1 Timɔtée 2:5 - MAWUXÓWÉMA

⁵ Đó Mawu ɖokpó géé wɛ tíin; ɖɛ̌mɛnu ɖokpó géé wɛ tíin ɖo Mawu kpódó gbɛtɔ́ lɛ́ɛ kpán tɛ́ntin. Đɛ̌mɛnu ɔ́ wɛ nyí Klísu Jezu e nyí gbɛtɔ́ é.

1 Timɔtée 2:5 Iomraidhean Croise

Jɔ̌bu 9:33

Hwɛgbotɔ́ ɖé ɖo tɛ́ntin mǐtɔn, bó ná gbo hwɛ nú mǐ ǎ.

Ezayíi 44:6

Mawu Mavɔmavɔ, Izlayɛ́li xɔ́sú ɔ́, Mɛhwlɛ́ngántɔ́ Izlayɛ́li tɔn ɔ́, Mawu Mavɔmavɔ Nǔbǐwúkpétɔ́ ɔ́, xó e é ɖɔ ɔ́ ɖíe: “Nyi wɛ nyí bǐbɛ́mɛ, bó lɛ́ nyí vivɔnu nǔ bǐ tɔn. Nyɛ mɛvo ɔ́, Mawu ɖě sɔ́ tíin ǎ.

Matíe 1:1

Wěma e ɖɔ xó dó Jezu Klísu, Davídi ví, Ablaxámu ví ɔ́ sín tɔ́gbó tɔgbo lɛ́ɛ wú ɔ́ ɖíe:

Matíe 1:23

“É ɖíe, nyɔ̌nu ɖo alɔjí ná mɔ xo, bó ná ji vǐ súnnu ɖokpó, bɔ è nǎ sun nyǐ i ɖɔ Emanuwɛ́li.” (Nyǐkɔ énɛ́ ɔ́ sín tínmɛ wɛ nyí: “Mawu ɖo kpɔ́ xá mǐ.”)

Luki 14:22

Ée mɛsɛntɔ́ ɔ́ yi bó wá ɔ́, é wá ɖɔ n'i ɖɔ: ‘Gǎn ce, nǔ e a zɔ̌n ɔ́, è ko bló, có tɛn lɛ́ kpo.’

Jǎan 1:14

Xó ɔ́ húzú gbɛtɔ́, bó wá nɔ mǐ mɛ; é ɖe fɛ́nú kpódó nǔgbó kpó xlɛ́ mǐ, bɔ mǐ mɔ susu tɔn, susu e Tɔ́ nɔ ná Vǐɖokpónɔ tɔn é.

Jǎan 17:3

Gbɛ mavɔ mavɔ ɔ́ wɛ nyí ɖɔ yě ní tunwun we, bó tunwun ɖɔ hwi wɛ nyí Mawu nǔgbó ɖokpó e tíin é, bó lɛ́ tunwun Jezu Klísu e a sɛ́ dó gbɛ ɔ́ mɛ é.

Mɛsɛ́dó 4:12

É ɖokpónɔ géé jɛ́n sixú hwlɛ́n mɛ gán; ɖó, gbɔn gbɛ ɔ́ bǐ mɛ ɔ́, Mawu sɔ́ ná mɛ ɖěvo gbɛtɔ́ lɛ́ɛ ɖo fí ɖěbǔ, bɔ mi ná mɔ hwlɛngán gbɔn jǐ tɔn ǎ.”

Hlɔ̌manu 1:3

Wɛn Ɖagbe énɛ́ ɖɔ xó dó Vǐ tɔn Aklúnɔ mǐtɔn Jezu Klísu ɔ́ wú. Đo gbɛtɔ́ nyínyí tɔn mɛ ɔ́, Davídi kúnkan mɛ wɛ é jɔ ɖe;

Hlɔ̌manu 10:12

Đó vogbingbɔn ɖé ɖo mɛ e nyí Jwifu é kpódó mɛ e ma nyí Jwifu ǎ é kpo tɛ́ntin ǎ; yě bǐ wɛ ɖó Aklúnɔ ɖokpó ɔ́; Aklúnɔ e nɔ dó nú mɛ e nɔ xomlá ɛ lɛ́ɛ bǐ, bɔ é nɔ túnflá é.

1 Kɔlɛ́ntinu 8:4

Hǔn nǔ e kan nǔɖuɖu e è dǒ sá vɔ̌ nú vodún lɛ́ɛ ɖuɖu ɔ́, mǐ tunwun ganjí ɖɔ vodún ɖě kún ɖo gbɛ ɔ́ mɛ ó; mǐ tunwun ganjí ɖɔ Mawu ɖokpó géé wɛ tíin.

