1 Timɔtée 3:11 - MAWUXÓWÉMA

¹¹ Asi yětɔn lɛ́ɛ lɔ ɖó ná nyí mɛ ɖagbe; yě ɖó ná nɔ ɖɔ mɛ nú ǎ; yě ná nɔ wa nǔ bǐ dó jlɛ̌ jí, bó ná nɔ gbejí ɖo nǔ bǐ mɛ.

1 Timɔtée 3:11 Iomraidhean Croise

Ɖɛhan 101:5

Mɛ e nɔ ɖɔ nɔzo tɔn nú ɖo nǔglɔ́ ɔ́, un nǎ xwe nu tɔn dó xɔ. Mɛ e nɔ mɔ ɖɔ émí jɛ́n tíin, bó nɔ́ ɖo éɖée mɔ wɛ ɔ́, nyi kpó é kpó ná vɛ́ ǎ.

Ɖɛhan 15:3

É nɔ́ ɖɔ mɛ nú ǎ. É nɔ́ wa nyanya nú nɔzo tɔn ǎ. É nɔ́ kɔ́n mɛ tɔn lɛ́ɛ sín wi ǎ.

Ɖɛhan 50:20

A nɔ jínjɔ́n ayǐ bó nɔ ɖɔ nɔví towe nú. A nɔ dó hɛ̌n nɔví towe, nɔ towe xomɛ ví.

Nǔnywɛ́xó 10:18

Mɛ e gbɛ́ wǎn nú mɛ bó nɔ́ zé hwlá ɔ́, yɛmɛnúwatɔ́ wɛ; mɛ e nɔ ɖo mɛ nú ɖɔ kpé wɛ ɔ́, ta tɔn mɛ sɔgbe ǎ.

Nǔnywɛ́xó 25:13

Sin e fá ganjí é nɔ́ ná hlɔ̌nhlɔ́n mɛ e ɖo azɔ̌ wa wɛ ɖo hwesivɔ́ gbe é; mɔ̌ ɖokpó ɔ́, mɛ e nyɔ́ wɛn dó ganjí ɔ́ nɔ́ ná hlɔ̌nhlɔ́n gǎn tɔn.

Jelemíi 9:4

Yě nɔ́ ɖo yěɖée blɛ́ wɛ, mɛɖé nɔ ɖɔ nǔgbó nú mɛɖé ǎ. Yě kplɔ́n ɖɛ̌ yětɔn ɖó adingban lɔ jí. Yě nɔ́ wa nǔ nyanya káká bó sɔ́ sixú lɛ́ kɔ wá gɔ̌n ce ǎ.

Ezekiyɛ́li 44:22

Vɔ̌sánú-xwlémawutɔ́ ɖě ná da asúkúsi ǎ, ɖě ká ná da nyɔ̌nu e asú gbɛ́ é ɖě ǎ. Izlayɛ́li ví ɖyɔ̌vǐ wɛ yě ná nɔ́ da, abǐ mɛ e asú tɔn nyí vɔ̌sánú-xwlémawutɔ́ bó kú é.

Levíi ví 21:7

“Vɔ̌sánú-xwlémawutɔ́ ɖó ná da nyɔ̌nu agalɛtɔ́, abǐ nyɔ̌nu e súnnu ɖěvo ko ɖó xó xá é ǎ; é ká ɖó ná da nyɔ̌nu e asú tɔn kó gbɛ́ é ǎ, ɖó mɛɖeɖóvo wɛ vɔ̌sánú-xwlémawutɔ́ bǐ nyí nú Mawu Mavɔmavɔ tɔn.

Matíe 4:1

Énɛ́ ɔ́ gúdo ɔ́, Yɛ ɔ́ kplá Jezu yi gbětótló mɛ bónú awǒvi ná tɛ́n ɛ kpɔ́n.

Jǎan 6:70

Jezu ka lɛ́ ɖɔ nú yě ɖɔ jí: “Nyɛ ɖésú wɛ cyán mi mɛ wěwe lɛ́ɛ, cóbɔ mɛ ɖokpó ka ɖo mi mɛ bó nyí awǒvigbɛtɔ́.”

