1 Timɔtée 3:10 - MAWUXÓWÉMA

¹⁰ È nǐ tó tɛ́n yě kpɔ́n hwɛ̌; ényí è ma mɔ nǔ jɛ dó ɖé ɖo yě wú ǎ ɔ́, yě hɛn ɔ́, yě ná wa agunvíwú-kpénukúndótɔ́ sín azɔ̌.

1 Timɔtée 3:10 Iomraidhean Croise

1 Kɔlɛ́ntinu 1:8

Aklúnɔ mǐtɔn Jezu Klísu ɔ́ wɛ ná hɛn mi, bɔ mi na syɛ́nlǐn káká yi vivɔnu, bónú mɛɖé ní ma mɔ nǔɖé ɖɔ dó mi wú ɖo azǎn tɔn gbe ó.

Kolósinu 1:22

Amɔ̌ din ɔ́, Vǐ tɔn húzú gbɛtɔ́ lobo kú, bɔ é bló bɔ mǐ dó hwɛ gbɔ xá ɛ gbɔn Vǐ tɔn sín kú gbla mɛ, bónú mi ná sixú nyí mɛɖeɖóvo, bó nyí mɛ mímɛ́, mɛ ma ɖó blɔ̌ ɖo wǔ ɖo nukɔn tɔn.

1 Timɔtée 3:13

Agunvíwú-kpénukúndótɔ́ e nɔ wa azɔ̌ yětɔn ganjí lɛ́ɛ ɔ́, tɛn ɖagbe wɛ yě nɔ mɔ; yě hɛn ɔ́, yě ná ɖɔ nǔɖiɖi e mǐ ɖó ɖo bǔ e mǐ ɖe xá Klísu Jezu ɔ́ mɛ ɔ́ sín xó kpódó jiɖiɖe kpó.

1 Timɔtée 3:2

Agunjíkpɔ́ntɔ́ ka ɖó ná nyí mɛɖé, bɔ è nǎ mɔ nǔɖé ɖɔ dó wú tɔn ǎ. Asi ɖokpó wɛ é ɖó ná ɖó; é ná nɔ wa nǔ ɖó jlɛ̌ jí; é ɖó ná nɔ ɖu ɖo éɖée jí; é ɖó ná ɖó walɔ ɖagbe; é ɖó ná nɔ yí mɛ ganjí; é ná nyí mɛɖé bó ná sixú kplɔ́n nǔ mɛ.

1 Timɔtée 3:6

É ɖó ná nyí mɛ e ɖi nǔ nú Klísu yɔ̌yɔ́ ɔ́ ǎ; é ma nyí mɔ̌ ǎ ɔ́, goyíyí táá wá byɔ́ lanmɛ n'i, bɔ Mawu ná ɖó hwɛ n'i lě e é ɖó hwɛ nú awǒvi gbɔn é.

1 Timɔtée 5:22

Ma hwlɛ́n dó, bó ɖ'alɔ mɛɖé jí ó; mɛɖé hu hwɛ hǔn, ma ɖó alɔ ɖ'é mɛ ó, bó hɛn hwiɖée dó mímɛ́ jí.

1 Jǎan 4:1

Mɛvívɛ́ná ce lɛ́ɛ mi, mi ma nɔ ɖi nǔ nú mɛ e ɖɔ émí ɖó Yɛ Mawu tɔn lɛ́ɛ é bǐ ó, mi nɔ to dó yě kpɔ́n hwɛ̌, bó ná kpɔ́n ɖɔ Yɛ Mawu tɔn ɔ́ jɛ́n ɖo yě mɛ nǔgbó ají; ɖó gbeyíɖɔmawutɔn-nyíjɛtɔ́ gěgé ko gba kpé gbɛ ɔ́ mɛ din.