1 Timɔtée 2:8 - MAWUXÓWÉMA

⁸ Un jló ɖɔ súnnu lɛ́ɛ ɖo fí ɖěbǔ hǔn, yě ní nɔ xo ɖɛ, yě ní nɔ zé alɔ dó jǐ, bó nɔ xo ɖɛ kpódó ayi mímɛ́ kpó; yě ní ma nɔ sin xomɛ ó, yě ma ka nɔ ɖɔ jlɛ ó.

1 Timɔtée 2:8 Iomraidhean Croise

1 Axɔ́sú 3:11

bɔ é ɖɔ n'i ɖɔ: “A byɔ́ jidɔ́ ǎ, a byɔ́ dɔkun ǎ, a ka byɔ́ kɛntɔ́ towe lɛ́ɛ sín kú ǎ; a byɔ́ nǔnywɛ́ bó ná dó wa nǔ jlɔ́jlɔ́ ɖo togun ce nu.

Jɔ̌bu 16:17

Un ma ka xo dǎka mɛɖé wú vɔ́vɔ́ nɛ́! Đɛ mímɛ́ jɛ́n un ka nɔ xo tɛgbɛ nɛ́!

Ɖɛhan 134:2

Mi dlɛ́n alɔ mitɔn dó tɛn mímɛ́ ɔ́, bó kpa susu nú Mawu Mavɔmavɔ.

Ɖɛhan 141:2

Un dlɛ́n alɔ sɛ́ dó we, ɖɛ e xo wɛ un ɖe ɔ́ ní wá gɔ̌n towe zǎlínkpɔ́n sín azɔ ɖɔhun; ɖɛ ce ní wá gɔ̌n towe gbada vɔ́ ɖɔhun.

Ɖɛhan 24:4

Mɛ e ma nɔ wa nǔ nyanya ǎ, mɛ e ayixa tɔn mɛ́, mɛ e ma nɔ ɖó adingban ǎ, mɛ e ma nɔ xwlé nǔ dó blɛ́ mɛ ǎ ɔ́ wɛ.

Ɖɛhan 26:6

Mawu Mavɔmavɔ, un klɔ́ alɔ ce, dó ɖe xlɛ́ ɖɔ xomɛvɔ́nɔ wɛ un nyí; Mawu Mavɔmavɔ, un ná lɛ́ lɛ̌ dó vɔ̌sákpe towe,

Ɖɛhan 28:2

Mawu Mavɔmavɔ, nú un dlɛ́n alɔ sɛ́ dó tɛn mímɛ́ bǐ e mɛ a ɖe ɔ́ hǔn, nú un sú xó ylɔ́ we ɖɔ hwi ní wá dó alɔ mì hǔn, ɖǒtó mì.

Ɖɛhan 35:13

Nyɛ ɔ́, hwenu e kɛntɔ́ ce lɛ́ɛ ɖo azɔn jɛ wɛ ɔ́, wǔ kú mì bɔ un sɔ́ caki dó, bó ɖe xlɛ́, un blá nu dó sɔ́ nyɛɖée hwe. Un xo ɖɛ ɔ́, un nɔ lɛ́ xo.

Ɖɛhan 63:4

ɖó xomɛnyínyɔ́ towe nyɔ́ hú gbɛ. Un ná nɔ́ ɖo mlǎmlá we wɛ.

Ɖɛhan 66:18

Ényí ayixa nyanya ɖé kó ɖo xo ce mɛ wɛ ɔ́, Aklúnɔ ná yí ɖɛ ce ǎ.

Nǔnywɛ́xó 15:8

Mawu Mavɔmavɔ nɔ gbɛ́ wǎn nú vɔ̌sísá mɛdídá tɔn; lo ɔ́, é nɔ́ se hwɛjijɔnɔ sín ɖɛ kpó xomɛ ɖagbe kpó.

Nǔnywɛ́xó 21:27

Vɔ̌sísá mɛdídá lɛ́ɛ tɔn ɔ́, nǔ baɖabaɖa wɛ; ée lɛ́ nylá bǐ é nɛ́ nyí yě lɛ́ sá vɔ̌ ɔ́ kpó linlin nyanya kpó nɛ́.

Ezayíi 1:15

Mi sɔ́ alɔ dó jǐ bó ɖo ɖɛ na xó wɛ ɔ́, un nɔ ɖó kɔ mi wú ǎ, mi ɖo ɖɛ ɖě ɖo ɖě jǐ lɛ́ɛ xo wɛ ɔ́, un nɔ ɖótó mi ǎ, ɖó gbɛtɔ́ kanjɔ ɖo alɔ nú mi.

Matíe 21:21

Jezu ka yí gbe nú yě ɖɔ: “Má ɖɔ nǔgbó nú mi: ényí mi ɖó nǔɖiɖi, bó má nɔ́ xo nǔ kpɔ́n ǎ ɔ́, nǔ e un jlɛ́ dó atín énɛ́ wú din, bɔ mi mɔ ɔ́ kɛ́ɖɛ́ wɛ mi ná jlɛ́ ǎ; lo ɔ́, nú mi na bo ɖɔ nú só élɔ́ ɖɔ: ‘Hɔn hwiɖée sín fí, bó yi jɛ xu mɛ’ ɔ́, nǔ ná nyí mɔ̌.

