1 Timɔtée 3:1 - MAWUXÓWÉMA

¹ Xó nǔgbó ɖokpó ɖíe: ényí mɛɖé jló ná nyí agunjíkpɔ́ntɔ́ ɔ́, azɔ̌ ɖagbe ba wɛ é ɖe.

1 Timɔtée 3:1 Iomraidhean Croise

Nǔnywɛ́xó 11:30

Mɛ e nɔ wa nǔ ɖó sɛ́nxwi jí ɔ́, nǔ e é nɔ́ wa ɔ́, atín e nɔ́ ná gbɛ mɛ ɔ́ wɛ; mɛ e ɖó nǔnywɛ́ ɔ́, gbɛtɔ́ nɔ ɖeji dó wǔ tɔn.

Luki 15:10

Mɔ̌ ɖokpó ɔ́, má ɖɔ nú mi: ényí hwɛhutɔ́ ɖokpó géé lɛ́ kɔ sín hwɛ tɔn lɛ́ɛ gúdo ɔ́, lě e wɛnsagun Mawu tɔn lɛ́ɛ nɔ j'awǎ gbɔn ɔ́ nɛ́.”

Mɛsɛ́dó 1:20

“È ka wlán dó Ɖɛhanwéma mɛ ɖɔ jí: ‘Xwé tɔn ní wú gbě, bónú mɛɖé ní ma sɔ́ nɔ gbe ó.’ È lɛ́ wlán ɖɔ: ‘Mɛ ɖěvo ní jɛ tɛn tɔn mɛ.’

Mɛsɛ́dó 20:28

Mi hɛn ayi dó miɖée wú, bó hɛn ayi dó agun Mawu tɔn e nu Yɛsinsɛn sɔ́ mi ɖó é wú, bónú mi ná xlɛ́ ali agunví lɛ́ɛ; agunví énɛ́ lɛ́ɛ e Mawu xɔ gbɔn Vǐ é ɖésúnɔ tɔn sín kú gbla mɛ é.

Hlɔ̌manu 11:13

Din ɔ́, mi mɛ e ma nyí Jwifu ǎ lɛ́ɛ ɖɔ xó ná wɛ un ɖe: un nyí mɛsɛ́dó nú mɛ e ma nyí Jwifu ǎ lɛ́ɛ; ée nǔ ka nyí mɔ̌ ɔ́, un nɔ gó ɖó azɔ̌ e nyí ce ɔ́ wú.

Efɛ́zinu 4:12

É bló mɔ̌, bó ná bló mɛɖeɖóvo Mawu tɔn lɛ́ɛ ɖó, bɔ yě ná sixú wa azɔ̌ e nyí klísusɛntɔ́ tɔn é; é ná bló bɔ agun e nyí agbaza Klísu tɔn ɔ́ ná yi nukɔn ɖo nǔɖiɖi mɛ,

Filípunu 1:1

Mǐ mɛsɛntɔ́ Klísu Jezu tɔn Pɔ́lu kpódó Timɔtée kpán wɛ sɛ́ wěma élɔ́ dó mɛɖeɖóvo Mawu tɔn e ɖi nǔ nú Klísu Jezu bó ɖo Filípu lɛ́ɛ; mǐ sɛ́ dó yě kpó agunnukɔntɔ́ lɛ́ɛ kpó , kpódó yě mɛ e nɔ kpé nukún dó agunví lɛ́ɛ wú é kpán.

1 Tɛsalonikinu 5:14

Nɔví lɛ́ɛ mi, mǐ lɛ́ ɖo byɔ̌byɔ́ mi wɛ ɖɔ mi nɔ gbɛ́ nǔ nú fɔnlínnɔ lɛ́ɛ; mi nɔ ná akɔ́nkpinkpan mɛ e ma nɔ gba wǔ dó mɛ mɛ ǎ lɛ́ɛ; mi ní nɔ gɔ́ alɔ nú mɛ e ma ɖó gǎn ǎ lɛ́ɛ; mi nɔ ɖó suúlu dó mɛ bǐ wú.

