛ lɛ́ɛ nɔ sɔ́ jó. É nyí kwélesin wɛ è dǒ wlán wěma ɔ́ ná ǎ; lo ɔ́, Yɛ Mawu gbɛɖe ɔ́ tɔn wɛ è dǒ wlán ná; é nyí awǐnnyatɛ jí wɛ è wlǎn ɖó ǎ; lo ɔ́, gbɛtɔ́ lɛ́ɛ sín ayi mɛ wɛ è wlǎn dó .

2 Kɔlɛ́ntinu 6:16

Étɛ́ sinsɛnxɔ Mawu tɔn sixú kpé xá vodún lɛ́ɛ? Đó sinsɛnxɔ Mawu gbɛɖe ɔ́ tɔn wɛ mǐ nyí, lě e Mawu ko ɖɔ gbɔn é; Mawu ɖɔ: “Un ná nɔ yě mɛ, bó ná ɖi zɔnlin xá yě; un ná nyí Mawu yětɔn, bɔ yě ná nyí togun ce.”

2 Kɔlɛ́ntinu 6:7

Gbɔn nǔgbó e jlá wɛ mǐ ɖe ɔ́, kpódó hlɔ̌nhlɔ́n Mawu tɔn kpán gbla mɛ. Nǔ jlɔ́jlɔ́ wiwa wɛ nyí ahwanfunnú e mǐ nɔ́ zán dó fun ahwan ná é; é wɛ mǐ nɔ́ lɛ́ zán dó hwlɛ́n mǐɖée ná ɖo ahwan nukɔn.

Galatinu 2:9

Jaki kpódó Sefási kpó, kpódó Jǎan kpán wɛ è nɔ mɔ ɖɔ yě nyí sósyɛ́n nú agun lɛ́ɛ; ée yě mɔ ɖɔ Mawu sɔ́ azɔ̌ énɛ́ dó así nú mì ɔ́, yě ná alɔ nyɛ kpódó Baanabási kpó, bó dó ɖe xlɛ́ ɖɔ azɔ̌ ɖokpó ɔ́ wa wɛ mǐ ɖe. Énɛ́ ɔ́, mǐ bǐ ɖó gbe kpɔ́, bɔ nyɛ kpódó Baanabási kpó ná yi mɛ e ma nyí Jwifu ǎ lɛ́ɛ gɔ́n, bɔ yědɛɛ lɛ́ɛ ná yi mɛ e nyí Jwifu lɛ́ɛ gɔ́n.

Galatinu 3:1

Galatinu xlonɔ e mi! Mɛ̌ ka flú mi lě e? Có lě e è ká Jezu Klísu nyi aklúzu jí bɔ é kú gbɔn ɔ́, nukún mitɔn mɛ fí jɛ́n è tínmɛ ɖe céɖécéɖé.

Efɛ́zinu 4:21

Dandan mɛ ɔ́, è ɖɔ Jezu sín xó bɔ mi se. Ée mi ka ɖi nǔ nú Jezu ɔ́, è ko kplɔ́n nǔgbó e ɖo Jezu mɛ ɔ́ mi.

Sɛ́nflínmɛ 31:23

Énɛ́ ɔ́ gúdo ɔ́, Mawu Mavɔmavɔ ɖɔ nú Jozuwée Nuni ví ɔ́ ɖɔ: “Kpan akɔ́n, bó dó gǎn ɖó hwi wɛ ná kplá Izlayɛ́li ví lɛ́ɛ byɔ́ to e sín akpá un dó nú yě ɔ́ mɛ; nyi ɖésú ká ná nɔ kpɔ́ xá we.”

Sɛ́nflínmɛ 5:26

Gbɛtɔ́ tɛ́ ká se Mawu gbɛɖe ɔ́ sín gbe sín myɔ tɛ́ntin mǐ ɖɔhun, bó gán bɔ a se kpɔ́n?

Kolósinu 1:5

Hwenu e è hɛn xó nǔgbó e nyí Wɛn Ɖagbe ɔ́ wá mi gɔn azɔn nukɔn nukɔntɔn ɔ́, è ɖe nukúnɖíɖó e é nɔ ná mɛ ɔ́ xlɛ́ mi. Énɛ́ ɔ́, nǔɖiɖi mitɔn kpódó wǎn yíyí mitɔn kpán jínjɔ́n nǔ e ɖó nukún wɛ mi ɖe, bɔ Mawu sɔ́ ɖ'ayǐ nú mi ɖo sɛ́xwé ɔ́ jí.

