1 Timɔtée 2:4 - MAWUXÓWÉMA

⁴ É wɛ jló ɖɔ gbɛtɔ́ lɛ́ɛ bǐ ní mɔ hwlɛngán, bó ná tunwun nǔgbó ɔ́ bǐ dégbédégbé.

1 Timɔtée 2:4 Iomraidhean Croise

Ezayíi 45:22

Mi mɛ e ɖo wɛ̌kɛ́ ɔ́ mɛ lɛ́ɛ bǐ ní wá gɔ̌n ce; énɛ́ ɔ́, un ná hwlɛ́n mi gán. Đó nyi wɛ nyí Mawu; é sɔ́ kpo mɛɖé ǎ.

Ezayíi 49:6

É ɖɔ nú mì ɖɔ: “Azɔ̌ e wa nú mì wɛ a ɖe, bó ɖo akɔta Jakɔ́bu tɔn lɛ́ɛ sɔ́ sí te wɛ, bó ɖo mɛ e kpo ɖo Izlayɛ́li lɛ́ɛ kplá wá wɛ ɔ́, azɔ̌ énɛ́ ɔ́ kɛ́ɖɛ́ kpé ǎ. Un lɛ́ sɔ́ we dó ɖó wěziza nú akɔta ɖě lɛ́ɛ, bónú hwlɛngán ce ná yi káká fí e gbɛ ɔ́ kponu ɖó é.”

Ezayíi 53:11

Mawu ɖɔ: “Mɛsɛntɔ́ ce ji ya tobutóbú énɛ́ lɛ́ɛ mɔ̌ ɔ́, é ná wá mɔ wěziza; nǔ ná nyɔ́ n'i káká. Mɛsɛntɔ́ ce ɔ́, hwɛjijɔnɔ nǔgbó ɔ́ ná sɔ́ mɛ gěgé dó húzú hwɛjijɔnɔ, ɖó é wɛ ɖíɖá hwɛgban yětɔn.

Ezayíi 55:1

Mawu ɖɔ: “Mi mɛ e kɔ xú lɛ́ɛ mi, sin ɖíe, mi bǐ ní wá! Mi na bo ma ɖó akwɛ́ ǎ hǔn, mi wá. Mi wá yí nǔɖuɖu; vɔ̌nu wɛ. Mi wá yí vɛ̌ɛn kpó nyibúnɔ́sin kpó. É byɔ́ ɖɔ mi na hɛn akwɛ́ ǎ, é ká byɔ́ ɖɔ mi ná sú axɔ́ ǎ.

Ezekiyɛ́li 18:23

Nǔ e ba wɛ un ɖe tawun ɔ́ wɛ nyí ɖɔ mɛdídá ní kú wɛ mi vɛdó a? Nǔ e ba nyɛ Aklúnɔ Mavɔmavɔ ɖe ɔ́ wɛ nyí ɖɔ mɛdídá ní húzú walɔ bó nɔ gbɛ.

Ezekiyɛ́li 18:32

Nyɛ Aklúnɔ Mavɔmavɔ ɔ́, un ba gbeɖé ɖɔ mɛɖé ní kú ǎ; hǔn mi bo vɔ́ jɔ bó nɔ gbɛ.”

Ezekiyɛ́li 33:11

Ɖɔ nú yě ɖɔ nyɛ Aklúnɔ Mavɔmavɔ ɔ́, un xwlé nyiɖée ɖɔ: Un ba gbeɖé kpɔ́n ɖɔ mɛ nyanya ní kú ǎ. Nǔ ɖokpó e ba wɛ un ɖe ɔ́ wɛ nyí ɖɔ é ní lɛ́ kɔ sín hwɛ tɔn lɛ́ɛ gúdo, bó nɔ gbɛ. Izlayɛ́li ví lɛ́ɛ mi, kɛnklɛ́n wɛ un dó nú mi, mi lɛ́ kɔ sín hwɛ mitɔn lɛ́ɛ gúdo. Étɛ́wú mi ɖésúnɔ ká ná jló bó ná kú?

