1 Timɔtée 2:6 - MAWUXÓWÉMA

⁶ Klísu Jezu énɛ́ ɔ́ wɛ sɔ́ éɖée jó, bó dó xɔ gbɛ nú mɛ bǐ. Ée hwenu e Mawu ɖó ɔ́ wá su ɔ́, lě e é ɖe xlɛ́ ɖɔ Mawu jló ɖɔ gbɛtɔ́ lɛ́ɛ bǐ ní mɔ hwlɛngán gbɔn é nɛ́.

1 Timɔtée 2:6 Iomraidhean Croise

Jɔ̌bu 33:24

Wɛnsagun ɔ́ ná kú nǔbláwǔ n'i, bó ná ɖɔ nú Mawu ɖɔ: “Hwlɛ̌n ɛ; é ní má yi yɔdo mɛ ó. Un ko mɔ nǔ e un ná dó xɔ gbɛ n'i é.”

Ezayíi 53:6

Mǐ bǐ wɛ ɖo flúflú wɛ lɛ̌ngbɔ́ e bú é ɖɔhun, mɛ ɖokpó ɖokpó mlɛ́ ali e jló e é, Mawu Mavɔmavɔ ka ɖíɖá ɛ hwɛgban mǐ bǐ tɔn.

Kɛ́nsísɔ́ 7:15

nyibúsú wínnyáwínnyá ɖokpó, agbo ɖokpó, lɛ̌ngbɔ́ví e ɖó xwe ɖokpó ɔ́ ɖokpó. È nǎ bɛ̌ kanlin énɛ́ lɛ́ɛ dó sá vɔ̌ e è nɔ dó zo ɔ́ ná.

Matíe 20:28

Mɔ̌ wɛ ɖe gbɔn nú nyɛ Gbɛtɔ́ví ɔ́; è nǎ sɛn mì wú wɛ un wá ǎ; lo ɔ́, mɛ sɛn gbé wɛ un tɔ́n bó wá, bó ná sɔ́ gbɛ ce jó dó xɔ gbɛ nú mɛ gěgé.”

Maki 1:15

bó nɔ́ ɖɔ: “Hwe ɔ́ nu ɖíe su e. Axɔ́súɖuɖu Mawu tɔn kó sɛ yá. Mi lɛ́ kɔ sín hwɛ mitɔn lɛ́ɛ gúdo, bó ɖi nǔ nú Wɛn Ɖagbe Mawu tɔn.”

Maki 10:45

Đó nyɛ Gbɛtɔ́ví ɔ́, è nǎ sɛn mì wú wɛ un wá ǎ; lo ɔ́, mɛ sɛn gbé wɛ un tɔ́n bó wá, bó ná sɔ́ gbɛ ce jó dó xɔ gbɛ nú mɛ gěgé.”

Jǎan 6:51

Nyɛ wɛ nyí nǔɖuɖu gbɛɖe e jɛ te sín jǐxwé é. Mɛ e ná ɖu ɖo nǔɖuɖu élɔ́ mɛ ɔ́ ná nɔ gbɛ káká sɔ́yi. Nǔɖuɖu e un ka ná ná mi ɔ́, agbaza ce e un ná sɔ́ jó dó gbɛtɔ́ lɛ́ɛ tamɛ ɔ́ wɛ.”

Hlɔ̌manu 16:26

Amɔ̌, din ɔ́, wěma e gbeyíɖɔ Mawu tɔn lɛ́ɛ wlán lɛ́ɛ ɖe nǔbúdo énɛ́ nyi wěxo. Đi lě e Mawu Mavɔmavɔ ɔ́ ná gbe tɔn gbɔn ɔ́, è ɖe nǔbúdo énɛ́ ɔ́ xlɛ́ akɔta lɛ́ɛ bǐ, bónú yě ná ɖi nǔ, bó ná se tónú.

Hlɔ̌manu 5:6

Đó hwenu e mǐ ma kó ɖó gǎn ɖé ǎ ɔ́, Klísu kú dó mǐ mɛ e ma nɔ sí Mawu ǎ lɛ́ɛ tamɛ, ɖo hwenu e Mawu ɖó dó é.