1 Tɛsalonikinu 1:9

Mɛ lɛ́ɛ bǐ wɛ nɔ́ ɖɔ lě e mi yí mǐ gbɔn hwenu e mǐ wá mi gɔ́n é; mɛ lɛ́ɛ bǐ wɛ nɔ́ ɖɔ lě e mi jó nǔmɛsɛn lɛ́ɛ dó gbɔn, bó húzú jɛ Mawu gbɛɖe, Mawu nǔgbó ɔ́ li jí, bó ná wa azɔ̌ n'i,

1 Timɔtée 3:14

Un ɖo wěma élɔ́ wlán sɛ́ dó we wɛ, bó ka ɖo linlin wɛ ɖɔ un ná wá gɔ̌n towe ɖo malín málín mɛ.

1 Timɔtée 3:16

Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

1 Timɔtée 3:2

Agunjíkpɔ́ntɔ́ ka ɖó ná nyí mɛɖé, bɔ è nǎ mɔ nǔɖé ɖɔ dó wú tɔn ǎ. Asi ɖokpó wɛ é ɖó ná ɖó; é ná nɔ wa nǔ ɖó jlɛ̌ jí; é ɖó ná nɔ ɖu ɖo éɖée jí; é ɖó ná ɖó walɔ ɖagbe; é ɖó ná nɔ yí mɛ ganjí; é ná nyí mɛɖé bó ná sixú kplɔ́n nǔ mɛ.

1 Timɔtée 3:5

Đó mɛ e ma sixú kpé nukún dó xwé tɔn wú ǎ ɔ́, nɛ̌ é ka ná sixú kpé nukún dó agun Mawu tɔn wú gbɔn?

1 Timɔtée 4:10

Nǔ énɛ́ wú wɛ mǐ ɖo azɔ̌ wa wɛ, bó ɖo gǎn dó wɛ, ɖó mǐ ɖo Mawu gbɛɖe e nyí Mɛhwlɛ́ngántɔ́ gbɛtɔ́ lɛ́ɛ bǐ tɔn ɔ́ ɖó nukún wɛ, ɖo tají ɔ́, Mawu gbɛɖe e nyí Mɛhwlɛ́ngántɔ́ gbɛtɔ́ e ɖi nǔ nú Klísu lɛ́ɛ tɔn ɔ́ ɖó nukún wɛ.

1 Timɔtée 6:16

É ɖokpónɔ géé wɛ má nɔ kú ǎ, bó ɖo wěziza e mɛɖé ma sixú sɛkpɔ́ ǎ é mɛ; mɛɖé mɔ ɛ kpɔ́n gbeɖé ǎ; mɛɖé ka sixú mɔ ɛ lɔ bo gbɔ ǎ. Susu kpódó hlɔ̌nhlɔ́n mavɔ mavɔ kpó ní nyí étɔn; amǐ!

2 Timɔtée 2:19

Nǔ ɖo mɔ̌ có dodó syɛ́nsyɛ́n Mawu tɔn ɔ́ ɖo te ganjí, bɔ xó élɔ́ lɛ́ɛ nyí wuntun bó ɖ'é wú: “Aklúnɔ tunwun mɛ e nyí étɔn lɛ́ɛ é!” “Mɛ ɖěbǔ ɖɔ émí nyí Aklúnɔ tɔn ɔ́, mɛ ɔ́ ɖó ná lɛ́ kɔ sín nǔ nyanya wiwa gúdo.”

2 Timɔtée 2:20

Agbǎn e è sɔ́ siká abǐ kpatágan dó bló ná lɛ́ɛ kɛ́ɖɛ́ wɛ è nɔ mɔ ɖo xwé ɖaxó ɖokpó gbe ǎ; è nɔ lɛ́ mɔ agbǎn e è sɔ́ atín dó bló ná ɔ́ kpódó ée è sɔ́ ko dó bló ná ɔ́ kpó. Agbǎn nukɔntɔn lɛ́ɛ ɔ́, hwenu e è ja nǔjɔnǔ ɖé wa gbé ɔ́ wɛ è nɔ ɖe yě tɔ́n; amɔ̌ ɖě lɛ́ɛ ɔ́, è nɔ zán yě nú nǔ yǎyá lɛ́ɛ.

Eblée 10:21

Mǐ ɖó vɔ̌sánú-xwlémawutɔ́ ɖaxó ɖokpó bɔ é kpa acɛ dó Mawu xwé ɔ́ nu.

Eblée 12:22

Lo ɔ́, midɛɛ lɛ́ɛ ɔ́, mi sɛkpɔ́ Sinyɔ́ɔ só ɔ́; mi sɛkpɔ́ Jeluzalɛ́mu sɛ́xwé tɔn, ée nyí toxo Mawu gbɛɖe ɔ́ tɔn é, bó sɛkpɔ́ wɛnsagun wɔ̌buwɔ́bú lɛ́ɛ.

Eblée 3:12

Nɔví lɛ́ɛ mi, mi cɔ́ miɖée, bónú mɛɖé má ɖo mi mɛ, bó ɖó ayi nyanya, ayi e ma nɔ ɖi nǔ ǎ é, bó lɛ́ kɔ sín Mawu gbɛɖe ɔ́ gúdo ó.