Xabakúku 2:14

Mɛ e ná tunwun susu Mawu Mavɔmavɔ tɔn ɖo ayǐkúngban jí lɛ́ɛ ná sukpɔ́ sin e ɖo xu mɛ é ɖɔhun.

Matíe 28:19

Hǔn, mi yi bó kplɔ́n nǔ akɔta lɛ́ɛ bǐ, bónú yě ní húzú ahwanvú ce. Mi ylɔ́ Tɔ́ ɔ́, Vǐ ɔ́, kpódó Yɛsinsɛn ɔ́ kpó sín nyǐkɔ dó lɛ yɛhwesin nú yě.

Maki 16:15

É ka ɖɔ nú yě ɖɔ: “Mi gbɔn gbɛ ɔ́ bǐ mɛ, bo jlá Wɛn Ɖagbe Mawu tɔn ɔ́ gbɛtɔ́ lɛ́ɛ bǐ.

Luki 1:77

É ná sɔ́ togun tɔn sín hwɛ lɛ́ɛ kɛ ɛ, bó ná ɖe xlɛ́ ɛ ɖɔ émí hwlɛ́n ɛ gán.

Luki 14:23

Gǎn ɔ́ ka ɖɔ nú mɛsɛntɔ́ tɔn ɔ́ ɖɔ: ‘Lɛ̌ yi gbɔn gletoxo lɛ́ɛ mɛ, bó gbɔn aliswɛ́ɛ́n lɛ́ɛ jí, bó dɔn mɛ e a nǎ mɔ lɛ́ɛ wá dandan nú xwé ce ná gɔ́.’

Luki 24:47

bɔ, ɖo nyǐkɔ tɔn mɛ ɔ́, è nǎ jlá Wɛn Ɖagbe ɔ́ akɔta lɛ́ɛ bǐ, bɛ́ sín Jeluzalɛ́mu, bó ná ɖɔ nú gbɛtɔ́ lɛ́ɛ bǐ ɖɔ yě ní lɛ́ kɔ sín hwɛ yětɔn lɛ́ɛ gúdo, bónú Mawu ná sɔ́ hwɛ yětɔn lɛ́ɛ kɛ yě.

Jǎan 14:6

Jezu ka yí gbe n'i ɖɔ: “Nyɛ wɛ nyí ali ɔ́, bó nyí nǔgbó ɔ́, bó ka lɛ́ nyí gbɛ ɔ́. Mɛɖěbǔ sixú yi Tɔ́ ɔ́ gɔ́n nyɛ mɛ vo ǎ.

Jǎan 17:17

Blǒ bónú yě ní nyí towe gbɔn xó towe e nyí nǔgbó ɔ́ gbla mɛ.

Jǎan 6:37

Mɛ e Tɔ́ ɔ́ ná mì lɛ́ɛ bǐ ná wá gɔ̌n ce; mɛ e ka wá gɔ̌n ce ɔ́, un ná ɖe e tɔ́n ǎ.

Hlɔ̌manu 11:14

Afɔ nyɔ́ ɔ́, un sixú fɔ́n wǔhwinhwan dó jǐ nú mɛ e ɖo akɔta ce mɛ lɛ́ɛ; ényí un wa nǔ gbɔn mɔ̌ ɔ́, un sixú hwlɛ́n yě mɛ ɖěe gán.

1 Timɔtée 4:10

Nǔ énɛ́ wú wɛ mǐ ɖo azɔ̌ wa wɛ, bó ɖo gǎn dó wɛ, ɖó mǐ ɖo Mawu gbɛɖe e nyí Mɛhwlɛ́ngántɔ́ gbɛtɔ́ lɛ́ɛ bǐ tɔn ɔ́ ɖó nukún wɛ, ɖo tají ɔ́, Mawu gbɛɖe e nyí Mɛhwlɛ́ngántɔ́ gbɛtɔ́ e ɖi nǔ nú Klísu lɛ́ɛ tɔn ɔ́ ɖó nukún wɛ.