1 Timɔtée 1:15

Xó nǔgbó ɖokpó ɖíe, bɔ é jɛ xá ɖɔ mɛ bǐ ní yí; é wɛ nyí ɖɔ Klísu Jezu wá gbɛ ɔ́ mɛ, bó ná hwlɛ́n hwɛhutɔ́ lɛ́ɛ gán; nyɛ wɛ ka nyí hwɛhutɔ́ hú hwɛhutɔ́ lɛ́ɛ bǐ.

1 Timɔtée 4:9

Xó nǔgbó ɖokpó nɛ́, bɔ é jɛ xá ɖɔ mɛ bǐ ní yí bǐ dégbédégbé.

2 Timɔtée 2:11

Xó nǔgbó ɖokpó ɖíe: “Ényí mǐ kú xá ɛ ɔ́, mǐ ná lɛ́ wá nɔ gbɛ xá ɛ.

Titu 1:7

Nǔgbó ɔ́, azɔ̌ e nyí agunnukɔntɔ́ tɔn ɔ́ wɛ nyí ɖɔ é ná nɔ kpé nukún dó nǔ e nyí Mawu tɔn lɛ́ɛ wú; énɛ́ ɔ́ wú ɔ́, è ɖǒ ná mɔ nǔjɛdo ɖěbǔ ɖɔ dó wǔ tɔn ǎ, é ɖó ná nyí gangannagansú ǎ; é ɖó ná nyí xomɛsinnɔ ǎ, é ɖó ná nyí ahannumúnɔ ǎ, é ɖó ná nɔ́ sí hun te ǎ, é ɖó ná nyí mɛxoɖutɔ́ ǎ.

Titu 3:8

Xó nǔgbó ɖokpó nɛ́. Un jló ɖɔ a nǐ tɛ ɖɛ̌ nǔ énɛ́ lɛ́ɛ jí ganjí, bónú mɛ e ɖi nǔ nú Mawu lɛ́ɛ ná tɛ́ dó ɖagbewiwa wú. Nǔ e nyí nǔ ɖagbe bó nyɔ́ nú gbɛtɔ́ lɛ́ɛ é nɛ́.

Eblée 12:15

Mi cɔ́ miɖée, bónú mɛɖé ma sú fɛ́nú Mawu tɔn sín ali dó éɖée ó. Mɛɖěbǔ ní ma cí atín aɖǐvɛ́nɔ e nɔ wú, bó nɔ gba kún kpé fí bǐ, lobɔ aɖǐvɛ́ tɔn nɔ dó azɔn gbɛtɔ́ gěgé ɔ́ ɖɔhun ó.

1 Piyɛ́ɛ 2:25

Đó lɛ̌ngbɔ́ e bú lɛ́ɛ ɖɔhun wɛ mi cí ɖ'ayǐ; amɔ̌ din ɔ́, è ko lɛ́ kplá mi wá mɛ e nyí lɛ̌ngbɔ́nyitɔ́ mitɔn, bó nɔ cɔ́ mi ɔ́ gɔ́n.

1 Piyɛ́ɛ 4:15

É ní ma sín mɛhuhu wú, ajojija wú, abǐ nǔ nyanya wiwa wú, abǐ nudómɛɖévoxómɛ wú bónú è dǒ ya nú mɛɖé ɖo mi mɛ ó.

1 Piyɛ́ɛ 5:2

mi kpé nukún dó mɛ e Mawu sɔ́ dó así nú mi lɛ́ɛ wú, lě e lɛ̌ngbɔ́nyitɔ́ lɛ́ɛ nɔ kpé nukún dó lɛ̌ngbɔ́ e è sɔ́ dó así nú yě lɛ́ɛ wú gbɔn é; mi sɔ́ jlǒ ɖagbe dó kpé nukún dó yě wú lě e Mawu jló gbɔn é; ní ma nyí gǎn wɛ é hú mi bɔ mi bló ó. Mi wa azɔ̌ mitɔn kpódó bǐbí ɖó dó nǔ wǔ kpán; ní ma nyí akwɛ́ wɛ mi xwedó ó.