1 Timɔtée 3:13 - MAWUXÓWÉMA

¹³ Agunvíwú-kpénukúndótɔ́ e nɔ wa azɔ̌ yětɔn ganjí lɛ́ɛ ɔ́, tɛn ɖagbe wɛ yě nɔ mɔ; yě hɛn ɔ́, yě ná ɖɔ nǔɖiɖi e mǐ ɖó ɖo bǔ e mǐ ɖe xá Klísu Jezu ɔ́ mɛ ɔ́ sín xó kpódó jiɖiɖe kpó.

1 Timɔtée 3:13 Iomraidhean Croise

Matíe 20:28

Mɔ̌ wɛ ɖe gbɔn nú nyɛ Gbɛtɔ́ví ɔ́; è nǎ sɛn mì wú wɛ un wá ǎ; lo ɔ́, mɛ sɛn gbé wɛ un tɔ́n bó wá, bó ná sɔ́ gbɛ ce jó dó xɔ gbɛ nú mɛ gěgé.”

Matíe 25:21

Bɔ gǎn ɔ́ ɖɔ n'i ɖɔ: ‘A wa nǔ ɖó ganjí; mɛsɛntɔ́ ɖagbe gbejínɔtɔ́ wɛ nú we. Un sɔ́ we ɖó nǔ kpɛɖé nu, bɔ a blǒ ɖó ganjí; din ɔ́, un ná sɔ́ we ɖó nǔ gěgé nu. Énɛ́ ɔ́ wú ɔ́, bo wá j'awǎ xá mì.’

Luki 19:17

Gǎn ɔ́ ka yí gbe n'i ɖɔ jí: ‘A wa nǔ ɖó ganjí; mɛsɛntɔ́ ɖagbe wɛ nú we; ɖó lě e a nɔ gbejí gbɔn, ɖo nǔ kpɛví mɛ é wú ɔ́, un ná sɔ́ we ɖó toxo wǒ nu.’

Mɛsɛ́dó 21:35

Hwenu e Pɔ́lu wá kpekán lɛ́ɛ jí ɔ́, sɔ́ja lɛ́ɛ gbɔ bó sɔ́ ɛ dó kɔlivla mɛ, ɖó adǎn e jí mɛ lɛ́ɛ ɖe ɔ́ wútu,

Mɛsɛ́dó 6:15

Mɛ e ɖo ayǐjínjɔ́n ɖo toxóɖɔgbɛ́ ɔ́ mɛ lɛ́ɛ bǐ bɔ nukún nyi Etyɛ́ni wú, bɔ nukún mɛ tɔn cí wɛnsagun Mawu tɔn lɛ́ɛ sín nukún mɛ ɖɔhun ɖo yě nukún mɛ.

Mɛsɛ́dó 6:5

Xó énɛ́ nyɔ́ agun ɔ́ bǐ nukún mɛ, bɔ yě cyán mɛ tɛ́nwe élɔ́ lɛ́ɛ: Etyɛ́ni, nya nǔɖitɔ́ titewungbe ɖé wɛ, bɔ Yɛsinsɛn gɔ́ ayi mɛ n'i; Filípu kpó Plokɔ́ɔ kpó, Nikanɔ́ɔ kpó Timɔ́ɔ kpó, Pamɛnási kpódó Nikoláa Antyɔ́cinu e ko byɔ́ Jwifu lɛ́ɛ sín sinsɛn mɛ ɖ'ayǐ ɔ́ kpán.

Mɛsɛ́dó 6:8

Mawu tún acɛ dó Etyɛ́ni jí, bó ná ɛ hlɔ̌nhlɔ́n, bɔ é nɔ́ ɖo nǔdábaɖa ɖe tɔ́n wɛ, bó nɔ́ ɖo nǔ ɖaxó ɖaxó lɛ́ɛ jlɛ́ wɛ ɖo togun ɔ́ tɛ́ntin.

1 Kɔlɛ́ntinu 16:15

Nɔví lɛ́ɛ mi, mi tunwun Sitefanási kpódó hɛ̌nnu tɔn kpó: mi tunwun ɖɔ, ɖo Akáyi ɔ́, yě wɛ nyí mɛ nukɔntɔn e húzú jɛ Klísu sín ali jí, bó jó yěɖée dó nú mɛɖeɖóvo Mawu tɔn lɛ́ɛ é. Un ɖo byɔ̌byɔ́ mi wɛ ɖɔ,

Filípunu 1:14

Ée nɔví lɛ́ɛ mɔ ɖɔ un ɖo gankpá mɛ ɔ́, yě mɛ gěgé ɖó akɔ́nkpinkpan, bó ɖó jiɖiɖe dó Aklúnɔ wú, bó nɔ syɛ́n ta bó nɔ ɖo Mawuxó jlá d'é jí wɛ ma ɖi xɛsi.

1 Tɛsalonikinu 2:2

Mi lɛ́ tunwun ɖɔ cóbónú mǐ ná wá mi gɔn ɖo Tɛsaloniki ɔ́, mǐ ji ya; è dǒ winnyá mǐ ɖo Filípu. Yě tɔ́n ahwan mǐ, bɔ é syɛ́n ɖésú, có Mawu ná akɔ́nkpinkpan mǐ, ɖɔ mǐ ní jlá Wɛn Ɖagbe émítɔn ɔ́ mi.

1 Timɔtée 3:14

Un ɖo wěma élɔ́ wlán sɛ́ dó we wɛ, bó ka ɖo linlin wɛ ɖɔ un ná wá gɔ̌n towe ɖo malín málín mɛ.

2 Timɔtée 2:1

Hǔn, hwi vǐ ce ɔ́, mɔ hlɔ̌nhlɔ́n ɖo fɛ́nú e mǐ ɖó, ɖo bǔ e mǐ ɖe xá Klísu Jezu ɔ́ mɛ.

Eblée 6:10

Mawu nɔ dó hwɛ agɔ ǎ; é ná wɔn azɔ̌ e mi wa é ǎ; wǎn yíyí e mi ɖe xlɛ́ ɛ gbɔn alɔ e mi dó nɔví klísusɛntɔ́ lɛ́ɛ é gbla mɛ, bó ka lɛ́ kpo ɖo dǐdó yě wɛ ɔ́, é ná wɔn ǎ.