2 Timɔtée 2:25

É ɖó ná nɔ sɔ́ xomɛ fífá dó kplɔ́n nǔ mɛ e ma ɖo xó ɖokpó ɔ́ ɖɔ xá ɛ wɛ ǎ lɛ́ɛ; afɔ nyɔ́ ɔ́, Mawu ná bló bɔ yě ná lɛ́ kɔ sín hwɛ yětɔn lɛ́ɛ gúdo, bó ná mɔ nukúnnú jɛ nǔgbó ɔ́ wú.

2 Timɔtée 3:7

Nyɔ̌nu énɛ́ lɛ́ɛ nɔ ɖo nǔ kplɔ́n wɛ tɛgbɛ, yě ka nɔ sixú kpé nǔgbó ɔ́ wú bó nɔ tunwun ǎ.

Titu 1:1

Nyɛ Pɔ́lu, mɛsɛntɔ́ Mawu tɔn, mɛsɛ́dó Aklúnɔ Jezu Klísu tɔn wɛ wlán wěma élɔ́. Mawu zɔ́n mì ɖɔ ma ɖɔ xó nú mɛ e émí cyán lɛ́ɛ, bónú yě ní ɖi nǔ nú Aklúnɔ Jezu Klísu, lobo ka ɖe nǔgbó e ɖo sinsɛn mǐtɔn li jí ɔ́ xlɛ́ yě,

Titu 2:11

Đó Mawu ɖe fɛ́nú tɔn e jí hwlɛngán gbɛtɔ́ lɛ́ɛ bǐ tɔn jínjɔ́n ɔ́ xlɛ́.

Eblée 10:26

Đó ée mǐ mɔ nukúnnú jɛ nǔ e nyí nǔgbó ɔ́ wú ɔ́, nú mǐ lɛ́ jló bó kpo ɖo hwɛ hu wɛ hǔn, vɔ̌sísá ɖěbǔ sɔ́ tíin bó ná ɖe hwɛ sín kɔ nú mǐ ǎ.

Jaki 3:14

Lo ɔ́, ényí wǔhwinhwan baɖabaɖa kpó agbahwlɛ́nxámɛ sín ayixa kpó ɖo xomɛ nú mi hǔn, mi ma jlá ajɔ̌ nú miɖée ó; mi ma gbɛ́ nǔgbó ɖɔ, lobo ɖó nǔvú ó.

2 Piyɛ́ɛ 3:9

Aklúnɔ nɔ lín có bó nɔ ɖe akpá e é dó lɛ́ɛ, lě e mɛɖé lɛ́ɛ nɔ vɛdó ɔ́ ǎ. Lo ɔ́, é nɔ ɖó suúlu dó mi wú; ɖó é jló ɖɔ mɛ ɖěbǔ ní dɔn ǎ; é nyɔ́ wa ɔ́, é jló ɖɔ mɛ bǐ ní mɔ ali, bó lɛ́ kɔ sín nǔ nyanya wiwa gúdo.

2 Jǎan 1:1

Nyɛ Agunmɛxó ɔ́ wɛ ɖo wěma élɔ́ wlán sɛ́ dó Nyɔ̌nu e Mawu sɔ́ é wɛ; hwi kpódó vǐ towe lɛ́ɛ kpó wɛ un sɛ́ wěma ɔ́ dó . Wǎn yíyí nǔgbó nǔgbó wɛ un ɖó nú mi. É ka nyí nyɛ ɖokpónɔ wɛ yí wǎn nú mi ǎ; mɛ e tunwun nǔgbó ɔ́ lɛ́ɛ bǐ wɛ yí wǎn nú mi.

Nǔɖexlɛ́mɛ 14:6

Énɛ́ ɔ́ gúdo ɔ́, un mɔ wɛnsagun ɖěvo, bɔ é ɖo zinzɔn wɛ gbɔn jɔhɔn mɛ aga; é ɖó Wɛn Ɖagbe mavɔ mavɔ ɖé bó ná dó mɛ e ɖo ayǐkúngban jí lɛ́ɛ; é ná dó wɛn ɔ́ to bǐ, akɔta bǐ, gbe bǐ kpódó togun bǐ kpó.