1 Timɔtée 2:1 - MAWUXÓWÉMA

¹ Nǔ nukɔntɔn e zɔ́n mi wɛ un ɖe ɔ́ wɛ nyí ɖɔ mi ní nɔ sa vo nú Mawu; mi nɔ xo ɖɛ; mi nɔ byɔ́ nǔ Mawu; mi nɔ dó kú n'i; mi ná nɔ bló nǔ énɛ́ lɛ́ɛ, ɖó gbɛtɔ́ lɛ́ɛ bǐ tamɛ.

1 Timɔtée 2:1 Iomraidhean Croise

Ɛsidlási 6:10

Énɛ́ ɔ́, yě ná sixú nɔ dó vɔ̌sánú wǎnɖagbenɔ zo nú Mawu e ɖó sɛ́xwé ɔ́, bó ná nɔ xo ɖɛ nú Dadá ɔ́ kpódó vǐ tɔn lɛ́ɛ kpó nú yě ná nɔ ganjí.

Ɖɛhan 72:19

Jɛlijɛli nú nyǐkɔ tɔn káká sɔ́yi. Susu tɔn ní gba kpé ayǐkúngban ɔ́ bǐ jí. Amǐ! Amǐ!

Jelemíi 29:7

Mi ba lě e toxo e mɛ un sɔ́ ahwan dó wlí mi yi ɖó ɔ́ ná yi nukɔn gbɔn é; mi xo ɖɛ nú Mawu Mavɔmavɔ dó toxo ɔ́ tamɛ, ɖó nyɔ̌ná mitɔn ɖo nukɔn yiyi to ɔ́ tɔn sí.’

Mɛsɛ́dó 17:30

Nǔ ma nywɛ́ sín gbɛ e gbɛtɔ́ lɛ́ɛ kó zán ɖo hwenu e yě ɖo manywɛ́ mɛ ɔ́, Mawu lɛ́n hwɛ tɔn dó kɔ nú yě ǎ; amɔ̌ din ɔ́, é wá ɖo byɔ̌byɔ́ gbɛtɔ́ lɛ́ɛ bǐ wɛ, ɖo fí ɖěbǔ e yě kó ɖe ɔ́, ɖɔ yě ní lɛ́ kɔ sín hwɛ yětɔn lɛ́ɛ gúdo.

Hlɔ̌manu 1:8

Cóbónú un ná ɖɔ xó e ná ɖɔ nú mi wɛ un ɖe é ɔ́, un ná tó dó kú nú Mawu ce gbɔn Jezu Klísu jí, dó mi bǐ sín tamɛ hwɛ̌, ɖó è ɖo nǔ e mi ɖi nú Klísu ɔ́ sín xó ɖɔ wɛ gbɔn gbɛ ɔ́ bǐ mɛ.

Hlɔ̌manu 6:17

Lo ɔ́, è ní kpa susu nú Mawu! Mi mɛ e ko nyí kannumɔ nú hwɛhuhu ɖ'ayǐ ɔ́, din ɔ́, mi se tónú kpódó ayixa mitɔn bǐ sésé kpo nú kpɔ́ndéwú e ɖo kplɔ́n e mi yí ɔ́ mɛ é.

1 Kɔlɛ́ntinu 15:3

Nǔ e è kplɔ́n mì ɔ́ wɛ un kplɔ́n mi, nǔkplɔ́nmɛ e ɖo tají hú ɖě lɛ́ɛ é; é wɛ nyí ɖɔ: Klísu kú ɖó hwɛ mǐtɔn lɛ́ɛ tamɛ lě e Mawuxówéma ɔ́ ko ɖɔ gbɔn é.

2 Kɔlɛ́ntinu 8:6

Énɛ́ ɔ́ wú wɛ mǐ sa vo nú Títu ɖɔ ní wá mi gɔ́n, bó ná dlɛ́n azɔ̌ ɔ́ d'é nu lě e é kó jɛ wú gbɔn ɖ'ayǐ é, bó ná dó dɔn mi nú mi ná wa wǎn-yíyízɔ́ énɛ́ yi fó.

Efɛ́zinu 3:13

Énɛ́ ɔ́ wútu ɔ́, un ɖo byɔ̌byɔ́ mi wɛ ɖɔ awakanmɛ ní ma kú mi dó wǔvɛ́ e mɔ wɛ un ɖe dó ta mitɔn mɛ é wú ó; ɖagbe mitɔn wú wɛ un ɖo wǔvɛ́ énɛ́ lɛ́ɛ mɔ wɛ.

