1 Timɔtée 2:10 - MAWUXÓWÉMA

¹⁰ lo ɔ́, nǔ e yě ná nɔ dó ba acɔ́ ná ɔ́ wɛ nyí nǔ ɖagbe wiwa, lě e é jɛ xá ɖɔ nyɔ̌nu e nɔ sí Mawu lɛ́ɛ ní nɔ bló gbɔn é.

1 Timɔtée 2:10 Iomraidhean Croise

Nǔnywɛ́xó 31:25

Hlɔ̌nhlɔ́n kpódó susu kpó nyí acɔ́ɖónú tɔn; é flín sɔ e ja ɔ́, é nɔ́ ɖeji.

Nǔnywɛ́xó 31:31

Azɔ̌ e nyɔ̌nu mɔ̌hun nɔ́ wa ɔ́, è nǐ bó ná ɛ ajɔ tɔn; to ɔ́ bǐ ní kpa azɔ̌ tɔn.

Mɛsɛ́dó 9:36

Nyɔ̌nu ɖé ka ɖo ahwanvú Jezu tɔn lɛ́ɛ mɛ ɖo Jopée, bɔ è nɔ ylɔ́ ɛ ɖɔ Tabita; (nyǐkɔ énɛ́ sín tínmɛ wɛ nyí “Dɔ̌kási” ɖo Glɛ̌sigbe mɛ, bó nyí “Tɛ́” ɖo Fɔngbe mɛ.) Nyɔ̌nu ɖagbewatɔ́ ɖé wɛ, bó nɔ́ dó alɔ wamamɔnɔ lɛ́ɛ ɖésú.

Mɛsɛ́dó 9:39

Ée Piyɛ́ɛ se wɛn énɛ́ tlóló ɔ́, é sí te bó xwedó yě azɔn ɖokpó. Ée yě wá Jopée ɔ́, yě kplá ɛ yi xɔ ɔ́ mɛ, ɖo síngbó jí. Ée Piyɛ́ɛ byɔ́ xɔ ɔ́ mɛ ɔ́, asúkúsi lɛ́ɛ bǐ sɛkpɔ́ ɛ ɖasin ɖo nukún mɛ, bó xlɛ́ ɛ awu kpó avɔ kpán e Dɔ̌kási nɔ bló hwenu e é ɖo gbɛ é.

Efɛ́zinu 2:10

Đó nǔwiwa tɔn wɛ mǐ nyí; ɖo bǔ e mǐ ɖe xá Klísu Jezu é mɛ ɔ́, é bló mǐ, bónú mǐ ná zán gbɛ e gɔ́ nú nǔ ɖagbe wiwa é. Nǔ ɖagbe wiwa énɛ́ lɛ́ɛ wɛ é ɖésúnɔ kó sɔ́ ɖ'ayǐ nú mǐ, bónú mǐ ná bló.

1 Timɔtée 2:11

Nyɔ̌nu lɛ́ɛ ní nɔ nɔ xwíí, bó nɔ́ yí nǔ e kplɔ́n yě wɛ è ɖe ɔ́, bó nɔ́ hwíhwɛ́ yěɖée bǐ.

1 Timɔtée 2:9

Un lɛ́ jló ɖɔ nyɔ̌nu lɛ́ɛ ní nɔ́ sɔ́nǔ lě e é jɛ xá gbɔn é, ɖo yɛ̌yi mɛ, ɖo jlɛ̌ jí. Nǔ e nyɔ̌nu lɛ́ɛ ná dó ba acɔ́ ná ɔ́ wɛ nyí ɖa gɛ́dɛ́gɛ́dɛ́ blóbló ǎ; sikánúdídó, jɛ̌dídó abǐ avɔ xɔ akwɛ́ gbígbá ǎ;

Titu 2:14

É sɔ́ éɖée jó dó ta mǐtɔn mɛ, bó ná xɔ mǐ ɖo nǔ nyanya bǐ mɛ, bó ná sɔ́ mǐ dó bló togun mímɛ́ e nyí é ɖokpónɔ géé tɔn ɔ́ ná, bɔ mǐ ná nɔ́ ɖó kan dó nǔ ɖagbe wiwa wú.

Titu 3:8

Xó nǔgbó ɖokpó nɛ́. Un jló ɖɔ a nǐ tɛ ɖɛ̌ nǔ énɛ́ lɛ́ɛ jí ganjí, bónú mɛ e ɖi nǔ nú Mawu lɛ́ɛ ná tɛ́ dó ɖagbewiwa wú. Nǔ e nyí nǔ ɖagbe bó nyɔ́ nú gbɛtɔ́ lɛ́ɛ é nɛ́.

1 Piyɛ́ɛ 2:12

Mi zán gbɛ ɖagbe ɖo mɛ e ma ɖi nǔ nú Mawu ǎ lɛ́ɛ tɛ́ntin; énɛ́ ɔ́, nú yě na bo ɖo hwɛ dó mi wɛ ɖɔ mi nyí nǔnyanyawatɔ́ ɔ́, yě ná wá mɔ nǔ jɛ azɔ̌ ɖagbe e mi nɔ wa lɛ́ɛ wú dandan, bó ná kpa susu nú Mawu ɖo azǎn e gbe é ná ba yě kpɔ́n é.

2 Piyɛ́ɛ 3:11

Ée é nyí ɖɔ nǔ énɛ́ lɛ́ɛ bǐ ná vɔ gbɔn mɔ̌ ɔ́, mi mɔ nukúnnú jɛ ninɔmɛ e mi ɖó ná ɖó ɔ́ wú ganjí. Mi ɖó ná nɔ zán gbɛ mímɛ́, bó ná nɔ ɖó sísí nú Mawu,

Nǔɖexlɛ́mɛ 2:19

Un tunwun nǔ e wa wɛ a ɖe ɔ́ bǐ; un tunwun lě e a ɖo gbejí gbɔn é; un tunwun lě e a bǐ dó azɔ̌ wú gbɔn é, bó tunwun suúlu e a ɖǒ é. Un tunwun ɖɔ azɔ̌ e wa wɛ a ɖe din ɔ́ sukpɔ́ hú ée a wa ɖo bǐbɛ́mɛ é.