1 Kɔlɛ́ntinu 1:6

Kúnnu e è ɖe nú Klísu ɔ́ lí dǒ ɖo tɛ́ntin mitɔn titewungbe,

2 Kɔlɛ́ntinu 5:21

Klísu hu hwɛ ɖě kpɔ́n gbeɖé ǎ; amɔ̌ Mawu ɖíɖá ɛ hwɛ mǐtɔn lɛ́ɛ, bónú ɖo bǔ e mǐ ɖe xá Klísu ɔ́ mɛ ɔ́, mǐ ná sixú ɖu azɔ̌ e gbla mɛ Mawu sɔ́ mǐ dó húzú hwɛjijɔnɔ ná ɖo nukɔn tɔn ɔ́ sín le.

Galatinu 1:4

JezuKlísu énɛ́ wɛ sɔ́ gbɛ tɔn jó, dó hwɛ mǐtɔn lɛ́ɛ tamɛ, bó ná dó hwlɛ́n mǐ gán sín gbɛ nyanya e mɛ mǐ ɖe din é mɛ. Lě e Mawu mǐtɔn, Tɔ́ mǐtɔn ɔ́ jló gbɔn é nɛ́.

Galatinu 4:4

Lo ɔ́, ée hwe tɔn nu wá su ɔ́, é sɛ́ vǐ tɔn dó gbɔn nyɔ̌nu ɖé jí, bɔ vǐ énɛ́ lɔ nɔ sɛ́n ɔ́ glɔ́,

Efɛ́zinu 1:17

Un nɔ byɔ́ Mawu Aklúnɔ mǐtɔn Jezu Klísu tɔn e nyí Tɔ́ susunɔ ɔ́ ɖɔ ní ná Yɛ tɔn mi, bónú Yɛ ɔ́ ná ná nǔnywɛ́ mi, bó ná ɖe mɛ e Mawu nyí ɔ́ xlɛ́ mi, bónú mi ná tunwun i.

Efɛ́zinu 1:7

Đó Mawu ɖe mǐ sín nǔ nyanya mɛ, bó sɔ́ hwɛ mǐtɔn lɛ́ɛ kɛ mǐ gbɔn Jezu Klísu sín hun gbla mɛ . Lě e é ɖe xomɛnyínyɔ́ tɔn maɖójlɛ̌ ɔ́ xlɛ́ mǐ gbɔn é nɛ́.

Efɛ́zinu 3:5

Đ'ayǐ xóxó ɔ́, Mawu ɖe nǔbúdo énɛ́ ɔ́ xlɛ́ gbɛtɔ́ lɛ́ɛ ǎ; amɔ̌ din ɔ́, é ɖe xlɛ́ mɛsɛ́dó mímɛ́ lɛ́ɛ kpódó gbeyíɖɔ lɛ́ɛ kpán gbɔn Yɛsinsɛn jí.

Efɛ́zinu 5:2

Mi wa azɔ̌ kpódó wǎn yíyí kpó Klísu ɖɔhun. Klísu e yí wǎn nú mǐ bó sɔ́ éɖée jó dó ta mitɔn mɛ vɔ̌sánú ɖɔhun, vɔ̌sísá wǎn ɖagbenɔ e nɔ nyɔ́ Mawu nukún mɛ é ɖɔhun.

2 Tɛsalonikinu 1:10

É ná wá gbe énɛ́ gbe, bónú mɛ e nyí étɔn lɛ́ɛ ná kpa susu n'i, bɔ nǔ tɔn ná nyɔ́ mɛ e ɖi nǔ n'i lɛ́ɛ bǐ sín nukún mɛ; mi lɔmɔ̌ mi ná nɔ mɛ énɛ́ lɛ́ɛ mɛ, ɖó mi ɖi nǔ nú xó tɔn e mǐ wá ɖɔ nú mi é.

1 Timɔtée 6:15

Nú hwe ɔ́ nu wá su ɔ́, Mawu nyɔ̌nábǐnɔ ɔ́, Mawu ɖokpó géé e hú gǎn nǔ bǐ é, ée nyí Axɔ́sú axɔ́sú lɛ́ɛ tɔn, bó nyí Aklúnɔ aklúnɔ lɛ́ɛ tɔn ɔ́, ná ɖe hwenu e Jezu Klísu na lɛ́ kɔ wá ɔ́ xlɛ́.

