1 Timɔtée 2:2 - MAWUXÓWÉMA

² Mi xo ɖɛ nú axɔ́sú lɛ́ɛ kpódó mɛ e sín alɔ mɛ acɛkpikpa ɖe lɛ́ɛ bǐ kpán, bónú mǐ ná sixú mɔ vivo kpódó fífá kpó, ɖo sísí titewungbe ɖó nú Mawu kpódó jijɔ ɖagbe zínzán kpó mɛ.

1 Timɔtée 2:2 Iomraidhean Croise

2 Samuwɛ́li 20:19

Toxo mǐtɔn ɖo toxo e vo bo ɖo gbejí ɖo Izlayɛ́li lɛ́ɛ é mɛ. Lo ɔ́, hwɛ jló ná gba toxo élɔ́ e ɖo toxo nukúnɖéjí lɛ́ɛ mɛ ɖo Izlayɛ́li é. Étɛ́wú a ka jló ná hɛn nǔ e nyí Mawu Mavɔmavɔ tɔn é gblé?”

Ɛsidlási 6:10

Énɛ́ ɔ́, yě ná sixú nɔ dó vɔ̌sánú wǎnɖagbenɔ zo nú Mawu e ɖó sɛ́xwé ɔ́, bó ná nɔ xo ɖɛ nú Dadá ɔ́ kpódó vǐ tɔn lɛ́ɛ kpó nú yě ná nɔ ganjí.

Nɛɛmíi 1:11

Mawu Mavɔmavɔ, kɛnklɛ́n ɖǒtó ɖɛ ce, bó ɖótó vo e sa nú we wɛ gbejínɔtɔ́ towe ɖě lɛ́ɛ lɔ ɖe é. Gbejínɔtɔ́ e nɔ ɖi xɛsi nú we kpó xomɛhunhun kpó lɛ́ɛ é. Blǒ bónú nǔ e ná bló wɛ un ɖe é, má mɔ nu tɔn bo bló bónú Dadá ɔ́ ná yí gbe nú nǔ e ná byɔ́ ɛ wɛ un ɖe ɔ́.” Hwe énɛ́ ɔ́ nu ɔ́, nyi wɛ nɔ hɛn sinnuká nú Dadá ɔ́.

Ɖɛhan 72:1

Salomɔ́ɔ sín han. Mawu ce, nǎ nǔnywɛ́ axɔ́sú ɔ́, bónú é ná nɔ́ ɖɔ hwɛ hwi ɖɔhun. Blǒ bónú axɔ́sú mǐtɔn ní nɔ́ ɖɔ hwɛ nú é nɔ́ sɔgbe hwi ɖɔhun.

Nǔnywɛ́xó 24:21

Vǐ ce, ɖǒ sísí nú Mawu Mavɔmavɔ kpó axɔ́sú kpó; ma dó gǔfɔ́ntɔ́ lɛ́ɛ sín gbɛ̌ ó.

Jelemíi 29:7

Mi ba lě e toxo e mɛ un sɔ́ ahwan dó wlí mi yi ɖó ɔ́ ná yi nukɔn gbɔn é; mi xo ɖɛ nú Mawu Mavɔmavɔ dó toxo ɔ́ tamɛ, ɖó nyɔ̌ná mitɔn ɖo nukɔn yiyi to ɔ́ tɔn sí.’

Luki 1:6

Yě mɛ we lɛ́ɛ bǐ wɛ nɔ wa jlǒ Mawu tɔn, bó nɔ́ nyi Aklúnɔ sɛ́n lɛ́ɛ, bɔ nǔ bǐ vɔ ɖ'é wú.

Luki 2:25

Nya ɖé ka ɖo Jeluzalɛ́mu hwenɛ́nu, bɔ è nɔ ylɔ́ ɛ ɖɔ Simɛ́nyɔ́ɔ. Nya énɛ́ ɔ́ nɔ́ xwedó Mawusɛ́n lɛ́ɛ, bó nɔ́ jɛ hun dó Mawu sín azɔ̌ lɛ́ɛ jí. É ká ɖo te kpɔ́n mɛ e ná wá hwlɛ́n Izlayɛ́li togun ɔ́ gán é, bɔ Yɛsinsɛn ɖo kpɔ́ xá ɛ.

Mɛsɛ́dó 10:22

Yě ka yí gbe n'i ɖɔ: “Sɔ́ja kanwekogán Kɔnɛ́yi wɛ sɛ́ mǐ dó; nya énɛ́ ɔ́, gbɛtɔ́ ɖagbe ɖé wɛ; é nɔ́ sí Mawu, bɔ Jwifu lɛ́ɛ bǐ nɔ́ ɖe kúnnu ɖagbe n'i. Wɛnsagun Mawu tɔn ɖé tɔ́n dó jǐ tɔn, bó ɖɔ n'i ɖɔ ní ylɔ́ we wá xwé tɔn gbe, bó ɖótó xó e a nǎ ɖɔ n'i é.”

Mɛsɛ́dó 24:16

Énɛ́ ɔ́ wú wɛ un nɔ dó gǎn, bónú ayi ce ma xo hun xá mì ɖo nǔ ɖěbǔ mɛ, ɖo Mawu kpódó gbɛtɔ́ lɛ́ɛ kpán nukɔn ó.

Hlɔ̌manu 12:18

Ényí mi kpé wú hǔn, mi tɛ́nkpɔ́n gbɔn alɔkpa bǐ mɛ lě e mi kpé wú gbɔn é, bó nɔ fífá mɛ xá gbɛtɔ́ lɛ́ɛ bǐ.

Filípunu 4:8

Nɔví ce lɛ́ɛ mi, bó ná dó fó xó ce ɔ́, un ɖo byɔ̌byɔ́ mi wɛ ɖɔ ayixa mitɔn ní nɔ nǔ e nyɔ́, bɔ susu jɛ xá lɛ́ɛ jí: nǔ e nyí nǔgbó ɔ́ bǐ, nǔ e è nǎ ɖó sísí ná é, nǔ e sɔgbe é, nǔ e mɛ́ é, nǔ e nɔ nyɔ́ mɛ nukún mɛ é kpódó nǔ e wlí yɛ̌yi ɔ́ kpán; ayixa mitɔn ní nɔ nǔ énɛ́ lɛ́ɛ jí.

1 Tɛsalonikinu 4:11

Mi dó gǎn, bónú fífá ní nɔ́ nɔ tɛ́ntin mitɔn; mi dó gǎn bó nɔ́ kpé nukún dó nǔ mi ɖésúnɔ tɔn lɛ́ɛ wú; mi dó gǎn bó nɔ́ wa azɔ̌ kpó alɔ mi ɖésúnɔ tɔn kpó lě e mǐ kó ɖɔ nú mi gbɔn é.

Eblée 12:14

Mi dó gǎn, bó nɔ fífá mɛ xá mɛ bǐ, bó zán gbɛ mímɛ́; ɖó, nú mɛɖé ma wa nǔ gbɔn mɔ̌ ǎ ɔ́, é ná sixú mɔ Aklúnɔ ǎ.