1 Timɔtée 2:7 - MAWUXÓWÉMA

⁷ Un ɖo adingban ɖó wɛ ǎ; nǔgbó ɖɔ wɛ un ɖe bó ɖɔ énɛ́ ɔ́ wútu wɛ Mawu sɔ́ mì wɛnsagun, bó sɔ́ mì mɛsɛ́dó, bó zɔ́n mì ɖɔ ma kplɔ́n nǔ e kan nǔɖiɖi kpódó nǔgbó kpó ɔ́ mɛ e ma nyí Jwifu ǎ lɛ́ɛ.

1 Timɔtée 2:7 Iomraidhean Croise

Ɖɛhan 111:7

Nǔ e é sɔ́ alɔ tɔn dó bló lɛ́ɛ nɔ́ ɖe xlɛ́ ɖɔ é nyí gbejínɔtɔ́, é nyí hwɛjijɔnɔ. Nǔ e é zɔ́n ɖɔ è wa lɛ́ɛ bǐ wɛ nyí nǔ ɖeji d'é wú,

Nǔnywɛ́tɔ́xó 1:12

Nyɛ nǔnywɛ́tɔ́ ɔ́, un ko nyí Izlayɛ́li xɔ́sú bó nɔ Jeluzalɛ́mu kpɔ́n.

Nǔnywɛ́tɔ́xó 7:27

Nyɛ nǔnywɛ́tɔ́ ɔ́, un ba do nú nǔ lɛ́ɛ ɖokpó ɖokpó, bó ná mɔ do nú nǔ e wú nǔ lɛ́ɛ nɔ́ jɛ gbɔn mɔ̌ é.

Jǎan 7:35

Bɔ vɔ̌sánú-xwlémawutɔ́gán lɛ́ɛ jɛ ɖiɖɔ jí ɖo yěɖée tɛ́ntin ɖɔ: “Fítɛ́ nya élɔ́ ka jló ná yi, bɔ mǐ ma sɔ́ ná mɔ ɛ ǎ? É jló ná yi gɔ́ nú Jwifu e gba kpé Glɛ̌sinu lɛ́ɛ mɛ lɛ́ɛ, bó ná kplɔ́n nǔ Glɛ̌sinu lɛ́ɛ wɛ a?

Mɛsɛ́dó 14:27

Ée yě wá Antyɔ́ci ɔ́, yě kplé agun Klísu tɔn e ɖo fínɛ́ lɛ́ɛ, bó ɖɔ nǔ e Mawu wa gbɔn yě jí ɔ́ bǐ nú yě, bó ka lɛ́ ɖɔ lě e Mawu hun ali nú mɛ e ma nyí Jwifu ǎ lɛ́ɛ gbɔn, bónú yě lɔ na sixú ɖi nǔ nú Jezu é nú yě.

Mɛsɛ́dó 22:21

Aklúnɔ ka ɖɔ nú mì ɖɔ: ‘Yi, ɖó fí línlín ná sɛ́ we dó wɛ un ɖe, ɖo mɛ e ma nyí Jwifu ǎ lɛ́ɛ gɔ́n.’ ”

Mɛsɛ́dó 26:20

Lo ɔ́, un to yi ɖɔ Mawuxó ɔ́ nú Damásinu lɛ́ɛ kpódó Jeluzalɛ́munu lɛ́ɛ kpó hwɛ̌, bó lɛ́ wá yi ɖɔ nú mɛ e ɖo Judée gbé jí lɛ́ɛ bǐ, kpódó mɛ e ma nyí Jwifu ǎ lɛ́ɛ kpán, bó ɖɔ nú yě ɖɔ yě ní lɛ́ kɔ sín hwɛ yětɔn lɛ́ɛ gúdo; yě ní wá Mawu gɔ́n; yě ní nɔ wa nǔ e ná ɖe xlɛ́ ɖɔ yě lɛ́ kɔ sín hwɛ yětɔn lɛ́ɛ gúdo nǔgbó é.