Matíe 5:44

Lo ɔ́, nyɛ ɖo ɖiɖɔ nú mi wɛ ɖɔ: mi yí wǎn nú kɛntɔ́ mitɔn lɛ́ɛ. Mi xo ɖɛ dó mɛ e nɔ dó nu mi lɛ́ɛ jí. Mi wa ɖagbe nú mɛ e nɔ gbɛ́ wǎn nú mi lɛ́ɛ, bó xo ɖɛ ɖagbe nú mɛ e nɔ ɖe dó mi bó nɔ́ dó ya nú mi lɛ́ɛ.

Matíe 6:12

Sɔ́ hwɛ mǐtɔn lɛ́ɛ kɛ mǐ, lě e mǐ nɔ sɔ́ kɛ mɛ e nɔ wa nǔ nyi do nú mǐ lɛ́ɛ gbɔn é.

Luki 23:34

Jezu ka sa vo nú Mawu, bó ɖɔ: “Daá, yě tunwun nǔ e wa wɛ yě ɖe é ǎ; sɔ́ kɛ yě.” Yě ká nyi akɔ dó avɔ tɔn lɛ́ɛ, bó sɔ́ yětɔn yětɔn.

Luki 24:50

Jezu wá kplá yě yi káká Betaníi, bó sɔ́ alɔ tɔn lɛ́ɛ yi jǐ, bó xo ɖɛ dó yě jí.

Jǎan 4:21

Jezu ka ɖɔ n'i ɖɔ: “Nyɔ̌nu; ɖi nǔ nú mì; hwenu ɖo nǎ su wɛ, bɔ é sɔ́ ná nyí só élɔ́ jí wɛ mi ná nɔ sɛn Mawu Tɔ́ ɔ́ ɖe ǎ, é ka sɔ́ ná lɛ́ nyí Jeluzalɛ́mu wɛ mi ná nɔ sɛn ɛ ɖe ǎ.

Mɛsɛ́dó 10:2

Nya énɛ́ ɔ́ nɔ́ xwedó Mawusɛ́n, bɔ é kpódó mɛ e ɖo hɛ̌n tɔn nu lɛ́ɛ bǐ kpán nɔ́ ɖó sísí nú Mawu. É nɔ́ ná nǔ gěgé Jwifu wamamɔnɔ lɛ́ɛ, bó nɔ́ xo ɖɛ hwebǐnu.

Mɛsɛ́dó 10:31

Nya ɔ́ ɖɔ nú mì ɖɔ: ‘Kɔnɛ́yi, Mawu yí ɖɛ towe, bó flín nǔ e a nɔ ná wamamɔnɔ lɛ́ɛ é.

Mɛsɛ́dó 10:4

Ée Kɔnɛ́yi mɔ wɛnsagun ɔ́, xɛsi jɛ jǐ tɔn; é ká kpɔ́n ɛ tlítlí, bó kanbyɔ́ ɛ ɖɔ: “Nɛ̌ ká gbɔn Aklúnɔ?” Bɔ wɛnsagun ɔ́ yí gbe n'i ɖɔ: “Đɛ e a nɔ xo lɛ́ɛ, kpódó nǔ e a nɔ ná wamamɔnɔ lɛ́ɛ kpán ɔ́, bǐ wɛ Mawu yí, bó flín we.

Mɛsɛ́dó 21:5

Lo ɔ́, ée mǐ nɔ fínɛ́ xɔ azǎn tɛ́nwe ɔ́, mǐ lɛ́ wlí ali ɖidó; yě kpódó asi yětɔn lɛ́ɛ kpó, kpódó vǐ yětɔn lɛ́ɛ kpó bǐ wá nyi mǐ káká jɛ toxo ɔ́ gúdo. Ée mǐ jɛ xutó ɔ́, mǐ jɛ kpo bó xo ɖɛ.

Mɛsɛ́dó 7:60

Énɛ́ ɔ́ gúdo ɔ́, é húzú jɛ kpo, bó sú xó tlílí ɖɔ: “Aklúnɔ, ma lɛ́n hwɛ élɔ́ dó kɔ nú yě ó.” Ée é ɖɔ mɔ̌ ɔ́, é bɔnu.

1 Kɔlɛ́ntinu 1:2

wɛ ɖo wěma élɔ́ wlán sɛ́ dó agun Mawu tɔn e ɖo Kɔlɛ́nti é wɛ, bó ɖo wlǎnwlán sɛ́ dó yě mɛ e Mawu ylɔ́, bɔ yě ná nɔ gbɛ n'i, ɖo bǔ e yě ɖe xá Klísu Jezu ɔ́ mɛ lɛ́ɛ wɛ, bó ɖo wlǎnwlán sɛ́ dó mɛ e nyí étɔn lɛ́ɛ kpó mɛ e nɔ ɖo Aklúnɔ mǐtɔn Jezu Klísu sín nyǐkɔ ylɔ́ wɛ ɖo fí ɖěbǔ e yě ɖe lɛ́ɛ é bǐ kpó wɛ. Aklúnɔ Jezu Klísu ɔ́ wɛ nyí Aklúnɔ yětɔn, bó nyí mǐ lɔmɔ̌ tɔn.