1 Kɔlɛ́ntinu 8:6

Lo ɔ́, Mawu ɖokpó géé wɛ tíin nú mǐdɛɛ lɛ́ɛ: é wɛ nyí Tɔ́ e ɖó nǔ bǐ é; é wɛ mǐ ɖo gbɛ ná; mɔ̌ ɖokpó ɔ́, Aklúnɔ ɖokpó géé wɛ tíin; é wɛ nyí Jezu Klísu e jí nǔ lɛ́ɛ bǐ tíin gbɔn é; é jí wɛ mǐ ɖo gbɛ gbɔn.

Galatinu 3:20

Đó akpá e Mawu dó ɔ́, é ɖokpónɔ wɛ é kan; é byɔ́ ɖɔ wɛnsagun Mawu tɔn ɖé, abǐ mɛɖé ní ɖe kúnnu ná ǎ.

Efɛ́zinu 4:6

Mawu ɖokpó géé wɛ ɖe, bó nyí Tɔ́ nú mɛ bǐ, bó kpa acɛ nú mɛ bǐ, bó ɖo azɔ̌ wa wɛ ɖo mɛ bǐ mɛ, bó ɖo mɛ bǐ mɛ.

Sɛ́nflínmɛ 6:4

Mɔyízi ɖɔ: “Izlayɛ́li, ɖǒtó: Mawu Mavɔmavɔ, Mawu mǐtɔn wɛ nyí Mawu ɖokpó géé e ɖe é.

1 Timɔtée 6:13

Un ɖo zinzɔn we wɛ ɖo Mawu e ná gbɛ nǔ bǐ ɔ́ nukɔn, bó ɖo zinzɔn we wɛ ɖo Klísu Jezu e ɖe kúnnu ɖagbe ɖo Pɔ́nsu Pilátu sá mɛ ɔ́ nukɔn ɖɔ

Eblée 12:24

Mi sɛkpɔ́ Jezu e nyí ɖɛ̌mɛnu nú akɔjijɛ yɔ̌yɔ́ ɔ́ é; bó sɛkpɔ́ hun tɔn e kɔn nyi ayǐ é, hun tɔn énɛ́ e ɖó acɛ hú hun Abɛ́li tɔn é.

Eblée 7:25

Énɛ́ wú wɛ é hɛn ɔ́, é ná hwlɛ́n mɛ e gbɔn jǐ tɔn bó sɛkpɔ́ Mawu lɛ́ɛ é bǐ gǎn, bɔ nǔ bǐ ná vɔ ɖ'é wú sín din káká sɔ́yi, ɖó é ɖo gbɛ tɛgbɛ, bó ná nɔ sa vo nú Mawu dó ta yětɔn mɛ.

Eblée 8:6

Amɔ̌ din ɔ́, azɔ̌ e è zɔ̌n Jezu ɔ́ hú gǎn yětɔn tawun, ɖó é wɛ nyí ɖɛ̌mɛnu nú akɔ e Mawu jɛ xá togun tɔn bɔ é nyɔ́ hú nukɔntɔn é; ɖó akɔjijɛ énɛ́ ɔ́ jínjɔ́n akpá e Mawu dó bɔ é nyɔ́ hú ɖě lɛ́ɛ bǐ lɛ́ɛ é jí.

Eblée 9:15

Énɛ́ ɔ́ wú wɛ Klísu nyí ɖɛ̌mɛnu nú akɔjijɛ yɔ̌yɔ́ ɔ́ bónú mɛ e Mawu ylɔ́ lɛ́ɛ ná sixú mɔ nyɔ̌ná mavɔ mavɔ e sín akpá é dó nú yě lɛ́ɛ yí. Yě ná mɔ nǔ e sín akpá Mawu dǒ nú yě ɔ́ yí, ɖó Klísu kú, bɔ kú tɔn hwlɛ́n gbɛtɔ́ lɛ́ɛ gán sín hwɛ e yě hu hwenu e yě ɖo akɔjijɛ nukɔntɔn ɔ́ glɔ́ lɛ́ɛ mɛ.

1 Jǎan 2:1

Vǐ ce lɛ́ɛ mi, un ɖo nǔ énɛ́ lɛ́ɛ wlán sɛ́ dó mi wɛ, bónú mi ma hu hwɛ ó. Ényí mɛɖé ka hu hwɛ ɔ́, mǐ ɖǒ ɖɛ̌mɛnu ɖokpó ɖo Tɔ́ ɔ́ gɔ́n; é wɛ nyí Jezu Klísu hwɛjijɔnɔ ɔ́.

Nǔɖexlɛ́mɛ 1:13

Nǔ gbɛtɔ́ ɖɔhun ɖé ɖo tɛ́ntin yětɔn; é dó awu gaga ɖé, bɔ awu ɔ́ ɖi ga káká wá afɔ tɔn lɛ́ɛ jí; é zé akɔ́ntablánú e è zé siká dó bló ná ɔ́ sin dó akɔ́ngónu.