Mɛsɛ́dó 9:15

Aklúnɔ ka ɖɔ n'i ɖɔ: “Vɛ̌ yi, ɖó nya énɛ́ ɔ́, alǐnnyánú ɖé wɛ é nyí, bɔ un sɔ́, bó ná dó wa azɔ̌ ná, nú é ná jlá nyǐkɔ ce mɛ e ma nyí Jwifu ǎ lɛ́ɛ, bó ná jlá axɔ́sú yětɔn lɛ́ɛ, kpódó Izlayɛ́li togun ɔ́ kpó.

Hlɔ̌manu 1:9

Mawu e sɛn wɛ un ɖe kpódó ayixa ce bǐ kpó, gbɔn Wɛn Ɖagbe e ɖɔ xó dó Vǐ tɔn wú ɔ́ jlájlá gbla mɛ ɔ́, tunwun ɖɔ nǔgbó ɖɔ wɛ un ɖe; é tunwun ɖɔ un ɖo ɖɛ xo wɛ hweɖěbǔnu ɔ́, nǔ mitɔn nɔ ɖo ayi mɛ nú mì.

Hlɔ̌manu 10:14

Lo ɔ́, ényí mɛ lɛ́ɛ ma ɖi nǔ n'i ǎ ɔ́, nɛ̌ yě ka ná xomlá ɛ gbɔn? Ényí è ma ɖɔ xó tɔn bɔ yě se ǎ ɔ́, nɛ̌ yě ka ná ɖi nǔ n'i gbɔn? Ényí mɛɖé ma jlá xó tɔn ǎ ɔ́, nɛ̌ yě ka ná se xó tɔn gbɔn?

Hlɔ̌manu 11:13

Din ɔ́, mi mɛ e ma nyí Jwifu ǎ lɛ́ɛ ɖɔ xó ná wɛ un ɖe: un nyí mɛsɛ́dó nú mɛ e ma nyí Jwifu ǎ lɛ́ɛ; ée nǔ ka nyí mɔ̌ ɔ́, un nɔ gó ɖó azɔ̌ e nyí ce ɔ́ wú.

Hlɔ̌manu 15:16

bɔ un nyí mɛsɛntɔ́ Klísu Jezu tɔn ɖo togun e ma nyí Jwifu ǎ lɛ́ɛ tɛ́ntin ɔ́ wútu. Wɛn Ɖagbe Mawu tɔn e jlá wɛ un ɖe ɔ́, vɔ̌sánú-xwlémawutɔ́zɔ́ dó wa ná wɛ un ɖe, bó ɖo wiwa wɛ, bónú togun e ma nyí Jwifu ǎ lɛ́ɛ ná húzú vɔ̌sánú e nɔ́ nyɔ́ Mawu nukún mɛ, bɔ Yɛsinsɛn sɔ́ ɖó vo nú Mawu é.

Hlɔ̌manu 9:1

Nǔgbó ɖɔ wɛ un ɖe, ɖo bǔ e un ɖe xá Klísu ɔ́ mɛ; un nɔ ɖó adingban ǎ. Ayixa ce ɖe kúnnu nú mì gbɔn Yɛsinsɛn jí ɖɔ nǔgbó ɖɔ wɛ un ɖe.

1 Kɔlɛ́ntinu 9:1

Nyɛ ɖésúnɔ sí wɛ un ɖe ǎ cé? Mɛsɛ́dó wɛ un nyí ǎ cé? Un mɔ Aklúnɔ mǐtɔn Jezu ǎ cé? Azɔ̌ e un wa ɖo bǔ e un ɖe xá Aklúnɔ mɛ ɔ́ sín xlɛ́ wɛ mi nyí ǎ cé?

2 Kɔlɛ́ntinu 11:31

Mawu Aklúnɔ Jezu sín Tɔ́ tunwun ɖɔ un kún nɔ ɖó adingban ó. Susu nú nyǐkɔ tɔn hwe lɛ́ɛ bǐ nu!