1 Kɔlɛ́ntinu 7:7

Nǔgbó ɔ́, un jló ɖɔ mɛ bǐ ní nɔ nyɛ ɖɔhun; lo ɔ́, nǔníná mɛtɔn mɛtɔn wɛ Mawu ka ná mɛ; é ná ɖě mɛ ɖě, bó ná ɖěvo mɛ ɖě ɔ́.

2 Kɔlɛ́ntinu 2:14

Lo ɔ́, susu nú Mawu, ɖó é nɔ dɔn mǐ hwebǐnu, bɔ mǐ ɖo gúdo tɔn ɖo ɖuɖéjíhwan e mɛ mǐ ɖo bǔ xá Klísu ɖe ɔ́ mɛ. É nɔ sɔ́ mǐ dó wa azɔ̌ ná, bónú mɛ lɛ́ɛ ná tunwun Klísu gbɔn fí bǐ, célu e wǎn tɔn nɔ gba kpé fí bǐ é ɖɔhun.

Filípunu 1:12

Nɔví ce lɛ́ɛ mi, un jló nú mi ní tunwun ɖɔ nǔ e jɛ dó jǐ ce ɔ́ lɛ́ zɔ́n bɔ Wɛn Ɖagbe ɔ́ yi nukɔn.

1 Tɛsalonikinu 1:8

Đó Aklúnɔxó ɔ́, mi gɔ́n wɛ é gosín, bɔ mɛ gěgé se; é nyí Masedwani kpó Akáyi kpó kɛ́ɖɛ́ wɛ è se xó énɛ́ ɖe ǎ; lo ɔ́, fí bǐ wɛ nǔɖiɖi e mi ɖó nú Mawu ɔ́ sín xó gba kpé; mǐ sɔ́ ná xaji ɖɔ énɛ́ ɔ́ ǎ.

1 Timɔtée 5:14

Énɛ́ ɔ́ wú wɛ un jló ɖɔ asúkúsi e ma ko nyí mɛxó ǎ lɛ́ɛ ní lɛ́ vɔ́ asú da, bó ji vǐ; yě ní kpé nukún dó xwé yětɔn wú, bó ma ná ali ɖěbǔ kɛntɔ́ mǐtɔn lɛ́ɛ, bónú yě mɔ nǔ nyanya ɖé ɖɔ dó mǐ wú ó.

Titu 3:8

Xó nǔgbó ɖokpó nɛ́. Un jló ɖɔ a nǐ tɛ ɖɛ̌ nǔ énɛ́ lɛ́ɛ jí ganjí, bónú mɛ e ɖi nǔ nú Mawu lɛ́ɛ ná tɛ́ dó ɖagbewiwa wú. Nǔ e nyí nǔ ɖagbe bó nyɔ́ nú gbɛtɔ́ lɛ́ɛ é nɛ́.

Eblée 10:22

Hǔn, mi nú mǐ ná sɛkpɔ́ Mawu kpódó ayijlɔ́jlɔ́ kpó, kpódó gǎnjɛwú kpíkpé e nǔɖiɖi nɔ ná mɛ ɔ́ kpó, kpódó ayi e è slá wǔ ná bɔ nǔ nyanya ɖěbǔ ma ɖ'é mɛ ǎ é kpó, kpódó agbaza e è zě sin mímɛ́ dó lɛ ná é kpó.

Jaki 4:8

Mi sɛkpɔ́ Mawu; énɛ́ ɔ́ é ná sɛkpɔ́ mi. Mi hwɛhutɔ́ lɛ́ɛ, mi klɔ́ alɔ mitɔn lɛ́ɛ; mi yɛmɛnúwatɔ́ lɛ́ɛ, mi slá wǔ nú ayixa mitɔn lɛ́ɛ!

1 Piyɛ́ɛ 3:7

Asisúnɔ lɛ́ɛ mi, mɔ̌ ɖokpó ɔ́, mi tunwun ɖɔ asi mitɔn lɛ́ɛ kún ɖó gǎn ɖé sɔ mi ó, bónú mi ná nɔ kpɔ́n dó énɛ́ ɔ́ wú, bó ná nɔ zán gbɛ ɖagbe xá yě; mi nɔ wlí yɛ̌yi nú yě, ɖó yě kpó mi kpó wɛ Mawu ná ná gbɛ jɔ gbɛ. Mi nɔ wa nǔ gbɔn mɔ̌, bónú nǔ ɖěbǔ ma ɖó ɖɛ e mi nɔ xo lɛ́ɛ te ó.