Efɛ́zinu 5:20

Mi dó kú nú Mawu Tɔ́ ɔ́ ɖó nǔ bǐ tamɛ hwebǐnu ɖo Aklúnɔ mitɔn Jezu Klísu sín nyǐkɔ mɛ.

Efɛ́zinu 6:18

Mi ná nɔ xo ɖɛ tɛnmɛ tɛnmɛ, bó ná nɔ sa vo nú Mawu gbɔn Yɛsinsɛn jí hwebǐnu. Mi nɔ́ nɔ acéjí, bó nɔ́ ɖó kan d'é wú titewungbe, lobo nɔ xo ɖɛ nú mɛɖeɖóvo Mawu tɔn lɛ́ɛ bǐ.

Filípunu 1:3

Nú un flín mi hweɖěbǔnu ɔ́, un nɔ dó kú nú Mawu ɖó mi bǐ ta mɛ.

Filípunu 4:6

Ado ma hu mi dó nǔ ɖěbǔ wú ó; lo ɔ́, mi ɖo ninɔmɛ ɖěbǔ mɛ hǔn, mi ní nɔ sɔ́ kúdónúmɛ sín ayixa dó xo ɖɛ, bó byɔ́ nǔ e hudó mi lɛ́ɛ Mawu.

1 Tɛsalonikinu 3:12

Aklúnɔ ní bló bónú wǎn yíyí e mi ɖó nú miɖée, bó ɖó nú gbɛtɔ́ lɛ́ɛ bǐ ɔ́ ní nɔ ɖo jijɛ jí wɛ, bónú é ní cí wǎn yíyí e mǐdɛɛ lɛ́ɛ ɖó nú mi é ɖɔhun.

2 Tɛsalonikinu 1:3

Nɔví lɛ́ɛ mi, mǐ ɖó ná ɖo kú dó nú Mawu wɛ hwebǐnu ɖó ta mitɔn mɛ. É sɔgbe ɖɔ mǐ ní bló gbɔn mɔ̌, ɖó nǔɖiɖi e mi ɖó ɔ́ ɖo nukɔn yi wɛ ɖésú, bɔ wǎn yíyí e ɖokpó ɖokpó mitɔn ɖó nú mɛ ɖě lɛ́ɛ ɔ́ nɔ ɖo jijɛ jí wɛ.

1 Timɔtée 2:4

É wɛ jló ɖɔ gbɛtɔ́ lɛ́ɛ bǐ ní mɔ hwlɛngán, bó ná tunwun nǔgbó ɔ́ bǐ dégbédégbé.

1 Timɔtée 5:5

Asúkúsi nǔgbó nǔgbó e ma ɖó mɛɖé bɔ é ná kpé nukún dó wútu tɔn ǎ ɔ́ nɔ sɔ́ nukúnɖíɖó tɔn bǐ ɖó Mawu jí. É nɔ gɔn ɖɛ xo ǎ, é nɔ gɔn vo sa nú Mawu ǎ.

2 Timɔtée 2:24

Aklúnɔ sín mɛsɛntɔ́ ka ɖó ná ɖɔ jlɛ ǎ; é nyɔ́ wa ɔ́, mɛ bǐ wɛ é ɖó ná dɔn dó wǔ; é ɖó ná nyí mɛɖé bó ná sixú kplɔ́n nǔ mɛ; é ɖó ná nɔ kú hǔn.

Titu 2:11

Đó Mawu ɖe fɛ́nú tɔn e jí hwlɛngán gbɛtɔ́ lɛ́ɛ bǐ tɔn jínjɔ́n ɔ́ xlɛ́.

Titu 3:2

Yě ní ma nɔ ɖɔ xó nyanya dó mɛɖé wú ó; yě ní nyí mɛfífá, bó nyɔ́ xomɛ, bónú yě ní nɔ ɖe xomɛfífá xlɛ́ mɛ lɛ́ɛ bǐ hwebǐnu.

Eblée 6:11

Amɔ̌ mǐ jló ɖɔ ɖokpó ɖokpó mitɔn ní ɖe bǐbí dó nǔ wú énɛ́ xlɛ́ káká sɔ́yi vivɔnu, bónú nǔ e ɖó nukún wɛ mi ɖe ɔ́ ná jɛ.

Jaki 5:16

Hǔn, mi bo ɖɔ hwɛ e mi hu lɛ́ɛ nú miɖée, bó xo ɖɛ nú miɖée, bónú azɔn mitɔn ná gbɔ. Đɛ e hwɛjijɔnɔ nɔ xo ɔ́ nɔ ɖó hlɔ̌nhlɔ́n ɖésú.