Galatinu 1:16

Hwenu e é ka jló Mawu bɔ é ɖe vǐ tɔn xlɛ́ mì, bónú má jlá Wɛn Ɖagbe e ɖɔ xó dó vǐ ɔ́ wú ɔ́ mɛ e ma nyí Jwifu ǎ lɛ́ɛ ɔ́, un kan nǔɖé byɔ́ mɛɖé ǎ;

Galatinu 1:20

Nǔ e wlán sɛ́ dó mi wɛ un ɖe ɔ́ nǔgbó wɛ. Mawu nukɔn ɖíe un ɖe e; un ɖo adingban ɖó wɛ ǎ.

Galatinu 2:16

có mǐ ka tunwun ɖɔ é kún nyí Mɔyízisɛ́n lɛ́ɛ nyinyi wɛ nɔ zɔ́n, bɔ Mawu nɔ mɔ mɛ dó mɔ hwɛjijɔnɔ ná ó. Lo ɔ́, nǔ ɖi nú Klísu Jezu wɛ nɔ zɔ́n bɔ Mawu nɔ mɔ mɛ dó mɔ hwɛjijɔnɔ ná. Énɛ́ ɔ́ wú wɛ mǐ lɔmɔ̌ ɖi nǔ nú Klísu Jezu, bó ná sixú húzú hwɛjijɔnɔ ɖó nǔɖiɖi e mǐ ɖó nú Klísu ɔ́ wútu. É nyí ɖɔ mǐ nyi sɛ́n lɛ́ɛ wútu wɛ mǐ húzú hwɛjijɔnɔ ǎ; ɖó Mawu ná mɔ mɛ ɖěbǔ dó mɔ hwɛjijɔnɔ ɖó é nɔ nyi sɛ́n lɛ́ɛ wú ǎ.

Galatinu 2:9

Jaki kpódó Sefási kpó, kpódó Jǎan kpán wɛ è nɔ mɔ ɖɔ yě nyí sósyɛ́n nú agun lɛ́ɛ; ée yě mɔ ɖɔ Mawu sɔ́ azɔ̌ énɛ́ dó así nú mì ɔ́, yě ná alɔ nyɛ kpódó Baanabási kpó, bó dó ɖe xlɛ́ ɖɔ azɔ̌ ɖokpó ɔ́ wa wɛ mǐ ɖe. Énɛ́ ɔ́, mǐ bǐ ɖó gbe kpɔ́, bɔ nyɛ kpódó Baanabási kpó ná yi mɛ e ma nyí Jwifu ǎ lɛ́ɛ gɔ́n, bɔ yědɛɛ lɛ́ɛ ná yi mɛ e nyí Jwifu lɛ́ɛ gɔ́n.

Galatinu 3:9

Ablaxámu ɖi nǔ nú Mawu, bɔ Mawu xo ɖɛ dó jǐ tɔn; mɔ̌ ɖokpó ɔ́, é ná xo ɖɛ dó mɛ e ɖi nǔ n'i lɛ́ɛ bǐ jǐ, Ablaxámu ɖɔhun.

2 Timɔtée 1:11

Wɛn Ɖagbe énɛ́ ɔ́ wútu wɛ Mawu sɔ́ mì mawuxóɖɔtɔ́, bó sɔ́ mì mɛsɛ́dó, bó zɔ́n mì ɖɔ ma kplɔ́n nǔ mɛ.

2 Piyɛ́ɛ 2:5

Mawu gɔn hwɛ ɖó nú gbɛ xóxó ɔ́ ǎ; lo ɔ́, é bló bɔ tɔ ɖi sin kpé fí bǐ, bɔ gbɛtɔ́ dídá e ɖo gbɛ énɛ́ ɔ́ mɛ lɛ́ɛ kú tɔ. Nɔwée e ɖo lě e Mawu ba ɖɔ yě ní zán gbɛ gbɔn ɔ́ sín xó ɖɔ nú yě wɛ ɔ́ kɛ́ɖɛ́ wɛ é hwlɛ́n gán kpó mɛ tɛ́nwe ɖěvo kpó.