2 Timɔtée 1:8

Hǔn kúnnu ɖe nú Aklúnɔ mǐtɔn ní má nɔ́ hu winnyá nú we ó. Winnyá ní ma ka lɛ́ hu we dó nyɛ mɛ e nyí gantɔ́ ɖó Klísu tamɛ é wú ó; é nyɔ́ wa ɔ́, ji ya e nyí towe ɔ́ dó Wɛn Ɖagbe ɔ́ tamɛ lě e Mawu ná hlɔ̌nhlɔ́n tɔn we gbɔn é.

Titu 1:3

Ée hwe ɔ́ nu wá su ɔ́, é ɖe gbɛ mavɔ mavɔ ɔ́ xlɛ́ gbɔn xó tɔn gbla mɛ, ɖo wɛn e é sɔ́ dó así nú mì, bɔ un ɖo jlǎjlá wɛ, lě e Mawu Mɛhwlɛ́ngántɔ́ mǐtɔn ɔ́ zɔ́n gbɔn é mɛ.

Titu 2:14

É sɔ́ éɖée jó dó ta mǐtɔn mɛ, bó ná xɔ mǐ ɖo nǔ nyanya bǐ mɛ, bó ná sɔ́ mǐ dó bló togun mímɛ́ e nyí é ɖokpónɔ géé tɔn ɔ́ ná, bɔ mǐ ná nɔ́ ɖó kan dó nǔ ɖagbe wiwa wú.

Eblée 9:12

Azɔn ɖokpó géé jɛ́n Klísu byɔ́ Tɛn mímɛ́ bǐ ɔ́ mɛ bɔ xó fó; é ka nyí gbǎgbá sín hun kpó nyibúví sín hun kpó wɛ é hɛn byɔ́ mɛ ǎ; é ɖésúnɔ sín hun wɛ é hɛn bó dó mɔ hwlɛngán mavɔ mavɔ yí nú mǐ.

1 Piyɛ́ɛ 2:24

É bɛ́ hwɛ mǐtɔn lɛ́ɛ dó éɖée jí ɖo aklúzu jí, bónú mi ma sɔ́ hu hwɛ ó, bónú mi ná zán gbɛ jlɔ́jlɔ́. Akpado tɔn lɛ́ɛ wɛ zɔ́n bɔ è gbɔ azɔn nú mi.

1 Piyɛ́ɛ 3:18

Nǔgbó ɔ́, Klísu ɔ́ ɖésú kú; é kú azɔn ɖokpó géé bɔ xó fó dó hwɛ e gbɛtɔ́ lɛ́ɛ hu lɛ́ɛ tamɛ; éyɛ́ mɛ e nɔ wa nǔ jlɔ́jlɔ́ ɔ́ kú dó mɛ e ma nɔ wa nǔ jlɔ́jlɔ́ ǎ lɛ́ɛ tamɛ, bó ná dó kplá mi wá Mawu gɔ̌n; ɖo agbaza sín alixo ɔ́, è hu i; lo ɔ́, ɖo Yɛ ɔ́ sín alixo ɔ́, è fɔ́n ɛ wá gbɛ.

1 Jǎan 4:10

Wǎn yíyí énɛ́ ɔ́, nǔ e ɖ'é mɛ é ɖíe: ényí mǐdɛɛ lɛ́ɛ wɛ yí wǎn nú Mawu jɛ nukɔn ǎ; éyɛ́ wɛ yí wǎn nú mǐ jɛ nukɔn, bó sɛ́ vǐ tɔn dó, bɔ é sɔ́ éɖée dó sá vɔ̌, bónú Mawu ná sɔ́ hwɛ mǐtɔn lɛ́ɛ kɛ mǐ.

Nǔɖexlɛ́mɛ 5:9

Yě ɖo han yɔ̌yɔ́ ɖé ji wɛ ɖɔ: “A nyǐ mɛ e jɛ xá bó ná yí wěma ɔ́, bó gba wuntun lɛ́ɛ é; ɖó è hu we, bɔ gbɔn hun towe gbla mɛ ɔ́, a xɔ gbɛ nú gbɛtɔ́ lɛ́ɛ nú Mawu, ɖo gbe lɛ́ɛ bǐ mɛ, ɖo togun lɛ́ɛ bǐ mɛ, ɖo to lɛ́ɛ bǐ mɛ.