Hlɔ̌manu 1:29

Nǔmasɔgbe tɛnmɛ tɛnmɛ wiwa bǐ kpó nǔ nyanya wiwa tɛnmɛ tɛnmɛ bǐ kpó wɛ gɔ́ ayi yětɔn mɛ; mɛnújlójló tɛnmɛ tɛnmɛ bǐ kpó adǎnúwiwa tɛnmɛ tɛnmɛ bǐ kpó wɛ gɔ́ ayi yětɔn mɛ. Wǔhwinhwan kpó mɛhuhu kpó, kpódó jlɛɖiɖɔ kpán wɛ gɔ́ ayi yětɔn mɛ; sísɛ́ kpódó bǐbí kpó wɛ gɔ́ ayi yětɔn mɛ; yě nɔ́ ɖo xó ɖɔ kpé wɛ,

1 Timɔtée 1:12

Un dó kú nú Aklúnɔ mǐtɔn Klísu Jezu e ná hlɔ̌nhlɔ́n mì, nú ma dó wa azɔ̌ ce ná é. Un dó kú n'i, ɖó é mɔ ɖɔ un nyí mɛ bɔ è nǎ ɖeji dó wǔ ce, un dó kú n'i, ɖó é sɔ́ mì bónú ma wa azɔ̌ n'i.

1 Timɔtée 3:2

Agunjíkpɔ́ntɔ́ ka ɖó ná nyí mɛɖé, bɔ è nǎ mɔ nǔɖé ɖɔ dó wú tɔn ǎ. Asi ɖokpó wɛ é ɖó ná ɖó; é ná nɔ wa nǔ ɖó jlɛ̌ jí; é ɖó ná nɔ ɖu ɖo éɖée jí; é ɖó ná ɖó walɔ ɖagbe; é ɖó ná nɔ yí mɛ ganjí; é ná nyí mɛɖé bó ná sixú kplɔ́n nǔ mɛ.

1 Timɔtée 6:2

Kannumɔ e sín gǎn nyí nǔɖitɔ́ lɛ́ɛ ɖó ná gɔn gǎn yětɔn lɛ́ɛ sí, ɖó yě ko nyí nɔví nɔví ɖo nǔɖiɖi mɛ wútu ǎ; é nyɔ́ wa ɔ́, yě ɖó ná lɛ́ sɛn yě bɔ é ná hú lě e sɛn gbɔn wɛ yě ko ɖe ɖ'ayǐ ɔ́, ɖó mɛ e ɖo nǔ e wa wɛ yě ɖe ɔ́ sín le ɖu wɛ lɛ́ɛ ɔ́, nǔɖitɔ́ e yě yí wǎn ná lɛ́ɛ wɛ. Nǔ e a ná kplɔ́n yě ɔ́ kpódó Mawuxó e a ná ɖɔ nú yě ɔ́ kpán ɖíe:

2 Timɔtée 3:3

Yě ná ɖó wǎn yíyí ɖěbǔ ǎ; yě ná nɔ kú nǔbláwǔ nú mɛ ǎ; yě ná nɔ́ ɖɔ mɛ nú; yě nɔ sixú ɖu ɖo yěɖée jí ǎ, bó ná nɔ nylá hun; yě ná nɔ́ gbɛ́ wǎn nú ɖagbewiwa.

2 Timɔtée 4:5

Amɔ̌ hwɛ ɔ́, nɔ wa nǔ bǐ dó jlɛ̌ jí; dɛ ɖo yajiji nu; wa Wɛn Ɖagbejlátɔ́ sín azɔ̌, bó wa mɛsɛntɔ́ Mawu tɔn sín azɔ̌ towe ganjí.

Titu 2:3

Mɔ̌ ɖokpó ɔ́, ɖɔ nú nyɔ̌nu e sín xwe ko sɛ yi lɛ́ɛ ɖɔ yě ní zán gbɛ yětɔn mɛ e nɔ zán gbɛ mímɛ́ lɛ́ɛ ɖɔhun. Yě ná nɔ́ ɖɔ mɛ nu ǎ; yě ná nyí ahannumúnɔ ǎ; yě ɖó ná nɔ́ kplɔ́n nǔ ɖagbe mɛ,

Titu 3:2

Yě ní ma nɔ ɖɔ xó nyanya dó mɛɖé wú ó; yě ní nyí mɛfífá, bó nyɔ́ xomɛ, bónú yě ní nɔ ɖe xomɛfífá xlɛ́ mɛ lɛ́ɛ bǐ hwebǐnu.

1 Piyɛ́ɛ 5:8

Ayixa mitɔn ní ɖo te; mi cɔ́ miɖée, ɖó kɛntɔ́ mitɔn awǒvi ɔ́ ɖo lɛ̌ lɛ́ dó mi wɛ kinnikínní e ɖo adǎn jí é ɖɔhun, bó ɖo mɛ e é ná vún ɖu ɔ́ ba wɛ.