1 Timɔtée 2:11 - MAWUXÓWÉMA

¹¹ Nyɔ̌nu lɛ́ɛ ní nɔ nɔ xwíí, bó nɔ́ yí nǔ e kplɔ́n yě wɛ è ɖe ɔ́, bó nɔ́ hwíhwɛ́ yěɖée bǐ.

1 Timɔtée 2:11 Iomraidhean Croise

Bǐbɛ́mɛ 3:16

Énɛ́ ɔ́ gúdo ɔ́, Mawu Mavɔmavɔ ɖɔ nú nyɔ̌nu ɔ́ ɖɔ: “Un ná bló bɔ a mɔ xo ɔ́, a nǎ nɔ́ mɔ wǔvɛ́ ɖésú; a yi ajidonu ɔ́, a nǎ mɔ wǔvɛ́; asú towe ná nɔ́ jló we, éyɛ́ ká ná ɖu gǎn ɖo jǐ towe.”

Ɛsitɛ́ɛ 1:20

Hwenu e mɛ bǐ ná se gbeta mɛtɔn ɖaxó énɛ́ e mɛ ɖe tɔ́n ɔ́ gbɔn axɔ́súɖuto mɛtɔn bǐ mɛ ɔ́, nyɔ̌nu lɛ́ɛ bǐ ná nɔ se tónú nú asú yětɔn lɛ́ɛ: asú ɔ́ sixú nyí gbɛtɔ́ nukúnɖéjí; é ká sixú nyí gbɛtɔ́ kpaa.”

1 Kɔlɛ́ntinu 11:3

É ka ɖo mɔ̌ có, un jló ɖɔ mi ní mɔ nukúnnú jɛ nǔ élɔ́ wú: Klísu nyí gǎn nú súnnu bǐ; asisúnɔ nyí gǎn nú asi tɔn, bɔ Mawu ka nyí gǎn nú Klísu.

Kolósinu 3:18

Nyɔ̌nu lɛ́ɛ mi, mi ní hwíhwɛ́ miɖée ɖo asú mitɔn lɛ́ɛ glɔ́, lě e é jɛ xá ɖɔ è nǐ bló gbɔn ɖo bǔ e mi ɖe xá Aklúnɔ ɔ́ mɛ é.

1 Timɔtée 2:10

lo ɔ́, nǔ e yě ná nɔ dó ba acɔ́ ná ɔ́ wɛ nyí nǔ ɖagbe wiwa, lě e é jɛ xá ɖɔ nyɔ̌nu e nɔ sí Mawu lɛ́ɛ ní nɔ bló gbɔn é.

Titu 2:5

Yě ná nɔ kplɔ́n yě ɖɔ yě ní nɔ wa nǔ e sɔgbe é, lobo nyí mɛ mímɛ́; yě ní nɔ́ kpé nukún dó xwégbezɔ́ yětɔn lɛ́ɛ wú, bó ná nyí nyɔ̌nu ɖagbe e nɔ se tónú nú asú yětɔn lɛ́ɛ é; yě ní wa nǔ gbɔn mɔ̌, bónú mɛɖé ma ɖɔ xó nyanya ɖé dó Mawuxó ɔ́ wú ó.

1 Piyɛ́ɛ 3:1

Nyɔ̌nu lɛ́ɛ mi, mɔ̌ ɖokpó ɔ́, mi hwíhwɛ́ miɖée dó asú mitɔn lɛ́ɛ glɔ́, bónú mɛɖé ɖo yě mɛ, bó má ɖi nǔ nú Mawuxó ɔ́ ǎ ɔ́, mi ná dɔn ɛ gbɔn walɔ mitɔn lɛ́ɛ gbla mɛ, bɔ é ná ɖi nǔ. É byɔ́ ɖɔ mi ní ɖɔ xó ɖé ǎ;