Eblée 9:14

Ée nǔ nyí mɔ̌ ɔ́, nɛ̌ Klísu sín hun ma ná wa azɔ̌ hú mɔ̌ ǎ gbɔn? Ɖó Klísu ɔ́ sɔ́ éɖée dó sá vɔ̌ nú Mawu vɔ̌sánú maɖóblɔ̌ ɖɔhun gbɔn Yɛ mavɔ mavɔ jí; hun tɔn ná slá wǔ nú ayixa mǐtɔn, bó ná ɖe azɔ̌ e nyí azɔ̌ nyanya ɖ'é mɛ lɛ́ɛ sín mɛ, bónú mǐ ná sixú wa azɔ̌ nú Mawu gbɛɖe ɔ́.

Jozuwée 3:10

Ée yě sɛ wá ɔ́, é ɖɔ nú yě ɖɔ: “Nǔ e Mavɔmavɔ ná jlɛ́ ɔ́ ná zɔ́n bɔ mi ná tunwun ɖɔ Mawu gbɛɖe ɔ́ ɖo tɛ́ntin mitɔn, bó ná nya Kanáanu lɛ́ɛ, Hitíti lɛ́ɛ, Hivíti lɛ́ɛ, Pɛliziti lɛ́ɛ, Giigacíti lɛ́ɛ, Amɔliti lɛ́ɛ kpódó Jebuzinu lɛ́ɛ kpán sín nukɔn mitɔn.

1 Piyɛ́ɛ 2:5

bónú mi lɔmɔ̌ ɔ́, ɖi awǐnnya gbɛɖe ɖɔhun ɔ́, è nǎ zé mi dó gbá sinsɛnxɔ Yɛsinsɛn tɔn ɔ́ ná. Mi ná nyí vɔ̌sánú-xwlémawutɔ́ mímɛ́ sín gbɛ̌ta, bó ná nɔ xwlé vɔ̌sánú Yɛsinsɛn tɔn ɔ́ Mawu; vɔ̌sánú Yɛsinsɛn tɔn e nɔ nyɔ́ Mawu nukún mɛ, gbɔn Jezu Klísu jí é.

1 Piyɛ́ɛ 4:17

Hwenu e hwɛɖiɖɔ ná bɛ́ dó ɔ́ ko su; xwédo Mawu tɔn ɔ́ wɛ è ka ná ɖɔ hwɛ xá jɛ nukɔn. Ée é ka nyí ɖɔ mǐdɛɛ lɛ́ɛ jí wɛ è nǎ bɛ́ hwɛɖiɖɔ sín ɔ́, hwenu e é ná wá jɛ mɛ e gbɛ́ wǎn nú Wɛn Ɖagbe Mawu tɔn lɛ́ɛ jí ɔ́, nɛ̌ wɛ yětɔn ná fó gbɔn?

Nǔɖexlɛ́mɛ 7:2

Un lɛ́ mɔ wɛnsagun Mawu tɔn ɖěvo tɔ́n sín zǎnzǎnhwe jí, bó hɛn wuntun Mawu gbɛɖe ɔ́ tɔn. É sú xó tlílí, bó ɖɔ sɛ́ dó wɛnsagun Mawu tɔn ɛnɛ e yí acɛ, bó ná wa nǔ nyanya dó ayǐkúngban kpódó xu kpán wú lɛ́ɛ ɖɔ:

1 Samuwɛ́li 17:26

Davídi kanbyɔ́ sɔ́ja e ɖo akpá tɔn lɛ́ɛ ɖɔ: “Étɛ́ è ka ná ná mɛ e ná hu Filisitɛ́ɛn énɛ́, bó ná ɖe winnyá nú Izlayɛ́li to ɔ́ é? Bɔ mɛ̌ ká nyí Filisitɛ́ɛn énɛ́ ɔ́, mɛ e ma nɔ sɛn Mawu ǎ nɛ́ ɔ́, bó glá káká bó zun Mawu gbɛɖe ɔ́ sín ahwangɔnu?”

1 Samuwɛ́li 17:36

Lě e nyɛ mɛsɛntɔ́ towe hu kinnikínní mɔ̌kpán, bó hu lɔnmɔ mɔ̌kpán gbɔn é nɛ́. Nǔ e un nɔ dó sin xá lan énɛ́ lɛ́ɛ ɔ́ wɛ un ná dó sin xá Filisitɛ́ɛn énɛ́ lɔ. Đó mɛ énɛ́ e ma nɔ sɛn Mawu ǎ ɔ́ gblɔ́n adǎn nú ahwangɔnu Mawu gbɛɖe ɔ́ tɔn.”