1 Timɔtée 2:9 - MAWUXÓWÉMA

⁹ Un lɛ́ jló ɖɔ nyɔ̌nu lɛ́ɛ ní nɔ́ sɔ́nǔ lě e é jɛ xá gbɔn é, ɖo yɛ̌yi mɛ, ɖo jlɛ̌ jí. Nǔ e nyɔ̌nu lɛ́ɛ ná dó ba acɔ́ ná ɔ́ wɛ nyí ɖa gɛ́dɛ́gɛ́dɛ́ blóbló ǎ; sikánúdídó, jɛ̌dídó abǐ avɔ xɔ akwɛ́ gbígbá ǎ;

1 Timɔtée 2:9 Iomraidhean Croise

Bǐbɛ́mɛ 24:53

bó ɖe nǔ e è sɔ́ kpatágan dó bló ná lɛ́ɛ, ée è sɔ́ siká dó bló ná lɛ́ɛ, kpódó avɔ kpó tɔ́n, bó ná Hlebeka; é lɛ́ ná nǔ Hlebeka sín nɔví kpó nɔ tɔn kpó bɔ é fɛ́ wǔ.

2 Axɔ́sú 9:30

Jehu xwe Izleyɛ́li toxo ɔ́ mɛ. Ée Jezabɛ́li se mɔ̌ ɔ́, é sá nǔ dó wundama, bó bló ɖa tɔn ɖó, bó yi cí flɛtɛ́li nu ɖo síngbó jí, bó ɖo do kpɔ́n sɛ́ dó wɛ.

Ɛsitɛ́ɛ 5:1

Ée azǎn atɔn e yě sɔ́ ɖó te dó blá nu ɔ́ vɔ ɔ́, Ɛsitɛ́ɛ dó axɔ́si wu tɔn lɛ́ɛ, bó yi fí e axɔ́sú nɔ́ nɔ ɖo hɔn ɔ́ mɛ é, bó nɔ te ɖo kɔ́xota, ɖo axɔ́sú ɔ́ sín xɔ nukɔn. Axɔ́sú ɔ́ ká ɖo ayǐjínjɔ́n ɖo axɔ́súzinkpo tɔn jí ɖo xɔ mɛ, bó kpan nukɔn xɔli ɔ́.

Ɖɛhan 149:4

Đó nǔ nɔ́ víví nú Mawu Mavɔmavɔ ɖo togun tɔn mɛ. É nɔ́ ná ɖuɖéjí mɛ e è sɔ́ xo kɔ́ lɛ́ɛ bó nɔ́ dó sɔ́ yě su.

Nǔnywɛ́xó 31:22

É nɔ́ lɔn jɔhɔnmɛvɔ tlitli; é ɖó awu e è zě kanvɔ mímɛ́, kanvɔ vɔvɔ cɛ́cɛ́ dó tɔ ná lɛ́ɛ.

Nǔnywɛ́xó 31:25

Hlɔ̌nhlɔ́n kpódó susu kpó nyí acɔ́ɖónú tɔn; é flín sɔ e ja ɔ́, é nɔ́ ɖeji.

Nǔnywɛ́xó 7:10

Kpowun ɔ́, nyɔ̌nu ɔ́ jɛ́n wá kpé e. Nyɔ̌nu ɔ́ sɔ́ nǔ agalɛtɔ́ ɖɔhun; é nyí mɛɖé bó sɛ́.

Ezayíi 3:16

Mawu Mavɔmavɔ ɖɔ: “Nyɔ̌nu Jeluzalɛ́mu tɔn lɛ́ɛ nɔ mɔ yěɖée dódó; yě ɖo yiyi wɛ ɔ́, yě nɔ́ ɖo kɔ xo wɛ, bó nɔ́ ɖo nukún bló nú mɛ wɛ; bó nɔ́ ɖo afɔ kpɔ́n ɖe wɛ dɛ̌dɛ̌ dɛ̌dɛ̌, bó nɔ́ ɖo gan e yě dó afɔ lɛ́ɛ xúxú wɛ.”

Ezayíi 61:4

Dǒ e kó mu sín xóxó hwenu lɛ́ɛ ɔ́, yě ná vɔ́ mɛ. Xwé e è ko gba bɔ é ko lín lɛ́ɛ ɔ́, yě ná bló ɖó. Toxo e è ko gba bɔ yě ɖo mɔ̌ sín tɔ́gbó tɔgbo yětɔn lɛ́ɛ hwenu ɔ́, yě ná vɔ́ bló ɖó.

Jelemíi 2:32

Đyɔ̌vǐ nɔ wɔn acɔ́ɖónú tɔn lɛ́ɛ wɛ a? Nyɔ̌nu xwési nɔ́ wɔn aɖɔkɛn tɔn wɛ a? É jɔ kpɔ́n ǎ, amɔ̌ midɛɛ lɛ́ɛ e nyí togun ce ɔ́, mi wɔn mì; mi wɔn mì bɔ azǎn tɔn sɔ́ nyí xixa ǎ.”

Jelemíi 4:30

Jeluzalɛ́mu, hwi ɖíe è gba bǐ e! Nɛ̌ a ka ná wa nǔ gbɔn din? A nɔ dó awu ɖagbe ɖagbe lɛ́ɛ, a nɔ́ dó sikánú lɛ́ɛ; a nɔ tá nǔ dó nukún. A nɔ ɖo kan xo wɛ bó nɔ́ ɖo hwiɖée bló ɖó wɛ mɔ̌ có, nǔ yǎyá wa wɛ a ɖe; xɔnnɔ towe lɛ́ɛ ɖo xó towe ba wɛ ǎ, kú towe ba wɛ yě ɖe.

Matíe 11:8

Ani mi ka yi mɔ? Mɛ ɖé wɛ mi mɔ, bɔ é dó awu xɔ akwɛ́ a? Mɛ e ka nɔ dó akwɛ́nɔwu lɛ́ɛ ɔ́, axɔ́sú lɛ́ɛ sín xwé gbe wɛ yě nɔ́ nɔ.

1 Timɔtée 2:10

lo ɔ́, nǔ e yě ná nɔ dó ba acɔ́ ná ɔ́ wɛ nyí nǔ ɖagbe wiwa, lě e é jɛ xá ɖɔ nyɔ̌nu e nɔ sí Mawu lɛ́ɛ ní nɔ bló gbɔn é.